ما هى وجهة نظرك بكل صراحة

الموضوع بسيط خالص واتمنى انكم تردوا بكل صراحة وكأنكم انتم اللى فى الموقف
لو لقدر الله باباك او مامتك توفى
وجاء الشخص الاخر منهم واتزوج
بصراحة لو انت ولد او بنت
هلى هتقبل انك تعيش او تعيشى مع زوج ام او مرات اب
ولو انتى بنت هل تقبلى انك تعيشى مع زوج ام بالتحديد
ولو قبلت
هل معاملاتكم هتكون محدودة ولا عادية
ولا هتتقبله كأب بديل
مع العلم ان الاب طبعا لا يعوض
ولو انت ولد هل هتقبل انك تعيش مع مرات اب
وبرده معاملاتكم وحياتكم هتبقى ازاى
وكيف ترى من وجهة نظرك الذى سيراه الناس واهلك من جهة الشخص المفقود
يعنى لو مامتك اتزوجهت يبقى اهل باباك
او العكس
ولا مش هيهمك رايهم
ارجو الرد بكل صراحة

شكرا توتا الدسوقى
الموضوع جميل فعلا
وحضرتك بتقولى
لو لقدر الله باباك او مامتك توفى
وجاء الشخص الاخر منهم واتزوج
بصراحة لو انت ولد او بنت
هلى هتقبل انك تعيش او تعيشى مع زوج ام او مرات اب

ربنا يطول عمر والدى ووالدتى ويجعل يومى قبل يومهم باذن الله

هو فى الاول انا حاحاول اقنعهم بالبعد عن هذه الفكرة وخصوصا امى لان يمكن والدى اقول محتاج لزوجة ترعاه وترى متطلباته ولكن امى لا تكون مع زوج غير ابى ولانه مش حينفع كمان يدخل المنزل رجل غريب غير والدى ..يا اما فى هذه الحالة حانفصل انا واخواتى فى منزل لوحدنا او عند اقاربنا لانى مستحيل حكون مع زوجة اب او زوج ام لانى لا حستحمل رجل مكان والدى ولا حستحمل امرأة مكان امى وربنا يرحمنا برحمته من التعرض لمثل هذه المواقف

شكرا توتا

الف شكر ليكى ضى على رايك

وبشكرك كمان
احمد على رايك

الف شكر على ارائكم


لكن انا عاوزة اقولكم
انها او هو محتاج فعلا حقيقى للزواج
يعنى محدش بيسال عليها وكدة واعتقد انه ممكن يسد فراغ هى عايشة فيه
بمعنى انه انا شخصيا اما بفكر فيها كشخصية محتاجة للزواج
وبنتها مش عاوزة تكون انانية وبتقول انه حقها
ولكن مش قادرة تعيش مع زوج ام



باختصار هى محتاجة للزواج جدا والبنت مش معارضة
ولكنها مش قادرة تعيش مع زوج ام
وكمان علشان هى بنت وحيدة فمينفعش انها تعيش وحدها وكمان امها مش هتسمح لها
وبرده مينفعش تعيش عند حد علشان محدش بيستحمل حد
ارجو الرد براى حكيم صريح

باختصار هى محتاجة للزواج جدا والبنت مش معارضة
ولكنها مش قادرة تعيش مع زوج ام
وكمان علشان هى بنت وحيدة فمينفعش انها تعيش وحدها وكمان امها مش هتسمح لها
وبرده مينفعش تعيش عند حد علشان محدش بيستحمل حد

طيب يا توتا
دلوقتى البنت موافقة والام عاوزة كده لانه من حقها ومحتاجة ونيس معاها وسند ورفيق وكل الكلام ده
المشكلة ان البنت مش قادرة تعيش مع زوج ام
طيب واضح من الكلام ان البنت دى كبيرة شوية يعنى مش طفلة والا الموضوع كان مش حيبقى فارق معاها قوى ..طيب انا حرد باعتبار ان الفتاة كبيرة ومتفهمة الوضع كويس ..شوفى يا توتا بالظروف اللى انتى قولتيها وان البنت ما ينفعش تقعد لوحدها ولا عند اى حد من قرايبها فيبقى الحل الوحيد اللى موجود فى الوضع الحالى هو انها ترضى بالوضع الجديد ولو لفترة مؤقتة لغاية ما تخلص دراستها وبعدين ربنا يسهل الامور مين عارف ممكن يحصل ايه...ممكن البنت تتزوج ..او تشتغل فى الخارج او تشتغل فى مكان به داخلية زى مدينة طالبات او قرية سياحية ..اى كان الوضع فى المستقبل ..فهى فى الوقت الحالى تحاول ترضى بالوضع الراهن ولا وتبعد عن والدتها ومين عارف يمكن زوج الام يطلع كويس..احيانا الظروف تجبرنا على وضع احنا مش عاوزينه ولا فكرنا به قبل كده
ولكن علينا ان نتقبله ونتعايش معاه وربنا بيصبر ويقوى

شكرا توتا على موضوعك الجميل
وتقبلى مرورى

اها فعلا هى كبيرة
ما انا فكرت زيك كدة
لكن قلت يمكن يكون اى حلول تانية
لكن واضح انه مفيش
الف شكر ضى لرايك
وميرسى وجودك نورتينى ونورتى الموضوع
مشكوووووووووورة حبيبتى على الرد

عاوزين بقية الردود
ايه يا جماعة انتم فين

يارب احفظ والدى ووالدتى واجعل يومى قبل يومهما
وشكررررررررررا ليكى