المال ...هل هو غايتك ام وسيلتك ؟؟؟

السلام عليكم

موضوع النهاردة بسبب ظاهرة انا لاحظتها
وهو ان الناس اصبحت قمة في المادية

والبشر بقي تعاملهم معظم يقدر بالفلوس الناس بقيت تاكل بعضها علشان خاطرها
واكيد دا بيرجع لغلي الدنيا من ناحية وحاجة الافراد من ناحية

ولكن سؤالي هل اصبح المال فعلا غايتنا ؟
فصرنا نموت من اجلة ومن اجل اقتنائة ووضعة فوق كل شئ اخر بدون عمل اي اعتبار لباقي الحياة
والناس اللي فعلا اصبح المال هو كل اللي عايزاة من الدنيا
وتفكيرها منصب بس علية
اصبحت تحبة اكتر من حياتها بحجة انة تامين ليها وانها عندها حق واهم حاجة دلوقتي المال
الناس اللي بقيت تقابلك تشوفك وتقيمك علي اساس ثروتك وعربيتك وفلوسك والحاجات المادية دون النظر اطلاقا لاي حاجة تانية

ام المال لايزال مجرد وسيلة ؟
يعني هو وسيلة للحصول علي اشياء في حياتنا
واحنا بنعمل من اجلة علشان نقدر نوصل للحاجة اللي بعدة
ومش نقدر البشر باموالة ولا مقتنياتهم المادية من دون النظر لاي حاجة تانية اطلاقا
واننا شايفين المال في اخر المراتب بعد الاخلاق والشخصية

من رايك
المال ...غايتك ام وسيلتك ؟؟؟
وهل من يعتبروا المال غاية اكثر من من يعتبروة وسيلة ؟
واية سبب كثرتهم لو فعلا بتعتقد انهم الاغلبية العظمي ؟
وهل توافق ان الاسباب دية ممكن تبرر انهم اصبحوا اقرب مايكون عباد للقرش ؟

تحياتي للكل
ويارب الرد بصراحة

موضوعك جميل اوى يا بينك المال عباره عن وسيله اننا نقدر نتكيف مع الحياه الى اصبحت بجد صعبه جدا

وكلنا عايشين ببركه دعاء الوالدين وبجد الماده اصبحت مهمه جدا احنا لو معناش فلوس هنقدر نعيش ازاى

وكلنا شايفين الغلاء الى بيحاصرنا من جميع النواحى يعنى اصبحت الفلوس مهمه فى حياتنا بس مش لدرجه نبقا عبد ليها

لاننا احنا الى بنجيبها مش هى الى بتجيبنااااا ومفيش غير الستر من عندك يارب فى الايام الى عايشين فيهاااا مشكوره يا احلى بينك على موضوعك الجميل تقبلى فائق احترامى

شكرا بينك على موضوعك الجميل
وحضرتك بتقولى
ولكن سؤالي هل اصبح المال فعلا غايتنا ؟
مش كل الناس زى بعضها فى ناس تنظر للمادة فقط وده اكبر غلط لان دوام الحال من المحال ممكن تلاقى شخص يجرى وراء المال جرى الوحوش و فى النهاية مكانه فين فى الارض من التراب خلقنا والى التراب نعود يعنى المال اللى عمال يجمعه فى الدنيا مش حينفعه فى قبره ولا حاجة حتنفعه الا عمله الصالح ولكن فى ناس هدفها الاول فى الحياة هو جمع المال والعياذ ابالله

ام المال لايزال مجرد وسيلة ؟
هو المفروض انه يكون مجرد وسيلة لكسب العيش والحصول على الرزق الحلال واسعى يا عبد وانا اسعى معاك ،،انا اجتهد واعمل واكسب المال بالحلال لاعيش عيشة كريمة انا واسرتى ويكون المال وسيلة لتحقيق عيشة هنيئة
يقول رسولنا الحبيب (ص) اذا مات ابن آدم انقطع عمله الا من ثلاث " صدقة جارية وولد صالح يدعو له وعلم ينتفع به
بمعنى ان هى دى الاشياء اللى ربنا حيسالنا عليها وواضح ان ليس منها المال

