ارجو كلة يرد....

انا هسال سؤال واحد

مامتك اتخانقت مع والدك وخلاص الموضوع انتهي والطلاق وقع

ولاقيتها ماشية وبتقولك خلي بالك من نفسك وبابا بني ادم كويس جدا واياك تزعلة وتحترمة دا بابا وهيبقي يجيبك تزورني ولحد بس اما اهدي وابقي تعاليلي


سؤالي
مع العلم ان مافيش طريقة ترجع اللي راح خلاص وماينفعش تتناقش الوقت خلاص فات وفعلا افضل حل ليهم الطلاق
ازاي هتتعامل مع الموقف دة ؟ وهل هتتقبل الوضع ولا تتمرد ؟

ارجو ان الكل يشارك ويرد

مشكورة يا بينك هانم على طرح المشكله الاجتماعيه اللى منتشرة وموجوده فى مجتمعنا المصرى

اما بالنسبه لاول سؤال هتتعامل مع الموقف ازاى ؟
انتى قولتى ان خلاص الوقت فات وانهم انفصلو بالفعل
يبقى مفيش غير انى ارضى بالواقع مهما كان يجرح او يألم لكن مفيش غيره
مفيش اى حلول تانيه غير انك هتمارسى حياتك تانى
الواحدهياخد فتره هيبقى تايه فيها ومش عارف اى حاجه
لكن ربنا خلق نعمه جميلة اوى اسمها النسيان ومش معناها النسيان بالفعل
لكن بتبقى شبه التأقلم مع الاوضاع الجديده
وكل يوم هيفرق معانا وهتلاقى نفسك يوم عن التانى تبدأى ترعى تمارس حياتك بشكل طبيعى
لكن هيوصلك شعور بشع بعدم الاحساس بالامان وهنبقى خايفين من بكره اوى
وانك مش عارفه تحكى او تفضفضى مع حد لان الموضوع دا بتبقى النظرة ليه فى مجتمعنا مش ظريفة
فا علطول تحسى بان فى حاجه نقصاكى لان وجود الاب والام فى البيت دا شىء مفروغ منه
لكن مفيش حاجه فى ايديكى
بالنسبة للسؤال التانى هل هتقبل او هتتمرد
وزى ما قولتلك فى الاول دا شىء تم والوقت فات خلاص
يعنى مفيش حاجه فى ايدك ومهما تتمردى لا هتقدمى ولا هتأخرى
ولما تلاقى ان مفيش حاجه فى ايدك هتضطرى غصب عنك انك ترضى بالامر الواقع مهما كان جارح
مشكورة لتانى مره يا بينك على المووضوع
تقبلى مرورى ووافر احترامى وشكر وتقديرى

شكرا بينك على موضوعك الحيوى دة
بس انتى بتقولى مع العلم ان مافيش طريقة ترجع اللي راح خلاص وماينفعش تتناقش الوقت خلاص فات وفعلا افضل حل ليهم الطلاق
يبقى هرضى بالامر الواقع بس اللى مش هرضى بيه انى اسيب امى
هعيش معاها بس مش معنى كدة انى هقطع صلتى بوالدى
هكووون مع الاتنين بس هعيش مع مامتى عشان طبعا مش ينفع اسيبها لوحدها
وربنا ميجيبش مشاكل

الف شكر لموركم
والف شكر هتسيبني علي ذوقك

وشكرا كريم
نورتيني

للأسف يا بنك ان الموضوع ده بدء فى زيادة غريبة وللأسف الضحية الأولى هم الاطفال وبينتج عنه جيل ضعيف وجبان لا يحس بوجود الأمان والحنان والدفء الذى ينعم به اى اطفال فى جو أسرى هادىء ومستقر
ولكنى أقول "انا اريد وانت تريد والله يفعل ما يريد"يمكن لما اشوف غيرى فى هذه المشكلة احمد ربى على نعمة الاستقرار اللى انا فيها
وبالنسبة للموضوع يا بينك وانتى بتقولى ان الموضوع منتهى يعنى مفيش كلام حيقدم ولا ياخر يبقى ادعو ربى يصلح حالى ويصلح أمرى واكون دايما بجانبهم هما الاتنين "وقل رب ارحمهما كما ربيانى صغيرا" ومين عارف يمكن الطلاق هو الحل الأفضل لهما ولكنى لن اتركهم وحعيش معاهم هما الاتنين واحترمهم واطيعهم "واخفض لهما جناح الذل من الرحمة وقل رب ارحمهما كما ربيانى صغيرا" مش حطول عليكى يا بينك الجميلة وشكرا على الموضوع

الف شكر ضي

كلامك جميل جدا وردك منطقي للغاية

نورتي الموضوع

على فكرة اوقات كتير اوي بيكون الطلاق هوة الحل الوحيد او الامثل
ودة بيكون في حاله ما اذا تم الانفصال بطريقة محترمة وفيها مراعاة لجوانب الاولاد بمعنى يعني خلاص انفصلنا مش معنى كدة اننا نحارب بعض
وبكدة على الاقل الاولاد هيلمسوا ان في احترام متبادل بين ابوهم وامهم وبكدة نقدر نحافظ على حالتهم النفسية

بصراحة يا بينك مش هاعرف ارد عليكى فى الموضوع دة
عشان مجربتش ومحبش اكلم فية
وشكرا على موضعك