هل المراة المطلقه تعتبر ........؟

اولا ياميدو في بنات كتير قوي بتطلق لعدم الاستقرار او تغير الزوج او مش بتكون شايفه نفسها في بيتها ومع زوجها ومش لاقيه الحنيه او مشاكل مع الزوج او اهل الزوج وفي حالات كتيره بتكون الزوجه مظلومه يعني الوحده مش بتقول يارب اتعسني ولا اخرب بيتي لاء بيكون غاظ بعنها انت عارف مشاكل الحياه وفي وحده بتكون مستهلش الزوج فهو بيطلقها في تلك الحلتين بتكون مطلقه والمطلقه في نظريه المجتمع ده وحده مخطئه او مزنبه او مرتكبه جريمه مع ان ده نصيبها وده مسيرها كده وفي الاخر ممكن تتزوج ياواحد كبير في السن يازوج عاق يازوجه تانيه او تلاته وهكذا
وده عيبنا كلنا يعني لو وشاب حب وحده مطلقه انتي يابنت بتقولي ايه لاء انا اخوي مايتجوز وحده مطلقه والاخ بيقول نفس الكلام هو والوالد والولده يعني عيبنا احنا وفي النهايه المطلقه هي المظلومه لاعمر البنت بتفكر انها ممكن تكون مكانها او الاخ ممكن تكون اخته مكانها وهكذاوهو ده تفكرنا وده مجتمعناا
ميرسي ليك ياميدو علي موضوعك الجميل

مشكورة على المرور والتفاعل يا عسوله
اجمل مافى ردك انه واقعى وليس مثالى

مستنين بقيه الارااء

تقبلى مرورى وتحياتى

مجتمعنا بينظر إلى المطلقة على أنها امرأة منبوذة، ولا يمكن الوثوق بها، مهما كانت ظروف طلاقها. والبعض ينظر إليها نظرة شك دائمة تسبب لها نوعاً من المعاناة النفسيةومش بينظرو فى حقيقة الامور

يعنى المطلقة دى مش يمكن مقدرتش ترتاح فى حياتها لية دايما نرمى الذنب على البنت انها السبب

فى كل حاجة وبعدين زى ما عسولة قالت مفيش واحدة نحب نخرب بيتها بنفسها المشكلة فينا احنا

فى حاجات وعادات كبرنا عليها ومفاهيم غلط اولا ممكن تكون المطلقة دى اختك امك اى حد من قرايبك

فى حاجات مش بتنكشف فى الزوج والزوجة الا بعد الجواز وتبقى استحالة الحياة تكمل

لو كل واحد عدل من نفسة قبل ما يعدل غيرة هنعرف نفرق ونقدر نحكم على الامور

والطلاق اوقات بيقى حل لناس بس المشكلة دايما على البنت هى السبب فى كل حاجة هى اللى

مقدرتش تحافظ على بيتها

يا ميدو المشكلة فينا احنا جوانا
مشكور ميدو واحب انهى بسؤال للكل


هل توافق ان ترتبط بمطلقة ؟؟؟

مشكورة يا قطه على المرور والتفاعل

وايه بمنع انى اتجوز مطلقه هيا مش انسانه ولا عشان اتطلقت يبقى خلاص راحت عليها
دى رايى الشخصى والاراء هتختلف حسب التاثير الواقع على كل شخص
لاننا عارفين ان مجتمعنا الجميل فيه شويه حاجات لذيذه اوى
يعنى البنت اللى لسه متجوزتش اهلها لايمكن يوافقو على زواجها من مطلق يقولو لازم يتجوزك واحد لسه متجوزش
ونفس الكلام على الشباب الام والاب والاخوات يقولو انتا اول جوازه ليكى يبقى لازم تتجوز واحده متجوزتش
عموما المطلقه دى بنسبه 60% بيبقى سبب طلاقها من الراجل مش بسببها هيا
لكن اللى عايز اقوله ان زى ما البنت بتتعب فى المجتمع بسبب نظره الناس ليها على انها مطلقه والاحساس اللى بيوصلها انها منبوذه

