زواج الصالونات ادخل ......... وقول رئيك

[السلام عليكم
الموضوع انهارده عن زواج الصالونات يعنى جواز من غير حب فى ناس كتير جدا بتتجوز جواز الصالونات ده بس هل ده صح انا من رائيى ان ده فى حد زاته غلط لان المفروض انى اعرفه الاول وانا اللى اختاره مش مجرد انه يجى يتفرج عليا لقانى حلوه يتجوزنى مش حلوه يبقى مع الف سلامه ده طبعا كله غلط فى غلط هل انت او انتى ممكن تقبل على نفسك انك تعيش مع زوجه من غير حب؟؟؟ وهتقدر تعيش معاها سنه او اتنين او تلاته بس هتقدر تعيش معاها العمر كله؟؟؟ ولا هترفض ده وتعيش حياه كلها حب وسعاده مع اللى بتتمناه؟؟؟ ولو مثلا فى اطفال بينكم هتنفصل ولا هتقول لا عشان اطفالك وتستحمل ده وخلاص؟؟؟
يارب يكون موضوعى عجبكم ومستنيه ردودكم

السلام عليكم

طبعا الموضوع دة مينفعش لان انا طبعا بالنسبالى انا راجل محدش يقدر يغصبنى على حاجة اما بقى لو نفرض يعنى ان الموضوع دة بجد انا طبعا مش ممكن اتزوجها حتى لو كانت هيا ملكت جمال لان انا اساسا مش هشوفها ملكة جمال لانى بحب واحدة تانى واكيد هشوف اللى بحبها احسن منها طبعا وبردة الراجل اللى يعمل كدة مع واحدة يبقى هوة اساسا ميتحبش او معندوش احساس لان هوة كدة ممكن يظلمها معاة وهية طبعا مش هتقدر تتكلم لان الامر طبعا هيكون للوالد
المفروض يعنى ان الواحد يكون بيحب اللى هيتقدملها للزواج او حتى يكون حتى حاسس ان هية قابلة او يعنى حتى معجبة بية

اما بقى بالنسبة لموضوع الاطفال انا من المستحيل طبعا اتجوز واحدة مش بتحبنى وبالتالى مش هيكون فى اطفال

وبعدين الاطفال زنبهم اية انى اعيشهم معايا فى الخلاف اللى هيكون بينى وبين امهم


مشكوررررررررررررررة يا كرمالك بجد مواضيعك كلها جميلة

تقبلى فائق احترامى وتقديرى

اكيد لازم الجواز يكون عن حب عشان على اساسه بتتبنى الاسرة وكمان طبعا عشان يكون عايش مرتاح ومبسوط
لكن لو مش عن حب الحياه بتمشى بردو بس بتكون مملة ومش ليها طعم
ومشكوورة كرمالك على موضوعك المهم

موضوع جميل كرمالك
لو قابلنا حب حقيقى وكان فيه تفاهم واحترام وانتهى نهاية سعيدة بالزواج ده يبقى اجمل شىء بالكون ونتيجته اطفال حلويين ويعيشوا فى جو رائع وبيت هادى وحياة جميلة
طيب تعالى نفكر فى الموضوع من ناحية تانية انك مثلا لم تقابلى هذا الحب الجميل الصادق وبدأ يتقدم ناس لخطبتك لان سنك وصل للسن الطبيعى للزواج حيبقى الوضع ايه؟؟؟ حترفضى بدون اسباب ؟ ولا حتقولى طيب نتعرف فى المحيط العائلى ولا الوضع ايه؟ولا حنتظر حب يمكن اصادفه ويمكن لا ، ويمكن فى ناس بتدور وتدور وتدور على الحب ده دون جدوى
مش حقدر اقول زواج الصالونات مستحيل او نتيجته مش مرضية ففى ناس كثيرة بتتزوج بطرق تقليدية ومع الحياة والعشرة بالمعروف وبما يرضى الله بيحبوا بعض وبتكمل الحياة على اكمل وجه
لو قابلنا الحب الحقيقى بحياتنا يبقى نعمة من ربى ولو لم اقابله برده احمد ربى واكمل حياتى ،مين عارف الخير فين؟
وعسى ان تحبوا شيئا وهو شر لكم وعسى ان تكرهوا شيئا وهو خير لكم
شكرا كرمالك وتقبلى مرورى

