هل ترضى بنصف رجل

موضوع: هل ترضى بنصف رجل الأحد مارس 23, 2008 1:55 pm

السلام عليكم ورحمة الله وبركاتة

رجعت ليكم من جديد وحشتونى جدا هنتكلم انهاردة عن موضوع مهم جدا وهو الزواج الثانى

كل بنت بتحلم بانسان تحبة ويحبها ويتشاركو مع بعض فى انشاء اسرة سعيدة يبقى اساسها الحب والاحترام

فماذا يحدث عندما ياتى شريك حياتك وعمرك من اخترتية ليكون لكى الاخ والزوج والحبيب والصديق

ليقول لكى يوما انة يريد ان يتزوج من اخرى

ماذا سيكون رد فعلك هل سترفضين هل ستقبلين

هو موضوع مهم وصعب انى اختصرة فى كلمتين

انا راى الشخصى

ان المراة اى كانت لا ترضى بنصف رجل وان رضيت بالامر الواقع تعيش فى عذاب والم

فقد حدد الشرع والدين التعدد بحدود لم يترك المجال هكذا

سؤالى دلوقتى هل تقبلين بهذا الامر ام ترفضين مع ذكر السبب

وياريت الشباب يشاركو الراى

شكرا اولا

تانيا
عن نفسي لو حاسة في سبب وحاسة ان هيقدر يعدل والله دا حقة
ومش من راي انة نص رجل ياقطة اصلي كدة معناة ان ربنا سبحانة وتعالي اباح حاجة يمكن غلط
الجواز التاني مايعملش الرجل نص ولا اي حاجة

شوفي
لو البني ادم دا عايزة يتجوز عليا لسبب قوي مثلا اني مش بخلف لاقدر الله
او اني فيا حاجة مش موجودة وهو عايزها
او انة حاسس انة عايز الزوجة دية وصارحني بمشاعر ناحيتها وانة حاسس انة هيلغط ومش عايز حاجة زي كدة تحصل

انا هوافق الحقيقة ولكن لو في لحظة حسيت انة مش بيعدل بينا فاانسحب افضل علشان مااكرهوش او اكون مضايقة منة
ولكن دا حق لية ربنا حللة ومش انا اللي هاجي واقول لا لكدة
مع كل احترامي لرايك مايعيبش الراجل ويخلية نص زي مابتقولي غير نقص الاخلاق وغير كدة لا

سلام عليكم
وشكرا ليكي

موضوع جميل قطه
انا عن نفسى لو متجوزه انسان وربنا عطانا حاجات كتير اوووى ليه بقى يفكر التفكير ده كده يبقى بيظلمنى اانا
واكيد محدش يرضى لنفسه بالظلم
اما بقى لو كان مصمم على الجواز برده فيبقى الحمد لله على كده ونسيب بعض احسن لان كده هيبقى جرح كرامتى وانا مرضاش بكده
حتى لو بحبه ادوس على قلبى علشان كرامتى دايما تبقى مرفوعه لفوق مش قدامه ولا قدامى وبس لا قدام الناس كلها
مش معقوول ان الانسان الى اختاره تيجى واحده تانيه تشاركنى فيه يبقى حرام فعلا
وانا كده مش ببقى ضد الى ربنا قال عليه ولا حاجه الرسول صلى الله عليه وسلم لما اتجوز كان كل جوازته بسبب والسبب الرئيسى كان هو نشر الاسلام
اما بقى لو انا مش مخلياه عاوز حاجه وهو بقى حضرته عينه زيغه وشاف واحده تانيه وعاوز يتجوزها بحجه ان الرجل ليه اربعه يبقى هو اختار وانا اختارت انى ابعد عنه
وده رايه مع احترامى لبقيت الاراء
مشكووووووووووره قطه bnn

السلام عليكم ورحمه الله وبركاته
والله وحشتني موضيعك ياقطه ووحشتيني قوي وبالنسبه لموضوعك ده انا بحب جوزي جدا جدا جدا وغيوره عليه فوق ماتتخيلي وواثقه فيه جدا وهو برده بيحبني بس يوم مايفكر في غيري يبقي مايلزمنيش مهما كان السبب ومهما كان سبب زواجه لان اللي بيحب مش بيشوف غير حبيبه فقط امام عينه وطول ماشاف غيري يبقي هي قدره تنسيه حبه ليه وسعتها هادعيله بان ربنا يسعده وانا هابعد عنه ودعيله بكل خير مع احترامي لباقي الاراء

مشكورين يا بنات على المرور والتفاعل مع موضوع قطه هانم
والسؤال اللى بيطرح نفسه هنا
فى حاله انك قررتى الانفصال لانك مش مقابله انه يتجوز عليكى
هل هتستحملى لقب مطلقه ونظرة المجتمع لكلمه مطلقه ؟
منتظر اجابتكم ومنتظر بقيه البنات

