عمرك فكرت في بكره

حبيت النهاردة اتكلم في موضوع يمكن غايب عن كتير مننا عمر حد فينا قبل كدة فكر في بكرة؟ انا ملاحظ ان السواد الاعظم من الشباب ملوش دعوة بكرة دة خالص بمعنى عايش يومة وخلاص وزي ماتيجي دون ان يكون له اي مخطط او هدف يسعى لتحقيقة ياجماعة احساسي اننا ديما بنمشي بطريقة عشوائية ومؤمنين اوي بمقولي زي ماتجي وعيش يومك وخلاص واليوم النهاردة خلص خلاص ننام ونقوم وخلاص واخي ماشية انما يا جماعة حد فينا حط مخطط مثلا لحياتة حد عمل هدف وضعة في نصب عينية ويسعى لتحقيق هذا الهدف اعتقد يا جماعة ان الانسان لما يكون حاطط هدف ادامة وبيسعى لتحقيقة وبيبذل جهد في سبيل انه يحقق الهدف دة اكيد بيحس بسعادة غامرة لانه تعب ولقى نتيجة تعبة واكيد بيكون ليها لذة ومذاق خاص في النفوس عكس النا اللي بنقول عليها ماشية بالبركة وخلاص وزي ماتيجي من غير مايكون عارف هوة عايز اية وبكرة دة هيكون اية انا عارف ان الغيب بيد اله وانا ماقولتش اننا بتفكيرنا لمستقبلنا هنغير من الغيب اعوذ بالله من ذلك كل اللي بطلبة اننا نخطط بس لمستقبلنا نشوف احنا عايزين اية من بكرة ونحاول نعملة وكل شئ بعد كدة في ايد ربنا

جميل واكيد بنفكر فى بكره بس خايفين منه اوى

لية ياهمس نخاف من بكرة
لية احنا مايكنش عندنا الشجاعة الكافية لمواجهتة ونكون نستنى بكرة بكل امل وبكل تفاؤل لية احنا نحبس نفسنا في بوتقة الخوف لية احنا بنسلم بسرعة اوي كدة وبنستسلم لكمة خوف ونخضع ليها على انها السيد ونحن العبيد همس حاولي تكسري قيود الخوف واهدمي اسوار الخوف من بكرة وتفائلي خير

السلام عليكم ورحمة الله

اولا بشكرك على موضوعك

واحب اوضحلك حاجة ان فى شباب كتير بتفكر فى بكرا وبتفكر كويس فى مستقبلها وهى عايزة اية

وفى ناس عايشة وخلاص تاكل وتشرب وتنام مالهومش هدف ولا حلم بيسعو لتحقيقة والشباب الللى زى دا مشاكلهم بتبقى كتير

ولما تيجى تسالهم يقولولك ما الكل كدا هى جت عليا

والانسان اللى يعيش من غير هدف معتقدش انة بيبقى عايش

شكرا على الموضوع

شكرا يا قطه على مرورك
اكيد في ناس بتفكر في مستقبلها بس للاسف بقوا قلة لان الاغلبية بأو مستسلمين وبيعيشوا وخلاص واللي بيطلع بيتعلم من اللي قبلة اللا مبالاة
شكرا يا قطة

اولا موضوع جميل

تانيا بقي
كلنا بنفكر في المستقبل ولكن المشكلة اني في حالة بردة من الاحباط لان الواحد عارف مافيش فرص عمل قد كدة لذلك هو بيكون خايف يتعب نفسة ومايصلش لحاجة
واكيد طبعا لازم يكون في هدفغ ونعمل لتحقيقة والمفروض الواحد يذاكر في الكلية والدراسة علشان يوصل لاعلي حاجة ممكن يوصلها
وفعلا اللي بيكون عندة هدف بيكون مبسوط جدا من نفسة

الف شكر ليك علي الموضع
بس ليا طلب
ممكن تكتب اسمك بالحروف الععربي ازاي علشان انا مش عايزة اكتبة غلط

اكيد محدش فينا مش بيفكر فى بكره بس بيفكر وهو محبط وخايف من الى جاى
وياترى الدنيا مخبيالنا ايه
لاننا كلنا بنحلم بس نادر اوى لو وصلت الاى حاجه انت بتدور عليها
انا مبقتش احط اهداف لمستقبلى لانى عارفه ان مفيش حاجه بتحقق
مشكووووووووووور على التوبيك

