| *** إفتح قلبك وناقش قضيتك *** | |
|
+12bink امير الظلاام قـ ـطـ ـة شـ ـقـ ـيـ ـة zena اسماء كرمالك فـآـرسـ آلـرـؤمـآنـسـيـة kareeem لى لى همس الدموع هتسبنى بجد ؟ ميدو اللبرنس 16 مشترك |
|
كاتب الموضوع | رسالة |
---|
ميدو اللبرنس شخصيه مهمه
عدد الرسائل : 628 العمر : 34 العمل/الترفيه : كله المزاج : رايق اخر مزاج مزاجي : تاريخ التسجيل : 04/03/2008
| موضوع: *** إفتح قلبك وناقش قضيتك *** الخميس مارس 06, 2008 2:55 am | |
| بسم الله الرحمن الرحيم
السلام عليكم ورحمة الله وبركاته
احبتي ؛ ؛ ღ اعضاء منتدى كريزى مان بعد التحية والسلام ... أتقدم لكم بفكرة قد وجدتها في بعض المنتديات وقد أحببت تزويد منتدانا بها تحت عنوان ....
*** إفتح قلبك وناقش قضيتك ***
حيث أن هذا الموضوع سوف يتيح المجال للجميع بمناقشة جميع مشاكلهم كافة ومحاولة إيجاد الحلول المناسبة لها ... ومعطيات الموضوع تتلخص بأن يقوم صاحب المشكلة أو القضية بشرحها شرحا موجزاً أو تفصيلياً حسب ما يراه مناسبا ومن ثم يقوم باقي الأعضاء بطرح الحلول المناسبة بعد مناقشة صاحب المشكلة عن طريق السؤال والجواب بينهم ..
كما أود من الاخوة الأعضاء عند طرح مشكلة جديدة القيام بطرحها كموضوع جديد حتى يصبح لدينا لكل مشكلة أو قضية صفحة خاصة بها ...
وأخيرا أتمنى من الله ان تحوز الفكرة على اعجابكم وأن أرى تفاعلكم معي لنعلو بهذا القسم وهذا المنتدى الرائع الى الامام والعلو فى سماء المجد والابداع
ولكم خالص تحياتى وتقديرى
خواطر........ متجدده ميدو ا لبرنس | |
|
| |
هتسبنى بجد ؟ العمده
عدد الرسائل : 1180 العمر : 37 مزاجي : تاريخ التسجيل : 03/02/2008
| موضوع: رد: *** إفتح قلبك وناقش قضيتك *** الجمعة مارس 07, 2008 1:30 pm | |
| مشكور يا ميدو بيه على الموضوع اللى جه فى وقته واكيد المنتدى محتاجه جدا وكل واحد يمر بمشكله او موقف ياريت يقولها وهوه هنا وسط اخواته واكيد هنحاول نفيده او نقف جمبه حتى لو بالكلام بس دا هيفرق معاه جدا على الاقل هيحسسه انه مش لوحده تقبل مرورى ووافر احترمى وتقديرى | |
|
| |
همس الدموع مشرفة الالعاب العامه ورسائل ومسجات الجوال
عدد الرسائل : 4157 العمر : 30 المزاج : مخنوقه مزاجي : علم الدوله : تاريخ التسجيل : 14/01/2008
| موضوع: رد: *** إفتح قلبك وناقش قضيتك *** الثلاثاء مارس 11, 2008 7:10 am | |
| موضوع جميل لازم نطلع اللى جواناعشان منتعبش اكتر | |
|
| |
لى لى مشرفة احلام بنات
عدد الرسائل : 2937 العمر : 37 المزاج : حيرانه بقى مزاجي : علم الدوله : تاريخ التسجيل : 14/01/2008
| موضوع: رد: *** إفتح قلبك وناقش قضيتك *** الأربعاء مارس 12, 2008 5:02 pm | |
| فكره حلوه جدا احنا كلنا اخوات هنا مشكووووووووووووووور على الفكره دى | |
|
| |
kareeem شخصيه مهمه
عدد الرسائل : 171 العمر : 37 العمل/الترفيه : in collige المزاج : ya3ny مزاجي : تاريخ التسجيل : 05/02/2008
| موضوع: رد: *** إفتح قلبك وناقش قضيتك *** الأربعاء مارس 12, 2008 5:29 pm | |
| طيب هى فعلان فكرة حلوة و عاجبة كل الناس وانا فعلان عندى مشكلة بس مش هقولها عشان مش شايف حد كاتب اى مشكلة ودى فى حد زاتها مشكلة تانية | |
|
| |
فـآـرسـ آلـرـؤمـآنـسـيـة الاداره
عدد الرسائل : 3000 العمر : 38 العمل/الترفيه : https://krezeman.yoo7.com/ المزاج : حيرة وألام مزاجي : تاريخ التسجيل : 14/01/2008
| |
| |
كرمالك مشرفة القصص والرويات
عدد الرسائل : 4084 العمر : 38 تاريخ التسجيل : 25/01/2008
| موضوع: رد: *** إفتح قلبك وناقش قضيتك *** الأربعاء مارس 26, 2008 3:41 am | |
