ادخل وسجل حالتك النفسية

السلام عليكم

الموضوع دة علشان نساعد بعض كلنا

هو عبارة عن مكان ادخل فية وسجل حالتك النفسية
يعني لو مثلا متضايق من شئ
اكتبة واحنا نحاول نساعدك

لو عندك ارق او حاسس بتضايق من غير سبب او اي مشكلة نفسية
اكتب واحنا نحاول نساعدك علشان تكون مرتاح نفسيا

تحياتي ليكم جميعا

مشكوره يا بينك على موضوعك الجميع وفعلا فكره جميله جداااااااااااااا تقبلى مورورى

فكره روعه بجد يا بينك
انا اليومين دول الحمد لله رااضيه عن نفسى وحاسه ان الى جاى احسن بكتير ان شاء الله
تقبلى مرورى

الــــــــــــــــــــــــــــــــــــــــــــــــف شكر كرمالك
الحمد لله انة عجبك

بس ماقولتيش حالتك اية

الف الف شكر لي لي
للتثبيت

والحمد لله انك كويسة وحالتك كويسة
يارب دايما

وانشاء الله تكوني ايامك كلها كويسة

مشكوره يا بينك علي موضوع الجميل اناا عندي مشاكل ولكن مابقدر احكيه علي منتدي Sad

الفارس
الف شكر ليك علي المرور والذوق

وايا كانت مشاكلك فلو عايز تكتب عنها حاجة مختصرة اكتبها واحنا هنا اخوات ممكن نساعدك
او لو مش هتقدر كل اللي اقدر اقولة اهدي وحاول تقرب من ربنا ومن دينك وانشاء الله تبقي كل الامور تمام

ميرسى بينك على موضوعك الزوووء دة
انا مشكلتى انى علطوول بدايئ من الوحدة
سعات كتير بكون عايز اتكلم مع اى حد ومش بلاقى
وكمان عالنت مش بتكلم مع اى حد عشان اصلا مافيش حد اتكلم معاه غير ناس قليلين
انا اتعودت اة بس بردو بدايئ Rolling Eyes

كـــــــــــــــريم

شوف لازم تعرف في الاول انك مش لوحدك اللي بتعاني من كدة بل الاغلبية منا بيعانوا من كدة
وكمان الواحد ممكن يكون عندة الف صديق ولكنة وحيد
لذلك انصحك انك تقرب من عائلتك اولا وتحكيلهم هما
لان دول اللي دايما هيكونوا جنبك ومهما كان في مشاكل بينكم بردة هيكونوا موجودين

وممكن انت مالكش اصحاب لانك وثقت في حد وباعك فمش عايز دا يحصل تاني فمنغلق
ففي الاول شوف يمكن انت اللي منغلق مع الناس ومش بتقرب منهم وعلشان كدة يمكن مالكش اصحاب كتير

الف شكر لمشاركتك كريم
واحنا كلنا هنا اصدقائك
ويارب تكون نصحتي ساعدك ولو شوية

اكيد يا اختي بصرحا انا مشكلتي انا وحيد وبفضل لوحدي اكثير وبكون زعلان ولم ازعل من حد في قلبي زعل بفضل ايه اعمل يا اخواني الكرام انا اخوكم من فلسطين وغير كده اناا فلسطيني وعندي اكثير مشاكل برا البيت بس المشاكل دي مابتنحكي
يعني لعند هناا مابقدر اتكلم حاجة وياريت تفدوني انا صديق

ممكن اشارك فى الرد عليك على كريم والفارس هما الاتنين بيعانوه من الوحده
صدقونى مش انتم لوحدكم الوحده دى كتير اوى بيعانوه منها ممكن تبقى اعد مع اصحابك وقاريبك وبرده حاسس بوحده وانك غريب عنهم ..لوعشت فى الدنيا لوحدك يبقى انت كده بتجنى على نفسك لازم تفتح قلبك وتتكلم بكل صراحه
احنا هنا كلنا اخوات واكيد هنقدر نساعد بعض
وانت يا كريم احنا مش اصدقاء ولا ايه عاوزه اعرف ليه بقى بتحس بالوحده
اما فارس ياريت تثق فينا وتكلمنا عن مشاكلك وان شاء الله نقدر نساعدك
مرسيى ليكم

