هل تتزوج من هى اكبر منك,وهل تتزوجين من هو اصغر منك؟

سؤال الشباب

هل تقبل الزواج بفتاة اكبر منك؟.. خاصه اذا كانت الفتاه لايعيبها شئ سواء انها اكبر منك باشهر أو بسنوات قليلة .. وكم بنظرك الفرق المناسب بين الزوجين ؟

سؤال للبنات

هل تقبلين الزواج برجل اصغر منك؟.. خاصه اذا كان كله مميزات ماعدا انه اصغر منك ؟

وما هي السنوات التي ترينها مناسبة للفرق بينكما ؟

دمتم بخير ،،،

اخي موضيعك كلها ممتازة

تسلم عليها

ممكن لو كان اصغر مني بشهر او اثنين ده ممكن

انما تقولي بسنة او سنتين

ده اللي مش ممكن وحقولك شئ

الحب بيعمل معجزات

وكل ما يصيبونا االا ما كتبة اللة لنا

تحياتي وقبول مروري

جميل موضوعك يا ميدو لو فى حب وتوافق والاتنين فاهمين بعض ايه يمنع الجواز فى ناس مش بتفكر فى السن ده خالص وكلنا عارفين ان الرسول عليه افضل الصلاه والسلام كا متجوز بالسيده خديجه رضى الله عنها وكان هو اسعد خلق الله وكان بيحبها حب وكله يحكى على حبهم لبعض عمر السن مايمنع الحب ولو هو اكبر عادى يا ميدو انا سايفه مفيش فرق السن ده اخر حاجه نفكر فيه بدال فى حب فى امل فى سعاده مشكور جدااااااااا

السلام عليكم ورحمة الله

اولا ميرسي يا ميدو على موضوعك الجميل وانا شايفة ان مافيش مانع ان الوحدة تتجوز واحد اصغر منها

طالما هيبقى فى حب وتفاهم اية اللى يمنع وزى ما قالت كرمالك ان السيدة خديجة رضى الله عنها

كانت اكبر من الرسول علية افضل الصلاة والسلام ومعتقدش ان السن شرط لجواز ناجح

والكبير مش كبير بالسن فى ناس بتبقى صغيرة ومع ذلك تفكيرها ممتاز والعكس

يعنى مش شرط

مشكور على الموضوع وتقبل مرورى

موضوع حلو اوى يا ميدو انا عن نفسى ممكن اقبل مثلا انى اكون اكبر بشهر اتنين بشهووووور
لكن سنين دى طبعا صعبه بالنسبالى
انا عمرى ما فكرت فى الحكايه دى اصلا
وطبعا هى لاحرام ولا عيب وفعلا زى ما بيقولوه الحب يصنع المعجزات
والقدر يعمى البصر
مشكووووووووووووور ميدو

واللة ربنا ما يحكم علينا ..بس انا مقبلش هحس انى فيه حاجة غلط وهفضل حاطة الموضوع فى دماغى

وبالنسبة للسنوات يعنى حد ادنى5 سنين وحد اقصى 10 سنين
انما انى اكبر منو لا مقدرش

والموضوع جميل جدا وانت موضوعاتك كلها جميلة تقبل احترامى bnn

مشكورين جميعا على المرور وتنوير الموضوع ( قوت القلوب - كرمالك - قطه شقيه - لى لى - منونة )
تقبلو تقديرى ووافر شكرى واحترامى

فى معظم الاحيان بيكون الزواج ده فاشل لان الست لما بتكون اكبر من الرجل بتحاول تسيطر عليه وده مينفعش بالنسبه لكرامه معظم الرجال انا عن نفسى مش ممكن اوافق انى اتجوز وحده اكبر منى حتى لو كان الموضوع ده ممكن يعود عليا بمكسب مالى كبير انا مش ممكن اتجوز غير اللى قلبى اختارها من زمان وده رأى شخصى بالنسبه ليا انا ورأيى صحيح يحتمل الخطاء

