البوي فريند ...الغيرل فريند ....(ناقش معايا )..

مشكورة بينك الجميلة على الموضوع الجميل
وحضرتك بتقولى
ادخل قولي اية رايك في الحوار
هو يعنى المفروض انك لاتسمحى لسائق التاكسى انه يتكلم وتردى عليه من البداية ،ممكن تلتزمى الصمت خالص وتنظرى من النافذة وهو اكيد حيزهق ويسكت وده بيحصل كتير فعلا من السواقين
واية اللي وصلنا لكدة؟
طبعا كلمة غيرل فريند وبوى فريند كلمة غير مسموح بها لا فى دينا ولا مجتمعنا الشرقى ولا عاداتنا وتقاليدنا بس للأسف نقول التقليد الاعمى للغرب واستخدام الفاظ مش متداولة عندنا لمجرد الشياكة والمنظرة هو اللى بيوصل ببعض الشباب لكده
وهل دا صح وعادي فعلا ولا غلط ومش طبيعي؟
غلط جدااااااااااا ومش طبيعى خااااااااااااااااالص ومرفوض نهائى وبايدينا ننشر الاساءة وبايدينا نحافظ على المجتمع وستره بمعنى لو الام او الاب او الاخ سمعوه اولادهم بيقولوا الكلمة دى معاهم او مع اصحابهم وفهموهم براحة وبتفاهم تعاليم دينا وعاداتنا وتقاليدنا يبقى اكيد الكلمة مش حتنشر وتبقى عادية وللأسف نشر الاساءة وكترها بيبدء الانسان يتعود عليها وبتبقى عادى
ولو غلط اية الحل ؟
يعنى انا تقريبا قولت الحل فى اجابة السؤال اللى فات يكون من الاهل وبراحة وبالتفاهم وكمان من الصحبة فالاصحاب الكويسين صفاتهم بتكون واحدة واخلاقهم واحدة " المرء على دين خليله"
ولو صح لية صح ؟
هو مش صح والقرآن بيقول " ولا متخذات اخدان" هو مش صح خالص خالص
شكرا بينك الجميلة
تسلم ايديك على الموضوع الجميل

اولا مشكوووورة اوى يا بينك موضوعك رائع

ادخل قولي اية رايك في الحوار

والله بصراحة انا مش عارف اقول اية بجد الدنيا اتقلب حالها بس برضة يعنى مع احترامى ليكى وكل البنت اللى معانا فى بنات كتير اوى هما اللى عودوهم على كدة وانتى كمان اكيد بتشوفى اللى بتعملة البنات فى الشوارع مع الاولاد بزمتك دول عندهم دين بس انا لية سؤال واحد ازاى اهاليهم سايبينهم يعملوا كدة او اخوها ازاى سا يبها تعمل كدة اوى ابن عمها او اى حد قريبها ازى يرضا لنفسة ان يشوف واحدة قريبتة عاملة كدة فى نفسها خلاص الرجولة زمنها انتهى وفين النخوة بتاعت الرجالة بصراحة انا مش قادر اللوم سواق التاكسى على اللى عملة لان انتى كمان بتشوفى اللى البنات عاملاة فى نفسها فى الشارع

بس هوة برضة كمان معندهوش دم اية دة معندهوش اخت ولا بنت يخاف عليها

بس اللى اقدر اقولة ربنا يهدى الجميع


واية اللي وصلنا لكدة؟

تعرفى اية اللى وصلنا لكدة ان احنا بنحاول نقلد الغرب فى كل حاجة واكيد برضة ظروفالمعيشة اللى احنا عايشينها وعدم اهتمامنا بكلام ربنا وكلام رسول الله علية افضل الصلاة والسلام


وهل دا صح وعادي فعلا ولا غلط ومش طبيعي؟

بصراحة هوة بقيت حاجة عادية بالنسبة للى الواحد بيشوفة
واكيد طبعا دى حاجة غلط ولو كل واحد خاف على شرفة وسمعت بنتة مش هيخلى اى حد يقول عليها اى كلمة