شكرا ليكم يا جماعن على المرور والتفاعل
انا فعلا هدفي من الموضوع نبذ الاحباط من جذورة المثبتة في قلوبنا واحنا بنتساهل من ناحية ان اي حد هتكلمة هيقولك وانا لما اخلص هعمل اية لية مانفكرش بجد ونحقق كل اللي بنحلم بية شكرا ليكي
bink @ لي لي
انا اسمي بالعربي الطنبولي ودة اسم العائلة

شكرا طنبولى على موضوعك الجميل
هو الواحد بيفكر فى بكرة والمستقبل وكله طبعا بامر الله ولكن احنا نمشى خطوة خطوة بمعنى انى اجتهد فى دراستى وانجح فيها واجيب تقدير وممكن مثلا ادرس لغات وكمبيوتر بمعنى انى انمى نفسى وقدراتى علشان لما افكر اتقدم لوظيفة بعد التخرج يبقى الامل اكبر انى الاقى حاجة كويسه باذن الله ، الخوف من بكرة واللى حيحصل ده اكيد شىء جوانا كلنا والتقرب الى الله وكثرة الدعاء بتهدينا وتطمئن نفوسنا ولا انكر ان فى شباب مش بيفكر فى حاجة بمعنى اتكالى يعيش اليوم بيومه وخلاص من غير هدف ولا طموح ولا رغبة فى تحقيق اى شىء
شكرا طنبولى وتقبل مرورى

شكرا يا ضي على مرروك الجميل
هوة دة اللي بطلبة والله يا ضي وفعلا لازم نشوف احنا ناقصنا اية ونعملة عشان نكون احسن ومانسبش ولا نرمي كل حاجة على الظروف بأدينا واجتهادنا واعتمادنا على الله سبحانة وتعالى هنعمل كل حاجة وكفيانا اتكالية واعتماد على الغير
شكرا ليكي يا ضي

الموضوع بجد عاجبني
مرسي عالموضوع الحلو ده الي بخلي الناس تصحى من الغيبوبة الي عايشين فيها وبتخلي الشباب الي عايشين وهما مش عايشين يبدأوا يفكروا فحيااتهم الي ملهااش لازمة وهما فاكرين انهم بيعملوا حاجة وهما بجد مش بيعملوا اي حاجة تفيد العلم الي حوليهم .....

اتمنى من كل الشباب والبنات الي عايشين حياتهم بالبركة يغيروا الفكرة دي ويبدأوا يفكروا فمستقبلهم بشكل صح ويركزوا ويخططوا لهدفهم ويسعوا لتحقيقه....تقبل مروري

بشكرك تاني مرة عالموضوع الحلو ده

fff

شكرا ليكي يا برنسيسة على كلامك الجميل كل زوق
فعلا يا رب كلنا نفوق ونعرف احنا عايزين اية ونعملة ونحققة
شكرا ليك ياي برنسيسة

موضوعك جميل طنبولى اولا لازم يكون لينا هدف فى حياتنا لازم كل انسان يعرف هو عاوز ايه مش يسيبها عايمه كده ونقول لما يجى بكره ربنا يحلها لا طبعا يكون هدفنا عارفينه اولا نتقرب من ربنا اوى ونستغفر كتير عشان ربنا يهدينا جميعا وينورلنا طريقنا ثانيا نجتهد فى دراستنا لو كنا لسه بنتعلم ولازم نشتغل ونجتهد عشان منخفش من بكره واكيد المستقبل بايد ربنا سبحانه وتعالى جميل بجد يا طنبولى موضوعك ومشكور كتير انت كده صحيت الشباب من الغيبوبه الى هما فيها تقبل مورورى وارجو انى مكنش اتكلمت كتيرررررررر bnn

ياسلام يا كرمالك انتي كلامك الكتير دة بيزيد من حلاوة الموضوع وبيضفي على الموضوع بعض من لمسات الجمال والرقة
اتكلمي كتير ولا يهمك يا ستي
وشكرا ليكي على كلام الجميل والله مش عارف اقولك اية
شكرا ليكي

الكل بيفكر فى
بكرة بس حاطط قدامة 100 خط عشان مش عارف اية الى هيقبلة وشكرررررررررا
يا tanbouly