الصداقة بين الولد والبنت

هل تؤمن بان هناك علاقه صداقه بين البنت والولد؟؟


دا سؤال احب الكل يجاوب علية بمنتهى الصراحة


اسمحولى اقول رايئ الاول وكل واحد يدخل يقول راية



بالنسبه لرأيي ممكن يكون في صداقه بين البنت والولد ايه المانع في كده وده بيرجع لأخلاق الولد والبنت ومش شرط أن العلاقه تكون ناتجه من الجامعه أو أي مكان ممكن تكون من الأسره نفسها يعني ابن العم أو ابن الخال كده يعني ممكن تكون صداقه جاده واية اللى يمنع ان اهلى يعرفو اصحابى مدام مش بعمل حاجة غلط ومدام كل شئ فى حدود
وفي النهايه دي وجهات نظر وكل انسان بيبقي ليه طريقة تفكير وأهم حاجه سواء الواحد يصاحب بنت أو ولا أنه يكون متأكد من أخلاق اللي مصاحبه ودى حاجة بترجع لاخلاق الواحد فى الاخر

مشكوره يا قطه هانم على موضوعك اللى جه متاخر شويه
ولو انا المدير كنت خليته الموضوع المميز لسنه قدام
جارى التثبت اولا
طبعا فى صداقه بين الولد والبنت والدليل على كده ان معظم البنات والاولاد فى المنتدى اصحاب
والجامعه 95% من نسبه الطلبه في صداقه مابين البنت والولد

اهم حاجه الاحترام ولو فى احترام مش هيبقى فى خطوط حمرا او حدود ما بينا
لان كل واحد هيبقى عارف حدوده لوحده والصداقه فى اغلب الاحيان بتتحول لحاجتين
1- الصداقه بتكبر وبتبقى علاقه اخويه
2- الصداقه بتتحول لحب
والصداقه مابين الولد والبنت فى حالات كبيره جدا بتبقى افيد من صداقه الولد للولد او البنت للبنت
لان كل جنس بيكتسب معلومات وفوائد من الجنس التانى وفى اغلب الاحيان بيعوض نقص هوه حسه (لو ولد ملوش اخوات بنت / بنت ملهاش اخوات ولاد )
تقبلى مرورى ووافر تحياتى

الصداقه شئ جميل بين شخصين واساسهم الاحترام وان يراعو الله في صدقتهم

السؤال ليك ياميدو باشا هل تقبل ان زوجتك يكون ليها اصدقاء شباب الرد نعم او لاء ؟؟؟؟؟؟؟؟

شكرا قطة على الموضوع الجميل
واعتقد انه ممكن وجود صداقة بين الولد والبنت طالما فى حدود الادب والاحترام ومراعاة الله فى التصرفات والكلام
مشكورة قطة تقبلى مرورى

انا لا اواقف رايك يا ميدو بية لان الصداقة دية بتنبع على اساس اية بينى وبينكم حكاية ان بنت تصادق ولد دية مشكوك فيها لكن مش من الكل المشكلة مش فينا احنا المشكلة فى نظرة الناس لينا والوحيد المضمؤرور فى الحوار دة البنت لان الناس مش بترحم نفسها من قيل وقال و شكرا قطة خرررررررررربش يا ام مواضيع جامدة

و ياريت كلنا دلوقتى نتكلم فى موضوع تانى احلى من الصداقة والست والراجل وهوة اللى بيحصل فى ديننا دة واللى بيشتم رسولنا اعظم خلق الله

للجميع يسلمووووو

ومشكورين

اكيد اسامه مغازى اللى بيحصل فى ديننا والاستهزاء برسولنا الحبيب لا احد يوافق عليه ابدا
بالنسبة للمقاطعة لمنتجاتهم ودى ابسط حاجة ممكن نعملها ففى تجار كثيرون ومحلات كبيرة فعلا نفذت مقاطعة منتجاتهم كلها
وكمان عمرو خالد وشيوخ تانية من الازهر حيسافروا لتفهيم الدين الاسلامى بصورة صحيحة للغرب
وموقع رسولنا الحبيب عليه افضل الصلاة والسلام فيه مفاهيم وشرح مبادىء وعقائد كثيرة جدا
وربنا ينصرنا وينصر نبينا الحبيب باذن الله