الف شكر لي لي
علي انك رديتي لاني والله بمتحن لذلك مش قادرة ادخل ارد عالطول
وردك جميل

بس بالنسبة لفـــــــــــــارس هزود حاجة
شوف يافارس انت في موقف يمكن صعب اوي واكيد الوضع في فلسطين مش مستقر
والمشاكل دية مقدرش انصحك فيها

اما وحدك فصدقني في الموقف اللي مثل موقفك فامن راي انك تحاول تقرب من ربنا وتقرب من اهلك لانهم صدقني دايما هيكونوا في صفك ومعاك واحنا هنا لما تحب تكلم حد كلنا موجودين

اما انك بتزعل من الناس اوي
علي حسب مافهمت من كلامك
لازم انك تحاول تلتمس للناس الاعذار لان الدنيا دلوقتي قمة في الصعوبة علي كل الناس ومحدش مرتاح لذلك المفروض تحاول تلمتس عذر للناس وتشوف عملوا كدة لية
وكمان انك تفضل زعلان من حد دا بيتعب الواحد ويحطة في وحدة واكتئاب جامد
لكن احساس المسامحة جميل وبيخلي البني ادم مرتاح لو حتي لوحدة
وكمان حاول تسامح الناس زي ماانت لو غصب عنك غلطت تحب تتسامح
واعرف ان الناس ساعات من خنقاتها وقرفها من الدنيا بتغلط في حق اقرب الناس من غير قصد والمفروض احنا نقرب منهم ونحاول نعرف مخنوقين لية وبعد كدة نعاتب
اما اذا كنت متاكد انهم قصدهم يجرحوك فراي انهم مايستحقوش انك اصلا تقعد تفكر فيهم لحظة وتقول انا زعلان منهم لان زي ماهما ماعملوش حساب لزعلك لازم انت تنسي
والنسيان نعمة جميلة اووي هتساعدك جامد

وفي اخر كلامي ارجو اكون ساعدك
وربنا يوفقك يارب وحياتك تبقي سهلة وربنا يقف جنبك وتحقق احلامك باذن الله ويرتاح بالك

انا اسفة علي التاخير فارس بجد انا اسفة جدا
والف شكر لمشاركتك معانا

انا مش راضي عن نفسي
لاسباب
كتيييييييييييييييييييييييير

انا تعبانه ومش فاهمه نفسى يبيبيببيب

يــــــــــــــــــــــــاسر

شوف معني انك مش راضي عن نفسك وبتقول لاسباب كتير
يعني انت عارف اية هي الاسباب

فانا هقولك حاجة
لو فيهم اسباب
انك ماوصلتش للي انت عايزة او كنت عايزة في حياتك حتي ولو تقصير منك
اعرف ان ربنا شايفلك الاحسن وطالما وصلتلة اي كان فهو اكيد افضل شئ ليك
لاننا مش هنكون احسن من حالتنا مهما كنا مش شايفنها حلوة لان ربنا هو اللي كاتبها ومحدش هيحبك قد ربنا
لذلك لازم تؤمن انكحتي لو وقعت في اي شئ دخلتة فدا مكتوب وحاول تقف تاني علي رجليك حتي لو استخدمت طريق غير اللي تصورتة

اما بقي لو كانت اسباب انك بعيد عن دينك وربك
فدا مافيهاش اقبل حالك وارضي
لا لازم تقرب من ربنا وصدقني لو قربت منة وصليت لية هتبدا ترضي عن نفسك
وتحب المكان اللي انت فية وتتقبل حالك فتحسن من نفسك
فلو مشكلتك انك مش راضي عن علاقتك بربنا وقربك من دينك
يبقي دا حاجة لازم انت اللي تصلحها

اما لو زي ماقولتلك مشكلتك انك ماوضلتش لحلم كان عندك او للمكانة اللي كنت عايزها
فلازم تتقبل حالتك علشان تقدر تعمل علي تحسينها وطالما انت لسة عايش والحمد لله يبقي في دايما فرصة للافضل

