مراحل البنات(ارجو عدم محاولة قتلى من قبل البنات بعض قراءة الموضوع)

أولا: مرحلة الولاده


البنت في بطن امها بتعمل مشاكل كتيرة أوى أوىى ( رفس وضرب و شوط بالارجل ) وتقعد تتعفرت ( جاية من العفرتة ) ( جاية برضه من العفاريت ) وتعمل حركات بهلوانيه وكأنها فى مدينة ملاهى ؟؟!! وبعدين تولدها امها وهي تبكي وعلى فكرة صراخ البنت لما تنولد يسمعه اللي باخر الدنيا... لسانها طويل من يوم تنولد بعكس الولد اذا طلع من بطن امه يطلع باحترام وبلطافه ماشاء الله عليه ..



ثانيا مرحلة الرضاعة


البنت تتعب والدتها بشكل رهيب و الولد في المرحله دى طيب و حبوب و يقنع
بالقليل و البنت ما تقتنع ابدا ،،،



ثالثا مرحلة الحبو


البنت اذا وصلت مرحلة الحبو لازم تكلبشها او تربط رجلها بسلاسل لان البنت اذا حبت .. مش هاتلاقيها الا واقعة من على السلم ..أو غاطسه في البانيو أو شايفه لها صرصار ماشية وراه عايزة تلعب معاه ..... !!!!


رابعا مرحلة المشي


هذه من اخطر المراحل التى تمر بها البنات .... وانصحكم ما تخلوهاش تعرف مكان البقال او مكان محل الالعاب لان من هذه الاشياء تبدأ البنت تحب الاسواق والله يعينك اذا ما سمعت نصيحتي ....... انت جرب وخليها تروح معاك لمحل البقاله مره وبعد كده شوف ايه اللى هاتعمله اذا كانت عايزة تشتري حلاوة او لعبه ومارضيتش توديها <<<<<< صدقني هاتكره حياتك ..



خامسا مرحلة دخول المدرسة


المرحله دى خطيره جدا .... صحيح البنت بتروح للمدرسة تتعلم القراية والكتابه لكن فيه اشياء جانبيه بتتعلمها مع القرايه والكتابه حد منكم هايسألنى ( ايه هى الحاجات دى ) انا اقول لكم .....

البنت تروح للمدرسه وتتعرف على بنات تانيين وطبعا تبدأ تختلط بهن ... وبعدها تشوف صاحبتها جاية ومعاها شنطة مدرسية حلوة ومرسوم عليها وردة ... ((( ماليش دعوة يا بابا انا عايزة شنطة زى بتاعت صاحبتى .. اهئ اهئ اهئ ))) و تبدأ فى الازعاج والعياط لغاية ما تشتري لها زى صاحبتها اللى فى المدرسه يعني من هذه المرحله تبدا تقلد البنات اللى بتشوفها ..!!



سادسا مرحلة المراهقه


وهذي المرحلة تبدا >>> تفاهة البنات<<< .... مش عارف ليه.. البنت لما توصل لمرحلة المراهقة بتكون تافهة ومخها بيكون فى أصغر مراحل نموه ..أقولكم ازاى ؟؟؟ .. حاضر ..هاقول لكم ..



البنت حساسه جدا في جسمها وفي مشاعرها .... يعني لو اتخبطت فى بنت تانية ووقعت تلاقيها اتكسرت حتت حتت والحقونى ... انا عايزة وزارة الصحة .. تشوفنى ...... الأوفة ..بتوجعنى .... وايضا لو قلت لها كلمه اهانة ولو كانت بسيطه او حتى مش قصدك تجرحها يعني انت بتهزر معاها , ميكونش عندها اى تفاهم ......على طول تزعل ...


حتى لو بتهزر معاها في الماسينجر و تضحك على طول تزعل بدون سبب


أما

ويا سلام .. ويا سيدى لو بتمدحها .. ولا بتغازل فيها،،, البنت تصدق على طووووول


سابعا مرحلة العشرينات ( الشباب )



المرحله دي مرحله حلوه للبنت لانها في المرحله دي تبدأ تعدل من اوضاعها ووتصبح فى بداية مرحلة العقلاء ....... بس المشكله ايه ؟؟؟

ان في هذه المرحلة ..عارفين طبعا يكتر خطابها يعني مضطره انها تحضر وتروح فى كل عزومه او مناسبة والام تاخدها معها لاي مكان تروح علشان تقول عندي بنت ...... اللي عايز يخطب لابنه يشوف بنتى هههههههههههههههههههههه





البنت اذا انحرفت في المرحلة دى تنحرف بعنف والى الهاوية و اذا التزمت التزمت بشده ..... وايضا في هذه المرحلة تظهر مواهب وعبقرية البنت ...... اللي تبدأ فى شغل الخياطة أو تكون فنانة في كسر .. أقصد فى غســــل الصحون او محترفة في كنس البيت ..أو متخصصة فى الغسيل وكوى الملابس ... يعني مواهب حلوه ......



