هل انت حر ؟؟؟

السلام عليكم ورحمة الله وبركاتة

الحرية موضوع شاغلنى وبفكر فية كتير حبيت اشاركم معايا التفكير

انا بسمع دايما كلمة انا حر انا حرة بس فعلا بتحس بالحرية دى ولا كلام بس

لو شوفنا احنا بنعيش فى عصر الحرية زى ما هما مفهمينا يعنى انت حر تدرس اللى انت عايزة


تعمل اللى انت عايزة تقول اللى انت عايزة

بس فعلا بنمارس الحرية دى ؟؟

يعنى انا ممكن اسافر اخرج وقت ما احب زى ما انا عايزة ولا انا بكدا بكون بخرج على التقاليد والعرف

ونظرة مجتمعنا للى تعمل كدا اكيد كلنا عرفينه

انا بحس ان كل ما بتزيد الحرية بتزيد معاها القيود

فى عبارات كتير بنقولها انا حرة فى اللى بقولة حرة فى اللى بعملة دى حريتى الشخصية

مجرد كلام فقط لو فكرنا هنلاقينا بنقول اللى هما عيزينا نقولة ونعمل اللى هما بيقولو علية

واخـــــــــــــــــــيرا

دعوني أتحدث عن نفسي فقط، لا املك إلا حرية أفكاري فانا أفكر بحرية لا يستطيع احد أن يسلبني هذه الحرية مادام لا يعرفها أحد، ومادامت هي مجرد أفكار، معظمها لا يخرج ولا يجرؤ على الخروج إلى حيز الوجود.

حطو مليون خط تحت مجرد أفكار لا تخرج ولا تجرؤ على الخروج

سؤال للجميع هل انت حر ؟؟؟؟؟؟

لا طبعا الحريه دى انواع اسمحيلى
لكن برده بالاصول
مفيش حاجه اسمها حره
يعنى احنا كده عايزين نعمل زى البلاد الاوربيه وتقولى حره
مشكوره على موضوعك

موضوعك حلو قطة وانا كنت كتبت موضوع مشابه له فى احلام الشباب
بصى الحرية مش بمعنى انى اعمل اى حاجة انا عاوزاها او بفكر فيها
الاول نتفق اننا نراعى الله فى كل تصرفاتنا وكلامنا
وبعدين نكمل ان الحرية مع مراعاة العادات والتقاليد وان مجتمعنا شرقى
ممكن اكون حرة فى التعبير عن راييى بس بادب وبدون جرح او احراج اى حد
اختار الكلية اللى بحبها
اختار شريك حياتى بحريتى والتعبير عى راييى واقناع اللى امامى بكلامى
موضوع حلو قطة شقية وتقبلى مرورى

مشكورة يا قطه هانم على موضوعك اللى كله حرية

اولا معظم الحالات اللى بنقول فيها انا حر وانا حرة ودى حريتى الشخصيه بكون فعلا حره لكن ما نوع الحريه هنا
اولا حريه التفكير
ثانيا حريه اخذ القرار
ثالثا حريه تنفيذ القرار ودا بيختلف حسب شخصيه كل شخص والتانى

وبعدين ما هنا اهو فى حريه كل واحد بيقول رايه بمزاجه ومفيش حد بيقوله انتا بتعمل ايه
مادام انا ماشى باحترامى ومن غير ما ادايق حد ولا ابقى مثال شاذ وسط الناس يبقى محدش هيتدايق من حريتى

اما بقا عن التقاليد والعرف
فهنا لازم اول حاجه هنعملها اننا هنفرق ما بين الولد والبنت
حجم الحريه المباح للولد اكبر من حجم الحريه المباح للبنت
تانى حاجه واهمهم شخصيتى هيكون شكلها ايه ودا متكون من خلال تربيتى ومرورى بالحياه وشكل حياتى كان ايه
هل انا متربى تربيه سليمه بحيث انى اكون متربى على انى اقول رايى واشارك فى المواضيع والموضوع اللى ادخل فيه يكون بالعقل والمنطق
وان ليا الحق فى انى اخد القرارات اللى تخصنى بكامل حريتى
ولا انا متربى من صغرى على تنفيذ الطلبات اللى بتتطلب منى بدون نقاش وتفاهم