طبعا الجواز لما يبقى عن حب طبعا بيبقى جميل جدا لان الحب هو اساس الجواز الناجح
وبالتالى هينتج عنه اطفال عايش فى جو كله سعاده وحب

وانا من رائى ان جواز الصالونات ده مينفعش بربع انتى رائيك صح

مرسى اووى يا ضى على مورورك وانا معاكى طبعااااااا لازم يبقى فى حب وتفاهم

ايوه يا ميدووووو انا راى صح زيك لازم يكون فى حب جواز الصالونات ده كان زمان دلوقتى الدنيا اتقدمت مشكور اوى على مورورك وربنا يكرم الجميع بالحب الصادق تقبلوااااااااا تحياتى

بسم الله الرحمن الرحيم

اولا مشكورة كرملة على الموضوع خلينا نتكلم بصراحة ومن غير تجميل فى العبارات اولا الجواز عن حب شئ جميل ان وجد الحب الحقيقى لكن جواز الصالونات بيبقى اوقات ناجح جدا عن الجواز عن الحب فى ناس كتير اتجوزت جواز صالونات بس حبو بعض بعد كدا وفى ناس اتجوز عن حب والحب اختفى بعد الجواز يعنى احنا مش نعمم فى موضيعنا شئ معين يعنى مش نقول ان جواز الصالونات فاشل وجواز الحب هو اللى بينجح لو رجعنا هنلاقى اهلينا كلهم اتجوز جواز صالونات وكان جواز ناجح جدا زى ما فى جواز صالونات فاشل فى جواز صالونات ناجح جدا وكذلك الجواز عن حب اوقات بيفشل وبتنتهى الحياة بينهم

يارب اكون قدرت اوصل فكرتى

ومشكورة حبيبتى على الموضوع

مشكورة يا كرمالك يا عسل على موضوعك الجميل

انتى قولتى فى اول الموضوع انه جواز من غير حب وان الراجل بمجرد انه شافك وعجبتيه هيتجوزك
الكلام دا كان زمان دلوقتى جواز الصالونات اختلف اوى عن زمان
جواز الصالونات ده جاى من اننا مجتمع شرقى ونابع من التقاليد والعرف
لان العلاقه بين الولد والبنت مع انها موجوده لكن المجتمع بينظر ليها نظره مش صحيحه
او ان كتر العلاقات اللى بتم فى سن صغير هيا اللى خلت المجتمع ينظر ليها النظرة دى
وان مبقاش فى اكتر من ان اتنين بيحبو بعض يسيبو بعض بقا شىء عادى
انك تلاقى واحده بتحب واحد وفى يوم وليله يسيبو بعض عشان حاجه هايفه ويبدا بقا العند بينهم
تلاقى واحد ساب حبيبته وعايز يعرفها انها مش هتفرق معاه يشوف واحده تانيه
مبقاش فى تفكير فى الطرف التانى لو كل واحد بيحب حط نفسه مكان الطرف التانى الوضع هيختلف كتير.
اولا جواز الصالونات دا بير بمراحل منها قرايه فتحه لخطوبة لشبكه وكتب كتاب للفرح فى النهايه
الشاب بيشوف واحده عجباه بياخد اهله ويروح لو البنت وافقت بيقرو فاتحه ومن هنا بيبدا الشاب يزور البنت فى البيت
او ممكن يخرجو وبيتكلمو فى التليفون
وبيتعرفو على بعض وبتبدا الايام تعرفهم على بعض اكتر واكتر
وبتبدا بقا البنت تقارن وتفكر لغايه لما تاخد قرار يا اما كويس ونكمل بقا
يا اما مش كويس وخلاص كل شىء نصيب
جواز الصالونات زى ما ليه عيوب ليه مميزات
اول حاجه ان مفيهوش مساحه للتسليه او لعب العيال زى القصص والحواديت اللى بتحصل
تانى حاجه لو بنت محبتش لا فى كليه ولا بعد الكليه يبقى ايه العمل وهيا اول ما هتخلص هقعد فى البيت
يبقى مش هتتجوز يعنى لا هتتجوز واكيد هتحب جوزها جدا
تالت حاجه انه دلوقتى مفيش جواز بيتم بالعافيه لازم تكون البنت موافقه على الشخص دا ومتاكده
والمووضوع مش ماشى حب وبس
ما ياما ناس بيحبو بعض والحب بيختفى بعد الجواز
اللى بيكون اكبر من الحب بعد الجواز العشرة اللى بتكون بينهم هيا اللى بتخلى المراكب تمشى
اما بقا عن موضوع الانفصال فا دى مش مقياس انى احكم على جواز الصالونات انه سبب ليه
لان الانفصال شىء ملوش علاقه بنوع الجواز
مافى ناس كتير بتحب وبينفصلو هل الحب منع الانفصال
الانفصال جاى من مواقف ومشاكل وكله بيتعرض ليها لكن هتلاقى اللى قد المشاكل والمواقف وهتلاقى الل هيسلم فى اول موقف او مشكله
و90% من حالات الانفصال محدش من الطرفين بيفكر فى الاطفال
لكن ربنا موجود ومتطلع على كل شىء
اسف على الاطالة اللى شكلها بقت تعود
تقبلو تحياتى وشكر وتقديرى