| جميل موضوعك يا ميدو وفكره جميله جدااااااااااا ياريت كلنا نشارك فيها وفعلا كلنا هنا اخوان واى حد يطرح مشكلته كلنا موجودين انشاء الله كلنا نشارك براينا جزاك الله كل الخير ميدو تقبل مورورى | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** السبت مارس 29, 2008 1:16 pm | |
| انا عندى مشكلة ومش قادرة احلها انا حبيت واحد من على النت وحبينا بعض اواى وجة اتقدملى رسمى اوك بابا كان موافق بية لما جة بس الولد كان شرينى وكان عاوزنى مشفناش بعض على الحقيقة الا كاميرا وبس المهم بابا اما قالة خلاص جيب اهلك وكدا طبعا قالة اوك هجبهم المهم تانى يوم بابا راح سئل واحد زميلة بيقولة اية رئيك فى شباب اللى فى المحلة قالة لية قالة عشان واحد جارى هيخطب بنتة ل شاب من المحلة قاله لا خلية يرفضة شباب المحلة مش كويسيين طبعا بابا طرد الشاب دا.طبعا الكلام دا كان من 4سنين طبعا انا استنيتو 3 سنين قولت استناة لقيتة مختفى خالص انا قولت انة خطب وشاف حياتة قولت انا كمان اشوف حياتى طبعا انا اتخطبت لواحد وقعدنا سنة واحدة وبعد كدا افترقنا بس هو كان فى دماغى كنت بفكر فية على طول ممكن عشان كان اول حب ليا المهم لقيت اخوة بقا بيفتح النت وكدا بسئلة على اخوة اللى انا بحبة قالى دا فى الجيش زى ما والدك قالة خلص دراستك وخلص جيشك وتعالة اخطبها قولتلة بجد عمل كدا قالى اة عشان هو شاريكى وعوزك المهم احنا رجعنا لبعض بعد الفراق دا كلة بس للى انا مكنتش اعرفة ان هو كان عايش ليا ومحبش خالص كان لسة عاوزنى طبعا انا قولت لماما وماما رحبت بلموضوع اوى وبنكلم بعض على طول بس بابا انا خيفة احسن بابا يرفضة تانى انا خيفة من الحتة دى اوى اوى من بابا وكمان فى حاجة ومش عارفلها اى حل هو عندة شقة فى المحلة بتاعتة ماما بتقولى لا يجبلك شقة فى اسكندرنية طبعا هو لسة شاب وكمان بتقولى يتقدملى دلوقتى وهو اصلا فى الجيش يعتبر نقصلة 7 شهور بس ويخلص هو ناوى يتقدملى وبيقولى انا عندى شقة ومعنديش المقدرة اجيب شقة تانية عوزة حل | |
|
| |
zena شخصيه مهمه
عدد الرسائل : 4090 العمر : 39 مزاجي : علم الدوله : تاريخ التسجيل : 15/02/2008
| موضوع: رد: *** إفتح قلبك وناقش قضيتك *** السبت مارس 29, 2008 2:09 pm | |
| اولا اهلا وسهلا بيكي معانا في المنتدى يا اسماء
ثانيا علشان مشكلتك ان شاء الله خير المهم انتي لو متأكده منه تماما للشخص ده وواثقة بيه انتي اللي لازم تقنعي اهلك بيه وماتخليهمش يتطلبوا منه حاجات كتيرة فوق طاقته كشب لسه في اول طريقه يعني انهم مش لازم يتشرطوا كتير عليه و يطلبوا شقة في الاسكندريه ماهو عنده شقة يعني ممكن تتزوجوا فيها لما هو يخلص جيش وقولي لاهلك انه بكرا مع الايام تتحسن احواله ان شاء الله وتشتروا شقة في الاسكندريه ماهو لسه في بدايه طريقة وقوليلهم انه الانسان ده كويس وشاريني بقاله تلت اربع سنين فاكرني ومش ناسيني وبيعمل كل حاجة انتوا طلبتوها منه علشان توافقوا عليه يعني هو موضع ثقة وقادر انه يعمل اي حاجة هو عايزها لما يصمم عليها بس في مشكله انتي قولتي عليها انك حاسه ان والدك يعرف حاجة عنه لما سأل على شباب المحله انتي اعرفي ايه هي لو كانت زي ماقاله الراجل اللي سأله وجاوب عليه ان كل شباب المحله مش كويسين ده مش سبب خالص هو بيعمم على الكل وبيعطي حكم على كل الناس يعني مش بيقول عن الشخص نفسه انه في عيب او مش كويس وده مش سبب ان والدك يرفضه لازم يسأل عن الشخص نفسه مش عن كل شباب المنطقة اكيد وانا شايفة انك لسه بتحبيه وهو كمان بيحبك بجد عشان كده حاولي