ايه اللى بيسوء السمعه البنت....وايه اللى بيسوء سمعه الولد

الصراحه يا جماعه كان فيه سؤال طرق على ذهنى و كنت عايز اعرف ليه رد ... او بمعنى اصح كذا سؤال ؟

يا ترى ايه اللى بيسوء سمعت البنت ؟؟؟ و ايه اللى بيسوء سمعت الولد ؟؟؟

فعلا موضوع كبير وفيه ملابسات وتناقضات كتير ..الموضوع ده ممكن ياثر على علاقه الشباب والبنات ببعض ..وبالتالى هياثر على المجتمع ككل وهيولد نوع من انعدام الثقه بين الجنسين

لما نقول ايه الحاجات اللى ممكن تسوء سمعه الولد او البنت او ايه الحاجات اللى ممكن تتقال فى حق البنت او الولد تخليك تبنى رايك ووجهه نظره على البنت او الولد

يمكن كلنا عارفين انه هنا و فى مجتمعنا مجرد موضوع او جمله فى موضوع او كلمه فى جمله او حرف فى كلمه او حتى نقطه فى حرف ممكن تتقال على البنت ... بتسوء سمعتها
و ده للاسف واقع و احنا عارفينه و بالفعل عايشينه

ولان البنت هى الجزء الاهم فى الموضوع فانا هتكلم من وجهه نظرى الشخصيه اللى انا شوفتها وعاصرتها وخلونى ابدا كلامى و اقول

ان انا شايف ان الحاجات اللى تسوء سمعه البنت (ويدخل فى نفس الاطار الولد)
1- الاصدقاء او الاصحاب :النبى صلى الله عليه وسلم قال (المرء على دين خليله فلينظر احدكم من يخالل)
لو كان الاصحاب دول مش كويسين وانتا منهم اكيد سمعتك هتبقى سيئه ..ونفس الامر برضو لو كنت كويس عنهم برضو سمعتك بتبقى سيئه لانك بتبقى معاهم بالتالى الناس لما بتنظر للشىء وبتقيمه مبتجزءش التقييم ياما كله حلو ياما كله وحش

2-ممكن يكون تصرفات البنت نفسها: حتى ولو صادره عن حسن نيه ممكن تتفهم غلط ..واقرب مثال على كده مثلا البنت تبقى ماشيه مع واحد فى الشارع والناس تشوفهم ..وطبعا الناس مش هتعرف ان ده زميلها فى الجامعه ..وتانى يوم تمشى مع واحد تانى زميلها برضو والناس يشوفوها ساعتها هيحصل لبس جامد فى الموضوع

3-ممكن يكون تسويء السمعه ده علشان مصلحه شخصيه :ولد مثلا حبب عرف بنت ومعرفش يوصلها فسوء سمعتها كنوع من الانتقام منها ..


اما بالنسبه للولد :زى ما قولت فى الاول الصحاب ليهم عامل كبير جدا فى سمعه الولد.. لو مثلا شفتو مجموعه من الشباب بيعملو مشاكل اكيد السمعه والنظره السيئه على الكل مفيش حد هيفكر مين ممكن يبقى كويس ومين مش كويس ..


تانى حاجه لو الولد اتعرف عنه انه بيعرف بنات مش كويسه وده برضو بيدخل فى دايره الاصحاب

لانك لو قلت على ولد انه بتاع بنات ... دى ممكن تعدى
لو قلت عليه بتاع مخدرات او بمعنى اصح بيشرب ... دى بردوه ممكن تعدى

و متستغربوش من انى بقولكم ان ممكن ناس تتغاضى عنهم
ده لانى شفت كده فعلا

لكن ايه اللى يدمر سمعت راجل و ميعديش ولا حد يقدر يتغاضى عنه ؟؟؟؟؟؟؟؟؟؟؟

ظاهره غريبه اكتشفت ان فيه منها فى مجتمعنا ... يمكن الاول قلت ده تخريف و مستحيل ... بس كانت الصدمه ان فيه ناس اكدت انه لاء فيه فعلا ناس كده عندنا ... و الظاهره اللى تدمر سمعت راجل لو حد اتهمه بالشذوذ ..او هوا كده فعلا وحد فضحه بيها

اعذرونى فى كلام لو كان جامد ... بس دى فعلا من اكتر الحاجات اللى تدمر سمعت شخص

وانا عايز اقول للنوع اللى بيسوء سمعه الشخص للانتقام منه اكيد انتا لما تعمل كده هتأثر عليها وعلى نظره الناس ليها
والرسول صلى الله عليه وسلم قال _البر لا يبلى والذنب لا ينسى والديان لا يموت, افعل ما شئت فكما تدين تدان
اكيد فى يوم من الايام هيتردلك فى اختك او بنتك او اخوك او حد عزيز عليك .

