شكرا بوسى على الموضوع الجميل
أحب اسألكم
**********
هل حصل تطور ( اقصد للأحسن طبعا)
حاكون متفاؤلة وااقول ان حصل تطور للأحسن فى حاجات كتير ولكن التطور والتكنولوجيا سلاح ذو حدين فمثلا لو قلت على نظام GIS ونظام جوجل ايرث وانى استطيع تحديد حدود اى مدينة والمناطق المحيطة بها وارى الشوارع والمبانى وااقدر افيد السياح والمستثمرين على اعلى مستوى فانى اجد النقيض ان ممكن اى دولة معادية تعرف تفاصيل عن بلدى ومواقع الجيش والمناطق الحيوية الموجودة عندى وبالطريقة دى اكون مكشوفة لأعدائى.
حدث تطور كبير باستخدام الكمبيوتر والنت فتقريبا نسبة عالية جدا تستخدمه ولكن السؤال هو بتستخدمه فى ايه بالضبط؟؟؟وما مدى الاستفادة منه
يوجد تطور فى استخراج رخصة القيادة و جواز السفر وتركيب العدادات الكهربية والاستعلام عن الفواتير والدفع بالفيزا وحاجات كثيرة مماثلة
هل تشعر فى حياتك اليومية بالتطور
ممكن ااقول مثلا مترو الانفاق مكنش موجود زمان وده سهل وخفف زحمة المرور،،استخدام الكمبيوتر والسكانر والكاميرات الرقمية والطابعات والرسام فى مجال الدراسة يفرق كتير عن زمان والطرق البدائية
مثلا هل تطوره الخدمات المقدمة لك وأصبحت سهله
ممكن نقول بقت افضل شوية وان كان كل حاجة لازم يتبعها مشكلة معاها فرخصة السيارة تجدى معاها شهادات مخالفات مرورية لا تعلمى عنها شىء ولكنها اصبحت اسرع وكذلك دفع الفواتير كالتليفون والكهرباء اصبحت اسهل بصرف النظر عن قيمتهم المادية
المواصلات والأكل والمستشفيات والتعليم
حدث تطور!!!!!!!!!!!؟
السؤال ده صعب لانه بيحصل تطور من ناحية ولكن على التوازى معاه عدم التزام واهمال وقوانين سخيفة من ناحية تانية وده من غير ما ندخل فى تفاصيل لكل بند
هل وجدنا انواع علاج لامراض كثيره؟
وجدنا علاج فعلا وظهرت ادوية كثيرة فعالة وعلى التوازى ايضا ظهرت امراض كثيرة لم نكن نسمع عنها بهذه الصورة وبانتشارها الفظيع زى امراض الكلى والأمراض السرطانية وربنا يحفظنا جميعا من الامراض ويعطينا الصحة يارب
هل انتشر الدين الاسلامى فى بلاد كثيره
الحمدلله طبعا انتشر الاسلام فى بلاد كثيرة وانتشرت الجوامع واكيد زاد عدد المسلمين والحمدلله ونتمنى ان يقوم الازهر والشيوخ الكرام بدور فعال اكثر فى نشر وتفهيم الدين الاسلامى وتعاليمة فى كل بلاد العالم
هل تشعر بتطور فى سلوك الافراد للأحسن أصبح أكثر تحضرا؟؟
سلوك الافراد بيختلف من فرد للتانى فمنهم من تحضر وارتقى لاعلى وزاد طموحه وعلمه ونشاطة ومنهم من ساءت سلوكه واصبح لاسفل
قارن بين تفكيرك وانت شاب وتفكير ابنك الشاب الآن!؟
الوقت بيختلف ورتم الحياة بقى اسرع يعنى مثلا زمان كنت تلاقى الناس ممكن تسمع اغنية لام كلثوم بالساعة والساعتين ولكن دلوقتى احلى اغنية فى دقيقة ونص وشكرا ،،لم يكن هناك قنوات فضائية وكانت القناة الاولى والتانية وكده تمام ولكن دلوقتى تلاقى خمسين الف قناة ومش عاجب ومش ملاحقين ،مكنش فى كمبيوتر ونت ولكل هذه الاسباب تلاقى التفكير بيختلف وبيتغير من جيل لجيل
القلب الصغير يسال هل تطورنا؟
تطورنا الحمدلله ولكن السؤال هل اخذنا مميزات هذا التطور أم لا ولا تقلق ياقلب يا صغير معانا ربنا دايما يحمينا ويحافظ علينا بس انت اذكره كتير " والا بذكر الله تطمئن القلوب
هل قدر التطور الموجود يكفيك ؟
يكفينى ولكن اريد ان استخدمه بطريقة صحيحة وافهم معناه صح واستخدمه صح
*******
شكرا بوسى وحنقله لمنتدى حوار ونقاش
وتقبلى مرورى