القاموس السياسي العربي

اهلا بيكوا معانا فى أول سلسة قواميس فريدة من نوعها ..
القواميس بتاعتنا مش أى قواميس لا مؤاخذة .. قواميسنا حاجة وش القفص ..
آه أمال .. وقواميسنا ليها فى كل حاجة سياسة واجتماع واقتصاد واللغة الدارجة واللى مش دارجة وكل كله ... القاموس السياسي العربي Friends

وده بقي القاموس العرب السياسي

النظام الملكي : عند وفاة الملك ينتقل الحكم لابنه ليصبح هو الملك الجديد

النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد

السياسي المحنك : رجل يتسم بسعة الصدر عند المناقشة وسعة الكرش فيما عدا ذلك

الحرية للجميع : للشعب أن يقول ما يشاء و للحكومة أن تفعل ما تشاء

الدستور : كلمة تقال للحماية من الآسياد لما الواحد يدخل بيت مسكون دستور يا اسيادي .... العفو والسماح

الديموقراطية : نوع من الفنون الزخرفية يستخدم لتزويق صورة الحكومة

العولمة : عملية تحول اجتماعي وثقافي وفني تتزعمه فيفي عبده

الشفافية : سمة ضرورية للملابس المستخدمة في العولمة

النظام العالمي الجديد : ويندوز اكس بي

الجات : مصيبة وجات على دماغنا

التنوير : عملية تتم في الشوارع عندما يسكنها وزير

صندوق النقد : ما يفرقش كتير عن صندوق الزبالة

لخصخصة : تحدث في الحدائق يوم شم النسيم مع أكل الفسيخ

المبايعة : ورقة بتكتبها لما تبيع عربية قديمة

القانون : آلة تصدر أصوات جميلة لما تلعب فيها بصوابعك

حرية النشر : تمارسها النساء على السطوح في المناطق الشعبية

رأي المرأة : ستات مصر قالوا كلمتهم ؛ السمنتين نخلتهم

الدبلوماسية : أحسن هدية تصالح بيها مراتك بس بشرط الماس يكون حر

العمل السياسي : يمارسه كل من يعمل سايس في جراج

اليساري : شخص طيب يقود سيارته على الجانب الأيسر من الطريق ويشتم كل السواقين اللي جايين في وشه لأنهم عملاء الإمبريالية ويسيرون ضد الحتمية التاريخية

الصراع الطبقي : خناقة كل بيت على مين اللي حيغسل الأطباق النهاردة

الحرب الأهلية : حرب البنت مع أهلها عشان تتجوز الواد اللي هي عايزاه

حرب الشوارع : قيادة سيارة في شوارع القاهرة

حرب التحرير : معركة شهيرة يخوضها كل من يريد استخراج جواز سفر من مجمع التحرير

العمل الثوري : مذكر العمل البقري

عملية السلام : زي عملية اللوز بالضبط ، تنتهي برمي اللوز في الزبالة

الشريط الحدودي : الشريط الجاي لعمرو دياب

اليهود : شعب يعيش على الأساطير، يألفها في الأول ويصدقها بعد كده . يعني بالعربي أسهل شعب
ممكن ينضحك عليه الله يرحم اللي انضحك عليهم مرتين

الوحدة العربية : أن تعاني كل دولة عربية الشعور بالوحدة

ههههههههههههههههههههههههههههههههههه
موضوع عنجد جميل بجد يسلموووووووووووووووووووووووووو ها لايدين

بجد حلو كتير تسلم ايديك
بس انا مش عارفة
هم يبكى وهم يضحك

ههههههه لا حول ولا قوة الا بالله
ربنا يستر
شكرا Black rose

تسلم ايدك يا بلاك روز على الموضوع الجميل
وربنا يسترها ويكون كلامنا خفيف عليهم
تقبلى مرورى ووافر شكرى وتقديرى

مرسي كتير ع المروروالتعليق
ميدو وتوتا وضي وهتسبني بجد؟
وع رايكوا هم يبكي وهم يضحك
ربنا يستر