تقنعي اهلك بيه وتقوليلهم انه بجد شب كويس وعمل كل اللي انتوا طلبتوه منه بس المهم انهم مايزيدوا عليه الطلبات والشروط لانه شب في اول طريقه قليلهم ان بكرا لما ترحوا تخطبوا لاخويا الناس هتطلب وتتشرط عليكم كمان علشان كده راعوا الناس باللي انتوا عايزين يراعوكم بيه الناس يعني بإختصار انتي لو بتحبيه بجد وعايزاه اتمسكي بيه و خليكي جبنه واقنعي اهلك بيه مش توقفي مع اهلك في كل اللي بيطلبوه منه وخصوصا لو كان فوق طاقته ربنا يوفقك حبيبتي وان شاء الله تمضى السبع شهور دي ويرجع ويتقدملك ويوافقوا عليه اهلك بتمنالك كل خير ان شاء الله تقبلي مروري | |
|
| |
قـ ـطـ ـة شـ ـقـ ـيـ ـة مشرفه تعشق المستحيل قسم شباب وبنات
عدد الرسائل : 2159 العمر : 43 مزاجي : علم الدوله : تاريخ التسجيل : 15/01/2008
| موضوع: رد: *** إفتح قلبك وناقش قضيتك *** السبت مارس 29, 2008 3:38 pm | |
| بسم الله الرحمن الرحيم اولا اهلا بيكى اسماء معانا فى المنتدى نورتينا ثانيا بالنسبة لموضوعك اولا انتى حبيتة من النت وطلع انسان كويس وجة اتقدملك ووالداك غلط فى موقفة اولا الانسان دا لو مش كويس وبيحبك بجد مكنش اجى عندكم واتقدملك ووالداك ازاى يحكم على واحد بمجرد ان واحد قالة ان شباب المكان دا مش كويس وبعدين انتى ارتبطتى بواحد غيرة وهو اختفت اخبارة وعرفتى من اخوة انة لسة بيحبك ومستنى يخلص كل حاجة ويتقدملك تانى وبعدين موقف والداتك دا مش منطقى ازاى هو عندة شقة وعيزاة يجيب شقة تانى انتى كدا بتحملية اكتر من طاقتك وبعدين خلى بالك هو لو مش بيحبك ومخلص ليكى مش هيستحمل كل دا وليا كلمة واحدة ليكى انتى لو بتحبية بجد هتحاولى تقنعى والداتك انة ميقدرش يجيب شقة تانية وانك هتبقى سعيدة معاة فى اى مكان وبعدين هو انتى هتسافرى بلد تانية دى كلها مصر اسماء اتمسكى بالانسان دا لانة يستحق انك تتمسكى باية وربنا يوفقك فى حياتك ويهديكى للى فية الخير | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** السبت مارس 29, 2008 5:13 pm | |
| اوك انا هعمل بلكلام دا بس المشكلة دى ليها حل يعنى ربنا يستر. انا اولا من النوع اللى بتمسك برئى اوى بابا بيشترى راجل بابا مش من النوع اللى بيتشرط لا باباعوزنى جمبة بس مش عوزنى اكون بعيدة على اساس مثلا لو حصلى حاجة ابقا جمبة عشان كان فى تجربة حصلت فى عائلتنا ان جوز واحدة قاربتى كان بيضربها على طول هى طبعا كانت فى بلد واهلها فى بلد كانت بتروح ل بتيجى ل اهلها الفجر وكانت بتضرب من جوزها عشان كدا بابا خايف عليا وكمان انا مبعرفش اتفاهم مع بابا وماما خالص مش عارفة لية وموضوع زميل بابا دا مش عارفة قال كدا لية عمى راح سئل على الشاب دا قالو علية كلام حلو علية وعلى عائلتة مكنوش يعرفو ان دا بيسئل عشان ارتباط طبعا ماما واخويا الكبير وعمى زعلو من بابا اوى عشان تسرع فى الرفض وانا عمتا قولتهالة قولتلة انا هعيش معاك فى اى مكان .وفى حاجة تانية ماما عوزاة يجى يتقدم دلوقتى طبعا انا قولتلو قالى مش هينفع دلوقتى وحلفلى وقالى والله العظيم هاجى هتقدملك وخلا والدتة تكلمنى عشان تاكدلى كلامة قالى بس بعد الجيش قولت ل ماما كدا زعقلتلى قالتلى لو ما اتصلش ب اخوكى على الاقل انهى العلاقة.