حدود الخطيب وخطيبته

ينفع .....لوحدهم؟!!
يا تري في حدود بين الخطيب وخطيبته؟ولا مفيش حدود
ده سؤال مهم كل واحد لازم يسأله لنفسه سواء مخطوب ولا لسه ما حصلش نصيب
لأني شايفة ان دي من الحاجات الخطيرة اللي ممكن الواحد يقع فيها من غير ما يحس
عشان كده لازم نسأل نفسنا شوية أسئلة
ينفع...المخطوبين يعضوا مع بعض لوحدهم؟
ينفع...يخرجوا مع بعض لوحدهم؟
ينفع...يمسك ايديها أو تمسك ايده؟
ينفع...يقولها بحبك أ, هي تقوله كده؟
ينفع...يتكلموا في التليفون فترة طويلة؟
ينفع...يتكلموا في التليفون لحد وقت متأخر؟
ينفع...يعدي عليها في الكلية أو في الشغل؟
ينفع...يتبادلوا رسائل حب علي الموبايل؟

كل دي أسئلة مش قصدي أطول بيها عليكم
لكن بجد لازم كل واحد يلاقي اجابة جوة نفسه
ويصارحها
وياتري انت شايف ان المفروض يبقي في حدود بين المخطوبين ولا الحدود مش موجودة الا في حاجات بسيطة جدا

[size=25]في انتظار أرائكم ومشاركاتكم
والله ولى التوفيق

[/size]

شكرا همس على موضوعك الجميل والمهم
وحضرتك بتقولى

عشان كده لازم نسأل نفسنا شوية أسئلة
ينفع...المخطوبين يعضوا مع بعض لوحدهم؟
لا يجوز فلا بد من وجود محرم معهما لان الخطيب يعتبر ما زال غير حلال بالنسبة لها ولكن طبعا لازم الخطيب يرى خطيبته ويتكلم معها

قال صلى الله عليه وسلم : ( إذا خطب أحدكم امرأة فقدر أن يرى منها بعض ما يدعوه إلى نكاحها فليفعل ) رواه أحمد .

ينفع...يخرجوا مع بعض لوحدهم؟
هو طبعا الاجابة زى اجابة السؤال الاول ..لا طبعا الا فى وجود محرم لانها ما زالت اجنبية بالنسبة له
ينفع...يمسك ايديها أو تمسك ايده؟
طالما هى لسه مش حلاله يبقى مينفعش طبعا وللأسف كثير من الفتيات بيتهاونوا فى هذه النقطة وكانه بالخطوبة اصبح زوجا لها ولا حول ولا قوة الا بالله
ينفع...يقولها بحبك أ, هي تقوله كده؟
ينفع...يتكلموا في التليفون فترة طويلة؟
ينفع...يتكلموا في التليفون لحد وقت متأخر؟
الثلاثة دول زى بعض وهو الصح انه لازم بوجود محرم ولكن من وجهة نظرى انا ومع ظروف الحياة وعدم توفر الوقت الكافى للزيارات ممكن المحادثات التليفونية بمعرفة الاهل طبعا و بما يرضى الله وعدم المبالغة لمنع حدوث الفتنة
ينفع...يعدي عليها في الكلية أو في الشغل؟
لا يجوز لانه اجنبى بالنسبة لها
ينفع...يتبادلوا رسائل حب علي الموبايل؟[/size]
برده لا يجوز لانه اجنبى وكل الحاجات دى بيكون مسموح وحلال بعد اتمام الزواج ان شاء الله