تسلمى على مورورك يا قطه

مشكووووور اوى يا هتسيبنى على مورورك واكيد الجواز الى بينشىء عن حب اكيد احسن الصالونات دى كانت زمااااااااااااااان تقبلوا تحيااااااااااااتى

اولا شكرا جدا على طرحك الموضوع دة
س يا جماعة موضوع التعميم في حد ذاتة غلط بمعنى ان زي ماقالت قطة ان زي مافية جواز صالونات بيفشل اكيد فية جواز صالنوات بينجح وخلونا اكثر واقعية شوية اللي بيجوزوا عن حب قبل الجواز يعني بيكون قليل وبردة مش كل جواز الحب بينجح واكيد طبعا جواز اللي بيكون عن علاقة حب بيكون اكيد جميل وحلو بس كلامكم معناه ان كل الجوزات الصالونات فاشلة ودة مش صح بدليل معظم اهالينا كلهم موجوزين بطريقة الصالونات دي والحمد لله ناجحين في حياتهم
شكرا لموضوعك

هو اساسا دلوقت مفيش حاجه اسمها حب
وانا من راى الحب يجى بعد الجواز
طيب لو فيه بنت بتخاف ربنا وبتصلى وتصوم وكمان مش بتنزل من البيت
يعنى محدش يعرف عنها حاجه
وممكن تكون جميله جدا هل فى نظركم لازم البنت دى تعيش تجربه حب
طبعا لا
انا عن نفسى اتجوز البنت ال قاعده فى البيت وما اتجوز ال انا احبها
ومشكوره ياكرمالك

مشكورين على المورو نورتونا وتقبلواا تحياتى

انا مش عارفة لية الناس بتفصل بين الحب وبين جواز الصالونات..اولا مش شرط جواز الصالونات ان واحد يجى يتفرج عليا لية ناخدها من الوش العكر دة؟؟؟.وبعدين مش شرط اتنين اتقابلوا وميعرفوش بعض يبقى عشان يتفرجوا ع بعض او ع جمال بعض...لا هى المقابلة بتبقى عشان نشوف فيه ارتياح ولا لا حصل قبول وقعدوا اتكلموا مرة واتنين وتلاتة واقتنعوا بدماغ بعض خلاص يتخطبوا ويعرفوا بعض اكتر واية المانع بقى انهم يحبوا بعض مش فاهمة؟هو انا لما اتجوز جواز صالونات هيجى يتفرج عليا واعجبوا وتانى يوم نتجوز..لالالالا طبعا هنقعد ونتكلم وان حصل قبول نتخطب وتمشى الحياة..انا بشوف سواء صالونات او حب المهم الاشخاص يكونوا متفاهمين مش مجرد اوهام او عيشة والسلام..بس انا مع الجواز التقليدى

تسلمى على مورورك يا منونه نورتى الموضوع