الف شكر لمشاركتك
ويارب اكون افيدتك

نيــــــــــــــــــــــمو

شوفي ياحببتي
انتي بتقويلي مش فاهمة نفسك
النفس البشرية لا يمكن فهمها
الناس حاولت علي مدار السنين تفهم الفكر الانساني لكن معرفتش ابدا
ومش ضروري انك مش فاهمة نفسك انك فيكي مشكلة
كتير منا مش فاهمين نفسهم اذا ماكانش الاغلبية
وساعات نحس بوحدة وقرف قوي لاننا مش عارفين حتي زعلانين لية

لذلك نصيحتي اهية
شوفي انتي ترتبي اولوياتك
واولوياتك يعني تشوفي اية الواجبات اللي علكي في حياتك سواء دراستك او معاملتك مع اهلك واصحابك
او حتي هواياتك
وطبعا علاقتك مع ربنا
ولازم تكون اول شئ هو ربنا وبعدك تحطي عائلتك
ولما تخلصي الامور اللي عليكي وتركزي انك تكوني بتعميلي اللي عليكي فبالك هيرتاح
ولو حتي شوية
وبعد كدة هتبدا اهدافك في الدنيا تبان وبذلك تفهمي جزء جديد عن شخصيتك

بس لازم تعرفي حببتي
ان في الدنيا كل يوم هتتعلمي شئ جديد عن نفسك وعن الاخرين
ومع كل موقف شخصيتك لازم هتتاثر وطباعك هتتغير
فحاولي يكون عندك ركيزة مبادئ اساسية تساعدك في الحياة وتساعدك علي اختيارتك
وبيها تقدري توصيلي لكل اهدافك بطريق سهل ومريح

وفي الهاية حببتي
مش لازم تفهي نفسك اوي ولا حتي تصرفاتك المهم تؤمني ان قادرة علي انك تحققي اهدافك ايا كانت
وانشاء الله تبقي افضل
ومش هوصيكي قربي من ربنا

يارب اكون افيدتك وساعدتك يارب

شئ جميل انكم تساعدو الاخرين فى حل مشاكلهم بس يا ترى حيقتنعو بالكلام ولا لا المهم يا جماعة نعرف اننا بنفيد بعض مش اكتر و ياريت نتقبل كلام بينك و نحاول نعملة ولو ملقناش فايدة نسال بعض تانى يمكن الحل يبقى موجود عننا خاصة ان الكل ممكن يكون لية مشاكل مختلفة عن التانين يبقى فى نفس الوقت حلينا مشكلة و كمان عرفنا مشاكل الاخرين وعرفنا حلها مقدما انا بقى من ناحيتى انى بزعل كتير انى بعامل ناس كتير كويس ووالله بتعامل بحسن نية جدا و المشكلة انهم بياخدو حسن النية دية عباطة او هبل والاقى العكس تمام خالص منهم و الاقى ردرود مش كويسة منهم يمكن هية مشكلة الاخرين بس المهم انى بزعل كتير لما الاقى حد مش عاملتة غير كويس و يجى يقول كلام فى حقى مش كويس شكرا لاجمل بينك و اتمنى التوفيق من الله سلامى لكل الناس وخاصة همس

جميل اوى يا بيبنك كلامك الجميل والمقنع ده
نورت ياااسامه
مش تندم ياااسامه انك بتعامل الناس كويس لا انت بتعاملهم بحسن نيه وده مش عيب ولاحرام
اما بقى حكايه انك بتلاقى رد الفعل عكس فصدقنى يااسامه مش معاك انت بس ده بيحصل مع ناس كتير
بس نصيحتى ليك خليك زى ماانت عاملهم بنفس الاسلوب ده مش تغيره حتى لو اكتشفت انهم بيقولوه كلام فى حقك يكفى انك قدام ربنا
كنت بتعاملهم بحسن نيه ,اكيد كل ما هنعيش اكتر فى الدنيا كل ما نتعلم اكتر
يارب كلامى يعجبك

شكرا ليك يااسامة

بالنسبة بقي لمشكلتك
شوف يااسامة الناس كتير جدا بتتعامل وحش مع بعض وتعامل الناس اللي بيعملوهم كويس بطريقة مش كويسة

