نكت جامد مصرية

نكت مصرية ع السريع :

مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى
*******
واحد محشش فتح محل سماه منجره الاقمشه الكهربائيه لحلاقه الاحذيه الطازجه
*******
مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم
*******
محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.
*******
مذيعة بتسأل واحد حشاش : "تحب تسمع إيه بمناسبة شهر رمضان الكريم؟"

قال لها : "رجب.. حوش صاحبك عني"

*******
*******

نكت مصرية طويلة حبتين :
رجل نساى اوى ذهب للحج وعند رمى الجمارات سال نفسه انا رميت اتنين ولا تلاته فاعاد رميهم مره اخرى

ثم ذهب للطواف فسال نفسه مره اخرى لفيت سته وله سبعه فاعاد الطواف

وعند نزوله من الطائره سال نفسه كنت بتعمل ايه يا جورج؟؟


******


مره واحد بيقول لواحد صاحبه اسكت مش انا حماتى ماتت امبارح قاله لا حول الله يا

رب ماتت ازاى الست دى

قاله وانا واقف معاها فى البلكونه وقعت من الدور الخامس

قاله لا حول الله يا رب دى موته وحشه قوى

قاله لا ماهى ماوقعتش على الارض قاله

امال ماتت ازاى قاله وقعت على سلك الكهرباء

قاله يا ساتر يارب دى موته وحشه قوى ماتت من الكهرباء طبعا

قاله لا يا عم ماهى الكهرباء كانت مقطوعه

قاله امال ماتت ازاى بس

قاله اصل السلك نطرها فى حمام السباحه

قاله لا اله الا الله ماتت غرقانه

قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى

قاله امال انت بتقول ماتت ازاى

قاله اصلى لما زهقت قمت خانقها بس بقه يا عم

******

اسد قالولو حنسفرك السعودية .. الاسد فرح جدا وقالك بقى دى بلد اللحمة والفتة وحنعيش
الاسد وصل السعودية وفى اول يوم مستنى الغدا الحارس رمالوا موزة .. الاسد استغرب قوى وسكت.
تانى يوم فى الغدا الحارس بردوا قطعلوا موزة ورمهالوا .. الاسد قال ايه العبط ده .. وراح ماسك الحارس وقاله انا ايه؟ قاله اسد .. والاسد بياكل ايه؟ قاله لحمة .. قاله طب ايه الموز ده .. الحارس قاله: 'ماهو انت داخل السعودية بتاشيرة قرد

*****

كان فيه مرة واحد ماعندوش في راسه غير 3 شعرات بس راح للحلاق

فقال للحلاق افرقلي من الجنب

الحلاق جه يفرق من الجنب اتقطعت شعرة

قاله خلاص افرقلي من النص

الحلاق جه يفرق من النص اتقطعت شعرة

فالحلاق قاله ما بقاش فاضل غير شعرة واحدة

قاله انكشها

*****

مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وتعرف ايه اللي جوه الدولاب.

وفي يوم راح الشغل ونسي المفتاح.

مراته فتحت الدولاب لقت 20 الف جنيه وبيضتين.

لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب

الست قالت عشرين سنه جواز ومرتين بس مش مهم وسالته طب والعشرين الف جنيه

قالها كنت كل ماجمع كرتونه بيض ابيعها


******

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى

فارسلت لهم الاوقاف شيخا آخر وحذرته من الاطالة.

وصل الامام الجديد فدخل المسجد وصعد المنبر وحيّا المصلين وسأل:

اتعرفون قصة سيدنا يوسف عليه السلام؟

فرد المصلون كلهم: نعم .

فنظر الامام الى المؤذن وقال: اقم الصلاة.

ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟

فرد المصلون : نعم.

