نحن جيل فاشل ....

موضوع جميل يا عاشقة
فعلا الكلام ده كلنا بنسمعه من اهالينا وكل اللى حولينا بس انا مش عاوزة احكم بصفة عامة ان كلامهم غلط او صح ولكن الوقت اختلف واختلفت معاه حاجات كتيرة قوى لو رجعنا مثلا 30 سنة لورا كان فين النت والشات والموبايل والدش والبلاى ستيشن وغيرها من مغريات الامور فتجدى مثلا الشاب قاعد ادام النت 14 ساعة فى اليوم وتفضل الام تقول يا بنى قوم صلى ..يا بنى تعالى اتغدى ..يا بنى قوم ذاكر...يا بنى رد على التليفون الى ان يصل بها الامر فى النهاية لكام جملة حلويين قوى ( والله ما انت نافع ..ولا عمرك حتتحمل مسئولية فى حياتك) ده مثال بسيط قوى بيتكرر فى كل البيوت ولكن ارجع واقول مش معنى كده ان كلنا كده ،لان فى ناس بتعرف تنظم وقتها كويس جزء للأهل والاصدقاء وجزء مذاكرة وجزء نت وجزء رياضة مع المواظبة على الصلاة طبعا يعنى مش بقول نكون مثاليين بس نحاول نستفيد من الوقت صح وتنظيمه
واكمل معاكى يا عاشقة يا جميلة وانتى بتقولى:
وهل يخلو عصرنا من كل شيء جميل لهذه الدرجة التي يرونها ؟؟؟

وهل نحن فعلاً جيل فاشل ؟؟؟
لا يخلو عصرنا من الجمال ربنا سبحانه وتعالى جميل يحب الجمال بالعكس عصرنا جميل ومتغير عن العصر السابق وفيه مغريات كثيرة واكيد الاهالى بيبقى نوع من الخوف مش عاوزنا يجرفنا التيار علشان كده بتبقى النصائح المستمرة وممكن تصل للغضب بقول اننا جيل فاشل وانا مش مع الكلمة دى بصراحة هو ممكن جيل مش قوى شوية زى جيل ابائنا ولكنه جيل ذكى وواعى ومجارى التقدم وعصر التكنولوجيا والتطورات الحديثة فالبنسبة لكى سهل قوى انكى تشتغلى على جهاز الكمبيوتر وتعملى دون لوود لبرامج وتلعبى العاب على الكمبيوتر ولكن صعب على الاب او الام التعامل مع الجهاز بالسهولة دى يعنى اختلاف فى العلوم والتكنولوجيا عن الوقت بتاعهم

ومن غير اطالة احنا مش جيل فاشل احنا الحمد لله جيل ناجح ومتابع التقدم والتكنولوجيا والعصر الحديث ولكن محتاج لتوعيه دينية اكتر وتنظيم اكتر فى الوقت
شكرا عاشقة النيل وتقبلى مرورى

عاشقة النيل
موضوعك بجد جميل بس انا عايز اوضح نقطة وهي ان لك زمن دولة ورجال
بمعنى ان بردة مؤكد ان اجدادنا كانو بيقولوا لاهالينا كدة بردة او بمعنى ان اي جيل بيشوف الجيل اللي بعدة على انه جيل مش نافع او مش بيشيل مسؤلية بس ارجع واقول احنا بيني وبينك مزودينها شوية وزي ما الاخت ضي القمر قالت ان الشباب قاعد على النت وناسي الدنيا وكل اللي فيها واحنا بكدة اللي بندي شعور لاهالينا اننا مش بنعمل حاجة او مش نافعين على كل ارجع واقول نعيب زماننا والعيب فينا وما لزماننا عيب سوانا ونهجو ذا الزمان بغير زنب ولو نطق الزمان لهجانا
شكرا ليكي

ميرسي أووووووي ( ضي - تانبولي )

وانتم أجمل وأروع

أكيد في حاجات فينا تخليهم يقولوا الكلام ده

يمكن لأننا بقينا جيل كسول مش عايزين نشتغل بجد ، عايزين كل حاجة تجينا لحد عندنا ، مش احنا اللي نروح ونكافح من أجلها

طبعا مش الكل كده بس بقوا الأغلب كده

وشكرا لطرح الآراء

تحياتي

مشكوره عاشقه النيل
وانا مع ضى القمر لان كلامها هو الجواب الصحيح
تقبلى مرورى

اولا موضوع جميل اوووي

ثانيا
انا مش معا اننا جيل فاشل في التقدم او التكنولوجيا
لكننا فعلنا فاشلين في حاجات تانية كتير يعني مثلا تحمل المسئولية مافيش عند اغلب الشباب
وغير كدة اخلاقيا كتير اوووي من الناس ماعندهمش اساس صح للمبادئهم اصلا وكل حاجة بيحلولولها ليهم اصلي عادي اصلي التكنولوجيا تحتم انا مش بقول كلة انا بقول البعض
غير كدة في احترام اللي اكبر منا كتير منا مش كدة اطلاقا الحقيقة
يعني تلاقي الولد دا خل اي مصلحة وهو من عائلة واصلة مثلا وراجل كبير واقف يقوم مبجح فية ويقول امشي وبنشوف المناظر دية كتير
او الولد اصلا قمة في البلطجة في المعاملة مع الناس
بقي في حالات معاكسة مش طبيعية

