هل تهمك سمعتك داخل النت

شكرا همس الجميلة على موضوعك الجميل


السؤال الأول : هــل تهمـك سمعـتك داخل المنتدى ؟ والنت بشكل عام ؟
انا يهمنى سمعتى فى كل مكان لان انا شخص واحد سواء كنت داخل النت او خارج النت واللى بيحترم بيحترم نفسه قبل ما يحترمه الناس


الثاني .. : برايك؟؟ تعتبر النت شي مهم بالنسبه لك ؟ والا مجرد تضييع وقت ؟

انا بعتبره مهم لانى باستخدمة فى حاجات كتير قوى منها البحث عن معلومات معينة او ابحاث خاصة بالكلية او تحميل برامج معينة من عليه او المشاركة بمنتدى زى منتدانا كده وميمنعش برده انى ممكن انزل العاب واتسلى بها ولكن مش اضيع وقتى كله عليه فى حاجة اسمها تنظيم وقت فلا يفوتنى مثلا صلاة ورا التانية وانا ع النت مش اكلم مع اهلى او اخواتى او اقاربى علشان النت ومش اخرج واشوف ورايا ايه علشان النت مش يكون ادمان يعنى وكل حاجة بالمعقول بتبقى حلوة

الثالث .. : هل تنتبه لكلامك بالنت ولأرائك وتراعي شعور غيرك ؟ ولا عادي عنك ؟

الحمدلله احاول ااقول رايى بس من غير ما اضايق حد لان مهم جدا مراعاة شعور الاخرين لان وقع الكلمة كالسيف فلازم يكون الانسان حذر فى كلامه حتى لا يضايق احد وكما تعامل الناس حيعاملوك

الرابع : لو سمعت كلام سيء يخصك بالنت ؟ تهتم له وتغضب ولا مايهمك ؟

طبعا حهتم واحاول اشوف اللى قال الكلام ده قاله ليه وبناءاً على اى اساس مع العلم ان نوعيه الشخص اللى قال الكلام السىء بيكون لها دخل كبير بمعنى هل الانسان ده مؤذى ومش كويس ومتعود يتكلم على الناس ويغتابهم وهو ما شبه القران بابشع صورة "ايحب احدكم ان ياكل لحم اخيه ميتا فكرهتموه " ولا الانسان ده كويس وفى حاجة معينة حصلت سمعها او عرفها خلته يقول الكلام ده وان كان ده برده مش ممكن يحصل لان لو ده انسان كويس عمره ما حيتكلم بالسوء على النت وحيحاول يوصلى الكلام باى طريقة لو عرف او سمع حاجة مثلا


شكرا همس على الموضوع الجميل
ولون الخط رائع
تسلم ايديك

تسلمى ضى القمر لمرورك نورتى ياحبيبتى والحمدلله ان لون الخط عجبك

تسلم ايديكي على الاسئله الجميله



السؤال الأول : هــل تهمـك سمعـتك داخل المنتدى ؟ والنت بشكل عام ؟


أكيد بتهمني سمعتي هنا جدا زي ما بتهمني في الحياة العادية

النت صحيح هو مكان افتراضي بس مش يعني اننا نستخدمه كقناع و ندخل النت عشان نتظاهر بحاجات تانيه غير حقيقتنا

لاننا مهما حاولنا نمثل و نتظاهر و نخبي حقيقتنا في الاخر كله هيبان مع الوقت و الظروف



الثاني .. : برايك؟؟ تعتبر النت شي مهم بالنسبه لك ؟ والا مجرد تضييع وقت ؟


النت بقى شيء مهم بالنسبه لكل الناس هو وسيله للحصول على الاخبار و الاحداث اللي بتحصل في كل العالم

ووسيله معرفة هو بنك غني بالمعلومات

و وسيله اتصال اجتماعي و وسيله ترفيه و تسليه



الثالث .. : هل تنتبه لكلامك بالنت ولأرائك وتراعي شعور غيرك ؟ ولا عادي عنك ؟


أكيد بهتم بكل كلمة من كلامي و براعي مشاعر الناس و بعاملهم بالطريقة اللي بحب هم يعاملوني بيها




الرابع : لو سمعت كلام سيء يخصك بالنت ؟ تهتم له وتغضب ولا مايهمك ؟


أه أكيد بهتم و بدايق زي ما قلت ان سمعتي هنا بتهمني جدا زي مابتهمني في الحياه العاديه

لاني مش بتكلم عن اي حد بالسوء و لا بستغيب اي انسان عشان كده مش بحب حد يظلمني حتى بالكلام

كمان لازم اعرف مين بيقول عليا الكلام ده و ايه غايته من كده عشان اعرف ادافع عن نفسي وابين الحقيقة