ثامنا مرحلة الزواج




وهذي المرحله هي بداية تعاسة وشقـــاء الرجل .. لا تأتى المصايب للرجال الا من هذه المرحلة ,،،،،،،،, يدخل البيت تستقبله الست حرمه بريحة بصل او ثوم او ايديها فيها صابون طالعه من المطبخ وتستقبله وهي بتزعق وتنادى عليه { تعالى هنا يا منيل .. اتأخرت ليه } ..وتديله الورقه اللي مكتوب فيها ( بصل ..... خيار ... ثوم .... جبن .... شامبو ضد القمل )<<<< على فكره هذا كله تمهيد وبعده تكتب ( مجلة سيدتي ... خاتم ذهب ... شنطة جلد سحلية .... فستان سواريه ... تغيير اثاث الغرفه ..... اثاث جديد للصالة .... واوعى تنسى تفوت على البنك تسحب خمسة الاف جنيه علشان عايزة اشترى شوية حاجات ..... واخدين بالكوا من كلمة شويه دى .. <<<<<<


تاسعا مرحلة الامومه


في هذي المرحلة تبدا المشاكل الكبيره بين الست وجوزها ..... يعني الرجال اللي عندهم عيال كثير المفروض نقف لهم وقفة احترام وتقدير لانهم صابرين على زوجاتهم ... في المرحلة دى تلاقي الرجال يحاولون الهرب من البيت كثيرا لكن هايروحوا فين ... مكان ما هايروح الراجل هايلاقيها لزقة وراه و تطلع له من تحت الارض ..... اذا جلس الاب في البيت تلاقي وشــــــــــــه أحمـــــــــــر .. طبعا من الغيظ والقرف ... لاحظو ابائكم اذا كانوا قاعدين فى البيت كيف تكون نفسيتهم اكيد زفت .... مثلا الاب يجلس مع الست بتاعته ويجيله ابنه الصغير يلعب بالكوره عنده ويشوطها بجبهته وتقع صينيه الشاى .. ويتكب على هدوم الراجل ..وطبعا الراجل يتعصب على الولد الصغير والام تقول .. (يا خويا لسه صغير .. خليه يلعب ) ... احر ماعنده ابرد ماعندها .......واذا كان عايز يتكلم معاها شوية يلاقيها متعلقه بسماعة التلفون ومعها كيس سودانى وتملا الصالة قشر واذا خلصت يحاول الرجل يكلمها ترد عليه وتقول له بكنس الصاله <<<




وعلى فكرة انا حذفت الكثير من الحاجات اللى بتعملها البنات والستات


علشان محدش يقول عليا ان انا جاى عليهم ولا حاجة








لنا العـــــون ...نحــن الرجال

ههههههههههههههههههههههههههههههههههههههههههههههه
يخرب بيتك
دا انتا هتاقل قتل لم تشبع
ميرسى يا برنس والله
ههههههههههههههههههههههههههههههههههههه

اهلا اهلا محمود منور وموضوعك هينور زيك

بتقول البنات مالهم محمود على اساس ان الولد ملاك

محمود لعلمك الخاص البنت احن بكتير واهدا من الولد


دا كل المصايب بتحصل من الولد فى جميع المراحل


البيت اللى فية ولد تحس ان فية غول قرد مش تعرف اية بالظبط


ولا المصايب اللى بتحصل فى مرحلة المراهقة الواد بيشرب سجاير

الواد فى الحبس ضرب صاحبة الواد الواد الله يخربيت اليوم اللى شوفنا فية الولد

والاب المسكين مش ملاحق كل يوم فى قسم شكل يضمن المجرم قصدى الولد

الامور الهادى المطيع

بعد الجواز تلاقى الاجرام باين فى نظرتة وهو داخل وخارج انتى يا هانم

الاكل جهز ولا لاء دا غير النكد اليومى ودا شئ اساسى

ولو طلبت منة حاجة منين انتى شايفة معايا


شوفت يا محمود قد اية الولد برئ ولطيف فى كل مراحل حياتة

وطبعا انا هثبت ليك الموضوع تشجيع منى على رايك

هههههههههههههههههههههههههههههههههههههههههههههههههههه والله انا مش قصدى ازعلك ياقطة