الراجل برده بيتعب اينعم الضرر الواقع عليه ميمثلش عشر الضرر الواقع على البنت لكن برده الضرر واقع عليه
لان مش كل بنت هتوافق على الزواج منه لانه سبق ليه الزواج
ودى حاجه بتخوف بغض النظر عن اسباب الطلاق بيبقى فى قلق من الطلاق وبيبدا الشيطان يلعب فى عقولنا كلناا
هيا اتطلقت ليه وعشان ايه ويمكن كذا وكذا ويمكن الاسباب اللى قالت عليها مش صحيحه
كل دى اسئله المخ بيقعد يودى ويجيب فيها

لكن فى النهايه كل شىء نصيب والمهم فى الموضوع شخصيه الانسان او الانسانه اللى خرجت من علاقه فاشله
ومن ضمن اكبر الحاجات اللى بتخلى وضعها سىء لو معاها اولاد ساعتها بيبقى فى خمسين خط تحت كلمه مطلقه


سيتم فتح باب اكبر للنقاش لكن بعد استطلاع باقى الاراء حتى نخرج من الموضوع باكبر فائدة
تقبلى مرورى وتحياتى

دنيا الاحزان
احنا بمجتمع شرقى لية تقليد وعادات قديمة بس لاسف مهما بنتقدم بعلم لسه المجتمع بيفكر بعدات والتقليد موضوع امراته تانية دية ليه نقول انها امراة تانيه اصلان مش معنا الرجل لم يتزوج مرة ومبيحصلش توافق بيطلق ويتزوج تانى واهو ملق بردك ليه منطبقش المبدا على المراة بس لاسف المراة المطلقة يبقى ليه نظرة تانية انها اتزوجت قبل كدة بس ليه نفكر بطريقة دية ونظلمها انا من نظرى انها المراة زى الرجل بحقوق وممكن هى كمان متتوفقش فى علاقة الزواج الاول يبقى مكتوب عليه تعيش معه علشان مش تبقى مطلقة بتمنى ندى المراة حقها زى الرجل ونلغى الفكرة دية بس لاسف احنا بمجتمع شرقى مرتبط بعدات والتقليد

شكرا علي الموضوع لانة حلو
انا من راي ان المفروض النظرة للمطلقة او المطلق تكون علي اساس الاسباب الحقيقة للطلاق
يعني مثلا البنت والولد ممكن بعد الجواز يكتشفوا انهم مش قادرين يكملوا وساعات مش بيكون العيب في واحد فيهم بس علشان اكتشفوا انهم اخطاوا وانهم مش زي بعض
وفي الحالة دية الاتنين مافيهوش اي مشكلة من راي دا مسالة نصيب
وساعات بقي بيكون الولد طلع بيضرب مثلا زوجتة ودا حاجة كترت وهي قررت تتطلق انا من راي الحالة دية ماعليهاش اي ذنب الراجل هو اللي فية مشكلة
وبردة في حالات البنت بيتضح انها مش كويسة اما اخلاقيا او في المعاملة الحياتية وفي الحالة دية ايوة طبعا تبقي درجة تانية بس علي اساس تصرفاتها السيئة مش انها اتطلقت تبقي وحشة

وهتسيبني ايوة الولد بيتاثر بس البنت اكتر لان اللي انا قولتة دا رغم صحتة فيمثل راي 15% من المجتمع الشرقي وبردة الغربي بس نسبتة اكبر شوية
المشكلة في مجتمعنا اننا بتوع كلام ساعات الجد كلة يجري
يعني تقعد البنت مع عائلتها وتقولهم لو جالي واحد كويس بس طلق قبل كدة بس اكيد المشكلة مش منه توافقوا عالطول يقولوا اكيد
ولو جية يقولوا مستحيل هو انت معيوبة ودا بيحصل مش هضحك عليك الولد كدة بيتظلم

وفي نفس الوقت الولد لو قعد مع عائلتة يقولوهم عايز اتجوز واحدة مطلقة الاغلبية وبقول الاغلبية لان في اقلية مش كدة هيقولوا لادية اكيد معيوبة اومال اتطلقت لية وانت تحاول تفهمهم بس بردة لان الموضوع بخصوص ابنهم
بس طبعا برة واية يعني هي ذنبها اية وطالما محترمةمافيش مشكلة ودا هو نفاق مجتمعنا ان كل واحد يقول راية طالما الموضوع مايخصهوش