تسلم ايديكي همس الدموع على الموضوع الجميل

هــل تهمـك سمعـتك داخل المنتدى ؟ والنت بشكل عام ؟

اكيد لأن الكلام بيجسد شخصية الواحد وطبعا حاجة كويسة ان الواحد يكون شخصيته كويسه ادام الناس فا بيحرص على انه يوصل شصيته بصورة كويسه ادام الناس

برايك؟؟ تعتبر النت شي مهم بالنسبه لك ؟ والا مجرد تضييع وقت ؟

اكيد شئ مهم وفى نفس الوقت بيضيع الوقت لما اضيع معظم وقت فراغى فى النت يبقى اكيد النت مهم بالنسبالى

هل تنتبه لكلامك بالنت ولأرائك وتراعي شعور غيرك ؟ ولا عادي عنك ؟

اكيد طبعا لان شخصيتى كدة


لو سمعت كلام سيء يخصك بالنت ؟ تهتم له وتغضب ولا مايهمك ؟

اكيد ههتم وهحاول اصحح فكرة صاحب هذا الكلام عنى بقدر الامكان واكيد هدايئ طبعا


وشكرا هموووسة على مواضيعك التحفة وتقبلى مرووورى وتحياتى

تسلم ايدك يا همس الدموع بجد موضوع رائع



السؤال الأول : هــل تهمـك سمعـتك داخل المنتدى ؟ والنت بشكل عام ؟
اكيد طبعا الواحد لازم يخاف على سمعتة


الثاني .. : برايك؟؟ تعتبر النت شي مهم بالنسبه لك ؟ والا مجرد تضييع وقت ؟
والله يا همس انا فى الاول كنت معتبرة تسلية وخلاص كدة مكنتش مهتم بية اوى بس بعد ما دخلت المنتدى ولقيت اصحاب طيبين اوى زيكم كدة بقيت مش بقدر يوم مدخلش على المنتدى حتى لو كنت مشغول بردة لازم ادخل المنتدى


الثالث .. : هل تنتبه لكلامك بالنت ولأرائك وتراعي شعور غيرك ؟ ولا عادي عنك ؟
الواحد لازم بردة فى اى مكان يخاف على شعور الاخرين واكيد طبعا محبش ان حد يقول عليا حاجة وحشة

الرابع : لو سمعت كلام سيء يخصك بالنت ؟ تهتم له وتغضب ولا مايهمك ؟
اكيد طبعا لازم هزعل لان احنا هنا كلنا اخوات والمفروض اللى يغلط التانى يواجهة بغلطة وميخبيش علية اى حاجة


الف شكر يا همس موضوع جميل اوى

تسلم ايدك

تسلموا كلكم على المرور والرد تسلم ياجميل

بالنسبة للسؤال الاول اكيد يهمنى سمعتى داخل المنتدى بالزات لان المنتدى فى ناس كتير وكلهم محترمين و انا بحترمهم جدا واتمنى اكون زيهم مش ااقل منهم لان احترامهم من احترامى و اتمنى اكون مبسوط داخل المنتدى بينهم وبين كل الناس اللى اعرفهم.
بالنسبة للسؤال التانى النت ممكن يكون مجرد تضيع وقت وممكن يكون حاجة مهمة بس الاغلب واللى بنشوفة انة تضييع وقت اما بالنسبة للناس اللى بشوفهم فى المنتدى بمشرفية فطبعا هوة حاجة مهمة جدا والواحد بيحرص على دخولة كل يوم حتى لو مرة يمكن يعرف حاجة مش يعرفها لكن تضييع الوقت ممكن يكون برة المنتدى بشكل عام.
اما بالنسبة للسؤال التالت اكيد حراعى اللى يراعنى و احترم اللى يحترمنى اما لو عكس دة اكيد حكلمة بطريقة تانية بس اكيد مش حتسئ للمنتدى يعنى بشكل عام المحترم لية مكان منا بينا و الغير محترم يطلع برة .
ااما بالنسبة للسؤال الرابع على حسب الشخص اللى قال الكلام دة يعنى لو شخص مش متوقع منة الغلط اكيد حزعل وجدا ودية حصلت معايا شخصيا لكن لو شخص عادى وممكن اتوقع منة غلط عمرى ما حرد علية لانة مش حيستاهل ردى واكيد الناس اللى تعرفنى مش حيصدقو الكلام دة لانهم اكيد و بالطبع عرفنى يعنى لا حكدب عليهم ولا حشتغلهم و شكرا على الاسئلة السهلة جدا و نتمنى المزيد

ميرسى لردك ومررورك

شكرا اااااااااااااااااااااااااا

فين رايك طيب
هستناك مره تانيه
تسلم

بجد موضوع حلو اوى اوى همس الدموع وبشكرك على الموضوع العالى دة وشكرررررررررا