ههههههههههههههههههههههههه

انتى ناقص تعيطى ياقطه

يبقى الولد بيعمل كله ده والبنت بريئه مش بتعمل حاجه خالص صح ياقطه

امال ايه تفاحت سيدنا ادم اللى دخلتو النار مش بسبب حوااء

وسيدنا هابيل قتل سيدنا قبيل علشان مين
مش علشان حواء ياستى قطه

انتو كده على طول عاوزين نفسكم ابرياء

هههههههههههههههههههههههههههههه انتا الي جبتة لنفسك بقي داحنا عندنا شوية بنات يابني لية كدة كنت صغير والله ههههههههههههههه بنات علية

هههههههههههههههههه

يعم احنا قدها وقدود

ولا انتا خايف

اية يا عم مش كدة احنا مش بنتهدد بس احنا كما ن مش بنحب حد يزعل مننا وانا بشكرك على مرورك يا امير ويارب الموضوع يعجبك

ايه يا محمود اللي يسمع كده يقول انو الأولاد من يوم ما يتولدوا يا حرام ملاك

ده الأولاد هما اللي بتيجي منهم المصايب زي ما قالت قطة

انا في حياتي كلها ما شفت ولد هادي وعاقل

دول من اول ما يتولدوا بكونوا عفاريت ومش بيعرفوا يعقدوا خالص

اما البنت لما تبص ليها تلاقيها هادية وأمورة وفي حالها ومش غلباوية أوي

وبعد اللي قلتوا ده مش عايزنا نقتلك دا احنا هنقطعك ومعاك المجروح عشان تبقى تتكلم علينا مرة تانية

ههههههههههههههههههههههه

ليه هتقتلينى
انا عملتلكم حاجه

دا انا غلابان

عمومآ فى نيابه وحكومه

هههههههههههههههههههههههه

على العموم ربنا على الظالم والمفترى وبعدين احنا مش بنتهدد


ويا ريت تراجعى نفسك فى اللى انتى قولتية لان انا بصراحة مش شايف بنت هادية زى مانتى بتقولى اللة يرحم ايام يا سى السيد

السلام عليكم
محمود بجد حرام عليك بقي احنا بردة بنعمل حركات بهلونية والمفروض نتكلبش طب ماتشوف الولاد وهما بيلعبوا كورة ويكسروا كل عظمهم

انا من راي الولاد والبنات ليهم عيوب وليهم مميزات وبعدين هو يعني المجتمع هيعيش من غير البنات
انتوا عملتوها حرب كدة لية هي اية المشكلة البنات نص المجتمع والولاد النص التاني وماينفعش الكلام دة خالص

بس يابابا منك ليه كل واحد بقي يتكلم علي قده انت بتكلم علي البنت البنت دي مين مش مامتك واختك وبنت خالتك وي وي وي وي

ولا البنت دي جيالك من عالم تاني دي اللي تعبت فيك وولدتك وخليتك شحط وقاعد تكتب علي كيبوبرد وياريت كل واحد يحط لسانه جوه بوقه بقي اه نسيت ودي اللي هاتكمل معها نص دينك ودي اللي هاتشيل همومك ودي اللي هاتخدك في حطنها يوم مالدنيا تديق بيك ودي اللي هاتكون ام لاطفالك وشكرا يااخ انت وهو

مشكوره على المرور يا خاله نوسه

وهيا البنت دى جت الدنيا بالمراسله ولا من صلب راجل يعنى

موضوع تكمل بيها نص دينك دى بقا ربنا يكرم ياختى مش باينلنا جواز فى الزمن اللى زى الفل ده

ياختى يحضنها قطر ان شاء الله ويكون قطر قشاش

تقبلى مرورى

لو هي يحضنها قطر يبقي هو يحضنه ديزل هع هع هع

يا بنتى لية كدة بس انا مش بوجة الكلام لحد معين وبعدين فى مثل بيقول اتقى شر الحليم ازا غضب


