عمرك حسيت بالضياع..؟

السلام عليكم
طبعا كلنا عارفين يعني اية انك تحس بالضياع يعني مش عارف انت عايز اية وتكون مشوش فكريا
بس مش دة الضياع اللي عايزة اتكلم علية
انا بتكلم علي الاحساس الللي بيجي بعد خناقات العائلة
مثلا
ماما دخلت او بابا وانت قاعد علي النت
بابا: ماتقوم تذاكر بقي حرام عليك هتضيع نفسك كدة وهتبقي فاشل
حضرتك طبعا تشيط من الكلمتين دول وترد :انا مش طفل انا عارف انا وراي اية ودة مستقبلي انا
بابا:انت ولا عارف حاجة لو مجبتش درجات حلوة مافيش نت ومافيش خروج
حضرتك: يطلع من الاوضة
طب والله ماانا مذاكر طب دا هسقط علشان هو يزعل يووووووووة هو عالطول هتفشل ويقولي خايف عليا ولا خايف ولا حاجة دا تحكم
وتدخل تنام

تاني يوم بقي
صباح الخير يابابا
الرجل يوبسلك وهو متضايق
تقوم انت عاند وماشي
وتدخل تقعد تتافف شوية
ويجي بقي الاحساس اللي بقول علية
تحس انك غلاطان وضايع مش عارف تعمل اية حاسس انك لو روحت اتاسفت او حتي ذاكرت يبقي بتقل وترضخ والكلام اللي بيجي في دماغ الواحد


انا مش هكذب عليكم طبعا انا حسيت كدة اكتر من مرة
وكل مرة اقول خلاص مش هتخانق تاني لاني عارفة ومتاكدة ان في حياتي مافيش بني ادم هيحبك زي ابوك او امك واخواتك

بس بعدها بشوية اتخانق تاني

اسالكم بقي من رايك اية افضل طريقة لان الواحد مش يتخانق كدة ؟
وطبعا عمرك حسيت كدة مع اختلاف سبب الخناق بس الفكرة انك تتخانق وتفكر كدة ؟

ياريت تردوا ياجماعة والله موضوع مهم

شكرا

طبعا موضوع جميل بس انا كنت افكر من عنوان الموضوع ان الموضوع بيتكلم علي الاشخاص الي بيحسو بالضياع واليئس


بالنسبه بقي للموضوع بينك طبعا دي بتكون عناد ولاكن للاسف العناد ممكن يؤدي الي الفشل

طبعا كلنا عارفين ان الاباء والامهات بتخاف علي ابنئها في كل التصرفات وده مش غلط ولما بيجلنا احساس بالعناد ليه منفكرش في حاجه وحده وهو هل لو انا سمعت الكلام وقولت حاضر هتكون شخصية معدومه امام ابي ام امي

لا طبعا بالعكس انا عن نفسي كنت بعمل هذا الشئن ولاكن فقط لما بكون مضايق او مخنوق من شيئ معين واحيانن كنت بحب اقعد مع نفسي كتير ومبحبش حد يكمني نهائي ولاكن كنت ايضا كنت بسمع الكلام وعشان كده بنكون متفاهمين قوي لدرجة انهم قبل ميزكرو اي شيئ بكون انا عامله ومنفزه وبالتالي ايضا كانو مقدرين هذا وبدون عناد وبحاول اتلاشي زعلهم مني وهم ايضا بيتلاشو زعلي او ضيقي وبيسبوني علي راحتي

مشكور بينك علي الموضوع تقبل مروري

الف شكر لمرورك اللطيف ياطايش

وفعلا عندك حق لو الواحد بس سمع الكلام بس هو صعب للعلم لان الانسان عندي بطبعة وبالذات لما بيكون متضايق

اما بالنيبة للعنوان
انا من راي ان قمة الضياع انك تبقي متخانق مع عائلتك لانة بجد احساس موحش جدا وانك فعلا لو عنادك زاد هتضيع بجد لانة الواحد لو بعد عن عائلتة مهما كانوا بيعملوا جزء منة لازم هيضيع

الف شكر علي المرور

بينك الجميلة موضوعك جميل بجد وكلنا بنتعرض لهذه المواقف مع والدينا
ولكن حقولك حاجة ونفكر فيها مع بعض، لو انا فكرت شوية هو بابا وماما عاوزين ايه؟؟؟ عاوزينى اذاكر وانجح بتفوق واسمع كلامهم من غير ضياع لشخصيتى طبعا، وانا عاوزة اعيش واحس بحريتى واخرج مع اصحابى واستعمل الكمبيوتر وكدا يعنى ،اوكى كده
طيب انا لو رضيتهم هما كمان حيفرحوا بيا ومش حيكون فى خناق ولا حاجة وده طبعا بقدر المستطاع
ولكن انا لو قعدت على الكمبيوتر من الصبح لغاية بليل من غير اكل ولا شرب ولا مذاكرة اكيد حتحصل خناقة
يارب تكون وجهة نظرى وصلتك بينك ،عارفة كده زى اللى بيمسك العصايا من النص

الف شكر ياضئ
كلامك جميل جدا والله
وفعلا منطقي لو الواحد بس مسك العصاة من النص
الف شكر علي المرور

السلام عليكم انا رائى انا الوحد لازم يصبر وتسمع كلام امه وابه دى حاجه وصانا بيها ربنا وبالولدين احسنا والام والاب بيخافو على الوحد وهما عايزينه احسن واحد فى الدنيا

ومشكورا بنك على الموضوع الجميل وتقبلى مرورى

الف شكر ميدو علي المرور

مشكور رة بينكي علي الموضوع بس تعرفي امتي انا حسيت بالضياع لما كنت بحس بمشكلة ومكنتش بالاقي حد يحلهالي او بحس من الي حواليا انة فيهم حد فرحان بالي انا فية

اكيد طبعا موقف وحش اوي انك تحس ان الناس بتشمت فيك
بس اكيد المواقف الصعبة صدقني هي اللي بتبين الاصدقاء وحقيقة الناس من غير اي تزيف

شكرا ليك علي المرور

انا علطووول بتخانق كدة مع ابويا فى البيت وبعند وبنشف دماغى والخناقة تكبر
بس الدنيا مش بتمشى غير لما اسمع كلام امى لما تعد تقولى كبر دماغك واعمله كل اللى هوة عيزوو وكلمة حاضر بتريح
وشكرا ليكى بينك على موضوعك الجميل