عندما تضيع الحقوق............ اى لغه تنفع؟؟؟؟؟؟؟؟؟؟؟؟

مشكور شاعر على الموضوع

واحب اوضحلك عمر السلاح والعنف ما كان طريقة لاسترجاع حقوقنا

فى طرق كتير لاسترجاع حقوقنا منها التفاهم واننا نتناقش بهدوء

ومنفعش ممكن نستخدم ضغط معين وحكاية السلاح دى بتبقى اخر


حاجة ممكن نعملها بعد لما نسنفذ كل الطرق

قطة
هسال سؤال
كام سنه قاعدين على مائدة المفاوضات
وايه اصبحت النتيجة
وهل الحوار نفع مع اللى احتلونا

يا شاعر مصرى
هل الحروب سهلة؟عارف حرب معناها ايه ؟ شباب ورجال يموتون ، بيوت تتهد ، واطفال تتيتم ونساء ارامل
انت عارف حرب 73 ولم تكن فيها الاسلحة النووية والكيميائية والاسلحة السامة والاقمار الصناعية والنت والرصد
GPS
تفتكر لو حاربنا حيحصل ايه؟؟؟؟؟؟؟؟؟؟
انا معاك ان احنا بنتناقش من سنوات ، ولكن الحرب صدقنى فى الوضع الحالى حتكون دمار
حتقول طيب نقف ساكتين ؟؟؟حقولك : لا ، نتناقش ونحاور واحمى بلدى من هلاك محقق
ربنا اعطانا عقل نفكر به والسلاح والحرب هو أخر ملجا
احمى بلدى واهلى واولادى
مش سهل كلمة حرب خالص
شكرا شاعر مصرى وتقبل مرورى

شوف ياابو ندي

من راي طبعا الحوار ولكن الحوار المصحوب بفعل
يعني نتحاور ونتحد سوا علشان نؤكد اننا لانتحاور لضعف فينا ولكن اننا قادرين علي فعل ماهو اكثر من ذلك لكن نريد ان نكون عقلاء
زي ماضي قالت حرب يعني دمار اسحلة يعني في ابرياء هيتاذوا جدا
انت لما بتقول كدة انت فاهم ان السلاح هو الحل ازاي يعني
تخيل لو دة حصل وفعلا حصلت استخدام للسلاح هيحصل اية للابرياء اللي مالهومش اي حول ولا قوة
هيموتوا ويتعذبوا اطفال هتموت وشيوخ وشباب ونساء

لازم نكون قادرين علي الحوار الفعال يعني يبقي في حوار مع العلم ان عندنا قوة تتعدمة وكل الامور لها حلول بالحوار طبعا
وزي ما عاشقة قالت لو اتحدنا هنلاقي حل

شكرا ابو ندي

اذا لقد اجتمعت على ان الحرب دمار
ولماذا نحارب مادمنا نستطيع الحوار
اذن لماذا نكلف انفسنا الاف الارواح
ولكن اريد اجابه
هل يتحدث اعدائنا بنفس اللغة التى تريدون التحدث بها
ايستخدم عدونا معنا لغة الحوار
اريد ان اعرف اى مهانع اكبر من ان نقول الحوار مع العدو والعدو يقول الحرب
قولوا اي مهانه اكبر من ان نرى شبابنافى اراضينا العربيه يحصدون باسلحتهم كما يحصد الخريف اوراق الشجر
قولوا اي مهانه اكبر من ان ترى ابنك يموت بين يديك ولا تستطيع منع رصاصه غادره عنه
قولو اى مهانه اكبر من ان نرى نسائنا بين يدى اعدائنا يفعلوا فيهم ما يحلو لهم ونحن قول الحوار
اذن اى النخوة والكرامه
اين غيرتنا على بلادنا
قولوا بالله عليكم اى مهانه اكبر من هذا

عندك حق يا شاعر وكلامك صح
ولكن فى حديث عن رسولنا الحبيب(ص) يقول :



حدثنا محمد بن عبد الله بن نمير وعلي بن محمد قالا ثنا أبو معاوية عن الأعمش عن رجاء الأنصاري عن عبد الله بن شداد بن الهاد عن معاذ بن جبل قال : (صلى رسول الله صلى الله عليه وسلم يوما صلاة فأطال فيها فلما انصرف قلنا أو قالوا يا رسول الله أطلت اليوم الصلاة قال إني صليت صلاة رغبة ورهبة سألت الله لأمتي ثلاثا فأعطاني اثنتين ورد على واحدة سألته أن لا يسلط عليهم عدوا من غيرهم فأعطانيها وسألته أن لا يهلكهم غرقا فأعطانيها وسألته أن لا يجعل بأسهم بينهم فردها علي).

