هل سينتهى الصراع؟؟؟؟؟؟؟؟؟؟

لن ينتهى شاعر

وبعدين بينى وبينك دا احسن صراع تخيل معايا الحياة تكون عاملة ازاى من غير الصراع دا

اكيد مش هيبقى ليها طعم

انا معاكى فى الراى
بص الصراع دة ممكن يسبب مشاكل كتير
طيب تعرفى
انا كنت فى محاضرة
والدكتور فتح موضوع من افضل من من
الرجال ام النساء
وعينك متشوف الا النور
المدرج ولع نار بعد كدة
واتحول الموضوع لعنصرية
والناس اتكلمت بعصبية زيادة عن اللزوم
واتحول النقاش لمعركة
فى ناس كتير موش بنفس تفكيرك المتحضر
الناس دى بتقلب اى نقاش لصراع
وللاسف انهم موش بيكونو جاهلين بالعكس بيكونو على مستوى علمى وعقلى كبير
ودة اللى جعلنى افتح الموضوع هنا

مشكور شاعر على كلامك وتعبيرك عن الوضع الحالى والدائم من قديم الازل
قطة شقية عبرت تعبير جميل قوى ان الحياة ليس لها طعم بدون هذا الصراع
ولكن هذا الصراع ممكن يكون بطريقة غير عنصرية وبدون تعصب
تخيل شاعر لو ان الحياة بدون شد او جذب وكلنا حلويين واراءنا واحدة وكلنا زى بعض فى التفكير والراى ووجهات النظر
اكيد حتصبح الحياة ممله جدا
ولكن اختلاف الراى لا يفسد للود قضية
ولكن بدون تحيز او انفعال او عصبية
وكان راى احد المشاركين معانا فى المنتدى انك لاتاخد المواضيع بجدية زيادة عن اللزوم وان المواضيع تكون بهزار شوية
مشكور شاعر على موضوعك الجميل وتفكيرك

يسلمو ضى
بس زى ما قولت ان موش كل الناس بتفكر فى الموضوع بتحضر
فية شباب كتير لما نتكلم فى الموضوع دة
يقولو لا الرجال قوامون على النساء
الرجاال افضل
والبنات تقول لا
النساء افضل
وراء كل رجل عظيم امراة
وليس وراء كل عظيمة رجل
والدنيا تولع بعد كدة
دة حصل امامى
والمشكلة اللة مزعلانى
ان الكلام الجاهل دة بيقوله طلاب جامعات
يعنى المفروض انهم شباب وصله لدرجة تفكير عقلى توضحلهم ان مفيش افضلية
الكل فى المجتمع سواء الكل بيبذل جهدة من اجل الكل

الموضوع دة فى كثير من الاحيان بيتقلب لموضوع عنصرى
وحرب لا تنتهى


يسلمووووووو ضى على مرورك

شوفى يا ضى
التعليم الجامعى مرحلة اه
بس التعليم الجامعى المفروض هو اللى بنمى الوعى بان مفيش افضلية
ان يعرف الشباب ان كلنا واحد
طيب تعرفى
ان الدكتور اللى عرض فكرة النقاش
مكنش عندة اى وعى بالاموضوع
وكان بالمعنى الصحيح متحيز لاحد الفريقين


طيب قوليلى الان
ازاى نعلم ان ميش فرق
واللى بيعلموا ميعرفوش حاجة
مشكورة على مرورك

مش عارفة يا شاعر
بس حقولك حاجة كل واحد له طريقة تفكيره ورايه اللى مقتنع به
وفعلا فى دكاترة جامعة مش بيفهموا حاجة
ومدرسين كمان فى المدارس لا يفقهوا شىء
بس نأمل ان تقل هذه الصراعات وان المفاهيم تكون اوضح من كده للكل
ولكن يا شاعر انا احس بك بحزن والم بسبب هذا الموضوع
ولكن دى طبيعة بشرية وتختلف من انسان للتانى والحياة لن تتوقف
كن متفاؤل اكثر من كده
وحاول تشوف الدنيا بمنظار تانى ، يعنى مش حقول وردية ولكن حاول تضع شفاف ابيض عليها
يمكن تشوفها احلى من كده
وتقبل مرورى