وانا هرجع معظم الحاجات دية للاخلاق صدقيني
احنا جيل بيفتقد الاخلاق الحميدة سواء في المعالة اليومية او حتي الصلاة واداء الفروض اي كان دين الفرض
يعني مثلا كمسلمة
اشوف ولاد كتير بيصلوا
وينزلوا يبحلقوا في البنات ويقولك اصلها لبسها ملفت
ودا اذا ماعلقوش اصلا
وكلة ان البنت لابسة دا من ناحية الولد

ومن ناحية البنت تلاقي البنت بتصلي ونازلة بالحجاب وبردة عمالة تتدلع وسوري تتمايص قدام الولاد والبنات وبتكلم ولاد بطريقة مش لطيفة خالص
بس الشكل العام بتصلي

فانا الحقيقة مع اننا فعلا جيل فشل اخلاقيا
او علي الاقل الاغلبية

ولكن دا مش معناة مافيش كويس لافي طبعا
بس الحقيقة انا شايفة الوحش اكتر

والف شكر ليكي عاشقة

ميرسي أووووووي ( ابو ندى - بينك )

وانتم أجمل وأروع

ولكن دا مش معناة مافيش كويس لافي طبعا
بس الحقيقة انا شايفة الوحش اكتر


اكيد بينك الوحش بقى الأغلب ، وده يرجع للأخلاق

شكرا لطرح الآراء

تحياتي لكم

ميرسى عاشقة على موضوعك المهم دة
بس انا عايز اوضح ليكى رأيى
احنا مش جيل فاشل ولا حاجة بالعكس
احنا جيل مستهتر لكن مش فاشل
ومان مكانش فى استهتار زى دلوقتى دلوقتى كل واحد يقوول انا مالى ويعلق اخطاؤه على شماعة غيره
بس مش معنى كدة اننا فاشلين بالعكس انا شايف اننا جيل متطوور جدا كمان بس المشكلة فى الاستهتار والاهمال
لو الحاجتين دوول مش موجودين هنكون احسن بكتير
عشان كدة سعات بتكون نظرتهم جائزة بسبب اختلاف الاجيال
لكن فى بعض الاهالى محقين وفى اللى مش فاهمين جيل اولادهم
لكن فى النهاية اسمنا جيل مستهتر
وشكرا على موضوعك تانى وتقبلى مرورى

ميرسي أووووي ليك كريم

نورت بوجودك

ورأيك بردو صح ، مشكلتنا في الاستهتار والاهمال زي ما قلت مع اننا عندنا تطور تكنولوجي هايل

ربنا يصلح حالنا جميعا

تحياتي

شكرا اوى وعلى فكره انا اعتقد او راى انا كل جيل وله ظروفه

أهلا ( بيكو - لي لي )

ميرسي أووووي ليكم

وشكرا لطرح الآراء

نورتوا

أكيد كيكو كل جيل ليه ظروفه بس احنا اللي نقدر نغير كل حاجة

ولو كل واحد عمل اي حاجة بإخلاص ، أكيد كل حاجة هتبقى كويسة

فهل نظرتهم صحيحة أم أنها جائرة ؟؟

اكيد طبعا لا يمكن هم بيقولو دة من اللى بيشوفوه فى المجتمع كل يوم من فساد واضتهاد واختلاس وشباب فاشل وبنات بتعمل اللى عاوزاه غصب عن عين اى حد
لكن اكيد طبعا اللى متربى وعارف ربنا عمرهما يعمل حاجة غلط ولو كل واحد التزم بدة مش هتلاقى حد يقول علينا اننا جيل فاشل

وهل هم دوما محقين فيما يذهبون إليه ؟

اكيد لا طبعا لسبب بسيط جدا جدا ان مفيش حد محق دوما
كمان حاجة لو احنا فاشلين يبقى فشلنا بسسبهم لانهم معلموناش ازاى نواكب الحياه ومتغيراتها
للاسف بنعرف بعد الجامعة او اثناءها اننا كنا فى عالم تانى ونتمنى اننا نفضل اطفال على طول
هم اللى معلومناش ازاى نحلم ببكرة ازاى نستنى لحظة ما نكبر وايه اللى نقدر نحققه وازاى نخلى دايما بكرة احلى من انهاردة

وهل يخلو عصرنا من كل شيء جميل لهذه الدرجة التي يرونها ؟؟؟

برده لا عصرنا فيه كل شىء زى ما كان فى عصرهم كل شىء
الكويس والوحش وعصرنا جميل والحياه حلوة اوى بس نعيشها ببساطة ومنعقدش الموضوعات

وهل نحن فعلاً جيل فاشل ؟؟؟
لا احنا مش فاشلين
الفشل دة كلمة صعبة اوى ايه عمرنا علشان نعرف الفشل
عارفى هنعرف امتى اننا فشلنا اما نعدى عمر ونكبر فى السن ونبص للعمرنا واللى عدى واللى فات
لو محققناش اللى بنحلم بيه نبقى فشلنا
لكن دلوقتى احنا لسه يادوب بنبنى فكرة بنبنى حلم
وبكرة ان شاء هيكون احسن
وهنكبر فى العمر وننظر لحلمنا ويكون بأذن الله اتحقق


بشكرك على الموضوع الجميل الشيق دة ومعلش طولت عليكى
تقبلى مرورى