وشكرا لمرورك يا عسولة

يا محمود انت اتكلمت عن البنات بتحامل جامد قوى وبدات من الجنين ولكن اذا انت اخدت الموضوع واحدة واحدة حتعرف انك عكست الكلام تماما فالحمل فى الولد اصعب من البنت وولادة الولد اصعب وكمان مرحلة الرضاعة دائما البنت تكون هادئة وحنونه وتحب الانضمام لصدر امها وترضع وتتم الرضاعة لسن سنة ونصف او سنتين ولكن الولد نادر ما يكمل فترة الرضاعة ويكون متعب جدا وعلى فكرة كلامى ده بناء على كلام الدكاترة وابحاث كثيرة وبالفعل مش الكل زى بعضه سواء بنات او اولاد ، ولكن البنات فى المجمل احن واطيب واهدى واعقل كثير من الولد ولو تابعت الاوائل فى المدارس دائما يمونوا من البنات وافتكر السنة اللى فاتت او اللى قبلها كان العشرة الاوائل من البنات دليل على التفوق فى الدراسة وغير كمان ان الولد صعب اقناعه ورغبته فى تجربة الجديد زى شرب السجائر ( ده لو ربنا ستر ووصلت لمرحلة السجائر فقط ) وكذلك لعب الكورة فى النادى او الشارع حتى منتصف الليل وده كمان غير البلاى ستيشن اللى مجنن الاولاد ولكن عمرك شفت بنات بتشرب سجائر زى الاولاد
لا يا محمود انت لم تكن عادل بحكمك
ولولا انك كاتب فى العنوان ارجو عدم محاولة قتلى ،كنت قولت لك انا كمان حساعد فى قتلك

ههههههههههههههههههههههههههههههههههههه ميرسى ضى على ردك الجميل دة وانا محترم رائيك

بس انا بجد مجربتش الولادة لما اجرب هبقى اقولك



وشكرا على مرورك يا ضى القمر

مشكوررررررررررررررررررررررررررر يا عمدة على وقوفك جنبى فى غيابى


وبعدين يا عمدة انتا عارف احنا قلبنا جامد لما احنا مش بنخاف من الرجالة هنخاف من البنات هههههههههههههههههههههههههههههههههههههههههه ادى اللى ناقص


مشكورررررررر يا عمدة يا صاحبى

مش حتراجع بكلامي يا برنس ، وأكيد في بنات كتيييييييير هاديين بس انت اللي مش عايز تشوف ده

ليه الحقد ده على البنات ، هما عملولك ايه ؟؟؟؟؟

ولعلمك في بنات أجدع من 100 راجل ، وهي مش قصة راجل وبنت المهم انو كل واحد بيتعامل ازاي

انا بقول انت اللي تراجع نفسك وبطل حقد بقى

على العموم انتا بتتكالم صح يا محمود بس البنات دى حاجه منقدرش نستاغنا عنها وانتا عارف الى فيها ولاايهه و وانا مش عايزك تاخد على خاطرك يا مو محمود

هتسبنى بجد ردا على كلام حضرتك وان نسبة البنات اللى بتشرب سجائر ومخدرات عددهم كبير ومش صغير واكيد ان نسبتهم مهما كانت اقل من نسبة الاولاد وعموما لو كان فى نسبة فيبقى تقصير من الاب اللى مش عارف يتابع بنته كويس ويعرف تصرفاتها ويراقبها وطبعا هتسبنى حتقول هو دور الام لان الوالد مشغول بلقمة العيش وردى على حضرتك ان دى سلبية من الاب لان لازم يكون له دور فى متابعة اولاده سواء كانوا اولاد او بنات والا سيكون كبنك متحرك فقط ، انا متاكده ان فى سنه من السنوات كان كل الاوائل بنات بس مش فاكرة اى سنة للأسف ، وكمان هتسبنى بجد فى حاجة مهمة ان البنت ربنا يعطيها قوة تحمل تفوق الرجل بدليل انها بتسهر الليالى على راحة ابنائها ومراعاتهم عند المرض وممكن تواصل ليلتين واكثر بدون نوم ،الفتاة عليها حمل كبير سواء كانت ام او زوجة ولكن الشاب ولا اقول ان حمله صغير ولكن لكلا منهما دورة فى المسئولية وتحمل الحياة بحلوها ومرها
اما بالنسبه لموضوع ان البنت اعقل من الولد فا ده انا مختلف فيه معاكى لان الولد بحكم طبيعته وجنسه
بيمر بحاجات البنت صعب انها تمر بيها سواء مواقف او تجارب او صعوبات
وكل دا بيزيده حكمه
اما البنت فا بحكم مجتمعنا انها لا تاخذ حجم حريه مثل الولد
فلن يكون حجم مواقفها وتجاربها مثل حجم الولد
هل معنى كلامك ان كل الاولاد اذكياء وعندهم خبرة وحكمة بحكم طبيعتهم والمواقف التى يتعرضوا لها ، هتسبنى بجد ان مش حقول ان البنات اعقل واذكى فى تصرفاتهم ولكن كنسبة وتناسب حتلاقى ان فى شباب كثير هايف وعقله صغير ومش بيعرف يتصرف فى ولا موقف مهما كانت بساطته ومش كل الشباب طبعا
وعموما سواء فى البنات او الاولاد موجود الحلو والوحش
اسفة للاطالة ومشكورين شباب ع المناقشة