طبعا انا حكيت ل اخويا على الموضوع اصلا اننا رجعنا لبعض فرح قالى الولد دا كويس جدا بس اللى انا خيفة منة بابا خيفة من رد فعلة اوى انا مش بعرف انام خالص اليوم بيعدى اكنة سنة من كتر التفكير ومش لقية حد يقف جمبى وامى مش بتفهمنى خالص كل اما بحاول اقرب منها واحكلها مش بتفهمنى براحة لا بتزعقلى انا دلوقتى العقدة اللى انا فيها بابا وخيفة اوى منة وبردو ومحمود بردو خايف من بابا جدااااااااا احسن يطردة تانى ويحصل اللى حصل بس ماما فاهمى اللى انا سبت اللى انا كنت مخطبالة عشان خاطر محمود بس والله العظيم ابدا انا اما بحب بخلص للى معايا حتى لو مش بحبة اللى انا كنت مخبالة مكنش بيحبى بصراحة كان معايا بس عقلة مع بنت عمة اللى كان بيحبها وكان بيحسسنى ان انا ولا حاجة كان بيشتمنى على طول وبيقلل فى كرمتى وانا كنت بستحمل دا سبب اللى انا سبتة عشانة بس والله ابدا مش انا اللى اسيب واحد على حساب واحد | |
|
| |
امير الظلاام مشرف الرعب والجيرافكس
عدد الرسائل : 724 العمر : 39 المزاج : مش كويس مزاجي : تاريخ التسجيل : 15/01/2008
| موضوع: رد: *** إفتح قلبك وناقش قضيتك *** الأحد مارس 30, 2008 8:57 am | |
| نيس تو بيك علي الموضوع الجميل | |
|
| |
zena شخصيه مهمه
عدد الرسائل : 4090 العمر : 39 مزاجي : علم الدوله : تاريخ التسجيل : 15/02/2008
| موضوع: رد: *** إفتح قلبك وناقش قضيتك *** الإثنين مارس 31, 2008 8:00 am | |
| أســـــــــــــــــــــــــــــــــــــــــــــــــــــــــــــــــــــــــماء
زي ماقالتك والدتك خليه يكلم اخوكي وخلي كمان والدته تكلم والدتك ده اكيد هيطمنهم شويه وماتعرفيش الكلام بينه وبين اخوكي وبين والدته ووالدتك هيوصلكم لفين ممكن يحل كتير امور ويطمن اهلك لما يعرفوا اكتر الانسان ده واهل الانسان ده وماتخافيش من والدك ان شاء الله مش هيرفضه ماانتي قلتي انه سأل عنه وعن اهله وكان الجواب انهم ناس كويسين اوي اكيد والدك مش هيقف في طريق سعادتك بس انتي لازم تقعدي مع اهلك وتوضحيلهم كلامك ده انك ماانفصلتيش عن خطيبك علشان لسه بتحبي الشخص الاول وتقوليلهم كل اللي في قلبك احكلهم كل حاجة انتي شايفاها وحاسه بيها انا واثقه انهم هيقتنعوا بكلامك وانهم هيعملوا اي حاجة فيها سعادتك ان شاء الله المهم تفتحيلهم قلبك وتحكيلهم ربنا يوفقك في حياتك كلها وان شاء الله نهايه القصه دي هتكون خير عليكم لان اللي جامعكم هو الحب
تقبلي مروري أســــــــــــــــــــــــــــــــــــــــماء | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** الأربعاء أبريل 02, 2008 3:14 am | |
| انا عندى مشكلة كبيرة وعمالة بتكبر اكتر واكتر انا اتقدملى عريس ابن عمى واهلى موافقيين علية وانا بحب واحد انا طبعا كتبتلكم قبل كدا مشكلتى هى متعلقة بلمشكلة دى بس بجد انا مش عارفة اتصرف وزى ماقولتلكم فى المشكلة اللى قبل كدا محدش واقف جمبى ماشى انا بحب واحد طبعا انا حكيت عنة قبل كدا وحضارتكم جوبتولى على المشكلة بس دى مش لقيلها حل على الاطلاق اهلى موفقين علية وبابا سئلنى وقالى فى حدبتفكرى فية قولتلة لا ماما قالتلة اة فى محمود اللى من المحلة حلف ب الطلاق ان انا مش هتجوزة والولد بجد شارينى دا كان خلاص كان هيتصل ب اخويا عشان يكلم باابا وكدا وانا اللى وقفتة ومخلتهوش يتصل بس انا حكيت ل محمود وكدا بس مقولتلهوش ان بابا حلف وقولتلة اللى بيحب حدبيعمل المعجزات عشان يخدة انا مش عش عارفة اعمل اية دماغى متشتتة وانا اصلا مبحبش ابن عمى دا خالص مش بطيقة مش عارفة اعمل اية بجد انا مش لقيا حل خالص بس حسة احساس بلرغم اللى حصل حسة ان محمود دا ليا مى تعبت بسببى بس بجد انا عارفة انى هبقة سعيدة مع محمود مش لقية حل ياريت تلقولى حل انا تعبانة اوى ومحدش حاسس بيا والله انا بدعى ان انا اموت عشان مشوفش نفسى مع واحد غير محمود وكمان لو اتخطبت لواحد غير محمود جسد بس معاة بس عقلى وروحى مع محمود ودى تتسما خيانة وانا مبحبش كدا اعمل اية عوزة حل ارجوكم سعدونى | |
