هل يجب اطلاع الزوج بكل الخصوصيات؟

السلام عليكم ورحمة الله وبركاته

سبب كتابة هذا الموضوع قرأتها في أحد المنتديات بسبب نزول مقال

ولذلك احب أولاً أن ارى راي الجميع

هل من حق الزوج أن يطلع على خصوصيات زوجته ؟؟؟؟

.. بمعنى مثلا انه يفتح حقيبة يدها ويفتشها .. أو يمسك بالموبايل ويراجع

ارقامه .. لكى يتأكد من أنها لاتخونه بالحديث مع شخص اجنبى عنها ؟؟

وهل للرجل أن يأمر زوجته مثلا بأن تعطيه كلمة السر كى يفتح البريد

الألكترونى الخاص بها ويطلع عليه ، أو يدخل إلى الماسنجر الخاص بها لكى

يعرف من تحادث ؟؟

هل من حق الزوج أن يفاجىء زوجته بالعودة المبكرة من السفر مثلا فى انصاص

الليالى .. لكى يتأكد من أنها لاتخونه مع صديق أو قريب أو غريب ؟؟

مرة اخرى أسأل هل من حق الزوجة أن تحتفظ بخصوصيات .. بعيدة عن عين

زوجها ؟؟


هل تعتقد أن هذا يعتبر من خصوصيات الزوجه وليس لرجل اي حق الاطلاع عليه؟؟

ونفس الكلام ينطبق على الزوج هل هذا حق من حقوق الزوجه معرفة كل شيء

عن زوجها؟؟؟

وفى انتظار مشاركاتكم

لقد وجدت هذا الموضوع في

طيات احد المنتديات

وحبيت اعرف رايكم حوله

موضوع جميل يا اسماء
اولا العلاقة الزوجية لازم تكون مبنية على الثقة المتبادلة بين الزوجين ،ممكن تكون الزوجة محترمة وامينة ومحل للثقة ومش بتعمل حاجة غلط وبالرغم من كده زوجها يفتح شنطتها ويدور فى ارقام الموبايل ويراقبها وطبعا دى كلها حاجات تخنق ،،،لازم يكون فى ثقة واحترام متبادل بين الطرفين

وهل للرجل أن يأمر زوجته مثلا بأن تعطيه كلمة السر كى يفتح البريد

الألكترونى الخاص بها ويطلع عليه ، أو يدخل إلى الماسنجر الخاص بها لكى

يعرف من تحادث ؟؟
انا من وجهة نظرى انه عادى ومن حقه وطالما انها مش بتعمل حاجة غلط ممكن توريها له بس الفكرة فى ايه ... هو بيطلب الطلب ده وهو واثق فيها وبس عاوز يطمن عليها مثلا او يعرف هى بتكلم مين ولا من باب الشك والغيرة وعدم الثقة بها ، وحاجة كمان هو بيطلب الطلب ده ازاى بطريقة الآمر الناهى وبعصبية واستفزاز ولا باحترام وبادب وطيبة لان طريقة الكلام تتوقف عليها حاجات كتير قوى ولكل فعل رد فعل ..تمام كده وهل مثلا بعد ما يشوف البريد الالكترونى والماسنجر ويطمئن مثلا ان زوجته محترمة ولا تتصرف خطأ هل بعد يومين كده يكرر نفس الطلب " احب أقول برده ان لكل انسان درجة تحمل والاحساس بالظلم مش حلو" وخصوصا اذا كان الانسان بيعرف ربنا ويخاف منه يبقى اللى يخاف من ربنا ويراعى تصرفاته اكيد لا يخاف من البشر

هل من حق الزوج أن يفاجىء زوجته بالعودة المبكرة من السفر مثلا فى انصاص

الليالى .. لكى يتأكد من أنها لاتخونه مع صديق أو قريب أو غريب ؟؟

هو الزوج يرجع بيته فى اى وقت يريده لان ده بيته ولكن انه يرجع علشان يشوف زوجته بتخونه ولا لأه ...ده طبعا له معنيين اتنين بس اولهما انه لا يثق بزوجته لان هى تصرفاتها مش صح علشان كده بيشك فيها أو السبب الثانى ان يكون الزوج نفسه مريض بالشك وان زوجته محترمه ولكن المشكلة عنده هو ..وعلى اى حال بيصعب جدا الحياة الزوجية بهذه الطريقة لان الزوج طول الوقت حيكون قلقان ومش مرتاح والزوجة حتتعب نفسيا من الشك فيها بسبب وبدون سبب


مرة اخرى أسأل هل من حق الزوجة أن تحتفظ بخصوصيات .. بعيدة عن عين

زوجها ؟؟
لا اعتقد انه يوجد شىء المفروض الزوجة تخفيه عن زوجها وافضل انها تعرفه كل شىء وتتكلم معه فى كل حاجة وبوضوح لان لو صادف واخفت عنه شىء وهو اكتشفه حيبقى صعب جداااااااااا ان يعطيها الثقة مرة اخرى ومن هنا بتتحول الحياة لتاخذ طريق تانى فيه الشك وعدم الثقة والامان

هل تعتقد أن هذا يعتبر من خصوصيات الزوجه وليس لرجل اي حق الاطلاع عليه؟؟

هو الرجل = الزوج وهو ما ستكمل معاه باقى عمرها يعنى حتعيش معاه باذن الله اكثر ما عاشت مع والديها وانا افضل انها تكون كتاب مفتوح معاه وتخلى الثقة هى اهم حاجة بينها وبين زوجها
ونفس الكلام ينطبق على الزوج هل هذا حق من حقوق الزوجه معرفة كل شيء

عن زوجها؟؟؟
المفروض يعنى تكون المعاملة بالمثل زى ما الزوج عاوز يعرف كل حاجة عن الزوجة المفروض كمان الزوجة تعرف كل حاجة عن الزوج

فى النهاية أحب اقول ان الزواج هو علاقة مودة ورحمة تبنى على الثقة والاحترام والكلمة الطيبة
وربنا يوفقنا جميعا باذن الله
شكرا اسماء

مرسى ليكى ياضى وشاعر
على مروركمولازم يكون فى ثقة مابنهم دا لازم

مرسى لكلامك ومرورك ياسارة