اية اللي حصل من رايك .....

دية مواقف بشوفها وعايزة اناقش معاكم حل ليها ودية بعضها طبعا مش كلها



زمان وانا صغيرة كان لو حد خبط فيا غصب عنة في الشارع يقولي اسف
وانا اعديها وعادي

دلوقتي
واحد خبط فيك وانت ماشي تقوم مدير وباصص بقرف
وهو يبصلك كانة بيقولة انت ماشي لية في الشارع وكمان سيبتني اخبطك عالم ...
وانت تعدي وتسيبة وتبدا بقي مش يفتح ال......دة عالم .....هو الواحد ناقص قرف



الموقف التاني
كان كل واحد يسوق عربيتة في حالة مالوش دعوة بحد كلة في الخط بتاعة
والناس رايقة ومبسوطة

دلوقتي
تلاقي سوائق التاكسي ولا الميكروباص كسر عليك قال اية عايز يوصل بسرعة
وانت تحط ايدك علي الكلاكيس ماتشلهاش وهاتك ياشتيمة من جوة العربية
وهو عمال يسب فيك وياسلام لو واحد ربنا نافخ في صورتة هتسكت خالص ويعدي من هنا وانت بقي عالم ربنا ياخدهم انا عارف ال......دول بيسوقوا لية اصلا



الموقف التالت
البنت زمان لو ماشية وواحد سمج عاكسها تلاقي مليون شاب بيضربوة زي ماكنا نشوف في الافلام

دلوقتي
تبقي ماشية حد يعاكسها ياما كلة يمشي ولا كانة شاف قال يعني عمي بقي ولا مش واخدين بالهم
او الانيل يعاكس هو كمان
والبت تبقي هتموت من الخوف حتي لو لبسها مش ملفت اصلا


سؤالي بقي بسيط
احنا بقينا كدة ازاي ؟
ومن رايك اية الحل ؟

وفي مواقف تانية كتييير طبعا
لو شايف مواقف كمان اكتبها ونتكلم فيها

الموضوع مفتوح للنقاش
نحاول نعرف اية اللي وصلنا كدة ونتغلب علية

شكرا

شكرا علي المرور
بس لو ممكن تشرفني تاني وتقول رايك
الف شكر

مشكورة بينك العسولة على الموضوع الحلو ده وحقولك راييى
الموقف الاول :زمان وانا صغيرة كان لو حد خبط فيا غصب عنة في الشارع يقولي اسف وانا اعديها وعادي

دلوقتى غير زمان ولا اعيب الزمن لأن الله هو الزمن ولكن اقول الحياة اتغيرت اصبح فيها ضغوط كثيرة منها غلاء المعيشة وانشغال الكل بالعمل وصعوبة المواصلات وصعوبة توفير مسكن مريح وصعوبة الحصول على رغيف الخبز يبقى اجابة السؤال ظهرت من كثرة الضغط اصبحت الناس قريبة من الانفجار وعلى ايه (اتفه الاسباب) كل واحد عاوز ينفجر حتى ولو خبط غصب عنه فى اى حد ، عارفة كده ببساطة (القشة اللى قطمت ظهر البعير ) هى كده بالضبط


الموقف التاني
كان كل واحد يسوق عربيتة في حالة مالوش دعوة بحد كلة في الخط بتاعة
والناس رايقة ومبسوطة
والموقف التانى مش بعيد عن اجابتى فى الموقف الاولانى وهو الضغوط التى تتعرض لها الناس ومن صعوبة الحياة واكتفاء متطلبات الاسرة ومن فين بس الناس حتبقى رايقة ومبسوطة والبنزين غالى وزيت العربية غالى وكل حاجة غالية وكل اللى ييجى بيروح فالناس مخنوقة تعبر عن ما بداخلها من غضب بالشتائم او الكلاكسات المرتفعة او اى حاجة تعبر عن غضبها وسخطها على المعيشة

الموقف التالت
البنت زمان لو ماشية وواحد سمج عاكسها تلاقي مليون شاب بيضربوة زي ماكنا نشوف في الافلام
مش حقول كل الشباب لان فى شباب محترم برده ولكن فى شباب كتير راحت منهم النخوة والحمية والمرءة والشهامة واصبح منهم كثيرون تافهون فى طريقة تفكيرة وملابسه ورد فعلة ومش كل الشباب علشان محدش يزعل من كلامى ولكن بقول بعض منهم وفى
شباب اخر محترم ومؤدب وعنده شهامة ونخوة ويافع عن الفتاة كما لو كانت اخته بالضبط

سؤالي بقي بسيط
احنا بقينا كدة ازاي ؟
ومن رايك اية الحل ؟

شوفى حبيبة قلبى بينك
يقول رسولنا الكريم عليه افضل الصلاة والسلام " الخير فى وفى امتى الى يوم الدين " لابد ان نتحلى بالصبر والرجوع الى تعاليم ديننا الاسلامى فى كل شىء فى كل صغيرة وكبيرة واحترام الوالدين وصلة الرحم وانا عارفة ان مغريات الحياة اصبحت كثيرة من الدش والنت والبلاى ستيشن والسفر للخارج ولكن برجع واقول الاصل هو الدين والاسرة هما نقطة البداية ثم نكمل الحياة