ويفضل عدم تطويل فترة الخطوبة بقدر الامكان
والله اعلم

شكرا همس الجميلة
وتقبلى مرورى

تحياتي همس الدموع
بدايتا الموضوع في حد ذاته جد خطير وذلك كان دافعا لي لكي اساهم في الرد عليه اذ ان الكثير من الناس يفرطون في حدود الله تحت مايسمى بالخطبه
بادئ ذي بدئ الخطبه امر نص عليه الشرع والدين ولا جدال في ذلك والقران والسنه اكدوا ذلك ولكن الخطبه لغة وشرعا تختلف اختلافا تام عن العقد او الزواج اذ ان الخطبه هي مقدمة للزواج وتمهيدا لحصوله فالخطبه ليست اكثر من اعلان الرغبة في الزواج من امرأه معينه اما الزواج فله عقده ومواثيقه المغلظه وحدوده وقد فرق القران بين الخطبه والزواج في الايه التاليه بعد قول بسم الله الرحمن الرحيم ( ولا جناح عليكم فيما عرضتم به من خطبه النساء أو أكنتم في أنفسكم علم الله انكم علم الله انكم ستذكرونهن ولكن لا تواعدوهن سرا إلا أن تقولوا قولا معروفا ولا تعزموا عقدة النكاح حتى يبلغ الكتاب أجله ) صدق الله العظيم
والخطبه لا يترتب عليها اي حق للخاطب الا حجز المخطوبه حيث لا يجوز ان يتقدم اي شخص اخر لخطبتها اذ انه في الحديث يقول رسول الله صلى الله عليه وسلم ( لا يخطب احدكم على خطبة اخيه ) صدق رسول الله صلى الله عليه وسلم
المهم هنا يجب ان نوضح ان المخطوبه هي أجنبيه عن الخاطب حتى يتم الزواج بها فهي فلا يحل للخاطب اذا بناء على ذلك فأن الخلوه حرام شرعا ولو رغب في زواجها والاحاديث الداله على ذلك كثيره فحديث جابر عن احمد ( من كان يؤمن بالله واليوم الاخر فلا يخلون بأمرأة ليس معها ذو محرم فأن ثالثهما الشيطان ) وحديث عقبه بن عامر في البخاري ومسند أحمد أن رسول الله صلى الله عليه وسلم قال ( إياكم والدخول على النساء فقال رجل من الانصار يا رسول الله أفرأيت الحمو فقال صلى الله عليه وسلم ( الحمو موت ) ) وهناك حديث دال على ذلك ايضا وهو حديث بن عباس المتفق عليه أنه قال قال رسول الله صلى الله عليه وسلم ( لا يحل لإمرأه تؤمن بالله واليوم الاخر ان تسافر يوما وليله إلا مع ذي محرم ) صدق رسول اله صلى الله عليه وسلم فهذة الحديث تؤكد بأن الخلوه ليست بجائزة ولو حتى لطالب الزواج اي الخاطب
خلاصه ما أقوله انه لا يجوز بأي حال من الاحوال ان نتهاون في فرط العلاقه بين الخاطب وخطيبته فلكم ان تتخيلوا معي اليس بجائز ألا تتم تلك الخطبه ويفترقا فماذا سيكون مصير المخطوبه اذا كان هناك بعد من التجاوزات من خلال رسائل الغرام عن طريق الموبايل او ماشابه ذلك ويجب على الاهل الا يتساهلوا مع ذلك الامر وأن يتقوا الله في بناتهم وان يراعوا حدود الله إذ ان تلك الامور اصبحت شائعه جدا والاهل يتساهلون في تلك الامور فيجب ألا يفرطوا في بناتهم بأسم الخطبه ويجب ان يتقا ويراعوا حدود الله فالقلوب تتغير والتفريط في بادئ الامر قد يكون وخيم العاقبة والوقوف عند حدود الله أحق وأولى
يقول الله تعالى ( ومن يتعد حدود الله فألئك هم الظالمون ) صدق اله العظيم
ويوقل ايضا سبحانه وتعالى ( ومن يطع الله ورسوله ويخش الله ويتقه فألئك هم الفائزون ) صدق الله العظيم
فماذا نحب ان نكون انحب ان نكون من الظالمون ام من الفائزون ؟
عذرا إن كان الرد فيه بعض الاسهاب والتطويل ولكن بغرض التوضيح والتبيين
شكرا همس الدموع

تسلمى ضى القمر على المرور نورتى

تسلم تنبولى على المرور والرد ولايهمك انت تطول زى ماحضرتك عاوز
تسلم مره تانيه

اولا موضوع جميل جدا ياهمس

ردي بقي

شوفي زي ماطنبولي قال الخطبة حاجة والزواج حاجة تانية
يعني لايجوز وجود المخطبين لوحدهم
لان هو محرم عليها وهي محرمة علية ولعدم اثار الفتن
وزي مارسولنا قال
ومااجتمع رجل وامراة الا وثالثهما الشيطان
يعني ممكن يحصل تطور سئ للامور والنفس امارة بالسوء لذلك ممكن جدا دا يتسبب بعواقب سيئة