شكرا قطة على موضوعك
هوة لو مافيش سبب يبقى مالووش حق
لكن لو فى سبب ممكن تستحمل
وتقبلى مروورى Cool

أولا شكرا كتيييييير قطة لطرح الموضوع

بالنسبة ليا لو قالي عايز يتجوز هشوف ايه السبب ولو كان الغلط مني هاعدل من نفسي ،

ولو كان في سبب مش بايدي بردو مش هقعد معاه وهنفصل سواء في سبب او لا

وبالنسبة لنظرة المجتمع احنا بردو من المجتمع واحنا اللي في ايدنا نغيرها ، وأنا مش هيهمني كلام حد يقولوا اللي هما عايزينوا ، المهم اني عملت الحاجة اللي تريحني

فى حاله انك قررتى الانفصال لانك مش مقابله انه يتجوز عليكى
هل هتستحملى لقب مطلقه ونظرة المجتمع لكلمه مطلقه
والله يا ميدو هى كلمه صعبه فعلا بس مش احسن انى اكمل بقيت حياتى مع انسان خاين ومش قادره اعيش معاه يبقى كده ظلم لنفسى
وكمان ان كان ربنا حلل الطلاق ده يبقى احنا المجتمع هنرفضه لو كان حاجه وحشه مكنش ربنا حلله لينا
هى المشكله فى الطلاق مش نظره المجمتع المشكله الكبيره لو فيه اطفال اكيد هيتاثره اوى بالموضوع ده لان وجود الاب والام فى الاسره طبعا مهم جدا
بس كرامتها وراحه بالها مهم اكترررررر
مشكوووووووووووووور هتسبنى بس بلاش تيجى على الستات اوى كده

مشكورين على المرور والتفاعل
انا مجتش على الستات يا لى لى انا بس حبيت اوسع الموضوع شوية وبعدين اللى قولته دا شىء موجود ومن الواقع ومن المجتمع

تقبلو مرورى ووافر احترامى وتقديرى

بسم الله الرحمن الرحيم

اولا مشكورين جدا على المرور

مشكور بينك وردك واقعى بس نسيتى حاجة نسيتى ان اوقات كتير هتحتاجية مش هتلاقية جنبك هتحتاجى تتكلمى مش هتلاقية هتلاقية

مشغول بغيرك وقتها هتحسى باية

مشكورة لى لى واكيد الانفصال الحل بس تفتكرى احنا بيبقى القرار بايدينا

مشكورة عسولة وحشتينى جدا والله وزى ما بتقولى الانفصال وزى ما الكل بيقول بس احنا نقدر نتخذ القرار دا

مشكورين جدا

مشكور ميدو بس مقولتش رايك ودخلت علينا بسؤال

جاوب الاول على الموضوع

ومن ناحية سؤالك فاعايز قعدة وكلام كتير

تقبل تحياتى

مرسيى ليك يا هتسبنى بجد
والله يا قطه اوقات بيكون القرار مش بايدنا طبعا بس لو القرار بايدنا يبقى الانفصال احسن
مشكووووووووووووره قطه على الموضوع

بص ياهاتسبني احنا ممكن نتحمل نبعد عن الانسان اللي حبينا وعشرنا ولاكن مانتحملش نشوف عينه وهي بتنظر لمرائه غيرنا او ايده وهي بتلمس ايد غير نا او كلمه تتقال ليها قدامنا بيقي صعب علينا قوي يعني البعد هايكون ارحم لينا بكتير واكيد ربنا هايصبرنا ويلهمنا بنعمه النسيان تسلم ميدو باشا

سؤالي ليك ياميدو ايه احساسك لما تحب وحده قوي وتلاقيها مره وحده بضيع منك من غير سبب ؟؟؟؟؟؟؟؟

لى لى بتقووول :مش احسن انى اكمل بقيت حياتى مع انسان خاين ومش قادره اعيش معاه يبقى كده ظلم لنفسى
وكمان ان كان ربنا حلل الطلاق ده يبقى احنا المجتمع هنرفضه لو كان حاجه وحشه مكنش ربنا حلله لينا

اكيد مش احسن عشان مش معنى انو اتجوز واحدة تانية يبقى خانك وربنا حلل الجواز لأكتر من واحدة زى ما حلل الطلاق فا اكيد مش احسن انك تطلقى وربنا بيقوول ابغض الحلال عند الله الطلاق
ونفسى اسأل سؤااال للبنات
تفضلى ان جوزك يتجوز عليكى وتكونى عارفة ولا يكون على علاقة مع واحدة من وراكى ومتكونيش عارفة ؟؟؟؟؟