ومعلش لو طولت عليكم بس الموضوع يستحق الكلام
وشكرا هتسيبني

اعتقد يا شباب ان نظرة الشباب والمجتمع نوعا ما اتغيرت للمرأة المطلقة مش زى الاول واصبح نوعا ما فى نوع من التفهم لمفهوم المطلقة واكيد مفيش واحدة حتختار لنفسها هذا اللقب الا بعد معاناة اتعرضت لها . المشكلة الاكبر لو ان هذه المطلقة معاها اطفال وللأسف بيكون فى اكثر من روح ليس لها ذنب (الام المطلقة وممكن تكون صغيرة فى السن ) والاطفال وهم ابرياء ليس لهم ذنب يكونوا يتامى فى وجود اب عايش وكيف ستكمل الحياة بهم
كل شىء قسمة ونصيب والمفروض ان الطلاق تم ذكره بالقران الكريم ونتفهم هذه الحقيقة بنظرة اوسع شوية
مشكور هتسبنى بجد على الموضوع الجميل ده

مشكورة يا ضى على المرور والتفاعل مع الموضوع

جميل اوى ردودكم

وكل واحد يدخل يقولى رايى الشخصى لو اتقدم مطلق او مطلقة للزواج منك هيكون ايه رايك ومش عايز اراء مثاليه انا عايز كل واحد يكون صريح اوى
تقبلو مرورى ووافر تحياتى

انا عارفة اني رديت قبل كدة عليك بس هرد علي سؤالك
لو ارتاحتلة ولاقيت ان السبب مش حاجة تعيبة لية لا عن نفسي
بس علي العائلة بقي لازم هقعد اقنع فيهم

شكرا هتسيبني

مشكورة على المرور
كل عضو ليه الحق انه يرد زى ما هوه عايز لو هدخل الاقيكى راده خمسين مره هكون سعيد بده

اللى يدخل بعدى يجاوب على الاسئله كلها وكمان السؤال ده

تفتكرو ليه الاهل بيخافو من موضوع المطلق والمطلقه ده
وعايز حلول لاقناع الاهالى

تقبلو مرورى وواافر تحياتى وشكرى على اهتمامكم

انا تاني
السؤال بتاع الاهل
اعتقد ان السبب الاساسي خوفهم من ان الموضوع يتكرر في بنتهم وانا طبعا هتكلم من صيغة البنت وبردة بيكون خوف عليها من نظرة الناس لان المجتمع احيان كتير بينظر للي تتجوز مطلق انها معيوبة وبيتقال اكيد مرضيش بيها حد تاني ودا من راي غباء في المجتمع

اما عن الشق التاني للسؤال كيفية اقناعهم
والله انا شايفة اننا نقولهم ان ربنا محلل ددة وازاي احنا اللي مجرد بشر نحرمة وربنا بيدي فرص تانية والرسول علية الصلاة والسلام بردة لذلك نحاول نقتدي بالرسول وبالله عز وجل وبلاش نحاسب البشر عن حاجة برة اردتهم لاني معتقدش اني اللي بيطلق دة بيكون قاصد يخرب بيته يعني

والف شكر هتسيبني

مشكورين على المرور والتفاعل

تفتكرو ايه الفرق بين دلوقتى وبين زمان
بمعنى ان زمان مكنش الطلاق كتير زى دلوقتى

تقبلو مرورى ووافر تقديرى وشكرى

للاسف المجتمع العربى اصبح ينظر للمطلقة على انها منبوذة من الجميع
وطبعا كلنا عارفين كلام الناس فى المطلقة
ويسلام لو خرجت المطلقة من بيتها
الف سؤال وسؤال يدور فى عقل الناس
وطبعا المشكلة الكبيرة ان الغلط ديما ملازم المطلقة
حتى لو اسباب الطلاق موش منها
وطبعا كلنا عارفين ان مفيش واحده تحب تخرب بيتها او تتطلق الا اذا كانت موش مرتاحة
الناس مبتقدرش دة
ومبتصدقش ان اسباب الطلاق ممكن تكون من الرجل
حتى لو عرفت انه السبب
اللوم ديما بيكون على المراه
مشكلة المطلقة انها سواء كانت ليها ذنب او ملهاش
هتفضل منبوذة من نظر المجتمع
وشكرا على موضوعك الجميل
وتقبل مرورى

مشكورين جميعا على المرور والمشاركه

مشكور ياعمده

بس دى وجهه نظر اسمحلى
وانا بقول ان البخت الاول مفيش احسن منه