ادخلو ومش هتندمو

هاااااااااااااااااااااااااااااااااااااااااااااااااي
ازيكم يا جماعه ايه اخباركم انا انهارده عايزه اتكلم معاكو في موضوع مهم جدا هو غريب شويه ولاكن عجبني جدا وانا مهتميه بالموضوع ده جدا (وياريت الرد)

احنا عايزين نتكلم عن اولاد الشوارع
احنا ليه بنعامل اولاد الشوارع علي انهم ملهومش حق في اي حاجه في المجتمع وكانهم مش موجودين في الدنيا اا نتعامل معاهم ده موضوع انا مشفتش حد اتكلم عنه مع انه موضوع مهم جدا لازم نعمل اي حاجه عشان نقللهم

ماشى بس احنا بإدينا ايه نعمله
لو عندك فكره قولي لنا
تقبلى مرورى

الحقيقة طبعا اولاد الشوارع لهم الحق فى كل شىء
كل انسان له الحق فى المعيشة انه يعيش انسان له حقوقه الانسانية انه يعيش حياة كريمة زى بقية البشر
لكن طبعا لا حياة لمن تنادى وكأن الشخص دة ارتكب جريمة هو مالوش يد فيها
طبعا انتى اكيد شفتى مسلسل بتاع يحيى الفخرانى العداله لها وجوه كثيرة
كانت بتتكلم عن حاجة زى كدة واد ايه كانت مشاكله مع المجتمع بسبب دة واما استخفى فى اسم وعائلة الناس عاملته ازاى
اعتبرته مزور ومش من حقه انه يعيش حياه كريمة زيى وزيك وزى بقية البشر
وبعدين دة ربنا سبحانه وتعالى بيحاسب الناس على اعمالها هى بس
ازاى انتم بقى بتحاسبوهم على شىء هم مالهمش يد فيه
الانسان بشخصه وبعمله هو
لكن طبعا بما اننا فى مجتمع اصبحت المظاهر فيه اهم من الجوهر
طبعا تفتكرى يعنى هيعاملو الناس دى ازاى

وبعدين الناس دول يعتبروا قنبلة موقوتة ممكن تنفجر فى اى لحظة وخصوصا ان عددهم كل يوم بيزيد عن اليوم اللى قبله
هم معندهمش حاجة يخافو عليها فممكن يعملو اى حاجة فى الدنيا وميهمش حد ولا يكترثو لاى شىء
المفروض انك تتعاملى معاهم عادى اوى متتحاسسيهمش انهم لقطاء او اولاد شوارع او شىء من هذا القبيل
الناس دول فعلا الشىء الوحيد اللى محتاجينه هو الحب والامل والاحساس بالامان
تخيلى نفسك كدة ماشية والناس كلها بتبص لك كدة من فوق لتحت ومش مستعبرينك
بجد احساس مؤلم ميحسوش غير اللى مر بيه
ربنا معاهم
وياريت نعاملهم كانسان له حق فى الحياه زيه زينا بالضبط

ياريت كم اتمنا ان دة يحصل
ومشكوووووووورة حبيبتى على الموضوع المهم دة

شكرا لكى butterfly
والموضع ده اتناقش قبل كده بصورة مشابهة فى منتدى حوار ونقاش
ولو تفتكرى زمان فيلم انور وجدى والطفلة فيروز شوفى من زمان والمشكلة دى موجودة ،،الاطفال اللى بيتخطفوا وهم صغار او بيحصل حوادث لاهاليهم ويبقوا يتامى او اللى بيلاقوهم على ابواب الجوامع او اولاد الزنا والعياذ بالله او اللقطاء كل هذه النوعيات ليس لها ذنب فى اى حاجة وبتكون النتيجة ان بياخدهم معلم كبير حرامى أو نشال أو تاجر مخدرات ويعلم الولاد النشل ويسيبهم فى الشوارع يشحتوا ويسرقوا وينهبوا ويضربوا ويتشتموا ويتعرضوا لكل انواع المهانة
فين هنا رعاية الطفولة ..اسمع عن ندوات كتيرة ومؤتمرات اكتر لمعالجة هذه المشكلة وان المفروض كل الاطفال دى تتجمع فى دور رعاية نظيف يحتضنهم من غدر الأشرار واسمع ان فى ناس كتير بتتبرع وبمبالغ كبيرة لحماية ورعاية هذه الاطفال ولكن للأسف الكلام ده كله فى الهواء ومفيش حاجة بتروح فى المكان المناسب ولا للشخص المناسب وكل حاجة بتتسرق وتتنهب ويفضل الحال كما هو
ده ذنب المجتمع كله ..هما بمثابة قنبلة مستعدة للانفجار فى اى لحظة ومن الملاحظ ايضا زيادة عددهم ولكن لا يوجد اى دور حيوى لاحتواء هؤلاء الاطفال حتى الآن

انتى بتقولى لازم نعمل اى حاجة علشان نقللهم
لو انا مسئولة وااقدر اعمل حاجة اجمع الاطفال كلهم و ابنى مبنى كبير زى المدرسة كده ينقسم لجزئين ..الجزء الاول به غرف نوم للأطفال به سراير جميلة ولعب للأطفال ودولاب يضم اغراضهم ومعهم مشرفات ودادات للرعاية والنظافة والجزء التانى عبارة عن مدرسة به فصول وديسكات واقلام وكراريس وكتب لتعليمهم ولو ابسط العلوم ويلبسوا ملابس نظيفة وجميلة وغير مقطعة ويكون فى فناء مدرسة كبير يمكن للأطفال اللعب بداخله وممارسة اى لعبة رياضية ..سله ..طائرة ..قدم ويكون فى مطعم كبير يقدم به وجبات صحيه للأطفال ..وكمان حديقة كبيرة بها مراجيح وزحاليق ..من حقهم يعيشوا كاطفال ويتمتعوا بالطبيعة والدنيا كلها ويكفى انهم من غير اب أو أم واهم حاجة يروح لهم شيخ يعلمهم القرآن الكريم وتعاليم الدين الاسلامى بصورة صحيحة ويعرفهم الحلال والحرام والصح والغلط ويحفظهم القران
كم اتمنى تحقيق هذا والمفروض ده اللى يحصل ومش صعب ولكن !!!!!!شكرا ليكى
اسفة للإطالة

عندكو حق ف اللي انتو بتقولو بس الحكومه مش بتعمل حاجه يبقي احنا هنعمل؟؟؟؟؟؟؟؟؟؟