عارف يا شاعر
معنى لا يجعل باسهم بينهم ان العرب لن يتحدوا ولن تكون هناك قوة واحدة
المشكلة الأكبر يا شاعر ان دلوقتى دخلت استثمارات كثيرة داخل مصر واصبح فى بيع اراضى ومصانع وشركات والخوف الأكبر اللى ممكن نتفاجأ به ان يكون اليهود هم الذين يشتروا هذه الاراضى ونفاجأ باستيطانهم داخل مصر ونبقى زى فلسطين ولان مفيش حاجة تحكمها مصر بان لا يكون البيع لليهود
ومن ناحية تانية الاطفال والشباب اللى بيموت والاهانة المعرض لها شعب باكمله رجال ونساء تفتكر الحل ايه نقول يالا يا مصر نحارب ولا تقصد اتحاد العرب كلهم علشان يبقوا قوة ويحابوا اعداء الله
انا اتمنى حدوث هذا ولكن اتمنى حاجة والحقيقة والواقع للأسف حاجة تانية
شكرا لمشاعرك وتعاطفك مع المسلمين فى كل مكان ولكن ارجع واقول الحرب دمار وهلاك
شكرا ليك شاعر وتقبل مرورى

اذن سنظل نبكى حالنا ونحن مكتوفى الايدى
شكرا على تفاعلكم يا شباب

شاعر مصرى كتب
اذن سنظل نبكى حالنا ونحن مكتوفى الايدى

لا يا شاعر مصرى
طيب تعالى نتكلم بهدوء بدل ما نقول الحرب بالدبابات والمدافع واموت شعب باطفاله وشبابه ونسائه ورجاله تعالى نتكلم عن الحرب الاقتصادية عندما حصل الاستهزاء بنبينا الكريم (ص) وقاطعنا المنتجات الدانماركية ايه اللى حصل هما خسروا ملايين واحنا لم نمت من الجوع واستبدلنا منتجاتهم بمنتجات اخرى، ممكن اطور بلدى واجد قوت يومى ولا احتاج الى الاستيراد من الخارج،انهض بالتعليم والبحث العلمى واقضى على اميه الشعب وجهله اللى ما زلنا نعانى منها حتى الآن ،اعلم اولادى الدين والاخلاق واربيهم صح ،اجتهد فى مذاكرتى لانجح واثبت ذاتى ، اكتر من المصانع والشركات واستصلاح الاراضى واوظف الشباب واقضى على البطالة
لازم ابدأ من جوايا الاول ومن جوى بلدى ولو انا بقيت قوية محدش حيقدر عليا ومن هنا ممكن اساعد غيرى
مش شرط احارب بدبابة ولكن ممكن احارب بعقلى
انا ممكن يكون واقف واحد امامى عضلات وطول بعرض ولكن بخطة صغيرة منى ممكن اوقعه فى حفرة
شكرا شاعر مصرى وتقبل مرورى

شاعر كلامك صح الصلح مش بيجيب ناتيجة الحرب مش كلمة سهلة لكن مهو بيحاربو واطفال ورجال ونساء بتموت اشمعنا ليهم الحرب كويسة فعلان اقعدان اقد ايه فى المتفوضات لكن لازم نقف واقف واحدة وندافع بقى عن الحقوق دية لكن ربنا اكبر من الكل وهو الوحيد الى يقدر يرجع الحقوق لكن لازم نعمل حاجة مش نقف مكتفين الايد ونقول الصلح احسن من الحرب
الساكت عن الحق شيطان اخرس
تقبل مرور شاعر

يا دنيا الاحزان ..حرب الدبابات مش الحل
فى طرق كتير وانا اتكلمت عنها بردى فوق قبل كده
ابدء بنفسى واكون اقوى والحرب ده اخر حل فى ديل القائمة

معاكم بس احنا كام سنه بنتفاوض على الارض
وكام سنه لسه هنتفاوض
والحرب هيه المصير المحتوم والكل عارف
ايما نحارب
ولا لا رجوع للاراضى
اه مفيش فى ارضنا احتلال
بس اخواتنا بيموتو
ليه نسكت ولا خلاص بنقول نفسنا نفسنا

