هل كلمة الصاحب او الصديق موجودة دلوقى ؟

بسم الله الرحمن الرحيم
حابب انى اعرف رايكوا يا جماعه فى موضوع (الصداقة ) وعندى كام سؤال كده بعد اذنكوا
هل فى فرق بين كلمة (صديق ) وكلمة ( صاحب ) ؟
ولو فى فرق ايه هوه ؟
وهل فى حاجة اسمها اصحاب او اصدقاء فى الزمن ده ؟
هل يا جماعه حد يعرف شخص بيحبه من غير اى مصالح لما بيتصل بيه مثلا يبقى بيسال عليه بس ومش عايز منه اى حاجة تانى غير انه يطمن عليه ؟
اكيد كلنا بنمر بظروف حلوة وظروف وحشة فى حياتنا صح
واكيد كمان فى وقت فرحك لاقيت ناس كتير اوى جنبك بس ياترى فى وقت حزنك لاقيت حد جنبك ؟
مستنى رايكوا يا جماعه ويارب الموضوع يعجبكوا

جميل اوى موضوعك يا عاشق
بدايه جميله اوووووووووووووووووووى
نجاوب بقى
هل فى فرق بين كلمة (صديق ) وكلمة ( صاحب ) ؟
اكيد طبعا فى فرق الصداقه اقوى وابقى من الصحوبيه

ولو فى فرق ايه هوه
؟
وهل فى حاجة اسمها اصحاب او اصدقاء فى الزمن ده ؟
اكيد طبعا ليه مفيش اصدقاء الصداقه دى احلى حاجه فى الدنيا
هل يا جماعه حد يعرف شخص بيبحه من غير اى مصالح لما بيتصل بيه مثلا يبقى بيسال عليه بس ومش عايز منه اى حاجة تانى غير
انه يطمن عليه
؟اه اكيد طبعا لو فى مصالح تبقى دى مش اسمها صداقه لكن انت بتتصل وبتسال عليه لانه دايما بيوحشك وبتبقى عاوز تطمن عليه
اكيد كلنا بنمر بظروف حلوة وظروف وحشة فى حياتنا صح
واكيد كمان فى وقت فرحك لاقيت ناس كتير اوى جنبك بس ياترى فى وقت حزنك لاقيت حد جنبك ؟
ربنا يبعدنا عن الاحزان بس فعلا لو صديق مخلص هتلاقبيه موجود معاك فى وقت فرحك وحزك وزى ما بيقولوه الشده بتبين الصداقه الحقيقه لو مش وقف جمبك فى حزنك ميبقاش يستاهل انه يبقى صديقك
مشكوووووووووووووووووووووره يا عاشق على التوبيك تقبل مرورى

السلام عليكم ورحمة الله وبركاته

موضوع جميل واسمحلي اقول رئي

هل فى فرق بين كلمة (صديق ) وكلمة ( صاحب ) ؟

نعم يوجد فرق الصديق ده بيكون مجرد زماله فقط في الدراسه في العمل وهاكذا

اما الصاحب ده بيكون شيئ عزيز وما معني صاحب

صاحب يعني حد يخاف عليك حد يسئل عليك حد انتا تهمه حد يحبك يخلصلك يكون معاك في شدتك يكون اخوك التاني يخفف عنك حد يسمع منك حد تفضفض لهو الي جواك

ولاكن هل موجود وده موضوع مهم اغلبية الشباب بتاخد في بالها ان مثلا مجرد صديق بتعتبرو هيا صاحب وتبوح باسرارها لهو وتشكي ولاكن نفاجئ بالخيانه

لازم يكون في حرص عند اختيار الصاحب الحقيقي

هو في فعلا اصحاب بمعني الكلمه ولاكن نادر جدا يارت ناخد بالنا كويس

بنسبه ليه انا كان ليه فعلا صاحب وكان يتجمع فيه كل الصفات بس الله يرحمو ويخفف عنو

وشكر عاشق علي الموضوع تقبل مروري

rttt

مشكورين يا يا طايش ولي لى على المرور

لى لى كتب:: هل فى فرق بين كلمة (صديق ) وكلمة ( صاحب ) ؟
اكيد طبعا فى فرق الصداقه اقوى وابقى من الصحوبيه

انا اختلف معاكي يا لي لي في هذا البند

بنسبه للشباب الاصحاب اقوه واشد من الصداقه

وبيتهيقلي الشباب هتئيد هذا الرئي

ازاى انا مش معاك يا طايش انا شايفه طبعا ان الصداقه ابقى واقوى كمان
تقبل مرورى

هل فى فرق بين كلمة (صديق ) وكلمة ( صاحب ) ؟
انا من راي ان الصداقة اقوي طبعا من الصحوبية
ودا لان الصديق هو اللي دايما جنبك ومعاك هو اللي بتئتمنة علي اسرارك
انا الصحاب فهو زميل كلنا قابلينا زية بنعرفة في درس في مدرسة في نادي في اي مكان وبيكو صاحب تكلمة في امور سطحية وعادة عامة ولكن مش الاسرار