مواقف تانية كتيرة ومؤلمة
شرب السجائر فى سن مبكر وللأسف بنات كمان
وشرب المخدرات
حالات الاغتصاب اللى بقينا نقراها فى الجرائد كل يوم ده غير الحالات اللى مش بتبلغ خوفا من الفضيحة
حالات القتل المستمرة واللى وصلت قتل فى افران العيش
حالات القتل من الدرجة الاولى الاب يقتل اولادة
الام تقتل اطفالها
الابن يقتل امه او ابوه والعياذ بالله
الرشوة والاختلاس
الغش بالميزان
اسفه للاطالة بينك ومش حقول كل اللى جوايا كفاية كده
واقول يارب ارحمنا وهون علينا عذابك وارحمنا واسترنا فوق الارض وتحت الارض ويوم العرض..آمين يا رب العالمين

والله نورتيني ضي
كلامك صح فعلا احنا بعدنا اوي عن الله والدين

اما ردي علي المواقف اللي كاتبتيها فهي كالاتي
شرب السجائر والمخدرات
فدا بيرجع لعدم اهتام الاهالي باولادهم وساعات الولاد يباتوا برة ولا حد بيسال عنهم اصلا
وطبعا مغريات الحياة زي ماقولتي كتير اوي ومحدش بيوجهم فيضيعوا

حالات الاغتصاب
فدا اعتقد نتيجة للسبب السابق في احيان كتير يعني الشاب يكون شارب مخدرات ويشوف بنت بيكون في حالة انعدام لعقلة ويقوم بايذائها
واحيان تانية لان الشباب مخنوق ومش عارف يتجوز بسبب الحالة الاقتصادية الفظيعة ويعتقد ان دا افضل حلو وتضيع معاة فتاة بريئة
وحالات اخري بيكون لابتعادة عن الله عز وجل وعدم التزامة بالدين علي الاطلاق
وساعات بيكون السبب في ملابس البنت المثيرة فتسبب انة يثار ويعتدي عليها وطبعا دية مش مبررات ولكن اسباب فقط

حالات القتل
فدية بسبب خنقه الناس والبعض يقتل علشان يسرق علشان ياكل عيالة
وناس بتتقتل علشان تجيب رغيف عيش ودا يرجع للحالة السيئة للاقتصاد بتاعنا اللي بهدلتنا خالص
والناس بتلجا لطرق متطرفة لحل مشاكلهم

قتل الاب او الام لاطفالهم
فدا بيكون بسبب خنقتهم
وساعات في اباء يعتقدوا انهم لو موتوهم مش هيتعذبوا ويموتوا من الجوع لان في ناس فعلا مش لاقية تاكل
واحيانا لان الوالدين مرضي نفسيين

قتل الابن لابية وامة
فبيكون ساعات بسبب انة مخدر وشارب اي حاجة ويكون مش واعي
واحيانا بيكون لان الطفل مش متربي علي احترامة اصلا

الرشوة والغش
دا طبعا بسبب الفقر اللي بنواجهة والناس مش لاقية اكل ولا شرب
تقوم عاملة الغلط ظنا منها انها كدة بتساعد نفسها


وليكي الحق في الاطالة ضي
وردك جميل جدا

وانا معاكي الحل هو ان نتقرب من الله عز وجل ونراعي ربنا في معاملتنا مع الناس سواء مسلمين او مسحين فلازم نتمسك بالدين اكتر من كدة


شكرا ضي علي المرور ومعلش انا بقي اللي طولت

شكرا على موضوعك بينك
بس انا عندى تعليق
بالنسبة لموضوع الاهل والتربية وشرب السحاير والمخدرات
مش الاهل السبب الاهل بيعملوو اللى عليهم وذيادة بس السبب حاجات تانية ومش دة موضوعنا عشان نتكلم فيها
والحاجات اللى بتحصل دلوقتى دى ماكنتش موجودة زمان او كانت موجودة بس بشكل قليل اووى ومش باين
لكن دلوقتى ذادت وبانت كتير ولسة هتذيد
انتى شوفى الطفل اللى لسة متعلمش يتكلم اول حاجة بيعلموهالوو اخواته الشتيمة وحاجات كتير
دلوقتى فعلان اللى محافظ على دينه زى اللى ماسك جمرة من النار وربنا يحفظنا

شكرا لمرورك
بس لية مش موضوعنا اي حاجة تحب تتتناقش فيها تقول عالطول
احنا هنا نتناقش علشان نحاول نحل او حتي نصلح نفسنا اي كلمة تحب تكتبها اكتبها مافيش مشكلة نفتح موضوع جوة حاجة تانية طالما متصلة بية ولو من بعيد

نورت الموضوع

جميل موضوعك يا بينك تسلم ايدك وفعلا زى مقالت ضى الدنيا اتغيرت من غلاء المعيشه تقبلى مورورى

شوفى حبيبة قلبى بينك
يقول رسولنا الكريم عليه افضل الصلاة والسلام " الخير فى وفى امتى الى يوم الدين " لابد ان نتحلى بالصبر والرجوع الى تعاليم ديننا الاسلامى فى كل شىء فى كل صغيرة وكبيرة واحترام الوالدين وصلة الرحم وانا عارفة ان مغريات الحياة اصبحت كثيرة من الدش والنت والبلاى ستيشن والسفر للخارج ولكن برجع واقول الاصل هو الدين والاسرة هما نقطة البداية ثم نكمل الحياة


تسلم ايدك يا بنك وتقبلى مرورى

نورتيني ميدو

الف شكر علي المرور

شكررررررررررررررررررررررا على اهتمامك

شكرا على الموضوع الجميل
والكلمة الى هقدر اقولها هى
ربنا يقوينا ويسترها معانا