.......الشــــــــــــــــــرف .......

السلام عليكم

سؤالي النهاردة بسيط جدا

ماهو الشرف في وجهة نظرك ولماذا تعتقد انة كذلك ؟

ارجو ان كلة يجاوب بصراحة

اولا احب احييكى يا بينك على سؤالك الجميل دة

والشرف فى حاجات كتيرة يعنى مثلا سلوك الانسان نفسة وسمعتة

وثانيا من وجهة نظرى ان بيكون على اهلى واخواتى وكل قرايبى وحبيبتى وخصوصا البنات يعنى مثلا انا مقدرش اشوف واحدة من قرايبى لابسة ملابس زى اللى بنشوفها اليومين دول او حبيبتى لان اللى هيتكلم عليها هيقول ان دى قريبتى او حبيبتى وانا كدة اعتبر مش راجل لانى اسيب واحدة قريبتى ماشية كدة فى الشارع بس وكمان مقدرش استحمل ان حد يقول عليهم كلمة او حد يعاكسهم حتى لو انا مش معاهم

بس يعنى هوة دة اللى هقدر اقولة

والف شكر يا بينك

ومعلش انا عارف ان الرد بتاعى مش اللى هوة يعنى
ربنا يوفئك فى الامتحانات بأذن الله

تقبلى فائق احترامى وتقديرى

bnn

شكرا بينك الجميلة

ماهو الشرف في وجهة نظرك ولماذا تعتقد انة كذلك ؟
الشرف هو السمعة والاخلاق واحترام النفس
شرف البنت سمعتها ومحافظتها على نفسها واحترامها لذاتها ولدينها ولأهلها ،فى بنات يرفعوا راس اهاليهم فى السماء وتكون سبب بدخولهم الجنة وفى بنات للأسف الشديد بتجعل راس اهاليها فى الارض
والشرف بالنسبة للولد والبنت
الولد الشريف فى عمله ويتقنه بكل اخلاص وامانه فانه يكون محبوب من كل من حوله وامين

شكرا بينك على الموضوع الجميل

الف شكر لمرورك محمود

وعايزة اقولك ان ردك عجبني جدا
لانك عرفت شرفك من محافظتك علي اهلك وعلي تصرفاتهم
ودا امر كويس جدا وانا بحترمة جدا

وافهم من ردك ان الشرف
هو انك تحافظ علي اللي بتحبهم
وانك تكون محترم في تعاملاتك وقريب من ربنا

الف شكر لرايك الجميل
وانا يمكن فسرتة شوية
يارب دا مايزعجكش

ضي الف شكر لمروك

وفعلا شرف البنت في انها تحافظ علي نفسها
وان الولد يكون محترم في عملة ومتقنة

بس في حاجة واحدة احب اضيفها ان الولد كمان لازم يحافظ علي احترامة وعلي نفسة زية زي البنت

والف الف شكر لمروك

جميل اوى يا بينك موضووعك الشرف طبعا ان اى بنت لازم تحافظ على سمعتها وسمعه اهلها واخواتها واحترامها لنفسها
واتقانها لمزاكرتها وشغلها لان كل ده هيكون نتيجه ان اهلها هيتشرفه بيها وتبقى راسهم مرفوعه لفوق
وطبعا مش البنت بس الى بتنطبق عليها الكلمه لا والولاد كمان لازم يزاكروه ويجتهدو علشاهلهم يتشرفوه بيهم ويحافظوه على دينهم
الشرف دى كلمه كبيره اوى ومعانيها اكبر منها
يارب يكون ردى عجبك يا بينك ومكنش طولت عليكى وربنا فئك فى مزاكرتك واسمع عنك اخبار حلوه
bnn