مشكووووووووووور يا كريم
تفضلى ان جوزك يتجوز عليكى وتكونى عارفة ولا يكون على علاقة مع واحدة من وراكى ومتكونيش عارفة ؟؟؟؟؟
لا طبعا يا كيمو وهو ليه لازم يتجوز او يعرف واحده تانيه
ليه مش يعيش مع الانسانه الى اختارها ويخاف على مشاعرها دايما ليه هو الى يبدا بالغلط بدال هو متجوز انسانه كويسه وبتحبه وبتخاف عليه وبتتقى الله فيه المفروض يحطها فى عنيه مش يتجوز عليها بقى علشان ربناا حلل الجواز ويقول مش احسن ماااعرفها من وراكى انا الاتنين عن نفسى مش هقبل بيهم
زى ما هى حبيته واحترمت حبها ليه وقدرته قدام الناس ده اوربت اولاده يبقى اقل حاجه ممكن يعملها انه يحافظ عليها وميحاولش يجرحها ابدا
مرسيى ليك

مشكورة يا عسوله هانم ودا سؤال حضرتك
سؤالي ليك ياميدو ايه احساسك لما تحب وحده قوي وتلاقيها مره وحده بضيع منك من غير سبب ؟؟؟؟؟؟؟؟

اوكى يا عسوله هانم سؤالك مفهوم ولو ان المفروض يعنى ان يكون فى اسباب لكن ولنفرض ان مفيش سبب للبعد ده
طبعا عشان انا بحبها يبقى هحاول اكلمها واتفاهم معاها واسئلها ان عملتلك حاجه عشان تبعدى اوانا مقصر فى حاجه
وبناء علي اجابتها هيكون ردى
ولنفرض بقا انها قالتلى مفيش سبب
يبقى خلاص هبعد طبعا
الحب دا علاقه تبادليه لازم تكون من طرفين لو من طرف واحد مش هتكمل نهايتها الفراق مهما كان حجم الحب من الطرف ده
وانا مش هحب واحده غصب عنها
مادام بحبها يبقى عايز سعادتها ولو سعادتها مش معايا يبقى هسيبها تبعد
اما بقا عن احساسى فااكيد هيبقى احساس كله مرار
لكن مفيش حاجه فى ايدك
والحياه والدنيا كده مش كل حاجه عايزنها هناخدها
انتى تريدى وانا اريد والله يفعل ما يريد

شوفي ياقطة

مشكور بينك وردك واقعى بس نسيتى حاجة نسيتى ان اوقات كتير هتحتاجية مش هتلاقية جنبك هتحتاجى تتكلمى مش هتلاقية هتلاقية

مشغول بغيرك وقتها هتحسى باية

انا لو حسيت انة مش هيعدل يبقي بلاشة وبما ان الاية قالت ان تعدلوا ولن تعدلوا
يبقي لو انا حسيت اني مش هقدر اكمل يبقي هسيبة
بس تخيلي واحدة بتموت في جوزها لدرجة انها عايزة معاة وبس
واصلة ماراحش خاني زي ماالبعض بيقول انة خاين هو نفذ شرع ربنا لذلك مش شايفة مشكلة افضل معاة طالما بحبة كفاية ومدركة للمشاكل اللي هتحصل ولكن لو فعلا كل مرة احتاجة مش هلقية يبقي كل واحد يروح لحالة
لكن اكيد مش هسيب بني ادم بحبة وعلاقة اتبينت من غير حتي اما اديها فرصة احاول اخليها تستمر
لان بالرغم من صعوبة الموقف انا مش مشكلنتي في اني هكون مطلقة لكن الفكرة الجواز يعني عشرة والعشيرة شي قوي جدا يبقي لية اهدم عشرة مع حد لو في حتي فرصة صغيرة اخليها تكون موجودة وبعدين مين دية اللي عايزة جوزها في وشها طول الوقت دا حتي يزهق الواحد ولو انا مش قابلة اني اقول لنفسي هو مع واحدة غيري هقولها كانة في الشغل وخلاص ومن راي دا افضل ماهو يطلب مني حاجة زي كدة وانا انشف دماغي ويروح يخوني ولا يسيبني

