ماهو شعورك لو اهلك هم سبب ضياعك

انت صح جزاك الله كل خيررر

كلامك حلو بس مش كلة حلو لان عمر الاهل ما حيضيعو ابنهم الا فى حالة واحدة وهوة حالة ان الاهل اصلا ضايعين انما تعالى نبص للحقيقة يا حج ميدو حتلاقى بتاع فنون جميلة دة او كلية تانية حيشتغل اية لكن اللى فى الطب بيشتغل دكتور بخلاف كلمة دكتور الشغلانة كويسة و حتاكلة عيش حتى لو الاهل بيغصبو علينا لانهم داريين بالدنيا اكتر وعايزنا احلى منهم بكتير والا الاهل دول ماكنوش خلفونا اساسا يبقى عمر الا هل ما يضيعو حد واللى بيطلع من المدرسة علشان يشتغل دة لان اهلة مش قادرين يصرفو علية يبقى مش يدخلوة و السلام وشكرا يا حجيجة

بسم الله الرحمن الرحيم

اولا ليا تعليق على الاخوة الاعضاء احنا لما بنكتب موضوع بنبقى عايزين مشاركة غير يسلمووو

ومشكور عايزين رايكم الشخصى وشكرا ليكم

اما بالنسبة لموضوعك ميدو فهو موضوع بيحصل مع الكل اولا اهلنا على عينا وراسنا بس فى اسلوبين

فى التربية فاشلين جداا هو الدلع الزائد والخوف الزائد اعتقد ان الاسلوبين بيوصلو لنفس النتيجة

لو اعطينا الطفل وهو صغير حرية الاختيار فى كل امورة يعنى مثلا لما نيجى نشترى لبس نديلة الحرية

فى اختيار لبسة مش نفرض علية حاجة ونبدا نسلبة راية مرة وراء التانية ويطلع انسان اعتمادى وبعدين

لو الاهل بيحبونا فعلا مش يفرضو حاجة علينا هما لما بيعملو كدا على اساس انهم اكثر خبرة مننا

بحكم السن والتجارب بس اوقات بيبقى اختيارهم غلط والابن يفضل يعانى سوء الاختيار طول العمر

بس اعتقد يا ميدو ان بقى فى تفاهم كتير بين الاباء والابناء فى الايام دى مبقاش زى الاول

ودا يا ميدو نابع من اسلوب التربية فى الاول والاخر

يسلموووو ميدو على الموضوع وفى انتظار مواضيع اخرى

والله يا عمدة انا معاك فى ان الاهل ممكن يضيعوا اولادهم
ودة ان فى فية بعض الناس بتدلع اولادها زيادة عن اللزوم
ويكون الناتج ان الاولاد بيعملوا اللى عيزينه سواء حتى لو كان غلط
وطبعا الاهل بيكونو عارفين ودى المصيبه ان الاهل يشوفو الغلط وميعاقبوش علية
فيكون الناتج ضياع الاولاد
وبعدين زى ما بنقول يتقلب السحر على الساحر
وغلط الاولاد المدلعين يمتد للاهل نفسهم
واكيد انتم عارفين قصص الدلع اللى الاعلام بيوريهالنا كل يوم فى الاعمال اللى بيعرضها
وازاى بيضر المجتمع كله
وانا بعد اذن امير الظلام هاضع كليب للشيخ مشارى راشد فى المساهمه
الكليب دة فى قصة عن ازاى الاهل ضيعوا ابنهم

صوباعك هنا

الموضوع جميل هتسبنى
وانا اعتقد ان ضياع الاولاد من الاهل بيكون بسبب الاهتمام الزائد او الاهمال الزائد
بمعنى ان اهتم به لدرجة انى اخنقه فاتحكم باكله وشربه وخروجه وكليته واصدقاؤة وحبيبته الى ان اصل لمرحلة الاختناق وابدا التمرد وارفض كل حاجة منهم حتى لو كانت صح
وفى حاجة كمان الاسلوب التربوى لازم يكون بالتفاهم والاقناع وليس الاجبار والغصب (ويبقى انا قولت ده يتنفذ ويبقى امين وخلاص) وكمان المعرفة الكاملة بتعاليم الدين الاسلامى من الطرفين الاباء ثم الابناء
ونيجى للنقطة التانية وهى اهمال الاباء بمعنى ان الاهالى مسافرين علشان الشغل ويوفروا حياة كريمة لابنائهم وده من وجه نظرهم ومن رعاية نهائى ولا متابعة وان نترك لهم الحرية فى العيشة والتصرفات ويبدأ مرحلة الضياع
ربنا يهدينا جميعا يارب
ومشكور هتسبنى ع موضوعك الجميل

