لغتنا الجميلة

انا حبت اتكلم في موضوع يمكن الكل يستغربله شوية بس بجد هوة موضوع انا شخصيا شايف انه من الاهمية بماكان وفعلا جد خطير الا وهوة الحفاظ على لغتنا العربية وعلى هويتنا العربية
لية ديما ياشباب بنحب نتشدق ببعض الالفاظ الاجنبية ونحاول ان نقحمها في مجال لغتنا العربية لية ديما في مواضعنا ومناقشاتنا بنستخدم ديما الفاظ اجنبة مثل اوك او مرسي انا مش هقول اني مش بعمل كدة اا بعمل كدة وغصب عني بلاقي نفسي بقول الالفاظ الاجنبية وسط الكلام بس صدقوني حاجة تضايق لية احنا مانحافظ على هويتنا العربية وعلى لغتنا العربية واكيد انتو عارفين مكانة اللغة من حيث انها لغة القران الكريم ولغة اهل الجنة هل ياترى في استخدامنا للالفاظ الاجنية مفخة لينا ومدعاه للتفاخر والانفتاح العقلي وان مان كدة لية مانحاولش نستخدم اللغة العربية في كل حياتنا بدل مالقينا نفسنا في ثوب غير ثوبنا واصبحت اللغة العربية غريبة في ديارها
ارجو مشاركتكم ومعرفة رأيكم في الحفاظ على لغتنا العربية في حياتنا اليومية

اولا شكرا علي الموضوع اللي ولا غريب ولا حاجة بالعكس موضوع مهم جدا

شوف انا بقي اولك راي
انا عن نفسي والله مش بحب ولا ميرسي ولا اوكي دية حتي مش بقولهم كتير بحس انة ياما اتكلم اجنبي ياما عربي مااحبش اكتب عربي وشوية انجليزي
ومش يضايقني غير الشخص اللي يقعد في الكلام بقي كل شوية يحدف كلمة انجليزي تبقي انت مخنوق ودا عمال yes ,no,iknow وتبقي مخنوق بقي

من راي السبب اننا بقينا بنقلد وخلاص وكتير منا الحقيقة مش فخور بعروبتة اصلا وعاجبة تقدم الغرب وقوتهم اللي الكل شايفهم لذلك بنحاول نقلدهم
لكن مشكلتنا اننا بنقلد التفاهات ومش شايفين انهم بيجتهدوا جدا في العمل وعندهم وقت الشغل مافهوش غير الشغل ومش زينا تلاقي وقت الشغل الناس سايبة الشغل وعمالة ترغي وتضحك وسايبة المصالح
ودا دليل علي قدر كبير من جهلنا بردة اننا بنقلد وخلاص وانا شايفة ان التقليد مش بس في اللغلة حتي اللبس بقينا بنقلد من غير اما نفهم منبع اللي بنعملة

وانا بحيك علي الموضوع اللي بجد جميل جدا
ومهم جدا

bink
متشكر جدا على مرورك وانا فعلا معاكي في اننا بنقلد وخلاص وبجد انا بحس بشئ من الامتعاض والحزن لما فعلا اسمع واحد بيستخدم الالفاظ الغربية دي مش بس لانه بيستخدمها لا لانه بيستخدموها من باب انه انسان متحضر وعصري ولازم يعمل كدة عشان يكون مواكب التحضر
شكرا ليكي على تعقيبك على موضوعي

تسلم ايديك على الموضوع الجميل

بجد معاك حق واكتر من مرة اتكلمت مع اصحابي او اهلي في الموضوع ده
اكيد ان لغتنا العربيه لغة جميله جدا وعريقة جدا ولغة حضارة قديمة واكيد كلنا بنحبها

بس انا لما بستخدم شويه مفردات اجنبيه مش بستخدمها من منطق التفاخر او اني اعرف اقول كام كلمة اجنبيه
يمكن بقول المفردات الاجنبيه دي بحكم التعود عليها في حياتنا اليوميه مع اهلنا واصحابنا و كتير من البرامج التلفزيونيه او المسلسلات
بنسمعها كتير
علشان كده بناخد عليها بحكم العادة وكتر الاستخدام مش اكتر
يعني المفردات والمصطلحات دي بقيت عادة عندنا مش بننتبه اننا بنقولها لانها بتطلع معانا بشكل عفوي

لازم نتعود على استخدام مفردات ومصطلحات عربيه اكيد هنتعود عليها زي مااتعودنا نقول الاجنبيه
واحنا اكيد لازم نحافظ على لغتنا العربيه ونهتم بيها اكتر من كده بكتير