وردي بقي علي طايش ولي لي
اعتقد ياطايش ان احنا بس بنعرف انهي اقوي بطرق مختلفة لكن متفقين ان في نوعين من الصحوبية
الاولي اللي يمكن ضعيفة وهي لا تتعدي الزمالة
التانية هي الاقوي وهو شخص علاقتة عميقة بيك
ولكن ياطايش ان بشوف ان الاغلبية يعرفوا الصديق بان هو العلاقة الاقوي
والصاحب العلاقة الاضعف
ومعلش اني دخلت في نقاشكم تقبلوا كدة

وهل فى حاجة اسمها اصحاب او اصدقاء فى الزمن ده ؟
ايوة في لكن الحقيقة ان يمكن بسبب ان الدنيا بقي فيها مصالح اوي دلوقتي اصبح اصعب انك تلاقي صديق او صاحبة مش هيبيعك لاسباب تافهة لان كل واحد دلوقتي بقي بيقول نفسي ثم نفسي

هل يا جماعه حد يعرف شخص بيبحه من غير اى مصالح لما بيتصل بيه مثلا يبقى بيسال عليه بس ومش عايز منه اى حاجة تانى غير انه يطمن عليه ؟
اة والله انا كدة مع انتيمي وهي كمان كدة معايا وعالطول بنطمئن علي بعض واصلا نعتبر مش بنفترق وحتي لو اتخنقنا مش بنقول اي كلام عن بعض

اكيد كلنا بنمر بظروف حلوة وظروف وحشة فى حياتنا صح
واكيد كمان فى وقت فرحك لاقيت ناس كتير اوى جنبك بس ياترى فى وقت حزنك لاقيت حد جنبك ؟
انا في وقت حزني وتعبي اكتشفت فعلا مين الصديق الصح ومين الفرد اللي وقف جنبي بصحيح في ناس طلعت بجد مش قادرة اقول اية
وفي اصدقاء وقفوا جنبي وساعدوني

الموضوع جميل جدا جدا
ياعاشق اللون
نورتنا

نورت المنتدى يا عاشق وموضوعك جميل
اعتقد ان الصديق اقوى من الصاحب لان الصاحب ده ممكن اعرف معرفة سطحية ومش بتكلم معاه فى كل حاجة ومش كل الاصحاب اصدقاء ممكن يكون عندى عشر اصحاب وصديق واحد مقرب لى جدا
وهل فى حاجة اسمها اصحاب او اصدقاء فى الزمن ده ؟
اه طبعا فى ولا نعيب الزمن والعيب فينا فى اصحاب واصدقاء والدنيا بخير والحمدلله
هل يا جماعه حد يعرف شخص بيبحه من غير اى مصالح لما بيتصل بيه مثلا يبقى بيسال عليه بس ومش عايز منه اى حاجة تانى غير انه يطمن عليه ؟
اه طبعا ده الصديق بحق يسال عليا ويطمن عليا بدون اى مصالح
اكيد كلنا بنمر بظروف حلوة وظروف وحشة فى حياتنا صح
واكيد كمان فى وقت فرحك لاقيت ناس كتير اوى جنبك بس ياترى فى وقت حزنك لاقيت حد جنبك ؟
وده الوقت الصح اللى بيظهر فيه الصديق على حقيقته اذا كان بجوارك فى فرحك وبس ولا يكون جنبك فى حزنك اكتر من فرحك وينصحك ويقف جانبك والمثل بيقول "يا بخت من بكانى وبكى عليا ولا ضحكنى وضحك الناس عليا " ومش صديقى وقت الفرح والتهريج واللعب والخروج ووقت الشدة لا اجده
وكمان لازم اخلى بالى واختار صح " والرسول (ص) " المرء على دين خليله فلينظر احدكم من يخالل"
شكرا ليك

جميل موضوعك يا عاشق وانت نوتنا فى المنتدى انت بتتكلم عن الصداقه والصحوبيه اكيد الصداقه احلى شىء فى الدنيا فى صديق بيكون اغلى من الاخ وبتحكيله على كل حاجه حتى الى بيوجعك بتحب تتكلم معاه ويمن كمان بترتحله ويمكن تكون الصداقه اجمل من الصحوبيه كمان لانك لو ارتحت ليه ممكن تفضفض معاه وتحكيله وفى وقت الفرح تلاقيه جانبك حتى الحزن وربنا يكفينا شره كلنا بتلاقيه هو الصديق لازم نلاقيه فى وقت الشده اما الصحوبيه تختلف عن الصداقه الصحوبيه دى شىء عادى يعنى تتكلم معاه كده وخلاص انما الصداقه دى تختلف انا اعرف اصدقاء مش يقدروا يناموا غير لما يطمنوا على بعض هى دى الصداقه الصح واكيد لو صديق بتحبه ويحترمك والعكس صحيح عمره ما يخونك جميل موضوعك يا عاشق تسلم ايدك ويارب يكون كلامى عجبك تقبل مورورى bnn