مشكورة يا ضى على المرور
ورايك اكيد كله صح
لكن الاهالى فى حاله الدلع الزياده بيكونو مش حاسين يعنى على سبيل المثل
لو ام قعدت فتره مش شويه مخلفتش
فا اول ما يجلها ولد او بنت بتعمل اى حاجه عشانه وبتدلعه دلع غير عادى
وبيكون فى نظرها ان الدلع دا انها بتحبه جدا وبتيجى بقا بعد فتره
تكتشف انه طالع معتمد عليها فى كل حاجه وانه مش عارف يعمل حاجه لوحده
وطبعا عمره ما هيعرف يشيل مسئولية
كده كده الوالد او الوالده مرحله فى حياه كل شخص مننا
بنحاول على قد ما نقدر اننا نتعلم منهم كل شىء لكن فى نفس الوقت انا لازم اجرب بنفسى وامر بكل تجاربى ومواقفى عشان بعد كده لما اتعرض لموقف او تجربه اكون جاهز لانى ابقى قدها وابقى متحمل مسئوليتها

اما فى حاله الاهمال الزائد
فا غالبا بيكون الاهل متربين نفس التربيه ومن وجهه نظره ان التربيه دى هتخلى الاولاد متحملين مسئوليه
وانهم فى كل موقف هما اللى بيتصرفو بمزاجهم فا اصبح الاولاده فى مرحله معينه جاهزين انهم يتحملو مسئوليتهم
ومعتقد ان التربيه دى احسن للاولاد لانه هوه بيبقى ضارب نفسه كمثال فى النوع دا من التربيه
وشايف انه الحمدلله بنى نفسه بنفسه او الى حد كبير يعنى هوه اللى كان متحمل مسئوليه نفسه
فا شايف انه هيبقى كويس جدا لو ابنه طلع زيه
لكن اللى معظم الاهالى مش عارفينه او بيكتشفوه متاخر او عارفينه لكن مش مقتنعين بيه
ان زمنا غير زمنهم وكل جيل وليه طريقته فى التفكير فى الامور والحياه بتاعته

بس برده مش عايز احمل الاهل المسئوليه لوحدهم
يعنى فى حاله الدلع الزائد فا دا بيكون فى حاله ان فى عاطفه امومه وابوه زايده ومن وجهه نظرهم ان دا صح او دا طبيعى
وفى حاله الاهمال الزائد فا دا جاى من تربيه الاهل نفسهم وان هما شايفين ان التربيه دى هتخلى ابنهم جاهز انه فى اى موقف او مشكله يكون قدها وقدود
الى جانب ان الحياه دلوقتى بقت شاغله الناس
مش معنى كده ان مفيش وقت انه يراعى بيته ويبقى واخد باله منهم
لكن بقا مطلوب منه متطلبات لازم تيجى عشان اللى فى البيت ياكلو يشربو ويروحو مدارس وكلياتهم ومن بعد كده جواز وتجهيز
ولازم يجى على نفسه ويكافح ويشتغل بعد الضهر عشان يكفى اهل بيته
فا كل ده برده بيبعده ومبيخلهوش عارف يتابع كويس
وفى الحاله دى لازم تكون الام بميه راجل

اسف على الاطاله
تقبلو مرورى ووافر تحياتى وتقديرى

مشكور هتسبنى على المتابعة والرد
ولكن اسمح لى عندى تعليق على جملة معينة وهى
وفى الحاله دى لازم تكون الام بميه راجل