موضوعك حلو يا قطه وانا راى انه ممكن يكون بس المهم يا ترى هيكون الفهم من الطرفين صح فى الامر ده
للاسف ناس كتير فى مجتمعنا وخصوصا الشباب بتفهم الامر ده على محمل تانى خالص
وبتحط فى دماغها اوهام ملهاش اى اساس من الصحه وده غالب على الناس اهم شئ ان يكون فيه حد للامر وانا عن نفسى
احب التفاهم جدا ويارت يكون بين الناس كده

يسلمووووووووووو السويدى

وانا معاك ان فى ناس بتفكر ان الصداقة بين الولد والبنت حاجة مش مفروض تحصل

ودا اولا شئ بيرجع لاخلاق الانسان والانسانة وتربيتهم وانا بشوف صداقة بتتوجد بين البنت والولد


لبعد الجواز وبيبقى زوجها وزوجتة عارفين بالصداقة دى وبيفضل فى علاقة مستمرة ودا شئ انا شوفتة

قدام عنيا مش كلام وبس واهم حاجة سويدى انت وانا بنفكر ازاى يعنى لو من جواك غرض تانى بيبقى شئ

يرجعلك وانا اوقات بشوف صداقة البنت والولد بتستمر اكتر من صداقة الولد بالوالد والبنت بالبنت

مشكور سويدى وتحياتى ليك

اهم حاجة ان تكون الصداقة تقووم على الصدق والاحترام
وماعتقدش بعد كدة يكون فيها حاجة وحشة او مش مظبوطة
وشكرا على الموضوع

ازا اجتمع رجل وامراءه
الاوكان ثالثهم الشيطان
ومشكوره ياقطه

مشكور كيكو

مشكور ابو ندى

الموضوع دة جميل
بكل اختصار الصداقة بين الولد والبنت شىء لازم وضرورى

مشكور ملك الرومانسية

مشكورة على التوبك
هو فى صداقة بس لما تكون مابنية على الصراحة والصدق والاخلاص فى كل حاجة

الله على الموضوع الجميل دة يا قطة
اما عن رأى الصداقة شىء مهم جدا فى الحياة
والصداقة بين الولد والبنت شىء جميل بس شرط الاحترام المتبادل الى بنهم
وتكون صداقة عامة يعنى مجموعة من الاولاد والبنات
هيكون دة افضل
ومشكورة يا قطة على الموضوع الجميل دة

مشكور ساحر
والصراحة شئ مهم بس منبقاش متسرعين

مشكور مجدى واكيد الاحترام شئ اكيد فى اى صداقة

مشكورين على المرور

والله كلام زين

الصراحة انا شايفة ان مفيش حاجة اسمها صداقة بين ولد وبنت انا مبعترفش بيها..انا بالنسبالى الولد اما اب..اخ..حبيب وخطيب وزوج..وابن..قريب فقطط لا غير انما صديق دى مبؤمنش بيها اوى مع احترامى لكل الاراء
ومرسى قطة ع موضوعك

يسلموووووووووو منونة

لالالالالالالالالالالالالالالا كلا الباتا مبؤمنش بيها خالص وشايفة ان مفيش داعى انى ادخل نفسى فى حوارات وصدقات ممكن غيرى يفهمها غلط...ومقصدش الناس انا اقصد انى ممكن اكون بصادق واحد عادى كصديق لكن مضمنش هو شايفنى ازاى؟؟فبدل ما ادخل نفسى ف حوارات وزنوب وقيل وقال ارحم نفسى وانا اهلى ربونى ع كدة وانا مقتنعة بدة وعندى 22 سنة وعمرى ما احتجت لصديق وحياتى كوةيسة ومفهاش حاجة وانا كدة مرتاحة ومريحة اهلى


ومرسى قطة ع موضوعك