الف شكر ليكي تاني ياقطة ومعلش طولت عليكي

موضوع: رد الخميس مارس 27, 2008 6:48 am

السلام عليكم ورحمة الله

مشكور قطة على التوبك المهم دة الى كتير من الناس بتتعرض لية
وكل واحد هنا بيقول رائية فية وشايف انه صح من وجهة نظرة وانا مش هعلق على ردوك كتير
يعنى مش هقول انها غلط بس فى حاجات مش صح وهقول رائى انا
افتكر مفيش راجل بيتجوز على مراتة بدون سبب
ومش معنى كدا ان عينة بتكون زايغة لانه لو كدا يبقى كل يوم هيعرف واحدة
وكون انه كل يوم هيعرف واحدة يبقى مش مبرر انه يتزوج منها يعنى عمر الزواج من اخرى اسمه خيانة
وافتكر ان البنت الفهمة هى الى تعرف اذا كان الانسان الى بتحبة كدا ولا لا قبل الزواج
ندخل بقى على الاسباب الى تخلى الراجل يعمل كدا
1- تقصير من الزوجة فى بعص الحقوق والواجبات الزوجية
2- الرغبة فى الاولاد اذا كان العائق بسبب الزوجة
3- سبب فى العائلة مما يستوجب للرجل الزواج من اخرى وسوف اقوم بشرح هذا
الشرح : يعنى لو انتى متزوجة من رجل وهذا الرجل لية اخ متزوج وعندة اولاد ومات اخوة
وقام زوجك بالزواج من امراة اخوة حفظا على الاولاد وعلى تربيتهم وهذا ما يحدث كثيرا فى مجتمعنا
ولكل قاعدة شواذ
فانا شايف ان الزواج من اخرى فى وجودة هذه الاسباب منطقى من وجهة نظرى
تقبلو مرورى والاختلاف فى الاراء لا يفسد للود قضية

مشكورة بينك على التفاعل الجميل دا

بس انا عن نفسى ماقبلش ان حد يشاركنى فى جوزى

اى كانت الظروف

تحياتى ليكى

والله كلامك كلة واقعى يا ساحر

بس اى ست اى كانت متقبلش بكدا

وحتى لو فرضا الظروف اللى بتقول عليها لو قبلتها بيبقى من جواها رافضاها

وبتستحمل وتعيش

تحياتى ليك

السلام عليكم ورحمه الله وبركاته
والله وحشتني موضيعك ياقطه ووحشتيني قوي وبالنسبه لموضوعك ده انا بحب جوزي جدا جدا جدا وغيوره عليه فوق ماتتخيلي وواثقه فيه جدا وهو برده بيحبني بس يوم مايفكر في غيري يبقي مايلزمنيش مهما كان السبب ومهما كان سبب زواجه لان اللي بيحب مش بيشوف غير حبيبه فقط امام عينه وطول ماشاف غيري يبقي هي قدره تنسيه حبه ليه وسعتها هادعيله بان ربنا يسعده وانا هابعد عنه ودعيله بكل خير مع احترامي لباقي الاراء
_________________

دة الكلام اللى قالته عسوله وبصراحة انا مع كل كلمه قالتها
الانسان اللى اختار شريكه حياته لتكون معاه حتى الموت ليه يجوز عليها
لو ده حصل يبقى من حق الست دى تقرر تكمل معاه ولا لا وانا مع الست اللى تطلب الطلاق
لانه كدة محترمهاش
وبالنسبه لراى هتسبنى انها كدة هتكون مطلقة وكلام الناس عليها
ليه مبنتكلمش عن الراجل لما بيجوز على مراته
يعنى مبنلوموش كانه هوة بس من حقة يعمل كل حاجة لو كانت غلط
اما الست فلا

وشكرا يا قطة على موضوعك الجميل دة
وتقبلى مرورى

مشكور شاعر على مرورك وتفاعلك

وانا والله سعيدة بطريقة تفكيرك

يسلموووووووووو وتحياتى ليك

اولا ياقطة شكرا ع الموضوع

ثانيا..انا مقرش اعيش معاه لو اتجوز عليا سواء كنت اعرف او معرفش بس مجرد انى اعرف واتاكد هخرج من حياتو فى هدوء مش هنتخانق وندخل فى محاكم ولا لما اشوفه بعدين هدور وشى وامشى لالالالالالالالا انا بكل هدوء هطلب منو انى اخرج انا من حياتو ولو عندنا اولاد هيفضل ابو اولادى وهو اختار يبقى انا مليش مكان...ممكن حد يفكر انو استسلام وانو نزوة ولية تسيبيهولها ؟؟ومعقول تهون عليكى العشرة؟؟وبتمثلى ازاى تشوفيه بعد كدة وعادى؟؟ظ

هو مش استسلام بس هو اختار انو يبقى فى واحدة تانية ف حياتو غيرى وانا مقدرش اتخانق مع واحدة ونقعد كل واحدة فينا تصارع عشان راجل حتى لو جوزى طول ماهو جوزى ومخلص ليا ومقدرنى انا ممكن اعمل اى شئ عشانو ومفيش حاجة ف الدنيا ممكن تبعدنى عنو الا انو يبقى هو اللى اختار انو يبعد يبقى انا امشى فى هدوء واعيش للاولادى والعشرة هتبقى فى قلبى وخلاص لكن هو من ساعة ما اتجوز انتهى

مشكورة منونة

» هل ترضى احد يصارحك بعيوبك
» ترضى تروحى بيت حبيبك, بس و هو لوحده