ضروري تدخل صدقني ضروري اوووووووي

فعلا بينك عندك حق
لكن دة مجاش من فراغ ولا صحينا من النوم لقينا نفسينا بايزين والشباب بيشرب مخدرات
والبنات مش عارفة بتعمل ايه وبتلبس ايه والاباء والامهات تركواولادهم ولا العيال بتبجح فى وش اهلها
لا لالالالالالالالالالالالالالالالا
كل دة كان له مخطط
وللاسف نجح
علشان احنا للاسف بنتكلم اكتر من ما بنسمع
هو دة حالنا للاسف ايوة هو دة حالنا
وفعلا احنا لازم نتغير
ونكبر جوانا الامل
وكل دة بالدين الصح الحنيف نفهم ديننا كويس ونطبقه صح
الدين مش صلاة وزكاة وصوم وحج
لا الدين المعاملة
ويوم ما خرجنا من الحروب والمعارك
اخبرنا رسول الله لقد انتقلنا من الجهاد الاصغر الى الجهاد الاكبر
وهو جهاد النفس
لعلمك يا بينك احنا كويسين وشبابنا والله كويس ولكن الشباب دول محتاج نصيحة حقيقة ودولة عادلة وتحقيقه والمساواة بين الغنى والفقير
وبس هم محتاجين قدوة حسنة يمشوا وراها
لما بتدخلى مدرسة ولقيتى مدرس كويس بتلاقى الطلبة كويسين وممتازين فى دروسهم وفى حياتهم وفى اخلاقياتهم
معلش بينك طولت عليكى
لكن الحقيقة الموضوع لسه مخلصش ومش هنبطل نتكلم فيه
لحد ما يطلع مدرسين كويسين
مشكوووووووووورة

لا بينك شبابنا كويس ولكنه محتاج فرصة يثبت فيها دة
يعنى هو متعلمش هيقرأ طب ازاى
انا معاكى اللى عاوز يكون حاجة بيكونها
ولكن انا هاقولك انه دة سهل
لانه لقى رغبته وعرف ازاى ينميها
لكن اللى معندوش رغبة
محتاج زقة وحافز للرغبة دى



الوعي موجود
بس الرغبة بقي في المعرفة معدومة
ربنا ماادناش دماغ علشان ننتظر قدوة
وبعدين في احسن من رسول الله قدوة
وكتير من الشخصيات التارخية

ولو هو لازم حد ياخدك من ايدك ويوجهك
انا بس كنت عاوزة اقولك انهم مش يعرفوا حاجة ملقوش اللى يقول لهم هيعرفوا منين
وبعدين انا هديكى مثل
كان فى اب عنده ولدين فى المدرسة
واحد نجحة والتانى سقط
الناجح طبعا فرحان بنجاحه وراح لباباه وطلب منه هديه لنجاحه
اى اب هيديه له الهدية ويقعد يزعق للسقط
لكن الاب دة
قاله انت نجحت وفرحك بنجاحك ده هو هديتك
لكن الراسب زعلان هو اللى محتاج هدية بسيطة تفرحوا
وكدة اتعادلوا الاخوات
وان كان البعض يرى عكس ذلك
لكن المقصود ايه
ان اللى عارف طريق الصح خلاص ماهو عارف
لكن اللى مش عارف يجى دورنا نعرفه
ونعطى لكل واحد الفرصة فى الحياة والعيش معا
معلش طولت عليكى
موضوعك بجد هايل