مرسيى يا قلبى

ميرسى بينك على موضعك الجميل دة
الشرف دة صفة من صفات الانسان
فى ناس تشوفيهم تقولى ياااااه اد اية فلان دة شريف فى حياتو
بيكون محافظ شكلوو وشكل واهلو ادام الناس دة اولا
وثانيا يكون عنده امانة فى شغله وتعاملاته مع الناس وطبعا يتصف بالاحترام عشان يكون شريف
دة طبعا غير الحجات اللى اى حد عارفها زى المحافظة على مظهر الناس المقربين ليه ويكون شكلهم مشرف
فى اى مكان واى حد يعرفو يكون واثق فيه عشان اكيد الانسان الشريف هيكون امين
ومش عايز اطوول عليكى عشان الموضوع عايز كلام كتير وميرسى تانى عالموضوع bnn

لــــــــــــــــــــــي لي
الف شكر لردك الجميل
وبجد منطقي جدا
ولا ماطولتيش انتي تتكلمي زي ماانتي عايزة

كــــــــــــــــــــــــــــــــريم
الف شكر لمرورك
ولية مش كملت كلامك الموضوع للنقاش
والكلام اللي انتي كتبتة جميل جدا

الــــــــــــــــــــــــــف شكر للجميع لمروكم

تحياتي بينك
كونك تطلبي اجابة لمعنى كلمة الشرف هذا في حد ذاتة تعجيز اذ ان كلمه الشرف كلمه تحمل في طياتها الكثير والكثير من المعاني وهي كلمة نسبية بمعنى انه يحتمل تفسيرها لاكتر من معنى وتختلف معنى كلمه الشرف من مكان الي مكان اخر ومن دوله لاخرى ومن زمان الي زمان فنجد مثلا في الجاهلية فأن الشرف عندهم هوة علو المكانة والمنصب فكنا نسمع مثلا هذا من شرفاء قريش هذا شريف قومه فكان الشرف عندهم يعني المجد وعلو المكانة وما نجدة عندنا مندرج تحت مقايس معنى كلمة الشرف لا نجدة بيندرج تحت مقايس معنى كلمة الشرف في دوله اخرى اذ نجد مثلا في الدول الاسلامية بيختلف معنى الشرف فيها عن الدول الغربية وعلى كل فحيث اننا مسلمين فيجنب ان يكون تفسيرنا لمعنى كلمه الشرف نابع من المنظور الاسلامي فيحضرني حديث على سبيل المثال
عن سهل بن سعد رضي الله عنه جاء جبيريل الي النبي صلى الله علية وسلم فقال يا محمد عش ماشئت فأنك ميت واعمل ماشئت فأنك مجزى به واحبب ما شأت فأنك مفارق واعلم ان شرف المؤمن قيام الليل وعزه استغناؤة عن الناس
صدق رسول الله صلي الله علية وسلم
فنجد ان المؤمن يجب ان يتمسك بدينة ويتبع كل تعاليمة فأن بذلك سبيلة الي الشرف اذ ان شرف المؤمن تعني مدى التزام ذلك الرجل بالتعاليم والدين اذ انه اذا اتزمنا بتعاليم الدين سوف نتجنب فعل الرزائل ونفعل كل ماهو محبب لله وهذا شئ جميل
والجدير بالذكر اود ان اضيف انه لكل شئ شرف فالمهنه مثلا التي يمتهنها اي انسان لها شرف وشرف هذة المهنة هو التزام مؤديها بواجبات ومتطلبات هذة المهنة
ولا يفوتني هنا ان انوة الي انه بعض الاشخاص قد يختزلون معنى كلمة الشرف على البنت فقط دون الولد فبعض الناس ينظرون الى ان معنى كلمه الشرف هي مدى محافظة البنت على نفسها ولكن اليس جائز ان تعمل البنت مايحلو لها من المحرمات مع محافظتها على نفسها لذلك ان اختزال معنى كلمة الشرف في محافظة البت على نفسها يكون معنى ناقص وغير كامل
خلاصة القول ان الشرف كلمه عامة لكل الصفات الحميدة ومن الصعب ان نخصص معنى بعينة لهذة الكلمة فهي كلمة جامعة لكل الاخلاق والصفات الحميدة
وان كانت وجه نظري ان ترمي الى ان الشرف هو التزامنا بالدين لاننا لو التزمنا نجد اننا نفعل كل الصفات الحميدة ونترك كل ما هو رزيل
وفي النهاية لا يسعنى الا ان اشكرك بينك على الموضوع