ولكن دا بيكون لية عدة اسباب
يعني مثلا يكونوا الاشخاص دول سيئين اصلا ومش بيحبوا غير انفسهم وفيهم انانية
او ممكن يكونوا فاهمين تصرفاتك اللطيفة غلط وفاهمينك مثلا بتكذب عليهم
او ممكن يكونوا اتكذب عليهم كتير واتعاملوا كويس مع ناس كتير ورغم كدة اتعاملوا وحش فخايفين انت تطلع زي اللي قبلك وتعاملهم وحش بردة
او ممكن انك بتدي انطباع غلط عن الناس وبيفسروا تصرفاتك غلط ممكن انت بتتصرف علي طبيعتك اوي ومش حاسس انك بتضايقهم مثلا ولكن هما متضايقين منك لذلك بيعاملوك وحش

لذلك يااسامة اسباب تصرف الناس بقلة ذوق كنير اوي
ولكن نصيحتي ليك انك تتعامل بطيبة ولكن مش زيادة عن اللزوم
حاول تكون لطيف مع الناس كلها وصادق مع نفسك ولكن بتحافظ علي حقوقك كلها ولو اخطا حد في حقك لازم تقدر ترد بهدوء لاني اكيد الشخص دا مايستحقش اصلا
وقبل اما ترد علي شخص عاملك وحش شوف يمكن عندة ظروف او مش شايفة فلازم دايما تحاول تخلق اعذار للناس فان بعد الظن اثم
ويمكن يكونوا في مرحلة سيئة او حالة نفسية سيئة او متضايقين من شئ ومش قصدهم اطلاقا ولكن لانك ماحاولتش تفهم براحة الموقف تصاعد وسبب مشكلة
وماتزعلش نفسك ابدا يااسامة لان الصح هو المعاملة الطيبة وانت اتعامل بما يرضي الله واهم حاجة هو رضاء ربنا مش رضا الناس صدقيني

والف شكر لكي يالي لي علي ردك الجميل

الف شكر لمشاركتك
ويارب اكون ساعدتك

لكل الناس وخاصة همس
ميرسى يااسامه بس اشمعنا خصوصا همس يعنى
عموما ميرسى ربنا يخليك كلك ذوق

انا انطوائيه جدا ووببقي لوحدي معظم الاوقات

حتي لما بكون مع حد بفضل في ركن لوحدي مش بشارك ولا بتكلم

حتي اهلي بحس معاهم نفس الاحساس

بتكسف جدا جدا واي كلمه بتاثر فيا حتي لو كانت مش مقصوده

وبتحرج جدا من اي احتكاك مع الناس حتي لو كان سلام عادي

ودي حاجات بتضايقني جدا جدا ومش عارفه اغيرها

كل ماانوي اغيرها واقول انه مينفعش افضل كده لازم اكون جريئه شويه

اجي الاقيني لما يحصل اي موقف ارجع زي ماانا

تقبلي مروري

وبصراحه موضوع رائع

نجمــــــــــــــــــــــــــــــه

شوفي ياحببتي انتي بتقويلي بتعاني من الانطوائية
يعني مش بتحبي تتواجدي مع الناس
وذكرتي انك احيانا بتحاولي تتخلصي من الاحساس دة لكنك فشلتي

شوفي
علي حسب مافهمت انتي كدة معظم حياتك
لذلك صعب تبداي فجاة تكوني اجتماعية ولكنك مع التدرج تقدري تنفتحي وتقدري تكوني اجتماعية اكثر
لذلك نصحيتي ليكي
هي اولا تحاولي تتواصيلي مع عائلتك وتدخيلي معهم في نقاشات وحوارات وتكوني دايما متداخلة معاهم وبتكلميهم علي قدر الامكان لان الانطوائية عادة مابتكون لعدم الراحة في الوجود وسط الاخرين
ولان اكثر مكان بيشعر فية الانسان بالراحة هو العائلة فابداي هناك

وبعد فترة يانجمة هتلاقي نفسك مع دائرة اصحابك المقربين بداتي تدخيلي معاهم في نقاشات
ودا يمكن ياخد شوية وقت بس اهم حاجة انك تعرفي ان الواحد بيتعلم من التجربة
لذلك حتي ولو الناس لم يشاركوكي الراي فدا مش معناة انك تسكتي
بل تحاويلي تقنعيهم ولو هما اللي اقنعوكي فدا عادي
النقاش هدفة ان احد الطرفين يقتنع

