لو حصل (( لا قدر الله )) .... هتنفض ولا هتعمل إيه ؟؟

هتسبنى بجد ؟ كتب:

السلام عليكــم ورحمـة الله وبركاتــة ،،

النهاردة انا حابب اشارككم موضوع

وحابب انى اعرف رايكم في الموضوع دة

وياريت لو اسمع وجهات نظر كتيرة ونرد على بعضنا ونتناقش سوا

في البداية انا مش عارف ابدأ ازاى

بس هقول ويارب اقدر اوصلكو مفهوم الموضوع

لو كنت في يوم ليك اصحاب وكان بينكم عشرة وعيش وملح و و و و و و و و و و و ........... إلخ

وصداقة دامت ما بينكم لسنين

وحصل اختلاف بينكم وكل واحد فيكم (( راح لحاله )) زى ما بيقولوا

وسمعت فيوم ان حد من إصحابك دول لا قدر الله حصله شئ مش كويس

عنده ظروف وحشة

واقع في ورطة

ايا كانت الاسباب

هل هتروح تساعده او تقف معاه او تعزيه او تاخد بإيده او او او ... إلخ ؟؟

ولا هتقول دة عمل فيا وعمل وعمل ويستاهل اللى بيجرالوا .... ؟؟

ولا هتقول وانا مالى ياعم ما اللى يحصل يحصل (( كانى ماعرفهمش ))... ؟؟

اتمنى ان ماحدش يقول في شعارات واسطوانات مشروخة

وكل واحد فينا يفتح قلبه ويتكلم بكل صراحة وموضوعية

ومش عيب انك تفتح قلبك وتقول كل مكنونات صدرك

مستني آرائكم

ويارب الموضوع ينول اعجابكم...

ولا هتقول دة عمل فيا وعمل وعمل ويستاهل اللى بيجرالوا .... ؟؟
عمرى ما اقول كدا مهما حصل لان اولاد الاصول بيصونو العيش والملح
واستحالة اشمت فى حد حتى لو عدو ما بالك اذا كان صديقى فى يوم واختلفنا
ولا هتقول وانا مالى ياعم ما اللى يحصل يحصل (( كانى ماعرفهمش ))... ؟؟

لا طبعا لانى احط نفسى فى مكانة واقول ممكن يحصل ليا كدا وزى ما احب الناس تعاملنى كويس

لازم اعامل غيرى كويس

مشكور ميدو

وفى انتظار الجديد ليك

لو احنا اصحاب بجد ومن غير شعارات هساعده وهقف جمبو لحد ما الموقف اللى هو فيه يخلص وبعدين نبقى نتفاهم فى المشكلة لو انا حسيت انها لسة مزعلانى فعشان مكونش شايلة من صاحبتى هكلمها ف الخلاف بس بعد ماقف جمبها


ولو هى عملت فيا غلطة مش ممكن اسامحها عليها ابدا وفعلا قرار لا رجعة فيه انى انهى علاقتى بيها هحاول اساعدها بطريقة غير مباشرة وهعتبرها واحدة غريبة وبساعدها لله بس انا مش هظهر وهبقى اطمن عليها من بعيد

ومرسى جدا ع الموضوع

على فكره انا مريت بالموقف دا
كان تصرفى انى روحتلها وفضلت معاها واتصال علطول بيها بس رجعنا تانى بس مش زى الاول طبعا
تسلم على الموضوع

شكرا هتسبنى بجد
وحضرتك بتقول

لو كنت في يوم ليك اصحاب وكان بينكم عشرة وعيش وملح و و و و و و و و و و و ........... إلخ

وصداقة دامت ما بينكم لسنين
هذه الصداقة اللى دامت سنين بحلوها ومرها وحزنها وفرحها صعب قوى انها تنهتى ويحدث فراق بالشكل ده الا اذا كانت صداقة واهية ضعيفة وسهلة الكسر ولكن اكمل معاك

هل هتروح تساعده او تقف معاه او تعزيه او تاخد بإيده او او او ... إلخ ؟؟
ده اكيد ومش بس لانه كان صديقى فى يوم من الايام ولكن ده لاى انسان فى الدنيا تقدر تساعده وتاخد بايده
يقول النبى (ص) "ان المؤمن للمؤمن كالبنيان يشد بعضه بعضا "وشبك أصابعه صدق رسولنا الحبيب عليه افضل الصلاة والسلام

ولا هتقول دة عمل فيا وعمل وعمل ويستاهل اللى بيجرالوا .... ؟؟
ابدا عمرى ما اقول كده ، النهاردة حصل له موقف صعب ومين عارف بكرة الدور على مين ،فين الرحمة والتسامح والمعاملة الطيبة وخلينى دائما واثقة ان حقى عند ربى لا يضيع ولا ينقص شيئا

ولا هتقول وانا مالى ياعم ما اللى يحصل يحصل (( كانى ماعرفهمش ))... ؟؟
لو انا قولت كده وغيرى قال كده حنبقى ضعاف ومتفرقين واى حاجة ضعيفة تكسرنا
وفى حديث عن النعمان بن البشير .قال :قال رسول الله(ص) "ترى المؤمنين فى تراحمهم وتوادهم وتعاطفهم كمثل الجسد .اذا اشتكى عضوا تداعى له سائر جسده بالسهر والحمى "صدق رسول الله(ص)
ومن هنا قوة المؤمنين فى الترابط والحب والمودة والرحمة بأن يرحم بعضهم بعض باخوة الايمان

شكرا هتسبنى بجد على الموضوع الجميل