|
| |
هتسبنى بجد ؟ العمده
عدد الرسائل : 1180 العمر : 37 مزاجي : تاريخ التسجيل : 03/02/2008
| موضوع: رد: *** إفتح قلبك وناقش قضيتك *** الأربعاء أبريل 02, 2008 4:02 am | |
| انا شوفت مشكلتك من حوالى يومين ولكى اسفى على التاخير فى الرد ياأخت اسماء
وان شاء الله خير وباذن الله مشكلتك هتتحل وهتكونو لبعض
اولا انا هقولك على كذا حل وانتى تشوفى انهى فيهم اللى هيكون الانسب وتختاريه لكن قبل الحل عايز الفت نظرك لحاجه مهمه جدا لازم تكونى واخده بالك منها
انتى فى اخر رد قولتى ان ابن عمك اتقدملك وهنا انتى معرضه انك تعملى مشكله بين عمك وباباكى فى حاله الرفض ولازم الموضوع دا يتحل بالراحه
نيجى بقا للحلول
اولا رفض بابا جه من كلام صاحبه بان شباب المحله مش كويسين
وهنا فى مشكله كبيره جدا فى البيت عندكم ان مفيش اى مساحه للنقاش والتفاهم فى البيت
اما عن انك بتقولى انك مبتعرفيش تتفاهمى مع بابا او ماما فا انتى اللى كبرتى المشكله دى لان انا بابا وماما مبعرفش اتفاهم معاهم احاول وميئسش وافضل وراهم لحد ما اوصل لحل انى ابقى متفاهم معاهم لكن ندخل فى المفيد
اولا وبوضعك ده فى ان بابا حلف بالطلاق وانك مش عارفه تتفاهمى مع بابا او ماما فى البيت يبقى هنا مفيش قدامك غير ان العيله تتدخل
الحمدلله ان اخوكى واقف جمبك
وهتعملى الاتى هتكلمى اخوكى وتحكيله على الوضع وتخلى محموده يكلمه ويوعده بانه هيكون جاهز اول ما الامور تتعدل ان شاء الله
وبكده يكون دور محمود منتهى
نيجى بقا لدور اخوكى
اخوكى يتكلم مع عمامك وخيلانك كلهم ويحكلهم على كل حاجه وعلى ان والدك رفض الشاب ده من باب ان صاحبه قاله ان شباب المحله مش كويسين وان دا مش مقياس ارفض بيه شخص .
الى جانب ان الشخص دا شارينى ومستعد يتقدملى حالا
الى جانب ان بابا كان قايله روح خلص جيشك وظبط نفسك وتعالى وكان بابا فى الوقت ده رافضه لكن يعتبر كده ضحك على الشاب اداله امل فى الارتباط ولكن هوه من جواه واخد قرار بالرفض
ودا ميرضيش ربنا
الى جانب ان عمك سئل على الشاب دا وعرف انه كويس ومن عيله كويسه
ويحاول اخوكى يكسب تعاطف عمامك وخيلانك ويحدد معاهم ميعاد يجو عندكم البيت ويتكلمو مع باباكى وباذن الله يوصلو معاه لحاجه
اما بالنسبه لموضوع الشقه فا دا برده اخوكى لازم يكلم عمامك وخيلانك فيه وان دى حاجه بتاعه ربنا ومش كل اتنين هيتجوزو بعيد عن اهل العروسه يبقى العريس هيضرب العروسه ومين من امهاتنا متجوزتش بعيد عن اهلها
الى جانب مين يعرف ما يمكن محمود بكره اموره تتعدل ويقدر يشترى شقه فى الاسكندريه وساعتها محمود مش هيتاخر وهيجبلك شقه جمب اهلك
اما بالنسبه لموضوع انه حلف بالطلاق والحلفان دا كان فى حاله عصبيه فا ليها كذا حل يقدر يكفر بيه عن الحلفان منهم على ابسط الامثله صوم تلت ايام
ودلوقتى بقولك جربى وان شاء الله خير وباذن الله عمامك يقدرو يعملو حاجه مع باباكى لكن لازم تفهمى اخوكى فى موضوع ان ابن عمك اتقدملك انه الاول يكلم خيلانك ويحكلهم على ان ابن عمى متقدملى وانا رافضه لانى بحب واحد تانى شارينى وجاهز لكن بابا رافضه عشان خيلانك يفكرو فى حل لموضوع ابن عمك قبل موضوع محمود والا المشاكل هتتعقد
وباذن الله محمود من نصيبك
المهم انتى دلوقتى تجربى ونشوف الموضوع هيوصل لايه | |
|
| |
bink مشرفة حوار ونقاش
عدد الرسائل : 2426 العمر : 34 مزاجي : علم الدوله : تاريخ التسجيل : 24/02/2008
| موضوع: رد: *** إفتح قلبك وناقش قضيتك *** الأربعاء أبريل 02, 2008 1:27 pm | |