اولا الف شكر لمرورك طنبولي

ثانيا
انا كنت بجد مستنية الردود تتقال واقول راي لكن حقيق بعد كلامك مافيش حاجة تتكتب اصلا
انا بحيك علي الرد الرائع بجد قمة في المنطقية والعقل

ولا يفوتني هنا ان انوة الي انه بعض الاشخاص قد يختزلون معنى كلمة الشرف على البنت فقط دون الولد فبعض الناس ينظرون الى ان معنى كلمه الشرف هي مدى محافظة البنت على نفسها ولكن اليس جائز ان تعمل البنت مايحلو لها من المحرمات مع محافظتها على نفسها لذلك ان اختزال معنى كلمة الشرف في محافظة البت على نفسها يكون معنى ناقص وغير كامل

انا كنت منتظرة حد يقول كلامك دة ولكن للاسف الغالبية قصروا الشرف فعلا علي محافظة البنت علي نفسها
ودا مش غلط ولكن مجرد جزء من الشرف وليس اساسة

واحب اقولك اني مش بعجز حد ولا حاجة
اعتقد انة باين جدا اني بسال عن الراي العربي في الشرف لاني اكيد مش من اوزربا والغرب
وفعلا بيختلف الشرف هنا عن الغرب كتير
وساعات بردة جوة الدول العربية نفسها لكن اعتقد معناة عند العرب متقارب جدا

وانا من راي ان الشرف هو التزام البني ادم بتعاليم دينة اي كان وانة دايما
يخلي الله رقيب علي افعالة
ويفكر اللي بيعملة دا صح ولا غلط
حرام ولا حلال

وتاني بحيك علي رد اكتر من رائع

واسفة علي التاخير
بس انا في الامتحانات لذلك بتاسف علي الغياب

جميل موضوعك يا بينك بجد احيكى عليه الشـــــــــــرف دى كلمه كبيره جدااااااا

يعنى اننا نتقى الله فى اعمالنا وده هة الشرف فى نظرى ان الى يتقى الله ربنا يبارك فى عمله يعنى الولد يتقى الله فى كل اموره

يعنى يذاكر ويجتهد هو ده الشرف والبنت كمان تتقى الله فى نفسها وتحاسب نفسها بنفسها يعنى تخاف على نفسها من الشبهات

لان رسولنا الكريم صلى الله عليه وسلم قال اتقوا شر الشبهات فيجب على كل بنت تحافظ على نفسها

الاب يتقى الله فى عمله هو ده الشرف والام كمان تتقى الله وتخاف على اولادها وتربيهم على الادب والاحترام والصلاه والعباده هو ده الشرف مشكوره يا بينك على الموضوع الجميل ومعلش ردى جيه متاخر تقبلى مرورى bnn

كــــــــــــــــرمالك

كلامك جميل جدا
وفعلا الصح ان البني ادم يتقي الله في افعالة ومعاملتة للناس
وانة يحاسب نفسة دايما
وكل واحد يتجنت الشبهات

وانتي تتاخري زي مايعجبك حبيبتي
تردي وقت مايناسبك
الف شكر لتنويرك الموضوع

موضوعك حلو جدا يا بينك
الشرف من وجهة نظرى
ان كل واحد يتقى ربنا
بمعنى انة يحافظ على نفسة وعلى غيرة
بالنسبة للبنت لازم انها تحافظ على نفسها وعلى سمعتها
وسمعه اهلها وتبعد عنها موضع الشبهات والالتزام
باوامر الله تعالى ورسولة ودة بيبان من معاملتها مع الناس
وتصرفاتها
وبالنسبة للولد انة لازم يحافظ على سمعتة
ويحافظ على اهل بيتة من الشبهات وعلى بنات الناس ويلتزم بدينة وذلك
بتعاملة مع الناس وتصرفاتة
وبجد ميرسى على موضوعك الجميل

الف شكر لمرورك
يانانسي

وفعلا عندك حق لازم الواحد يراعي الناس ويراعي ربنا في تصرفاتة

الفش كر لتنويرك الموضوع ياعسل

مش هعرف ارد