من رايك
المال ...غايتك ام وسيلتك ؟؟؟
وسيلة بس
وهل من يعتبروا المال غاية اكثر من من يعتبروة وسيلة ؟
وسيلة لكسب المال والعيش عيشة كريمة
واية سبب كثرتهم لو فعلا بتعتقد انهم الاغلبية العظمي ؟
غلاء المعيشة والطلبات وحب المادة والرغبة دائما فى الزيادة وعدم الرضا والقناعة
وهل توافق ان الاسباب دية ممكن تبرر انهم اصبحوا اقرب مايكون عباد للقرش ؟

لالالالالالالالالا ابدا ..ما فى مبرر ولا سبب يجعل الانسان عبد للقرش يجب ان يرضى الانسان ولا يكون عبد للمال ويحمد ربنا ويتقرب له ويعرف ان عذاب القبر وفى الاخرة ربنا مش حيسالنا كم جمعنا من مال ولكن سنسال على اعمالنا واجسامنا وليس فى جرينا وراء المال

شكرا بينك موضوع رائع
تسلم ايديك

مشكووووووووورة بينك موضوع رائع بل اكتر من رائع مائة مرة
المال ...غايتك ام وسيلتك ؟؟؟
فى ناس تعتبر المال غاية وفى ناس بتعتبره وسيلة
ان هقولك على حاجة
لقد عادت الوثنية فى ثوبها الجديد اصبح الانسان يعبد اليوم لا الاصنام الجامدة التافهة بل المال الزائف العابر ككل شىء فى هذه الدنيا
وطبعا الفلوس بتروح وتيجى لكن الانسان اما بيروح خلاص بيكون انتهى ومش بيجى تانى
وهل من يعتبروا المال غاية اكثر من من يعتبروة وسيلة ؟
اعتقد كدة
واية سبب كثرتهم لو فعلا بتعتقد انهم الاغلبية العظمي ؟
اعتقد الفقر او الجوع او الانانية
فى حاجات كتير تخلى الانسان ميفكرش غير فى الفلوس يمكن تعامل الناس كلها بقى كدة فلازم هو كمان يبقى كدة ودى حلقة
واحد سلم لواحد والواحد دة سلم لواحد تانى والتانى سلم لتالت وهكذا

وهل توافق ان الاسباب دية ممكن تبرر انهم اصبحوا اقرب مايكون عباد للقرش ؟
طبعا لا زى ما قلت لك الفلوس بتروح وتيجى احنا لا
كمان احنا اللى بنعمل الفلوس مش هى اللى بتعملنا

