تسلم ايديك على الموضوع
هي دي الادارة الاميريكية الداعمه اولا واخيرا لاسرائيل بتعمل كل حاجة عشان مصالح اسرائيل
والامر ده مش غريب عليها هم اللتنين مصالحم وحدة و زي ماتكون اسرائيل ولايه من الولايات الاميركيه بس في غير قارة
هم اللتنين قاموا على قتل السكان الحقيقين للبلاد واغتصبوا ارضهم وقعدوا مكانهم بالقوة
هم اللتنين قائمين على اسس العنصرية ومبدأ فرق تسد مصالحم وحدة
يا ريت ماندخلش موضوع الاديان في الامور السياسيه والمصالح الاقتصاديه للدول
لانهم اخدوا الدين كستار لدعم الحركة الصهيونية واقامة الدولة الاسرائيليه
ولعبوا على وتر الدين عشان يحركوا مشاعر الناس وانتمائهم القوي لدينهم
كل ده مصالح سياسية مصالح اقتصادية بتهدف الى الهيمنة العالمية وبسط اليد على جميع الدول و سرقة ثرواتهم الاقتصادية
و كل التحالف ده بين الادارة الاميركية والكيان الصهيوني وكل الدعم القوي من قبل الادارة الاميركية للكيان الصهيوني
وكل الاهتمام من قبل الادارة الاميركية للكيان الصهيوني
و كل المصالح المشتركة اللي بتجمع بين الادارة الاميركية والكيان الصهيوني
في الاخر اغلب الحكام العرب بيحطوا ايديهم في ايدين بوش وبيستقبلوه استقبال الملوك والاصدقاء في بلادهم العربية
وبيشتروا اسلحة اميركية منتهية صلاحيتها بصفقات كبيرة جدا عشان جورج بوش يزبط ميزانية الولايات المتحدة قبل انتهاء ولايته
يعني ازاي الحكام العرب دول بيعملوا كده ؟؟؟!!! بيضحكوا على نفسهم وبيضحكوا الدنيا كلها عليهم
بس التاريخ هو الشاهد على اللي بيعملوه في فلسطين من خلال تحالفهم مع الادارة الاميركية و عقد اتفاقيات سلام مع الكيان الصهيوني
ده يعتبر خيانه في منطق الاخلاق والضمير
ازاي يقبلوا على نفسهم يحطوا ايديهم في ادين اللي قتلوا اخوتهم
ازاي يقبلوا تكون اراضيهم قواعد عسكرية لضرب بلاد اخواتهم
ازاي يقبلوا ان بترولهم يروح لسفك الدم العربي
ازاي يقبلوا يتهموا الدول العربيه الواقفه في وجه الادارة الاميركية واسرائيل انها بتخرج خارج السرب العربي
وبتروح في اتجاه تاني مواجه ليه
ازاي بيقبلوا على نفسهم يكونوا تابعين للادرة الاميركية بالشكل المهين والمخجل ده
مش شايفين ان اللي فرحوا بيه ورقصولوا لما زارهم اليوم راح بيحتفل مع اسرائيل بيوم لازم يكون بالنسبالهم
وصمة عار في التاريخ العربي
الشارع العربي بيحيّي بكل حزن والم الذكرى الستون للنكبة
وبوش بكل وقاحة بيحتفل مع اسرائيل بالعيد الستين لزرع الكيان الاسرائيلي الغاصب في فلسطين العربية
هم مش شايفين ؟؟!! هم مش عارفين ؟؟!! ولا هم ...........
اليوم ده يوم جرح كبير جدا في قلب الامة العربية وفي قلوب الشعب العربي
ربنا يكون مع الشعب الفلسطيني ويحميهم وينصرهم ومع الشعب العراقي ويحميهم وينصرهم
تسلم ايديك على الموضوع