تسلم ايديك tanbouly على الموضوع المهم ده

zena
شكرا لمرورك وهوة دة اللي انا بقصدة اننا اصبحنا بنستخدم المفردات دي كتعود ليس الا وانا قولت في الموضوع ان انا كمان غصب عني بستخدمها من دون قصد يعني في سياق الموضوع ودة الي نا عايز اقول علية اننا م عايزين نستخدمها كتعود اكتر من كد ولازم نوقف استخدام الالفاظ دي عشان ماتبقاش هيا الاصل واي حاجة بعد كدة تكون فروع اللي انا اقصدة ان الاجيال اللي طالعة لما تلاقي اللي حواليها كله بيعمل كدة فغصب عنهم بردة هيعملو كدة وبتمنى اننا نحافظ على قد مانقدر اننا نستخدم في كلامنا وحورتنا الالفاظ العربية عشان نتعود عليها وترجع تاني لمكانتها الطبيعية
شكرا ليكي على تعقيبك على الموضوع

لغتنا الجميلة .. العنوان جميل والموضوع جميل تسلم ايديك تانبولى
فى كلمات بنستخدمها كتير فعلا كنوع من التعود زى ما اقول ميرسى بدل شكرا او اقول هاى بدل السلام عليكم بالرغم من ان التانية حاخد عليها حسنات ولكن الاولى لن أأخذ عليها حاجة ، وفى ناس بتبالغ فى طريقة الكلام فتلاقى حبه من كلامه عربى وحبه انجليزى والكلمة اللى يقولها بالانجليزى يترجمها بالعربى بعد كده وتبقى طريقة كلامه ممله ، فى شباب بيفتكروا ان دى شياكة او انها كده تبقى كلاس ، ولكن الافضل طبعا التمسك بلغتنا الجميلة ومفيش احسن منها

موضوع جميل جدا

وانا هتكلم علي كلمه مشهور جدا وهيا كلمة هاي

احيانن بيكون رد لهذا الشخص انطق السلام

برغم اني اعرف واحد صحبي متدين جدا كان يراسلني واول كلمه نطقها هاي فقولت لهو لماذا لا تقول السلام عليكم ورحمة الله وبركاته

قال لي انا كل مبكلم حد او حد يكلمني علي الاميل يقولي هاي فانا بقول زيهم
وطبعا كان لسه هو داخل نت قريب وانا كلمته وعرفته خير السلام فهو سلام الله في اي مجال

مشكور تانبولي علي الموضوع الجميل تقبل مروري

اخواني ضي القمر & طايش
اولا متشكر جدا لتعقيباتكم الجميلة وفعلا هيا ظاهرة مفادها بث بعض الالفاظ لمحو اصاله الللغة العربية مننا وبطريقة تدريجية
متشكر جدا ليكم

انا مش شايف ان فيها حاجة لو استخدمنا الافاظ دى
مش معنا اننا بنستخدمها يبقى اننا بننسى لغتنا بس هى بتبقى تعود مش اكتر وبعدين انت نفسك كاتب اسمك بالانجليزى مش بالعربى
وبينك بردوو اللى بتدايئ من yes , no , iknow كاتبة اسمها بالانجليزى مهى تعتبر نفس الموضوع غيرووو بقى واعملووه بالعربى
واختلاف الاراء مفهوووش حاجة
وشكرا على موضوعك وتقبل مرووورى

اخواني كريم & كرمالك
احب ابدأ كلامي بأن اقول ان الاختلاف في الرأي لايفسد للود قضية جميل جدا اننا نختلف لان طبعا الحياة طبيعتها كدة محدش هيفضل صح على طول ولا غلط على طول
بالنسبة للاسم بتاعي اللي مكتوب بالانجليزي لو تفتكرو اني بديت كلامي قزلت فية انكم هتستغربو من الموضوع دة على كل انا عرضي للموضوع دة مش معناه اني مش بستخدم بعض الالفاظ الدخلية لاني بالفعل وللاسف بستخدمها بس خطر على بالي اني اعرض عليكم المضوع من اجل على الاقل اننا نرجع تاني للغتنا
تقبلوا تحياتي
الطنبولي

انا هرد تاني
علي كلام كريم

شوف ياكريم انا لما كتبت اسمي ماكنتش اعرف اصلا انة ممكن يتكتب عربي وصدقني كان اسهلي اني اكتبة عربي حتي الناس مش هتغلط فية وتقويلي بنك وهو بينك
بس انا ماكنتش اعرف

وغير كدة ياكريم ماانت كاتبة انجلش رغم انة اسم شخص
بينك حتي كلمة انجليزي اصلا في الاساس يعني المفروض تبقي انجلش
انت كاتب اسمك انجلش لية بقي

وغير كدة ياكريم في فرق مابين كلمة بكتبها واني كل شوية ادخل في الكلام انجلش ودا انا مش بعملة قد كدة ممكن مرة ولا حاجة بس مش كل شوية بقول انجلش


الف الف شكر
ومعلش طنبولي كل شوية ادخل ارد

تقبلوا مروري

بينك
ياستي ولا يهمك ادخلي ردي براحتك واعتبر انه موضوعك

انا معاك يا طنبولى ولغتنا دية حلوة جدا واحلى لغة لغة القران الكريم
ولغة الانبياء
وشكررررررررررررررررا ليك يا طنبولى