| اسمــــــــــــــــــــــــــــــــــــــــــــأء احنا ناخد الامور حاجة حاجة اولا ابدا ماتقوليش بتمني اموت انتي كدة هتخسري ربك وهو اكيد اهم ثانيا انتي تقويلي لاخوكي ولعائلتك براحة انك مش عايزة ابن عمك مش لعيب فية بس لانك مش حاسة ان هو دة اللي عايزاة وماتجبيش سيرة محمود دلوقتي لكن بس تحاولي تخرجي من مشكلة ابن عمك لان زي ماهتسيبني قال الموضع دا حساس العائلة كلها داخلة فية ثالثا انتي تقويلي لمحمود انك شارية بس المشكلة انك عايزة بس تخرجي من مشكلة ابن عمك انتي قولتيلي انك حاكيالة يبقي براحة تتكلمي في موضع ابن عمك قبل اي حاجة وبلاش موضوع محمود دلوقتي لانك مش عايزة والدك يقول يبقي هتفضل حد غريب علي ابن اخويا والمشكلة تكبر وباذن الله لما الموضوع بتاع ابن عمك ينفض براحة تبداي تدخيلي في موضوع محمود دة تاني وتحاولي تفهمي والدك انة فية ولاد في المحلة كويسن جدا وزي مافي في المحلة حلو فية وحش يعني المسالة مش نهائية وانتي جربي كدة وشوفي بس نصيحتي ليكي وانتي بتحاولي تحيلي موضوع ابن عمك بلاش تقويلي علشان بحب حد تاني خلصي موضوع موضوع الاول واكيد والدك فاهم ان مافيش جواز بالخناق دا مصير شخصين يارب يوفقك وبلاش تقويلي اتمني اموت دية تاني | |
|
| |
ضى القمر مراقب عام للمنتدي
عدد الرسائل : 6164 العمر : 35 العمل/الترفيه : طالبة المزاج : الحمدلله مزاجي : علم الدوله : تاريخ التسجيل : 19/01/2008
| موضوع: رد: *** إفتح قلبك وناقش قضيتك *** الخميس أبريل 03, 2008 12:36 am | |
| اختى الحبيبة ..اسماء ان شاء الله كل مشكلة ولها حل وربنا يسهل الامور باذن الله ولكن الأمور المفروض انها تتحل براحة وبهدوء لان العصبية والانفعال بيعقدوا المشكلة أكبر ،انا ملاحظة من كلامك انك لم تذكرى علاقتك بمامتك ومدى قربك منها وانك ممكن تحكيلها كل حاجة حتى تأثر على باباكى والحاجة التانية علاقتك بوالدك ايه؟هل انتى متفتهمة معاه يعنى موضوع الزواج ده موضوع كبير ومش صغير وستكملى الباقى من عمرك مع انسان لابد ان تكونى متفاهمة معاه وبتحبيه ،طيب حفترض ان بابا مصمم وماما لا تعرف تقنعه ،فى هذه الحالة لا بد من تدخل طرف تالت قوى وله صلة وتاثير قوى على باباكى يتفاهم معاه بالراحة وبهدوء وان مسائل الزواج ليست بالغصب والعناد بالنسبة للحكم على شباب المحلة فكل مكان فيه الحلو والوحش وبعدين ما هو ممكن يسأل عليه وعلى أهله ويعرف اذا كانوا ناس طيبين ويعرفوا ربنا ولا عكس كده ، وعاوزة اطلب منك حاجة مهما ضاقت الدنيا لا تدعى على نفسك ابدا يقول رسول الله(ص) لا يتمنين أحد منكم الموت لضر نزل به.فان كان لا بد متمنيا الموت ،فليقل اللهم !أحينى ما كانت الحياة خيرا لى.وتوفنى اذا كانت الوفاة خيرا لى" ،يعجبنى جدا موقف اخوكى ربنا يحميه ويخليكوا لبعض وبالنسبة لوالدك اكيد له نقطة ضعف واكيد فى حد ممكن يقنعه ويتفاهم معاه وبالنسبة للحلفان بالطلاق له كفارة ربنا يسهل لكى الأمور ويكرمك بما فيه خير لكى ودائما وابدا حاولى تحلى المشكلة بما يرضى الله ولا تخسرى اهلك ومن كلامك واضح ان محمود انسان جاد وبيحبك وربنا يوفقكم وان شاء الله تكونوا لبعض | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** الإثنين أبريل 07, 2008 2:42 pm | |