ومن رايى الشخصى متى وجد تحمل المسئوليه وجدت الحريه السليمه المباحه
لانها لا هتضر بحد ولا هتأذى حد
مادام انا مراعى اللى حواليا اكيد هكون بمارس حريتى بدون تعقيب او نقض من حد
واهم ما فى الموضوع ان مهما كان فى حد فاهمنى او عايز مصلحتى مش هيكون اكتر منى انا
فا الجدير انى انا اللى افكر واقرر بحريتى فى حياتى مادام انا متحمل مسئوليه حريتى دى
والاهم انى اكون فاهم يعنى ايه حريه وهل حريتى دى هتتعارض مع حد ولا لاء
وهل انا الصح ولا هوه
ولازم امارس حريتى بشكل صحيح
بدل ما يجى اليوم اللى اندم فيه على قرار اخدته بدون ما امارس حريتى
وساعتها هيكون الندم ملوش لازمة

الخلاصه انى لو فهمت يعنى ايه حريه وايه حدودى فى الحريه همارس حريتى بشكل طبيعى وصح
اسف على الاطاله

تقبلو مرورى ووافر احترامى وتقديرى

يسلمووووووووو للجميع

ومشكورين جدا

وانا حرة طول ما تلك الحرية لا تاذينى ولا تاذى اى حد

هى دى الحرية

تحياتى ليكم

هو عمتآ

مفيش حد حر

ميرسى قطه على الموضوع الجميل

جزاكى الله كل خير

موضوع جميل قطه بس عاوز اعرفك شئ الحريه فى حد ذاتها مفهوش كبير وليه كذا تفسير ولو تحدثنا عن الحريه الشخصيه فده بيكون موجود وبتختلف من مجنمع لاخر ومن بلد للتانيه ومن بيت لاخر يعنى وجه اختلافها كبير جدا وفى راى انا الحريه لازم تكون موجوده طبعا لكن لا تكون مطلقه ولا محدوده لحد الانطواء يعنى زى مبتقول الحكمه خير الامور الوسط منقلدشى الشعوب الاوربيه بتقليد اعمى زائف ونقول حريه وعن كلامك انى بعمل اللى مايأزنيش فبردو الاوربيين معتقدين ان اللى بيعملوه مش بياذيهم بردو مفكرين ان هيه دى الحريه العرى والسكر والعربده والكلام الفاضى دى فى نظرهم الحريه ارجوا انك واى حد يكون فاهم الحريه بمفهومها الصحيح اللى لا يكون خارج عن العادى وفى نفس الوقت متصل بصفه ولو بسيطه بالعادات والتقاليد ويارب يكون كلامى وصلك وتقبلى مرورى

مشكوره اوى يا قطه على كلامك الجميل تقبلى مورورى

مشكور محمود

مشكورة كرملة

مشكورة لى لى

تحياتى ليكم

كلام جميل بس مش منسق دة رقم واحد اما اتنين فالحر ليست بمعنى تصرف او تفكير او او الحر هوة من يعمل و يجتهد ليحقق ما يحتاجة علشان يوصل للى هوة عايزة عمرها ما كانت بتصرف لوا بتفكير ولا اى حاجة لا خالص الحر هوة الانسان المعصوم هوة الانسان المعتمد على زاتة ونفسة و لذلك فهعو حر عارفين لية
لان اللى يوصل للى هوة عايزة بعد توفيق ربة صدقونى صعب يتنازل عن اللى وصلة لمجرد انة حر فى تفكيرة او تصرفة بالعكس حيبقى حر فى المجال اللى وصلة للى هوة فية بس لكن مش اسافر و العب وادرس يعنى هوة كل واحد بيحب هندسة دخل هنسدة ولا طب ولا دخل غيرهم كتير يالة ربنا معاكم يا حرين وانا حرررررررررر

شوفى يا شقية
الحرية حق اى انسان
طالما ان الحرية فى سياق قوانين المجتمع
يعنى احنا فى مصر عادتنا شرقية
مينفعش نعمل زى ما الاخوة الاميركان بيعملو
لان لو عملنا زيهم نكون خرجنا عن نطاق الحرية اللى حددها مجتمعنا الشرقى
وطبعا انتى بتسمعى كتير جمله انا حر اعمل اللى انا عايزة وميهمنيش كلام الناس
وطبعا دة غلط لاننا عايشين مع الناس
اخر الكلام ان الحرية بتتحدد على اساس قوانين كل مجتمع
ومينفعش نقول انا حر اعمل اللى انا عايزة حتى لو كان غلط
تقبلى مرورى

اكيد فى حرية ولازم يكون فى والا الواحد هيحس بالقهر
بس طبعا حرية بحدووووووووود
وشكرا على الموضوع