تفتكر الام لوحدها كفاية لمتابعة شئون البيت واستذكار دروس الاولاد وعيادتهم عند مرضهم
مش حينفع هتسبنى لازم وجود الاب ومتابعة الابناء والنصح والتوجيه والشدة واللين والرقابة
كل ده الام مش حتقدر تعمله لوحدها ولو عملته مش حيبقى صح مائه فى المائه وكل انسان وطاقته وقوة احتمالة
وكل انسان وله دور فى حياة اولادة
ودور الاب ضرورى جدا ومساوى لدور الام تماما
مشكور هتسبنى بجد

مشكوره يا ضى على مرورك
طبعا الام عمرها ما هتكون كفايه لوحدها
لكن الحياه بقت صعبه وكل حاجه بقت غاليه
ومبقاش حد قادر انه يامن كل حاجه لاولاده
وبيحاول على قد ما يقدر انه يوفر اللى يقدر عليه
ودا هيتطلب انه هيشتغل اكتر من الطبيعى وهيجى على حق البيت عشان يامنلهم حياه سعيده
لكن اللى اقصده ان الام لازم تكون واخده بالها من حجم التضحيات اللى بيقوم بيها االاب
ولازم تكون فاهمه وعارفه ايه المطلوب منها
بس برده بعد دا كله الاب موجود مش مختفى يعنى
والاهم من دا كله ان فى فى مجتمعنا ستات بميه راجل
على سبيل المثال
الارمله وعندها اطفال صغار وليس لها اى باب رزق
ولكنها تشتغل وتكد وتتحدى الظروف
لكى تامن لقمه العيش لابنائها وتعلمهم احسن تعليم
وفى النهايه تجدى اطفالها فى احسن المستويات وارقاها
هنا بقا الست بميه راجل ولا لاء

تقبلى مرورى ووافر احترامى وتقديرى

مشكور هتسبنى على المتابعة والرد
وحضرتك بتقول فى اخر كلامك
هنا بقا الست بميه راجل ولا لاء
انت اتكلمت عن حالة معينة وبصرف النظر اذا كانت ارملة او زوجها مسافر او طبيعة شغله تتطلب التواجد كثير خارج المنزل ،ان المرأة بطبيعتها ومع ظروف الحياة هذه الايام حيبقى صعب انها تتابع شئون البيت ومذاكرة الاولاد واذا كان فى شباب فى فترة المراهقة ومحتاجين متابعة مستمرة واحتواء ونصح دائم انا بقولك ومش ع كل الامهات طبعا ان ده صعب ولكن مش مستحيل و ان فى امهات مش بتقدر على المجهود ده كله ولازم من وجود الاب ووجود الحزم والربط من اب احبه واحترمه واخاف ع زعله ،لازم من وجود الاب مش فى البيت طبعا بصفة دائمة علشان الحياة ولقمة العيش والزوجة او الام تسد مكانه مائة بالمائه فهى مركب واحدة هتسبنى لازم كل واحد يساعد باللى يقدر عليه ويساند التانى ويكون وراء ظهره يحميه ويدافع عنه فالام بميت راجل واحيانا بيكون الراجل بميت ست فهما نصفين مكملين متلاقيين ولا يمكن اقلل او ازود دور اى احد فيهم
شكرا هتسبنى بجد وتقبل مرورى

مشكور هتسبنى بجد وفى انتظار مواضيعك الجميلة والمميزة دائما

طبعا الفشل حاله ديمه فى مجتمعنا
بس اما يعصب الاب او الام ان هو يدخل حاجه مش عايزها
طبعا حاله نادره لو الطالب او الطالبه تتفوق فى الدراسه
وفى الحلات الكثيره الفشل فو الطريق الوحد الام او الاب هما اللى يتحملو
فشل الابناء
والزواج الغصب اكبر خطاء الانسان يخطاه

ايه شعورك ....لو كان اهلك سبب ضياعك؟؟؟؟؟؟؟

وايه الكلمة اللى توجها للاباء ليرفقوا على ابناءهم؟؟؟؟

مشكور ياعمده
بس احب اقولك ان الواحد ما قدرش يغير اهله ولا وجهه وتقبل مرورى