موقف اختيار هل حد يقدر يختار ؟؟؟؟؟؟؟؟؟؟؟

عايز اخود رايكوا كده يا شباب فى موقف ويارب ربنا ما يكتبوا على حد فيكوا ولا حد يشوفوا يارب
لو اى حد مننا يا شباب اتحط فى موقف اختيار بين صاحب عمره او صديق عمره وحبيب عمره ياترى هيختار ايه ؟
ولو قدر يختار ياترى هيقدر يكمل حياته منغير حد فيهم ؟
بدون النظر الى الاسباب الى ادت الى الاختيار ده وبصرف النظر عن الشخص الى بيخيرك
ويارب يارب تانى يا شباب ما يكتبها على حد فيكوا الموقف ده ولا حد يشوفوا يارب تبقوا سعداء علطول

ومع خالص حبى واحترامى ليكوا كلكوا

اختيار صعب جدا

بس لو كان ضروري اني اختار انا اختار صديق عمري

صعب جدا الاقي صديق جديد أبدأ معاه من تاني
ولو حتى لقيت مش هلاقي زي صديق عمري اللي عشت معاه من سنين وكنا سوى في الحلوة والمرة
مش هلاقي انسان يفهمني زي صديقي يفهم تفكيري ومشاعري وتصرفاتي وكلامي

انا ممكن احب من جديد بس الاقي صديق حقيقي زي صديق عمري مستحيل
هو صحيح صعب اننا نحب ونلاقي مين نحبه ويفهمنا ونفهمه

بس الاصعب اننا نلاقي نفسنا وصورتنا في صديق تاني
صعب نلاقي انسان يعكس صورتنا وشخصيتنا وتفكيرنا زي صديق العمر اللي عشنا معاه كل لحظة في حياتنا
واختبرنا معاه كل مشاعر الفرح واليأس وقصصنا سوى وحكايتنا واسرارنا اللي ممكن اهلنا مابيعرفوش عنها اي شيء بس صديقي هو عارفني على حقيقتي

ممكن احب انسان اختلف معاه في كتير حاجات واعديله اغلاط ياما واغض نظري عن سلبياته وتصرفاته اللي يمكن ماتعجبني كل ده لاني بحبه

بس صعب اني اصادق انسان مش بتفق معاه في كل حاجة صعب يكون هو اسلوبه ومنطقه في الحياة غير اسلوبي وتفكيري واكون صديقته

الصداقه اصعب كتير من الحب لانها بتقوم على التفكير والعاطفة بس الحب مش ضروري يدخل فيه التفكير

تسلم ايديك عاشق اللون الاسود على السؤال
وزي ما انت قلت يارب يارب مايكتبه على حد ولا حد يشوفه
لانه زي اننا نختار بين عين من عنينا

تقبل مروري

انا ختار الصديق لان الحبي اكيد حيروح لكن الصديق الحقيقى حيفضل معاية وصعب افضل ادور على صديق انا افضل الصديق

شكرا جدا على الموضوع تقبل مرورى

شكرا جدا ليكى يا زينا
وشكرا جدا ليكى يا دنيا الاحزان
شكرا على مروركوا ومعا خالص حبى واحترامى ليكوا

موضوع جميل عاشق
بس هو الاختيار صعب جدا
لان فى جمله انا مؤمنه بيها اوى وهى ان الصداقه ابقى من الحب فعلا بس الحب اقوى من الصداقه
اه فعلا الصداقه جميله جدا ولو صديقتى بتحب انسان انا عمرى حتى ما هرفع عنيه فى عنبيه واحترم صداقتنا
وهتمنالهم السعاده طبعا اما الحبيب فطبعا لو بحبه بجد من قلبى وهما كمان بيحبى صعب انى ابعد عنه لانى عمرى ما هلاقى حد يديلى الحب ده تانى الى بيحب مره فعلا بجد صعب يلاقى الحب ده تانى
بس لو نفترض انى اتحطيت فى موقف الاختيار مش هختار حد فيهم وهعيش لوحدى احسن لانى لو اخترت الصداقه هفضل اتعذب بحبى ولو اخترت الحب هفضل حاسه انى ظالمه
فابعد احسن
مشكووور يا عاشق على المواضيع الجميله دى بس فعلا يارب ما يكتبها على حد
تقبل مرورى bnn

شكرا لى لى على المرور والتفعيل ومع خالص حبى واحترامى ليكى

صديقى للابد

الاختيار صعب قوى يا عاشق
هل استغنى عن صديق عمرى اللى مس دمعتى وكحفظ سرى وكان مرآتى وهو لا يتكرر ولا الحبيب اللى نادر وجوده هذه الايام وخفق له قلبى واحتضنى واحتوانى
انت بتقول:
لو اى حد مننا يا شباب اتحط فى موقف اختيار بين صاحب عمره او صديق عمره وحبيب عمره ياترى هيختار ايه ؟
ولو قدر يختار ياترى هيقدر يكمل حياته منغير حد فيهم ؟
اختار ازاى بين اغلى واعز اتنين فى حياتى وفقدان احد منهم لا يتعوض ولا يتكرر
ولكن اذا كان ولابد من الاختيار
ولو انه صعب جدااااااااااااااا
حختار الصدبق فهو حيخفف عنى فراق الحبيب والأمل فى ربنا كبير انى اقابل حبيب تانى
شكرا عاشق وتقبل مرورى

شكرا ضى القمر على المرور والتفعيل
شكرا شاعر مصرى على المرور والتفعيل
ومع خالص حبى واحترامى ليكوا

انا عندى الصداقة احلا من الحب بمليون مرة عشان الصداقة بدوم وبتتلاقا مرة واحدة فى العمر
اما الحب انا عمتا من طبعتى رومانسية اوى بس بتجرح كتير
بس بلنسبة ليا الصداقة احلا بس اما يكون واحد يستحق صداقتك دا اللى بجد يبقا صديق عمرك كلة
موضوع جميل جدا
تقبل مرورى