النقاش اولا ثم بعد ذالك لو لم يوجد استجابة فما اخذ بالقوة لا يسترد الا بالقوة وفي النهاية السلااح هو لغة هذا الزمان فلنوفر النقاش لاانة لن يفيد

شكرا شاعر على موضوعك بس فعلا زى ماقالوا اخواتى فى المنتدى السلاح والحرب مش هو الحل

لازم نجتهد فى دراستنا واعمالنا

ونعلم اولادنا دينا ونراعيهم عشان يطلعوا ينفعوا بلدهم

بس بج يا شاعر عمر السلاح ما كان الحل لازم كلنا نتفاهم

والفاهم يحل كل شىء شكرا شاعر وتقبل مورورى

زينه قالت
ماإحنا جربنا الحوار ........ ولسه إحنا فيه ......... لدرجة وصلنا فيها الى اعلى درجات الإنهزاميه و الانكسار النفسي

بقينا نشوف مشاهد قتل الشعب الفلسطيني والعراقي مشاهد عاديه بنشوفها كل يوم في نشرات الاخبار

وصلنا لدرجه اننا اتعودنا على سماع الاخبار دي ...: شن غارات جويه توغل اسرائيلي ... عمليه نوعيه جديدة للجيش الاسرائيلي ... مقتل الاطفال والمدنيين الفلسطينيين ... هدم بيوت الفلسطينيين فوق رؤوسهم .... واغتيال احد الناشطين الفلسطينينن .... و تفجير انتحاري في سوق شعبيه في العراق ضحاياها نساء واطفال .... والاقتتال العراقي بين السنه والشيعه والاكراد ... وخطف احد الصحفيين ... وقتل رجال دين مسلمين ومسيحيين ... وقتل العلماء واستاذة الجامعات في العراق .... الدم العربي بقى رخيص كده ليه ؟؟؟

مابقيتش المشاهد والاخبار المؤلمة دي بتأثر فينا غير إننا بنقول يا حرام ربنا يعينهم ربنا معاهم ربنا ينصرهم هينصرهم ازاي واحنا قاعدين بنتفرج عليهم ونشوفهم كل يوم بيموتوا قدام عنينا في صمت عربي مريب ومخجل لاخر درجة

قتلوا حتى احساسنا قتلوا النخوة فينا قتلوا فينا صوت الحق والشعور بإننا لازم نقوم ونتحرك ونثور على الظلم وكل ده قتلوا بحجة اننا بنتحاور



اولا احب ابدى اعجابى برأى زينه لانها فهمت اللى انا عاوز اقوله
وهيه وصلتلكم اللى انا عاوز اوصلهلكم
انا موش هعلق بعد راى زينه
تحيه منى يا زينه
تقبلى وافر احترامى وتقديرى

لا تعليق بعد زينه..........

زينة حبيبتى .. كلامك صح فعلا وانا فاهماه كويس
بس احب برده اوصل لكى وجهة نظرى
تعالى اعطيكى مثال صغير قوى لو انا عندى مدرسة وعاوزة ادخل مسابقة بالطلاب اللى عندى يبقى لازم فى البداية اعمل ايه؟؟؟
اول حاجة اختار الطلبة المتفوقين وادربهم كويس ويكونوا متحدين وفاهمين حيعملوا ايه لان اى غلطة منهم حتضيع الفريق والمسابقة كلها ،، صح كده
وعلشان نحارب اسرائيل لازم نكون مستعدين صح الصح وده اللى انا بقوله نجهز صح وابدء من الداخل واكون قوية ثم بعد كده الخارج ،لان مينفعش اكون ضعيفة من الداخل واحارب فى الخارج وكمان انا بتكلم عن الاتحاد بينى وبين كل الدول العربية ولا انا حقوم احارب لوحدى
انا معاكى يا زينة اننا اتكلمنا كتير وفاوضنا كتير واخر حل هو الحرب ولكن مش لازم اكون جاهزة ومستعدة صح
يارب يا زينة تكون فهمتى وجهة نظرى انتى وشاعر مصرى
وشكرا ليكم

شكرا زينة
اكيد الواقع العربي ابعد مايكون عن الاستعداد لاي حرب
انتى فهمتنينى كده

صحيح يا ضي القمر

بس انا جاوبت وقلت رأيي في الموضوع مش اكتر لا قلت عايزة الحرب تقوم ولا اننا مستعدين بس جاوبت على السؤال من وجهة نظري