شكرا ع المتابعة والرد يا بينك
بس انا حقولك على حاجة
بس عايزة اقولك ممكن تتسلي وبردة تبقي بتعميلي وتقراي اشياء مهمة
كل انسان بيختلف عن الآخر فى مسؤولياته يعنى لو انا حبص عليكى وعليا وعلى شباب الجامعة عموما ايه هى مسؤولياته..هى المذاكرة والنجاح ومساعدة اهله بقدر المستطاع ومش شرط تكون مساعدة مادية ...ممكن تكون بالمجهود والمساعدة اىكان نوعها وممكن زى ما انتى بتقولى يا بينك ممكن يقرى ويتابع الاحداث ويبقى عارف الدنيا فيها ايه ويثقف نفسه ولا يهتم بالتفاهات وبس
طيب تعالى نطلع بالسن شوية ونشوف المسؤوليات ..الشاب او الفتاة تخرجت بدرجة امتياز مع مرتبة الشرف ..جميل قوى ..طيب تعالى ندور على وظيفة فى نفس تخصصى علشان انا شاطر اهوه وجبت امتياز..نفاجىء بالصدمة الاولى ..مفيش شغل الا بالوسايط والمحسوبيات وكان الشهادة والامتياز ولا ليهم قيمة ..ويبدء الشاب حاجة من اتنين يا اما يقعد عاطل فى البيت ويسهر ونت ودش وخلاص يا اما يشتغل اى وظيفة خارج مجاله وفى كلتا الحالتين لهم اثر سلبى عليه
فى حاجة كمان يل بينك قبل ما اسيب موضوع الدراسة
امتحانات الثانوية العامة اللى جت صعبة والطلبة اللى انهاروا والاهالى اللى كانوا بيقفوا على ابواب اللجان يبكوا على اولادهم وعلى اموالهم وعلى مجهودهم اللى ضاع سنة كاملة ولما بدء الغش الجماعى والطلبة تغش اى حاجة علشان تنجح ..نقدر نقول للطلبة لا تمسكوا بدينكم واخلاقكم واسقطوا " من غشنا فليس منا " كده حتروح النار
يا بينك اللى عاوزة ااقوله وكلامى طبعا مش على كل الشباب ان فى شباب كويس وناس كويسين جدا ولكن الدائرة اللى احنا فيها مش احنا بس اللى فيها انتى معاكى حكام ورؤساء وقوانين وقرارات تجيب احباط ويأس للصغير قبل الكبير
صحيح فى شباب تافه ومش مثقف وزى ما انتى بتقولى لو حتى حاولتى تكلميه فى اى موضوع هام وحيوى تلاقيه اضايق وحس بالملل وعاوز يهرب من الموضوع او يغير الكلام وخلاص
وكمان يا بينك بتقولى
يعني لو كل اب بكل اللي فية حط املة في عيالة وفهمهم
مش احسن
من انة يربي جيل منيل وضايع وبالعكس مش يقدر حتي يعمل لعيالة نص اللي الاهالي دلوقتي
انا معاكى ان الاب والام مسئؤولين عن تربية ابناؤهم وتعليمهم الدين وتحفيظ القرآن واداب المعاملة والادب والاحترام والقوة وعزة النفس ووووو ..تمام كده ولازم الاب يقعد مع اولاده ويعرفهم الصح من الغلط والحلال من الحرام ويكون مصدر القوة والامان لاولاده ..كل ده كلام جميل
تعالى باه نشوف الوضع دلوقتى ..مصاريف المعيشة غالية والاب والام بيشتغلوا علشان يقدروا يوفوا طلبات البيت ومصاريف الاولاد والمدارس والعلاج والسكن والفواتير وما الى ذلك ..يضطر الاب فى بعض الاحيان للشغل بالنهار والليل ويبقى مش ملاحق وكذلك الام سواء كانت عاملة او غير عاملة فايضا عليها حمل كبير فى تربية الابناء ومن غير ما ادخل فى تفاصيل الغلاء فى كل حاجة برده اللى عاوزة ااقوله ان الاباء مع الظروف اللى بنمر بيها دلوقتى مش بيعلم الاولاد بالطريقة المثالية اللى احنا بنتكلم بيها وطبعا الكلام سهل ولكن التنفيذ بيبقى صعب ..صحيح بوصل لنتيجة سلبية واولاد مش مثاليين فى التربية ولا التمسك بدينهم ولكن بتختلف بأه فى شاب يعلم نفسه بنفسه ويقرى فى الدين والسيرة النبوية ويبدأ يشتغل فى اى مجال وينظر للأمام ويتقدم ومنهم من يتعثر ولا يتقدم خطوة واحدة للأمام ومنهم من يتراجع للخلف وتسوء حالتة واخلاقه ..وده طبعا بيختلف من انسان لآخر

مايخليش اب يقعد عيالة انشاء مرة في الشهر ولا ام
يكلموة في امور مهمة

عارفة يا بينك لما تتعود الفتاة او يتعود الشاب على بعد وغياب الاب وغياب الام المستمر لهم وانه حيبقى يقعد مرة فى الشهر ولا حتى مرتين يتكلم معاهم ويشوف اخبارهم ويوعيهم وينصحهم ..مش حينفع..عارفة زى ايه؟؟؟لما بيكون فى اب مسافر وراجع اجازة شهر ولا شهرين يقضيها مع زوجته واولادة بتلاقى الاولاد فرحانين قوى بالاب علشان جايب هدايا كتير ولما يبدء يقعد فى البيت ويسال كل واحد بيعمل ايه ..وخرجت ليه ..وراجع امتى..كان معاك مين من اصحابك ..حتلاقى الاولاد بداوا يضايقوا ومستنين انه يسافر تانى..قصدى من كده ان المتابعة لازم تكون مستمرة حتى لا توجد فجوة بين الاباء والابناء ..يعنى اكيد كل يوم بتحصل حاجة جديدة ولما انا كأب اسيب ولادى شهر او شهرين وبعدين اجى اشوف اخبارهم ..دى مش طريقة صحيحة للمتابعة ولا حتفيد كتير ويبقى الشاب حياخد منه النصيحة كانه بيسمع محاضرة وخلاص ..اتمنى ان يستطيع الاباء والامهات متابعة اولادهم يوميا بقدر المستطاع ولو انى اشفق عليهم من دوامات الحياة اليومية وربنا المستعان

احنا عندنا المستوي الثقافي متدني جدا

فى دى طبعا معاكى حق وكل الحق يا بينك وانا موافقاكى عليها جدا وضيفى عليها كمان زى ما الموضوع بيقول سلبية وبلاهة فى تقبل اسوأ الأمور من حوادث قتل واغتيال واعتقال وسب وضرب ومذابح جماعية واغتصاب وربنا معانا يارب ..يهدينا ويصلح احوالنا

شكرا بينك وتقبلى مرورى

شكراااااااااااااا عالموضوع واتمنى الحال يتحسن وبحب احيكى بجد مواضيعك جذابة وتستاهل شكراااااااا كمان مرة