| شكرا لمشاركتكم معايا فى مشاكلى بس والله عشان مليش اصحاب ومحدش قريب منى اناحليت المشكلة قبل ما اقراء اجوابتكم ليا وقولتلة وقولتلة على اللى جوايامن نحيتة عشان معيشهوش فى الوهم وهواحترم صرحتى انا اصلا اللى فى قلبى على لسانى ومبعرفش اخبى قالى اوك انا هجيب المشكلة منى انا وهجبها من نحيتى لقيتة قالى بردو فكرى وهستنا منك تليفون المهم اتصل بياانهرضة بيقولى اية لسة مش عوزانى قولتلة معلش عشان منخصرش بعض كلم بابا وقولة قالى اوك انا هجبها من نحيتى انا تصورى اية اللى حصل انا كلمتة وانا فى الكلية بعدماروحت لقيت بابا بيزعقلى واخدالتليفون منى وكسر الخط بتاعى عشان محمود قالة اسماء قالتلى خلينا ولاد عم ومحمد اخويا اصلا كان مستغرب ازاى انا وفقت علية طبعا قعت معاة وقولتلة اما شوفت ماما هتموت منى وبسببى عشان كدا وفقت قال ل باابا يعنى انتم تكونو مبسوطيين وهى تكون تعيسة طول عمرها على حسابكم وقالى لو وفقتى علية ولااكنك ليكى اخ خالص لو وفقتى علية عشانهم يبقا بتجنى على نفسك انا معنديش استعداد اشوف اختى متجوزة واحدمش حباة انا طبعااناحكيت لمحمود اللى انا بحبة قولتلة اللى بابا وماما غصبونى وكدا زعل اوىى قالى بصى انا اصلا بعد مااخلص الجيش هاجى وهتقدم تانى ماما فى البيت بتقولى انسى محمود داخالص وكدا بس انا صليت وصلاة استخارة لمحمود حلمت ان مش عارفة مين من اهلى بيقوللى عشان نسفرك لازم فى حجات تعمليها بس الحجات دى مش هتقدرى عليها وسبحان الله ربنا خلانى قوية وقدرت اعمل الحاجة اللى طلبوها منى وبعدين قومت على اذان الفجر صليت الفجر ونمت انا بحمد ربنا على اى حاجة يدهالى ومبقولش لية يارب وبحس ب الحاجة قبل مابتحصل يا بحلم بيها وبتتحقق يا بحس وانا صحية عادى بحس ان هيحصل حاجة بس مبقاش عارفة اية هى بس موضوع محمود دا اعمل فية اية سبحان الله ربنا بيحببنى فية يوم عن يوم اعمل اية والله اللى كان بابا اوماما قريبيين منى كنت اتكلمت معاهم حتى اخويا قالى انسى موضوع محمود اللى فى المحلة دا خالص بس بجد والله كل ماماحد يقولى كدا اصلى صلاة استخارة بلاقى ربنا بيقربنى لية اكتر وخوفى علية بيكتر وحبى لية بيزيد يوم عن يوم بس انا عندى امل كبير فى ربنااااااااااا | |
|
| |
قـ ـطـ ـة شـ ـقـ ـيـ ـة مشرفه تعشق المستحيل قسم شباب وبنات
عدد الرسائل : 2159 العمر : 43 مزاجي : علم الدوله : تاريخ التسجيل : 15/01/2008
| موضوع: رد: *** إفتح قلبك وناقش قضيتك *** الثلاثاء أبريل 08, 2008 6:36 am | |
| السلام عليكم ورحمة الله وبركاتة اسماء اولا احب اقولك اللى ربنا كاتبة ليكى هيكون بس خلينا نفكر شوية من كلامك واضح ان الامور متوترة عندك خاصا ان دخل فيها قرايب وابن عمك وموقف والداك لو رفض هيبقى فى مشاكل بينة وبين عمك شوفى انتى تهدى الموضوع حاليا لان اى كلام فى موضوع حبيبك هيسبب رفض نهائى خاصا فى وسط الظروف دى انتى تهدى خالص ومش تفتحى الموضوع واكيد انتى عندك حد مقرب من اهلك ممكن تكلمية وتحكيلة وممكن يقف جنبك ويقدر يقنع والداك بس الامور مش بتتاخد بعصبية لان ممكن الشد والجذب دا يفقدك حبيبك للنهاية فانا نصيحتى ليكى دلوقتى تهدى الموضوع علشان اهلك يهدو ومش يصممو على رايهم ولو فى اى جديد قوليلى علية ويارب اقدر اساعدك تحياتى ليكى سمسمة | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** الجمعة أبريل 18, 2008 6:50 am | |
| اخويا رافض ان انا اعيش فى المحلة عشان بابا وماما رافضين اوكوموضوع ابن عمى محمداخويا واقف جمبى عشان سئلنى وقالى انتى لسة بتكلمى محمود قولتلة لا . عشان كدا كان واقف جمبى فى موضوع ابن عمى ل اخر لحظة وموضوع ان اخويا يكلم عمامى وخلانى . عمامى كل واحد فى بلد ومحدش بيدخل فى امور حد وخلانى كذالك بس عندى خال بيحبنى جدااا وبيحب يهزر معايا اوى دا انا ممكن اروحلة واكلمة واخلى محمود يقابلة ويكلمة بس مينفعش ادخل اخويا عشان اخويا رافض بس هحكيلة كل حاجة ب امانة ربنا ومش هخبى عنة حاجة خالص ابقا كتاب مفتوح ادامة صح كدا. بس خايفة يفهمنى غلط اما اقولة دا من على النت بس هاخلى محمود ادامى فى الصورة ويكلمة ويقابلة زى مابيقولة ان الخال والد بس خايفة يقولى لا مش هقدر ادخل ومليش دعوة عشان مش بعرف اتفاهم مع ابوكى بس المرحلة دى لو عملتها هعملها لما محموديخلص جيش عشان نخلص عشان يكون خلاص متفرغ للموضوع دا وبس بس خيفة من بابا اوى اوىىىىىىى | |