وحرجك دا ممكن يرجع لانك بتخافي ان رايك لا ياخذ بية او لايسمع
ولكن دا ضروري مش دايما البني ادم صح
وانتي حاولي تدخيلي نقاشات تعرفي عنها كويس
يعني مثلا اقراي في موضوع معين او شئ تعرفية كويس
وحاولي تبداي فية نقاش بحيث لو اللي حواليك بيتكلموا في شئ لا تعرفية
حولي مسار الحوار لامر تعرفية بس يفضل يكون بعضهم يعرفوة بردة
بحيث تقدري تدي راي قوي وسليم

ويانجمة الانطواء امر الكثير بيعانوا منة
وهو امر لايستدعي الاحراج اطلاقا
المهم بس تحاولي براحة زي ماقولتك تكلمي عائلتك الاول وتتناقشي معاهم
ومتخافيش ابدا من البدء بنقاش
لان ثقتك بنفسك وبفكرك اكتر حاجة تخليكي قادرة علي النقاش

ويارب تقدري تعميلي كدة ولو ماقدرتيش يانجمة انا معاكي لحد اما انشاء الله
تبقي اجتماعية اكتر
بس اهم حاجة الصبر وتكوني مرتاحة وتعرفي ان بياخد وقت تغير شخصية البني ادم

شكرا لمساهمتك
ويارب اكون ساعدتك

شكرا يابينك افدتيني جدا والله

بس انا عارفه ان التنفيذ صعب اوي عليا بس هحاول

لاني بحس نفس الاحساس مع اهلي بحس اني غريبيه عنهم وبيستهزئوا من سكوتي وهدوئي ده

لدرجه ان ممكن اي كلمه حتي لو بسيطه تخليني ابكي واحس انهم بيستهزئوا بيا

وده بيحسسني اني ضعيفه جدا رغم اني مش صغيره

وكمان انا معنديش جراه اني ابقي محور الكلام وافتح موضوع وانا قشه

ده مجرد ماحد يسالني سؤال او يكلمني عادي وشي بيجيب الوان

هحاول وهقولك علي الجديد

ومتشكره اوي يااحلي بينك لسعه صدرك ونصائحك اللي استفدت منها وان شاء الله هحاول اطبقها

تقبلي مني فائق التقدير والاحترام

لاني بحس نفس الاحساس مع اهلي بحس اني غريبيه عنهم وبيستهزئوا من سكوتي وهدوئي ده
لدرجه ان ممكن اي كلمه حتي لو بسيطه تخليني ابكي واحس انهم بيستهزئوا بيا

حببتي نجمة
التنفيذ لازم صعب
بس الواحد لازم يحاول وباذن الله تقدري تتغيري وصدقني لما انشاء الله تتكلمي مع العائلة هتقدري تطلعي برة وتكوني محور النقاشات وتفتحي الحوارات
لكن انا قولتلك في الاول ادخلي بس في حوارات الاخرين وبكدة تقدري تعرفي ازاي تتناقشي
وياحببتي ممكن احساسك انتي هو اللي مخليكي حاسة انة بيستهزقوا بيكي
لكنة في الواقع عادي
وحتي لو كدة حببتي يمكن بيحاولوا يدفعوكي تتكلمي
ان البني ادم يكون حساس امر رائع وجميل انك قريبة من مشاعرك
لكن لازم تتعلمي انة ساعات الحساسية بتبقي زيادة عن المفروض
وزي مابقولك حاولي وقوليلي الجديد منفعش كدة
نشوف طريق تاني
انا معاكي ياحببتي لحد الاخر باذن الله

وعنيا ليكي
طالما بساعدك
الف شكر لمساهمتك
ويارب اقدر اساعدك

موضوع جميل قوى وفعلا فى ناس كتير محتاجة انها تتكلم عن حالتها النفسية ولو بالكتابة لان دة بيخفف من الى جواهم وكمان بيساعد على حل جزء كبير من المشكلة وخصوصا لما يحس ان فى حد جنبة وبينصحة

انا بقى مشكلتى انى اوقات كتير بحس بملل وان مفيش جديد

» عبر عن حالتك الأن بكلمه وااااحـــــــــــــــــدة !!!!!
» سجل حالتك النفسيه بااغنيه
» لو جدع .... ادخل رد
» قلب جامد ادخل؟؟؟؟؟؟؟؟؟؟؟؟؟؟
» ادخل وشارك