شكرا بينك على المرور والتفعيل وربنا يخليكوا لبعض انتى وانتيمتك
شكرا ضى القمر على مرورك والتفعيل
شكرا يا كرمالك على المرور والتفعيل
وربنا يخليكوا ومع خالص حبى واحترامى ليكوا

جماعه انتو فهمتو غلط

الصداقه صديق عمل او شغل

لاكن الصحوبيه دي معناها اصتحاب يعني معاك في كل حته

وفي بعض الاغاني علي الاصحاب
وكمان يقولك ده صحبي وخاني
يرد يقوله
هذا المثل

صحبك دراعك
يعني الصحوبيه شيئ غالي وقريب علي الانسان

ولو في شباب هنا اعتقد انها هتكون فهمه قصدي

الصداقه تبان عند الشده والحوبيه لي ليها وجود اولا مفيش حاجه اسمها صاحب بعد مارئيت ان الناس انواع ولم اجد من يقف بجانبى فى شده ومحنه قاسيه وبعد زلك اقول لصاحب الموضوع الجميل لماذا كتبت هذا الموضوع أأنت جربت هذا ام رأيته امامك ممكن بعد ازن كل مشترك هنا يقبلنى معكم فى هذا المنتدى الجميل الرقيق

ممكن بعد ازن كل مشترك هنا يقبلنى معكم فى هذا المنتدى الجميل الرقيق
اكيد طبعا انت نورت المنتدى اخ وصاحب وصديق لكل المنتدى
ويارب تكون مبسوط معانا ويعجبك المنتدى بكل اقسامه

اكيد طبعا انت نورتنا معانا فى المنتدى وان شاء الله نشوق رايك ومشاركتك فى كل المواضيع
rttt

اكيد في صداقة بس نادر بس فية نيس تو بيك علي الموضوع الجميل

على العموم يا جماعه الاختلاف فى الرائ لا يفسد للود قضية وانا بشكركوا كلكوا على المورو والتفعيل

أنا حرد تانى على الموضوع ده علشان الاختلاف بين طايش وباقى الشباب اللى شاركوا فى الردود والخلاف على الفرق بين كلمة صاحب وصديق

طيب تعالوا كلنا براحة نشوف القران والاحاديث النبوية بها ايه:

يقول الله سبحانه وتعالى اثناء هجرة الرسول(ص) وابو بكر "مابالك باثنين الله ثالثهما اذ قال لصاحبه لا تحزن ان الله معنا " وطبعا العلاقة بين رسولنا الحبيب (ص) وسيدنا ابو بكر معروفه وهذا يعنى ان كلام طايش صح وعلاقة الصحوبية اقوى من علاقة الصداقة

قال رسول الله(ص) "المرء على دين خليله فلينظرأحدكم من يخالل "

ويقول الامام على بن ابى طالب "المرء يعرف بخلانه "

والخليل تم تعريف معناه بالصاحب او الصديق

طيب لو شوفنا الحكم واقوال الادباء والشعراء

"الصديق الحق هو الصديق وقت الشدة"

ويقول الكاتب "مصطفى صادق الرافعى "صديقى هو الذى اذا غاب ،لا أقول غاب عنى وانما أقول غاب منى "بمعنى ان الصديق الحق جزء من صديقه وقطعه منه ،فاذا غاب فكانما قطع جزء اساسى منه وهذا يعنى ان كلام الشباب صح

يعنى كلام طايش صح وكلام الشباب صح

وممكن نغير السؤال بانه هل موجود انسان يخاف عليا ويحفظ سرى ويشاركنى فى فرحى وحزنى ويخفف عنى همى ويمسح دموعى وينصحنى بدون مقابل؟؟؟؟بصرف النظر عن اسمه صاحب أو صديق

تسلم امير على المرور والتفعيل ومع خالص حبى واحترامى ليك

اول حاجه احب اضيفها وكويس ان ضى القمر لحقتكم قبل ما تقعو فى بعض وانتو كل الاختلاف اللى بينكم فى مسمى الكلمه لكن كلكم بتسعو لمعنى واحد وهوه (الصاحب ) والقرآن بيقول بسم الله الرحمن الرحيم "مابالك باثنين الله ثالثهما اذ قال لصاحبه لا تحزن ان الله معنا "
ومتنسوش ان معظم الامثال الشعبيه بتاعتنا بتقول صاحب مش صديق
وعشان الناس متفهمش غلط احنا هنخليها صاحب وزميل