ومن حيث الخروج فهي نفس الامر معني انهم يكونوا لوحدهم في مكان ما يعني بنفتح مجال للخطا
ودا مش لعدم الثقة في الطرفين طبعا ولكن ممكن البني ادم يغلط في لحظة ضعف وخصوصا ان في الاغلب بيكونوا بيحبوا بعض مثلا

من حيث الكلام في التليفون وكلام العزل
شوفي انا ضد الافراط فيها
يعني ضروري يتكلموا بس في اوقات معينة يعني لايجوز يقعدوا يتكلموا في الليل لان بيكونوا في الغالب
لوحدهم وممكن بردة الكلام يخرج عن النطاق الصح
لكن لازم يتعرفوا علي بعض بالتاكيد
وكلام الحب
انا مع ابداء الاعجاب لكن بحدود يعني بطريقة محترمة وفي حدود معينة لكن التمادي في الغزل امر غلط وحرام
وبالنسبة لرسائل الحب لا طبعا انا ضدها
لكن ممكن لو مقدروش يتكلموا او يشوفوا بعض تبقي الرسائلة مجرد بس اطمئنان علي بعض

وفي النهاية ياهمس
الخطوبة مش جواز ولا ارتباط سماوي
هي مجرد ابداء رغبة
يعني لا يجوز تتعامل علي انها اكتر من كدة

الف شكر لكي موضوع رائع

بجد فعلا مووضوع روعه
بس يا همس انا مش هفتى طبعا لانى مش اهل للفتوه
بس انا هقولك رايه زى ما سمعته من الداعى الاسلامى مصطفى حسنى
طبعا فى ناس كتير بتتهاون وخروجات وفسح ومسك ايد وحاجات كتير بنشوفها بس اكيد الحلال بين والحرام بين
يعنى اكيد طبعا كل ده حرام لازم نتعد معاه فى وجود محرم
او زى ما بيقولوه (الخلوه الشررعيه (بمعنى انهم يبقوه قاعديم مع بعض فى مكان عام مفهاش حاجه بس الناس تكون كلها شيفاهم لكن مش سمعاهم هى دى الخلوه الشرعيه
اما حكايه بقى يتكلموه فى الموبيل فظروف الحياه بتجبرنا اننا نعمل كده لاننا بنبقى عاوزين نعرف بعض اكتر بس المهم ان يبقى الكلام بحدودو طبعا ,اما حكايه ان فتره الخطوبه تطول او مما تطولش فمش مهم لان الكل عارف الصح من الغلط وعارف
الحرام من الحلال والمفروض خطيبها لو بيحبها هيخاف عليها حتى من نفسه
يارب مكنش طولت عليكى يا قمر
ليكى تحياتى

تسلمى بينك على المرور نورتى

تسلمى لى لى على مرورك
ولايهمك ياقمر انتى تطولى زى ماانتى عاوزه

الادب

ينفع...المخطوبين يعضوا مع بعض لوحدهم؟
لا ماينفعش لازم حد معاهم
حدود الخطيب وخطيبته Icon_exclaim

ينفع...يخرجوا مع بعض لوحدهم؟
ينفع لو واثقين فى بعض وبيحترموا بعض
حدود الخطيب وخطيبته Icon_exclaim

ينفع...يمسك ايديها أو تمسك ايده؟
لا ماينفعش
حدود الخطيب وخطيبته Icon_exclaim

ينفع...يقولها بحبك أ, هي تقوله كده؟
ينفع طبعا
حدود الخطيب وخطيبته Icon_exclaim

ينفع...يتكلموا في التليفون فترة طويلة؟
مشش هتفرق فترة طويلة ولا قصيرة المهم بكل احترام
حدود الخطيب وخطيبته Icon_exclaim

ينفع...يتكلموا في التليفون لحد وقت متأخر؟
زى السؤال الى فات
حدود الخطيب وخطيبته Icon_exclaim

ينفع...يعدي عليها في الكلية أو في الشغل؟
لا ماينفعش على ما اعتقد من رأى الدين
حدود الخطيب وخطيبته Icon_exclaim

ينفع...يتبادلوا رسائل حب علي الموبايل؟
لا طبعا دة حرام

» تامر حسنى وخطيبته ... صور مبروك
» بحبك حب مالهوش حدود
» حدود بين الشاب والبنت, ايه الحدود ديه