مشكور يا شاعر بيه على المووضوع الجميل اللى زيك ده

اولا: الصراع الموجود بين الرجل والمراه موجود منذ بداية الحياه
ثانيااذا كان فى صراع بين الرجل والرجل) (وصراع بين المراه والمراه) ازاى مش هيكون فى صراع بين الرجل والمراه
الصراع بيبدا باختلاف فى الراى ولكن كل طرف من الاطراف بيكون مصمم على رايه ومقتنع بانه الاصح
وعدم اقتناعه بكلام الاخرين
لانه لو على حق فسقينع الاخرين بدون حدوث اى صراع
ولو الاخرين على حق فسيقتنع بكلامهم بدون حدوث الصراع

المشكله اللى بتأدى للصراع انك تكون مقتنع براى لكن مش قابل الراى التانى
وعندما نقبل الراى التانى ونقتنع بالكلام المنطقى والعقلانى وقتها سينتهى الصراع

اما عن وجود هذا الصراع بين الرجل والمراه فى الكليه
اولا انتا بتدخل الكليه عشان تدرس موادك وتنجح وتاخد شهاده
ولا تتطرق الدراسه فى الكليه عن اى شى بين الرجل والمراه
ولكن الموضوع بيجى من انك بتقابل بنات او شباب فى الكليه بنظره اوسع من المدرسه او الحياه العاديه
لان بيبقى موجود كل الشخصيات والعقليات قدامك وقريبين منك يعنى مرآيين وظاهرين
ومعاك فى ان التعليم الجامعى هوه اللى بينمى الوعى وان مفيش افضليه
لكن انا ازاى هنمى وعى شخص متربى على الديكتاتوريه وعدم قبول اراء الاخرين او الاقتناع بالعقل والمنطق
وبعدين هيا مش بالفترات
لان انتا عندك فى ناس فى سن الاربعين والخمسين ولسه عقلياتهم كده
طيب ما هما دخلو كليه ووعيهم اتنمى ومرو بحياه وصعوبات ومواقف كتير لكن برده عقليتهم غير قابله
دلوقتى لو واحد مش مقتنع الا برايه الشخصى بس وهوه فى نظر اى شخص تانى غلط
والشخص التانى دا هوه اللى على حق من وجهه نظر العقل والمنطق يبقى ايه اللى هيحصل ؟

يعنى الموضوع اللى انتا بتتكلم فيه دا يا شاعر بتكون معلوماتك منه فى الآتى
اقواهم واهمهم واللى بيمتد اثره لباقى حياتك
نوع التربيه اللى انتى اتربتها وانتا صغير هل انتا متربى على تقبل اراء الاخرين وتحكيم العقل فى كل شىء ام تربيه ديكتاتورية

ولو انتا متربى على الديكتاتوريه وعدم تقبل اراء الاخرين هتبقى امام طريقين
هل انتا اول ما توصل سن المراهقه هتبدا شخصيتك تنفصل وتحس انك مختلف عن اللى فى البيت
وهتدبا تدور على حلول فى اى مكان غير البيت (فى هذه الحاله ممكن تتخلف من الديكتاتورية )
اما بقا لو انتا هتفضل لغايه لما تخلص تعليم تقول اه ولاء وسمعا وطاعه بدون ابداء اى راى او حتى مجرد التفكير فى الكلام
يبقى هتفضل زى ما انتا واولادك من بعدك

فى حاجه تانيه بتتفهم فى معظم الاحيان غلط
اينعم احنا مجتمع شرقى والولد واخد حقه وحريته اكتر من البنت
لكن مش معنى كده ان الولد افضل من البنت
الولد =البنت ومفيش اى اختلاف
واى افضليه من جانب طرف بيقابلها افضليه مختلفه من الطرف الاخر


وزى ما ضى قالتلك كده ان احد المشاركين معانا فى المنتدى قال انك لاتاخد المواضيع بجدية زيادة عن اللزوم وان المواضيع تكون بهزار شوية
وموضوع هزار او جد ده اللى بيحدده طبيعه الموضوع هل هوه جد ولا هزار
لو جد مش هينفع يبقى فيه هزار والا يبقى الشخص دا سخيف
لو هزار وخدناه جد زياده عن اللزوم هيبقى دمى تقيل
واجمل حاجه ان تكون وسطا
لا تكون جد اوى ولا هزار اوى

اسف على الاطاله ولكن دى عاده مش عارف ابطلها
تقبلو مرورى ووافر احترامى وتقديرى