تحياتي بينك
بدايتا احيكي على طرحك لمثل هذا الموضوع اذ انه والله جد خطير يقول الله تعالى بعد بسم الله الرحمن الرحيم )( المال والبنون زينه الحياه الدنيا والباقيات الصالحات خير عند ربك ثوابا وخير املا ) صدق الله العظيم
هذة الايه توضح ان المال هو احد متع الانسان في الدنيا ولا استطيع ان انكر اهيمة وجود المال في حياتنا ولكن هنالك ضاوبط تحتم اهمية المال في حياتنا
دعيني اوضح نقطه مهمه وهي ان كل مايفتقده الانسان وهو بحاجة له يعتبر غايه ,وعندما يصل الانسان الي تلك الغاية بتتحول تلك الغاية الي وسيله .وحيث ان المال هو احد تلك الاشياء اللتي يحتاجها الانسان في حياته لكي يساير اتجاهات البقاء فالكل يعمل ويجتهد ويبذل قصارى جهدة من اجل تحقيق اهدافا ماديه اكبر فأذا وصل الي الغاية الليت يسعها لها (وهي تحقيق المال ) فعندها اذا تكون نقطه التحول المنشودة وهي تحول المال من غاية الي وسيلة اذا لدينا نقطه تحول هامه جدا وهي اللتي ساهمت في ان يتحول المال مابين الغاية الي الوسيلة وهذة النقطه هي القناعة
اجل القناعة فهي يابينك كلمه جامعو شامله اذ انه اذا قنع الانسان بما لدية سواء كان الكثير والقليل شعر بأنه يملك الدنيا بأثرها
واحب اذكرك هنا بالحديث القدسي الجميل اللذي يلخص كل ما ابغي ان اقوله في هذا الموضوع والله لو وعينا لمعنى هذا الحديث لارتحنا وخلصنا من هم المال والدنيا
يقول الله تعالى :
يابن ادم لاتخف من ذي سلطان مادام سلطاني باقي فسلطاني لاينفذ ابدا
يابن ادم لا تطلب غيري وانا لك فأن طلبتني وجدتي وان فتني فتك وفاتك الخير كله
يابن ادم خلقتك لعبادتي فلاتلعب وقسمت لك رزقك فلا تتعب فأنت ان رديت بما قسمته لك ارحت قلبك وبدنك وعقلك وكنت عندي محمودا وان لم ترضى بما قسمته لك اتعبت قلبك وبدنك وعقلك وكنت عندي مذموما
فوعزتي وجلالي لأسلطن عليك الدنيا تركض فيها ركض الوحوش في البريه ثم لا يكون لك منها الا ما قسمته لكيابن ادم خلقت السموات السبع والارضين السبع ولم اعي بخلقهن اويعيني رغيف عيش اسوقه لك بلا تعب
يابن ادم اني لم انس من عصاني فكيف من اطاعني وانا رب رحيم وعلى كل شئ قدير
يابن ادم لا تسألني رزق غدا مالم اطلبك بعمل غد
يابن ادم انا لك محب فبحقي عليك كن لي محبا
نحبك يا رب العالمين يا خالق السموات والارضين ومابينهن اللهم لك الحمد يارب العالمين, اخواني بعد قرءتكم لهذا الحديث القدسي الجليل سوف تتضح لكم الامور جليه وضوح الشمس في الافاق يأمرنا الله الا نطب منه رزق غدا مادام هو لم يطلب منا ان نتحمل عمل غدا فماذا ان متنا قبل ان ندرك غدا
جل ما اصبوا الية يا اخواني ان نعلم ان لكل منا رزقه فيجب ان نقنع به فالقناعه هي سر الرضا وسر الغنا فأذا رضينا بما قسمه الله لنا عشنا وكأننا ملكنا الدنيا اما اذا سخطنا ولم نقنع فكنوز الدنيا كلها لن تكفينا ولن تغنينا
اما فيما يخص تحول الناس الي عبيد ا للفلوس فأجاوب بهذا الحديث
قال الرسول الكريم صالى الله علية وسلم (تعس عبد الدينار تعس عبد الدرهم تعس عبد الخميصة تعس عبد الخميله ان اعطي رضي وان لم يعط سخط ثم قال تعس وانتكس واذا شيك لا انتقش ) صدق الرسول الكريم صلى الله عليه وسلم
يا اخواني يقول الرسول ان عبد الدينار تعيس والخميصه هي الفرش الجميل اي انه تعس من عبد الملذات والشهوات والمال وحب جمع المال بل ودعا عليه بلانتكاسة وعدم تيسير الحال بل وانه اذا دخلت شوكه في قدمه لم يعرف اخراجها
خلاصه القول يا اخواني القناعة وكفى
شكرا بينك على هذا الموضوع وعذرا للاطاله

بصى بقى يا بينك المال ممكن يكون غايه وممكن يكون وسيلة ومتقوليش ليه امضاء (أحمد باشا )

انا شيفة ان المال غاية عند ناس و وسيلة لناس اخرين
المال بالنسبة لى وسيلة علشان اشترى اللى انا عايزاه
لكن فى الظروف اللى موجودةحاليا لقينا الناس بتقتل بعضعها على الفلوس انتى مش هتصدقى لما اقولك ان فى ناس بتنتحر علشان مش لقيه قوت يومها

لا دة ولة دة
وشكرااااااااااااااااا على اهتمامك

انا بالنسبة لى وسيلة يعنى اعتقد لوتحول الى غاية هبقى بخيل
ومش عارف بالظبط الى بيعتبروا المال وسيلة اكثر ولا الى بيعتبروا غاية
وشكرا ليكى عالموضوع

» قصة المال الضائع
» رجب البرنس المال الحرام حملوا يابتوع الديجي وضبط الناس