تتجوز حد غلط قبلك ....؟

هتكلم النهاردة في موضوع يمكن جرئ شوية

وهو ان البنت او الولد يغلطوا وطبعا مش محتاجة اقول نوع الغلط

فسؤالي اهوة
نفترض ان اتنين بيحبوا بعض ووقعوا في الغلط علي اعتقاد منهم انهم هيتجوزا وفعلا كانوا خلاص هيتخطبوا
حصلت حادثة سببت موت واحد فيهم

دلوقتي سؤال البنات
ترضي تتجوزي الشخص دة مع العلم انة غلط قبلك بس فعلا حبك ون هو بعد الحادثة اتقي ربنا تماما وتاب لله عز وجل ؟

وسؤال الشباب
تتجوز البنت دية مع العلم انها غلطت قبلك بس فعلا حبتك وانها بردة بعد الحادثة تابت تماما واستغفرت ربنا واتصلح حالها ؟

وياجماعة احنا بنفترض ان انت حبيتها فعلا وجيت تقولها انا عايز اتقدم قامت حاكيالك اللي حصل
والبنات هو حبك جدا وانتي حبتية وقالك انا عايز اعتفرلك بحاجة وقام حكالك وقالك انا عايز اتقدم


ارجو كلة يرد

يامحمود انت ليك حرية الراي وهو دا رايك ودا عادي جدا

بس اسالك سؤال لو انت مكان الولد اللي غلط وحبيبتة ماتت من رايك مش المفروض البنات يتجوزوك ؟

وعلي ان الحب مرة واحدة مااعتقدش دا صح تماما لان ساعات كتير الواحد لو حبيبة يموت بيحب تاني اصلي هو مش عايش وانفصلوا دا قضاء ربنا


غير كدة الف شكر علي ردك الجميل وطالما رايك ماتخافش ابدا من انك تقولة طالما انت مش بتجرح حد انت حر


الف شكر علي المرور وشكر ا علي ذوقك

موضوع جميل بينك
انتى بتقولى : فسؤالي اهوة
نفترض ان اتنين بيحبوا بعض ووقعوا في الغلط علي اعتقاد منهم انهم هيتجوزا وفعلا كانوا خلاص هيتخطبوا
حصلت حادثة سببت موت واحد فيهم
طبعا احنا مش ملايكة وكل انسان بيغلط ولكن فى غلط مقبول شوية وفى غلط مرفوض تماما والغلطة دى مش بسيطة ومعناها كبير يعنى غلطة فى حق ربنا وحق الاهل وفى حق نفسهم ،يعنى غلطة كبيرة بكل المقاييس
طيب حكمل معاكى
دلوقتي سؤال البنات
ترضي تتجوزي الشخص دة مع العلم انة غلط قبلك بس فعلا حبك ون هو بعد الحادثة اتقي ربنا تماما وتاب لله عز وجل ؟

طبعا ربنا سبحانه وتعالى بيقبل التوبة من عباده ولكن احنا بشر وكل واحد بيختلف عن التانى فى رد فعله وتقبله للأمور واذا كان عنده القدرة على النسيان والتسامح وتقبل صدق هذا الشاب واعترافه بحقيقة كان من الممكن ببساطة انه يخفيها ومكنتش البنت حتعرف حاجة أما بالنسبة انى ارضى اتزوج من هذا الشخص ،مش عارفة حيكون داخلى دائما شك تجاهه فى البداية ولكن يمكن بالمعاملة ومواقف اكيد حتحصل بيننا الوضع يختلف.
فى حاجات يا بينك الواحد ممكن يسامح فيها ويتقبلها وفى حاجات تانية بتبقى صعب التسامح فيها

شكرا بينك على الموضوع الجميل وتقبلى مرورى

الف شكر لمرورك ياضي
نورتي الموضوع

مشكورة يا بينك على الموضوع الجرىء ولكن مفيد وواقعى وبيحصل

وزى ماضى قالت فى غلط بسيط وفى غلط بيبقى صعب
لكن لو هنتكلم على غلط من هذا النوع فا انا عن نفسى هحترم صراحتها لكن هتظهر مشكله جديده بغض النظر عن الحب اللى بينا
لكن هيكون فى شك ولو بالمعامله الشك دا اختفى فا من السهل اوى ان الشك ده يرجع تانى باى تصرف يفكرك بالموقف نفسه
ومعتدش ان لو فى شك بينا هتكون فى حياه سعيده
دا بالنسبه ليا انا
نيجى بقا لنقطه تانيه هل انتى ممكن فى قرار جوازك تقفى قدام اهلك
معتقدش ان فى اهل هيوافقو على وضع زى ده نهائى
نيجى بقا للناس وهنقول ملناش دعوه بالناس وكويس اوى الكلام ده
لكن فى حاجه مهمه ان احنا مجتمع شرقى والراجل فيه حريص على شرفه واهل بيته وانه ممكن يموت فى سبيل ده
فلنفرض انه وافق على الجواز منها
مع اول نظره وتعليق من الناس عليه الله اعلم هيكون رده ايه بس اكيد هيكون رد انفعالى عصبى ممكن يهدم بيه اسره
بعد دا كله وبعد التفكير فكل الحاجات دى
معتقدش انى ممكن اوافق على الارتباط بيها واينعم هيا انسانه وكل حاجه لكن هيا غلطت فى حق نفسها قبل ما تغلط فى حقى انا
ومحدش تحت تاثير الحب يفرط فى حاجه زى دى مش مبرر نهائى
تقبلى مرورى ووافر احترامى وشكرى وتقديرى

الف شكر علي مرورك هتسيبني

ورايك جميل جدا

بس في حاجة هي الناس هتعرف لية اصلا بحاجة زي دية ماهي لو هي راحت فضحت نفسها تبقي غبية
انا بتكلم ان محدش يعرف اصلا وهي قالتلك انت بس

وبعدين انا سالت محمود لو انت اللي مكان الشاب دة وخطيبتة ماتت المفروض البنات مش تتجوزك ؟
ارجو ان كل الولاد يردوا علي السؤال دة


والف شكر

لالالالالالالالالالالالالالالالالالالالالالالالالالالالالالالالالالالا
وشكرا على موضعك