فقال لهم : ماتجوش الجمعة الجايـــة
مرة فيل اتجوز نمله وبعد ايام زهق منها فقالها انتي طالق
فقالتله والفيل اللي في بطني

الجنى
واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..
.المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى بس


مسطول
مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
المسطول:اه اختى

رخم
واحد رخم عرف ان الاموات بتحس وتسمع باللى بيحصل حواليها
راح الترب و شغل الكاسيت على العالى باغنية الحياه حلوه


مسطول
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك


باشا
واحد باشا الزمن دار عليه وافتقر حب يشتغل اشتغل بتاع فجل وجرجير
وقف فى السوق وهو لابس الطربوش وبيقول فجل يا حوش جرجير يا كلاب


ابو العربى
مره ابو العربى دخل القسم فالظابط بيحقق معاه قال له
ازاى يا ابو العربى تعمل كده فى الراجل دا انتا كسرت له رجل و قطعت له ايد وجبت له شرخ فى دماغه رد ابو العربى يا باشا انا كنت ماشى بالعربيه بتاعتى بسرعه و سعادتك عارف عربيتى مش فيها فرامل فا انا قعدت ادى للراجل ده كلاكسات و اقلب له فى نور وهو اللى ما بعدش عن العربيه فدخلت فيه غصب عنى رد الظابط لا لا لا لا انتا كده عندك حق هو اللى غلطان انا ها اساله سال الظابط الراجل قال له انتا ازاى ما بعدش انتا مش عارف ان عربيه ابو العربى مش فيها فرامل رد الراجل والله يا باشا انا معملتش حاجه انا كنت قاعد فى الدكانه

واحد اسكندرانى
مره واحد اسكندرانى لقى واحد بنته راجعه الساعه 3 بالليل
فقالها كنتى فين يا بت قالتلو كنا بنتمشى مع واحد صحبى يابا قالهم خشى نامى احنا نحبو الصراحه


كسلان
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت
قال نفسي أشرب قالوا له قوم أشرب قال لسه حقوم اردم


الرجل الدايخ
كان فى مرة واحد دماغه بتلف
راح يقابلها من الشارع اللى وراه


الصين
رئيس دوله صغيره راح زياره للصين
رئيس الصين بيقله احنا عددنا 900 مليون نسمه انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه


بخيل
مره واحد بخيل قوى خبط فى حيطه اتعور جامد اوى وقعد ينزف
شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا


جزار ومراته
مرة واحد جزار قال لمراتة : انت ما حطيطيش
احمر لية قالتلة: الاحمر خلص احطلك دهن


بخيل
مرة واحدة قالت لحبيبها البخيل
(اكلها معاك بدقة اعيش معاك فى جحر)راح قال انتى ليه مادية قوى كدة يا حبيبتى


مسطول
مرة واحد واقف قدام التلاجة بيفتح الباب بتاعها براحة
ويقفلة تانى جة صاحبة وقالة لية كدة قالة اموت واعرف مين بيطفى النور من جوة



صعيدى جاب عربيه
مره واحدصعيدى جاب عربيه اوتوماتيك.
. راح قاطع رجله الشمال


مجنون
مرة واحد دخل مستشفي المجاننين لقي المجانين معلقين واحد في السقف
واعدين يلفوا حولة شاف واحد اعد لوحدة قالة يابني انت مش بتلعب معاهم لية قالو يابية دول ناس هبل فاكرين الراجل لمبة واعدين يلفوا حولة قالو يابني انت شكلك عاقل قوم معاي ننزل الراجل قالو هنعد في الضلمة ياروحمك


صعيدى روش
مرة واحد صعيدي حب يعمل روش
كتب على الشومة أديدس


سواق تاكسي
سواق تاكسي قعدت جنبه بنت حلوة قوي قاللها : تعرفي تسوقي؟

قالتله : لأ
قالها : أنا تسوقي



مره 3صعايده فتحو محل بيتزا سموه بيتزا هععععععععععععع


مره واحد راح السودان بليل ملقاش حد


مره واحد خان الخليلي..الخليلي قتله


في جندي قالوله انه اول ما يمر الرئيس يضرب 21 طلقة قاللهم: واذا جبتو من اول طلقه


استاذ بيسال طالب :اسمك ايه؟ الطالب:آسم. الاستاذ: بالفصحى يا ولدالطالب:قاسم يا استاذ.الاستاذ لطالب تاني: وانت اسمك ايه؟الطالب: قحمد يا استاذ

مره أمير قال نكته لواحد فضحك وقال له:ربنا يخزي سعادة شيطان سمو حضرتك يا فندم

ههههههههههههه يسلمو اوى بجديا مان وخاصت نكته ابو العربى

احلي نكت يابوررررررررررري وحلوه بتاعه البخيل وخطبته بتاعه الدقه

تسلم ايدك بورى على النكت

جميلة قووووووى يا بورى ربنا يكرمك يارب

مشكورررررررررررررر على المرور