هل فقدنا انسانيتنا .....؟

للأسف يا بينك كلامك صح
ويمكن النوعيات اللى انتى ذكرتيها من قتل واغتصاب وسرقة وتهاون فى حق الاطفال ممكن ازود عليهم عشر مرات من اخطاء كل يوم بنشوفها وبتزيد فى بلد اصبح كل واحد عاوز يعمل حاجة بيعملها بدون حساب أو رقابة ،،كل واحد يخاف على نفسه وعلى بيته واولاده لان محدش حيحميه ولا يدافع عنه ولا حتى يجيب له حقه ،، بصراحة معظم الناس اصبح عندها بلادة وسلبية وعدم شعور بالمسئولية تجاه اى حاجة ...والسؤال ليه احنا وصلنا لكده ؟؟ليه بقينا كده ؟؟ويا ترى فى أمل فى بكرة ..يعنى ممكن يحصل تغيير ونثور تانى لكرامتنا ..فى أمل نقف على رجلينا ..ولو فكرت معاكى بصوت عالى يا بينك ...هل العيب فى الناس ولا الحكومة والرؤساء ولا بعدنا عن الدين وعن سنة نبينا الحبيب المصطفى (ص) تسمعى عن ابن يرمى امه فى الشارع اين برالوالدين وبالوالدين احسانا ،تسمعى عن اب يقتل اولاده من الفقر والجوع "نحن نرزقهم واياكم" والغش فى كل مكان "ومن غشنا فليس منا" واخطاء الاطباء المميته ودى لوحدها كارثة وليس لها حل وكل يوم مستوى الدكاترة فى النازل والمستشفيات من أسوا لأسوأ ربنا يرحمنا يارب
فين من جد وجد ومن زرع حصد هل اصبحت شعارات بنرددها ،،هل البعد عن القراءة والثقافة والرياضة والاتجاه للبلاى ستيشن والألعاب بانواعها والنت والكمبيوتر والدش والمحطات الفضائية هما السبب ..ايه يا ترى وما الحل
اعرف انى حقول كلام مكرر واشعر انى بكلم نفسى فى عالم خيالى اتمنى تحقيق اى حاجة فيه ..نرجع لدينا ونتمسك باخلاق وتعاليم الدين الاسلامى ونتمسك بمكارم الاخلاق والعفة والطهارة والغيرة وتظهر النخوة من تانى واحافظ على الكرامة واحافظ على بر الوالدين وصله الرحم ومساعدة المحتاجين والفقراء ،،العطف ع الصغير واحترام الكبير واعرف معنى الانسانية وهى مشتقة من كلمة انسان يعنى له عقل مسؤول عن تصرفاته وعنده مبادىء واخلاق

شكرا بينك على موضوعك الجميل
وتقبلى مرورى

عارفة يا بينك المشكلة الاكبر انكى بتقرى الحادثة وعلى مختلف انواعها بمعنى ايه
ممكن تقرى حوادث فيها اخد بالثأر وشوفى بيموت فيها كام واحد وده طبعا بيبقى مسلسل مستمر ولا ينتهى
شوفى مذبحة ميت العطار سببها ايه؟؟وكانت نتيجتها ايه؟؟
شوفى الدجل والشعوذة والسحر وكل شوية يقبضوا على دجالين ومشعوذين وليه وعلشان ايه ..علشان وجود ناس ضعيفة الايمان بتلجأ للسحرة والدجالين يحلو لهم مشاكلهم ..احنا فى احلك مرحلة تمر بها الامة الاسلامية العربية
افكار سطحية وضعف ايمان وعقيدة وكل مدى فى النازل زة منحنى الرسم البيانى على طول فى النازل طيب يثبت حتى ومش حقول يتجه لاعلى.
صحيح الموضوع صعب يا بينك بس هو ده حالنا .. فى ناس بتبكى ومش عارفة تعمل ايه وفى ناس يأست خلاص وفى ناس بتحاول تعمل اى حاجة علشان تقاوم الريح
ربنا يرحمنا برحمته ويستر يارب

شكرا بينك
وتقبلى مرورى للمرة التانية

شكررررررررررررررررررررررررررررررررر خاصصصصصصصصصصصصصصصصصصصصصصص

موضوعك جميل يا بينك الناس بس تقرب لربنا وترجع لدينها تانى

لاننا بعاد جدا عن ربنا عشان كده مفيش رضا منه وبجد الماديات بقت صعبه جداااا كله ساهى هيجييب فلوس ازاى هناكل ايه انهرده هندفع الدروس منيين بجد العيشه بقت صعبه جدااااا وده من الرؤساء مفيش ضمير مفيش دين كل يوم هنشوف اكتر من كده تعرفى يا بينك اصبحت عادى الجرايم دى لانه كله بيتجاهل وبيخاف ويقول انا مالى اننا لو بقينا يد واحد عمر السلبيه ما هى هتنتشر فى بلدنا كده لو نتقى الله فى كل امورنا وكل اعمالنا اكيد هنكون احسن من كده ربنا يرحمنا من الغلا الى بقينا فيه والجشع والغش الى انتشر فى بلدنا الجميله مصررررررر مشكوره يا بينك موضوعك بجد جميل تسلم ايدك وندعى ان ربنا يهدى الرؤساء تقبلى مرورى

السلام عليكم بصى يا ستى اول حاجة هل احنا فقدنا انسانيتنا الاجابة انتى وانا وكل الناس عرفينها واكبر دليل الى حاصل فى فلسطين والعراق وكل الدول الاسلامية وطبعا كل الى بنعملة ان احنا بنتفرج وممكن كمان نتفرج بدافع الفضول مش اكتر دى حاجة تانى حاجة تعاملاتنا احنا مع بعض وصلت دلوقتى لمرحلة بئيت اسوء من تعامل اعدائنا معانا واكيد بردو حضرتك شايفة دة حوليكى فى الواقع وحسة بية المهم علشان مطولش عليكم وانا بحاول اختصر قدر الامكان ان فى حاجات كتير دلوقتى بئيت مجرد كلام بس حتى معتش حد بيؤلها كتير وهى حب رحمة تسامح مودة صلة رحم صداقة ايثار وحاجات كتير جدا وانا لله وان الية راجعون وشكرا لحضرتك ول ادارة المنتدى على اتاحة الفرصة لنا علشان نؤل رئينا

السلام عليكم بينك والله دى بقت حاجة تكسف بس احنا اقصد الناس الى زينا فايديها اية غير الدعاء لاخوانا دول الى فى فلسطين والعراق والى زيهم ربنا معاهم
التدخل مش المفروض يبقى مننا احنا دة موضوع دول وعلاقات واكبر مننا على ماعتقد
اما الى فى ايدينا هو حل المشاكل الى فى قدرتنا نحلها زى السرقة والاغتصاب والكلمدة كلة وللاسف مش عارفين بردة فعلا حاجة تكسف وشكراااااااااااا ليكى عالموضوع دة مش قادر اقول الجميل لانها حاجة مش كويسة خالص