حادث مروع ............... بسبب حاجة تافهة........... ارجوا الدخول

اشهد ان لا اله الا الله ولا حول ولا قوة الا بالله

الحقيقة انا النهاردة هقولكم على حادثة حصلت وعاوز اشوف رائيكم اية

هية حصلت قدامى شخصيا فى بلدنا يعنى

طبعا كلكم عارفين التوكتوك

المهم ندخل فى الموضوع

كان فى شاب سنة حوالى 17 سنة

كان شغال بالتوكتوك دة فى الليل

وقابلة واحد حوالى الساعة 2 فى الليل قالة هتودينى مكان كدة تبع البلد فى الصعيد وهديلك مبلغ كويس يعنى طبعا الشاب دة ما سدق


انة هيركب زبون بخمسين جنية
طبعا وافق الشاب وراح معاة من غير ما ياخد حزر من اى حاجة ولا يشك فى الانسان دة


المهم راحوا منطقة مقطوعة على اساس ان هوة دة المكان اللى هيوصل فى الزبون واول ما راحوا هناك طبعا الزبون دة كان متفق

مع ناس اصحابة على انهم ياخدوا التوكتوك من الولد دة
وعلى حسب ما عرفت انا يعنى انهم حاولوا ياخدوا التوكتوك من الولد دة ويسيبوة هوة طبعا قاومهم وفضل يقاوم لغاية ما توفاة الله


يا ترى لية الشباب دى عملت كدة واية زنب الولد
دة فى كل اللى حصل زنبة يعنى ان هوة طالع قاصد باب كريم وسهران ومعرض نفسة للخطر علشان يساعد اسرتة ويخفف الحمل عن والدية
وهل حياة انسان فى الدنيا دى بقيت تساوى حاجة تافهة زى التوكتوك دة واللى عملوا كدة دول ما فيش فى قلوبهم رحمة خالص ولا دة

كان غصب عنهم بسبب ظروف المعيشة والغلاء اللى احنا فية دة طبعا احنا مش ممكن منقولش على الشباب دى مزنبين وعملوا حاجة تغضب ربنا سبحانة وتعالى بس مش ممكن يكون كل اللى حصل دة غصب عنهم ممكن يكونوا فى حالة من عدم الوعى بسبب
المخدرات او قلة فلوس او حاجة زى كدة
وطبعا بعد ما عملوا اللى عملوة دة اخدوا التوكتوك من الشاب دة وخنقوة والقوا بة فى مكان يعتبر فى المدافن ولغاية الان الحكومة
موصلتش لاى مجرم من المجرمين دول

ولسة بقى تكون عدت سنين عقبال ما الحكومة تعمل حاجة


يا ترى بقى اهل الواد دة عاملين اية دلوقتى

وامة ربنا يصبرها على اللى حصل دة
والنهاردة طلعت الجنازة بتاعت الولد دة والحقيقة البلد كلها حزينة على الولد دة لانة طيب ولسة يعنى معملش حاجة فى الدنيا دى
بجد خلاص ربنا يرحمنا الناس بقيت بتا كل فى بعضيعا

ارحمنا يارب برحمتك

واسألكم الدعاة

يرحمة الله ويجعل مكانة الجنة بأذن الله