سؤال لكل ولد وكل بنت؟؟؟

انا هقول رأيى بكل صراحة انا شايفة انه من الغلط ان البنت تكلم ولد على النت او غيره لان عاداتنا كشرقين ترفض ده رفض تام و اسمحيلى انا متعصبة شوية لعلداتنا كعرب انا شايفة ان الشات غلط او اى حاجة تانى احنا زى ما هو فى المنتدى احنا نساعد بعض فى زيادة معلوماتنا العامة شباب و بنات و ده طبعا فى حدود العادات و التقاليد و ده بصراحة اللى عجابنى فى المنتدى اننا نساعد بعض فى حدود الاحترام
اما بخصوص رقم التليفون فده يبقى اكبر غلطة ممكن تعملها البنت لانها مهما كان متعرفش الشاب ده و متعرفش عنه حاجه غير الكلام اللى بيقوله و دايما الكلام بيبقى متزوق
انا اسفة انى طولت عليكم شكر على الموضوع يا لى لى و دى جراة منك بس انا بشكر عليها تقبلى مرورى

العزيزه لى لى البنات على طول بتقول ان الولد هو اللى بيختار البنت او الولد هل يرتبط بالبنت اللى كلمته على النت ووثقت فيه وادته رقمها
اولا وهذا راى شخصى الولد مننا لما يجى يتجوز ميعرفش هيتجوز مين الا حتى لو كان بيحب بنت معينه ميعرفش هيتجوزها ولا لا الموضوع كله نصيب ومكتوب
ثانيا لازم علشان تدى رقمك لآى حد حتى لو كنتى بتحبيه لازم تتعرفى عليه تشوفيه وتشوفى تصرفاته وتوزنى الآمور وتحسبيها يعنى ربنا مديكى العقل ليه
فى سوال فى نطاق الموضوع
دلوقتى لو انا مرتبط ببنت هل من حقى انى ابوسها ( اسف ) او من حقى اكلمها باليل بالتليفون بالساعات او من حقى امسك ايدها اريد معرفة اراء الاصدقاء فى هذا الموضوع علشان الحب اللى احنا بنشوفه فى المترو ولا فى الحدائق العامه مينفعش

موضوعك جميل وكلنا بقينا نتعرض له كتير انا اولا قبل ما ابدا اى حولر ع النت بيبقى الشرط ان احنا نكون اصحاب بس لانى مش معترفة بحب النت ثانيا اما بيطلب رقم تليفونى طبعا مش باوافق لانك بتكلميه فى التليفون خلاص زى المرتبطة بيه وانا بارفض لانى هنا فى البيت محترماهم جدا واحنا متفقين انى ممكن اعد ع النت لكن من غير كام او مايك او ارقام تليفون تقبلى مرورى ورايى المتواضع

هو لو عليا انا عندة 100 خط بس الناس اللى بثق فيهم زى اصحابى وكدة هما اللى عارفين النمرة الخاصة بيا
وموضوع جميل
وكما قال الشاعر اللى انا نعرفوش
اقلب القدره على فومها تقع البنت منها
وياداخل بين البصله وقشرتها حط قطرة علشان هادمع من ريحتها
what اللى ميعرفش يقول
وبكره ترجع ريما من عند خلتها فى مارينا
ونام وارتاح وكل عسل نحل التمساح

ميرسى جدا على الموضوع الجميل ده اولا التعارف من على النت بين البنت والولد كتير جدا وانا اعرف بنات كتير بس بس زى اخواتى وعمرى ما بصيت لوحده على انها مش محترمه ولا حاجهمن دى لان عمرى مافى اخت هتكون مش محترمه مع والعكس اما التعرف والحب والزوج عادى جدا النت وسيله من وسائل التعارف ولا يقلل من شانها ابد

هاي اصدقائي انا سوكا عجبني السؤال فكرت اجاوب عليه اكيد لو صديئي ده بيستاهل الرقم انا حدهولو عشان هو حيكون صديقي الانتيم و بحب يبق الاتصال بنا على طول.اما بالنسبه للحبيب انا من النوع الي مش مؤمن بالحب عالنت... النت ككل بالنسبالي صديق مش حبيب وبالتالي مفيش حبيب عشان اديه الرقم.مرسي

ميرسى ليكى على الموضوع التحفة دة
ومن رايى انا اصلا مش بعترف بين تعارف النت لانى بحس انة وهم كبير الكل بيعيش فية
ولو انا اتكلمت مع حد على النت وطلب رقم تليفونى لو احنا اصدقاء عمرى ما هفكر اديله الرقم بتاعى
وهقولة بكل صراحة انا مش بدى رقمى الا لبنات بس

ولو الموضوع اتطور لحب بعد الشر انا هقولةاحسن تاخد عنوانى ولو جد يبقى تيجى تطلبنى من اهلى رسمى وبعدها اديك رقم تليفونى
هههههههههههههههههههههه