ولو غلط اية الحل ؟

الحل
ان مفيش حل غير اننا نفوق من اللى احنا فية دة ونخلى بالنا من دينا ونتبع كلام رسول الله صلى الله علية وسلم ونخف بقى من التخلف اللى احنا فية دة

بجد منظرنا بقى وحش اوى قدام العالم كلة
لية انا بنعمل كدة فى نفسنا

ولو صح لية صح ؟

لا طبع مش صح خالص بس نرجع ونقول احنا السبب فى دة كلة احنا اللى بنعمل فى نفسنا كدة


وفى النهاية احب اشكرك مرة تانى يا بينك على موضوعك الجميل والمتميز

وياريت ميكونش كلامى دايقك او دايق اى حد بس هوة دة اللى كان لازم اقولة

تقبلى فائق احترامى وتقديرى

موضوع مثير جدا بينك
ايه رأيك فى الحوار؟
مبدأيا الحوووار فى منتهى البجاحة من واحد مالوووش اى صلة بيكى انو يسأل مجرد واحدة علاقتوو بيها انه هيوصلها مكان ما ومالووش اى صلة تانية عشان يسأل سؤال زى دة
دة انا نفسى مش بسألو لاى حد غير القريبين وبكون مكسووف كمان
ايه اللى وصلنا لكدة؟
اللى وصلهم مش وصلنا لكدة ان فى ناس مبقاش عندها اى مبادئ ولا اخلاق وفاكرين ان كل الناس زى بعض وكل البنات نفس التصرفات ودة اسموو جهل وتخلف
عشان الناس مبقتش تفكر بحكمة وزى ما بيقولو الحسنة بتخص والسيئة بتعم لو شاف بنت ما مش كويسة يبقى البنات كلهم مش كويسين وزى بعض وكل واحد وتفكيروو ومدى استيعاب مخوو وفى ناس بتاخد بالمنظرر وفى ناس زى سوواق التاكسى دى معندهمش اى اخلاق ويقووول انا اتكلم زى مانا عايز واشووف هنوصل لأيه مش هيحصلى حاجة يعنى ودة معناه لا مبالاااه وبجاحة
دة غلط ولا لاء ؟؟
اكيد طبعا غلط جدا وحدش يتدخل فى ما لا يعنيه طبعا دة حتى مسألش بطريقة مهزبة
سأل بطريقة مستفزة ومنتهى البجاحة كأنوو بيسأل عن حاجة عادية جدا
وللاسف ان دلوقتى اللى عندهم اخلاق قليلين جدا
معلش طووولت عليكى وتقبلى مروورى

موضوع بجد يا بينك محتاج للنقاش

واية اللي وصلنا لكدة؟
الى وصلنا لكده ااننا خلاص بقينا مش هنقول بنقلد الغرب احنا خلاص نسينا عاداتنا وتقاليدنا ..خلاص واحد شاف كم بنت مش كويسين يبقى البنات كلها كده زى ما قولتله السيئه بتعم
وهل دا صح وعادي فعلا ولا غلط ومش طبيعي؟
اكيد طبعا غلط جدا مش هقولك اصلا انك اتكلمتى مع السواق من الاول لا الغلط مش فى كده الغلط بقى فى الناس الى بقيت تاخد الامور عادى ده بيسالك بكل بجاحه اكن الامر عادى انا مش عارفه ايه الى بقى بيحصلنا ده
ولو غلط اية الحل ؟
الحل اننا نرجع تانى لتقاليدنا ودينا ومنختش حد بذنب حد مش معنى ان فعلا بقى فى بنات كتير مش كويسه يبقى ناخد فكره عن كل البنات انهم زى بعض
ولو صح لية صح ؟
مشكوووووووووووووووووره يا بينك وتقبلى مرورى
_________________

دة تاكسى رغم قوى اية دة يا بنك ربنا يكون فى عونك كنتى اضربية بالشنطة

مش معقول الرخامة
الله يكون فى العون
المهم دة طبعا موضوع بقة كتير اوى اليومين دول
وهو حاجة جديدة جدا على المجتمع الشرقى
وهو تقريبا مالهوش حل دة تطور بس من ناحية سلبية
كنت اتمنى ان التطور مايكونش من الناحية دى
وشكرا بينك على موضوعك الجميل