تسلم ايديك هتسبني بجد ؟ على الموضوع

انا بالنسبة ليا صعب اتزوج حد اصغر مني

مع ان في كتير حالات زواج بتكون البنت اكبر من الشب والزواج بيكون ناجح وبيستمر

بس الناس هيفضلوا يقولوا انها اكبر منه مهما مر وقت على زواجهم

مجتمعاتنا العربية كده مش بيشوفوا غير السلبيات مهما كان عدد الايجابيات اكتر بكتير

انا ممكن احب انسان اصغر مني لان الحب مش بإيدينا

بس اكيد بموضوع الزواج هيكون في تفكير لازم نراعي حاجات كتير حولينا من عادات وتقاليد وقيم المجتمع اللي عايشين فيه

و لو انها اصبحت في الزمن ده قديمة جدا و حتى متخلفة

بس في الاخر احنا عايشين في المجتمع بين الناس اللي هيفضلوا يتكلموا ويحكموا علينا مهما عملنا وحاولنا اننا نكون مثاليين

فإزاي لو غلطنا مرة او سهينا عن عادات المجتمع وقيمه

يمكن لو كنت عايشه في مجتمع غربي متحرر ماكنتش هفكر في ان الشب اكبر مني او انا اكبر منه

لان بجد في حاجات اهم من كده بكتير

بس في مجتمعنا العربي كون البنت اصغر من الشب بيبقى من الاساسيات اللي بيطلبها الشب وعيلته قبله اكيد

اما بالنسبة للسؤال التاني عدد السنوات ...... مافيش سنوات معينه عشان يكون الزواج ناجح

الاهم الوعي والاتفاق والانسجام بينهم

تسلم ايديك على المواضيع الجميله

مع احترامى للاخت زينه الا ان الناس فى كل الاحوال بتتكلم على طول
ان الواحد اتجوز اكبر منه يقوله خد اد امه
ان الواحد اتجوز اصغر منه يقوله خد اد بنته
ان الواحد اتجوز واحده من سنه يقوله الاثنين عيال
الناس فى كل الاحول بتتكلم مع ملاحظه ان الجواز هو الحاجه الوحيده المقدره للاتنسان لان نتجيه الجواز مخلوق اخر مكتوب يخلق من امه و ابيه و لا احد اخر

اعظم قصة حب كانت بين سيدنا محمد صلى الله علية وسلم وبين سيدتنا خديجة وطبعا كانت اكبر منه سنا

بس الزمن بتاعنا دة البنت بتحاول تساوى راسها براس الولد يبقى انت عايز كمان تكون اكبر منك

وكمان يابنى انا عايز اقولك حاجة الست بتعجر قبل الراجل والراجل لما بيكبر عايز حد يخدمه انت شايف اية بقى يبقى فى زمننا دة ماينفعش واحد يتجوز واحده اكبر منه حتى لو بيوم تسلم يابشا على موضوعك ولك تحياتى

اولا مشكور على الموضوع الجميل يا ميدو بيه

وبعدين
لازم لما نتكلم ونتناقش فى اى موضوع
فلازم يكون النقاش فى اطار عادات وتقاليد المجتمع اللى عايشين فيه
وعندنا فى المجتمع المصرى
او العربى ككل
مبنحبز يكون الرجل اصغر من المراه فى الزواج
وكلنا عارفين كدة
عندنا من عادتنا فى المجتمع الشرقى
ان الرجل يكون اكبر من المراه
اه عادات خاطئه
ولكن اذا فعلناها
نكون بذلك ضد المجتمع وعاداته
ودة هيسببنا مشاكل كتير
من لوم وكلام وكلنا عارفين ايه النتائج عندما نمس عادات المجتمع
حتى لو غلط
ولكن للاسف كلنا مجبرين اننا نعملها
فية ناس بتقول
المجتمع والناس مالها بينا
الناس طول عمرها بتتكلم
بس للاسف الشديد
احنا عايشين مع الناس
ومهما نقول احنا مبيهناش كلام الناس
بنتاثر بكلامهم كتير
ويكون النتيجه مشاكل وما اكثرها
للاسف
احنا مجبرين اننا نتعامل مع عادات المجتمع
لاننا ببساطه
مهما قولنا او عملنا
موش هنقدر نغيرها

شكرا مرة تانيه ميدو بيه على موضوعك الجميل

تقبل مرورى ووافر تقديرى واحترامى

مشكورين جميعا على المرور ( شاعر - سكر - حازم - محمد - زينة )
نورتو الموضوع