تسلم ايدك يا ابو حميد على الموضوع اللى جاى فى وقته والله

هل فى فرق بين كلمة (صديق ) وكلمة ( صاحب ) ؟
الصديق دا اللى هوه زميل ايا كان نوع الزماله زماله دراسه او زماله عمل يعنى لمجرد الاختلاط وانكم بتشوفو بعض عارفين بعض
انما بقا الصاحب فا دا اللى بيكون قريب منك يفهمك من غير ما تتكلم بيخاف عليك من الهوا الطاير يوم ما تشيل هم تروح تترمى فى حضنه تحكيله على اللى عندك ويوم فرحك بيكون فرحان اكتر منك
ويوم ما تمر بشدة بتلاقيه اول واحد جمبك
ومن غير ما يكون مستنى المقابل لده
وهل فى حاجة اسمها اصحاب او اصدقاء فى الزمن ده ؟
اه طبعا فى امال انا ايه يا ابو حميد مراة البواب ولا الغسالة يعنى
فى والله يا ابو حميد لكن قلت وبقا شعار العصر النداله فوق كل شىء لكن موجوده وربك متطلع على نيه كل واحد وعلى قد نيتك ربك بيديك ولو انتا تستاهل كل خير ومصاحب واحد مخدوع فيه ربك مبيكملهاش وبيحصل اى حاجه بتبينلك الشخصيه دى على حقيقتها او بينجيك منه لانك تستاهل
هل يا جماعه حد يعرف شخص بيحبه من غير اى مصالح لما بيتصل بيه مثلا يبقى بيسال عليه بس ومش عايز منه اى حاجة تانى غير انه يطمن عليه ؟
وانا لما بتصل بيك بقولك هات حق المكالمه ياض ولا ايه ههههههههههههههههههههههههههههههههه
بص يا صاحبى الصاحب دا نعمه كبيرة متختلفش كتير عن الحبيبه حاجه بتسندك وبتقويك على الدنيا ومتاعبها وظروفها القاسيه يفرحلك لفرحك والهم يشيله معاك
لو هنتكلم بقا على نقطه المقابل دى ونبعد شوية عن المثاليه والمقابل هنا هيكون متاح فى حاله واحده ان المفروض زى ما صاحبك معاك بالطريقه دى المقابل الوحيد اللى بيطلبه منك انك تعامله بنفس اسلوبة لان لو مهما كانت درجه غلاوتك عنده واهملته ومدتلوش حقه زى ما بيديلك حقك هتبدا المسافات توسع ما بينكم
لانه هيحس انه بيدى ومبيخدش وانه فى وقت شدته انتا محستش بيه هيتعب وهيبدا يبعد ويبعد

اكيد كلنا بنمر بظروف حلوة وظروف وحشة فى حياتنا صح
واكيد كمان فى وقت فرحك لاقيت ناس كتير اوى جنبك بس ياترى فى وقت حزنك لاقيت حد جنبك ؟

هوه الصاحب ليه ايه عند صاحبه غير تلاته يسلفه ويغطى عليه ويتخانق معاه ههههههههههههه
يا صاحبى لو صاحب وانتا عارف يعنى ايه صاحب مش هيستنى لما تشتكى واللى هيحزنك هيحزنه هوه كمان ويمكن تلاقيه حزين اكتر منك لانه حزين من اللى بيحزنك وحزين عليك وبيحاول انه يهون عليك بكل اللى فى ايده وبيقف جمبك لغايه لما تعدى محنتك وهنا بيكون اسعد انسان انه كان سبب فى انه يهون عليك وساعتها لو هوه مثلا مستنى المقابل فا هيكون المقابل انه لا قدر الله لو مر بازمة انه يلاقيك جمبه دا المقابل الوحيد المشروع فى علاقه الصحوبية

واخيرا احب اهدى نونة وطنط زيزى والخاله مسعده و اولاد عمها فى بلاد ما وراء النهرين التحيه وسمعنى اغنيه التت للفنان محمد محيى الدين او العز
ههههههههههههههههههههههههههههههههههههههه
منور المنتدى والله يا صاحبى
تقبلو شكرى وفائق احترامى وتقديرى

مشكووووووووووووور ميدو على المرور والله تسلم
بس اكيد ايدك وجعتك ده انت كاتب موضوع تعبير
مشكوووووووووووووووووووور يا حج

» سمات الصديق الحق............... ارجو الرد علي الموضوع
» ما هى اكثر كلمة بتكرهها او اكثر كلمة بتزعل منها
» اليك ايها الصديق
» ايهمااصعب خيانه الصديق ام الحبيب ؟؟
» الصديق عند الضيق اداب الصداقة