وعايز انصح الناس مش كل حاجه تتقال تتصدق لان زى ماقولت ان اى حد بيسوء سمعه انسان ممكن يبقى وراه مصلحه شخصيه ليه.

وحتى لو كان الكلام ده حقيقى مش وراه مصلحه شخصيه او سبب شخصى يبقى نعمل زى ما الرسول قال (من ستر مسلما ستره الله يوم القيامه)


و يبقى سؤال ... ليكم انتو تفكرو فيه و تجاوبو عليه
... يا ترى لو فى فعلا بنت او ولد انا اعرف عنهم شئ يدمر سمعتهم لكن ربنا ستر عليهم ....
يا ترى لو قلت ... يبقى انا كده غلطان و انا اللى هشيل الذنب فى تسوء سمعتهم حتى لو بكلام حقيقى ؟؟؟؟؟؟؟؟؟
ربنا بيقول كما تدين تدان ........

معنى كده انى لو كشفت الحقيقه اللى ربنا سترها و اللى بسببها ساءت سمعت شخص ... يبقى هشيل ذنب ؟؟؟؟؟؟؟
امال لو قلت حاجه تدمر سمعت شخص و هى مش حقيقيه هيحصل ايه ؟؟؟
الرد ....
استنى ...
ما هو كما تدين تدان....

و ارجع تانى و اسأل .... ايه اللى ممكن يسوء سمعت البنت ؟؟؟ و ايه اللى ممكن يسوء سمعت الولد ؟؟؟؟

علي فكره انتي سئلتي وجوبتي علي نفسك

اولا السؤال كان للسمعه انا اعرف ان البنت المحترمه طول عمرها تكون محترمه وتديش الفرصه لحد انو يطلع عليها سمعه بنسبه للولد بيكون اسهل طبعا من البنت البنت دي مسئليه كبيره يعني لازم كل واحده تخلي بالها من نفسه ومتديش الفرصه لائحد انو حتي يلسن عليها تقبلو مروري

اشكرك علي الموضوع الجميل ونتمني المزيد

انت سالت وجوبت في نفس الوقت وربنا يصلح حال الشباب ويهديهم يارب

يا رب تقبل وخفظ شباب مصر كلها من الفتن ما ظهر منها تقبلى او تقبل مرورى

تقبلى مرورى
اوك ميرسى عاطفى لمرورك
انا اه مش سبت حاجه بس بردوه اعرف رايكم ممكن اكون كلامى غلط
ميرسى ميرسى جدا للمرور
ادعولى بقى عشان اخلص امتحاناتى

ربنا معاكى وان شاء الله خير وشدى حيلك بقى بس لية الحلوة

يمكن انا جاوبت علي السؤال دة قبل كدة بس حاجاوب علية تاني ياجماعة الي بيسؤ سمعة الجنسيين هيا التصرفات والافعال تقبلوا مرووري نيس توبيك

عاطفى ادعيلى انت بس وخد اللى انت عاوزه يلا هجبلك قلبظ اى خدمه بس ادعى بضمير
ميرسى جدااااااااااااااااا على المرور

ميرسى ياباد على دعوتك جزاك الله كل خير

الوضوع حلو قوى واعتقد ان الناس لها الظاهر فكما ذكرتى بموضوعك ان الفتاة تمشى مع شاب ف الشارع وتانى يوم تمشى مع شاب اخر طيب والناس حتعرف ازاى انهم زملائها فى الجامعة وانه لا يدور بينهم اى حوارات مش كويسة وكمان ملابس الفتاة لازم تكون محتشمة ومش زى الموضة الفظيعة اللى كلنا بنشوفها والتقليد الاعمى للغرب سواء من الولاد او البنات والبنطلون الساقط والسلاسل الذهبية والخواتم وباقى الموضه الفظيعة وربنا يستر على شبابنا ويتمسكوا بالعفة والدين وربنا يحمينا يارب

والله الموضوع جامد جدااااااااااااا
وفعلا هى دى الحقيقة اللى احنا عايشينها فى مجتمعنا الشرقى وموضوعك جميل
والكلام مش جامد لان دى الحقيقة وشكرا على المواضيع الجميلة والمهمة

ميرسى للمرور