|
| |
قـ ـطـ ـة شـ ـقـ ـيـ ـة مشرفه تعشق المستحيل قسم شباب وبنات
عدد الرسائل : 2159 العمر : 43 مزاجي : علم الدوله : تاريخ التسجيل : 15/01/2008
| موضوع: رد: *** إفتح قلبك وناقش قضيتك *** الأحد أبريل 20, 2008 6:54 pm | |
| السلام عليكم ورحمة الله اختى العزيزة اسماء انتى بتقولى ان محمود لسة فى الجيش يعنى قدامة فترة وانا قولتلك المرة اللى فاتت انك تقفلى الموضوع شوية علشان اهلك يهدو شوية واكيد ممكن تكلمى اخوكى وتفهمية ولما يسمعك ممكن يقدر ويقف جنبك بس انتى تهدى الامور مافيش داعى للعصبية علشان تقدرى تفكرى كويس | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** الثلاثاء أبريل 29, 2008 12:56 pm | |
| محمود عاوز يبعد عنى بسبب بابا حسة انة بيقولى اللى عملة ابوكى فيا انا هعملة فيكى وهجرحك بس بردو عشان مظلمهوش انا مش عارفة هو خايف يجى تانى ويحصل زى المرة اللى فاتت بصراحة انا مقدرة موقفة وحسة انة بيببعد غصبااا عنة مش ب اردتة بس بجد انا خايفة احسن يبعد عنى تانى اوحش حاجة فية انة معندهوش امل بيحاول يقنع نفسة ان الموضوع هيتفشكل خالص وووالدتة انا مش عجباها مش عارفة ازاى مش عجباها هى مشفتنييش اصلا ولا اتكلمت معايا ولا هى حكمت عليا الحكم دا لما كلمتها اول مرة وكمان بتقو ل ل محمود غير نمرتك ومتكلمهاش تانى انا مش عارفة اعمل اية بجد وانا متاكدة انة بيحبنى بس غصباا عنة بيبعد انا مقدرة ظروفة اوى اوى خلا صاحبة يكلمنى وقالى محمود نفسيتة وحشة وكدا ومدمر انا عزراة بس لازم اى صعوبات تواجهنا لازم نواجهها بس حسة انة مش مش عاوز يعمل حاجة انا عملت حجات كتير بس ناقص بابا وماما بس محمد اخويا انا سمعت من خاطبتة ان بيقولها انا هقف مع اسماء ومحمود بس لو محمود جة اتقدملها تانى انا هقف جمبهم عشان عارف دماغ بابا ماشية ازاى هعرف اقنع بابا بس محمود حسة انة بيحبطنى بس حسة احساس انة بيحبنى بجد مش عارفة من طريقتة معايا فى الكلام انا بيجى عليا الليل مبعرفش انام خالص حسة انى فى دوامة والله العظيم انا عملت حجات هو ملهوش عشان خطرة وضحيت عشانة بلرغم اننا بعاد عن بعض ومش بنشوف بعض بس انا عملالاة احترام وتقدير واكنة موجود بظبطواكنة معايا فى اى حاجة بعملها احنا كنا المفروض نشوف بعض يوم السبت اللى جى دا اليوم دا اول يوم امتحانى انا اولا مش بذاكر بسبب الموضوع دا بس حسة لو شوفتة هدخل احل كل حاجة متفقيين على كدا على اساس اما نقعد مع بعض هنعرف نتكلم وهنتناقش مع بعض وكدا بس للاسف مش هشوفة خلاص انا مش عارفة اعمل اية بس بجد انا بحبة وهو كمان بيبحنى وانا واثقة من كدا بس والدتتة وبابا ماما مقدور عليها بابا بس انا عندى امل غيرة وكمان يعنى المفروض نقف جمب بعض بس مش عارفة هو بيفكر ازاى بيفكر يحبطنى ويتعبنى ويجرحنى وبس ياريت تقولولى اعمل اية بجد انا بحبة اووووووووووى وبخلصلة اكتر مابحبة وربنا يعلم بيا | |
|
| |
هتسبنى بجد ؟ العمده
عدد الرسائل : 1180 العمر : 37 مزاجي : تاريخ التسجيل : 03/02/2008
| موضوع: رد: *** إفتح قلبك وناقش قضيتك *** الأربعاء أبريل 30, 2008 7:19 am | |
| السلام عليكم ورحمه الله وبركاته اهلا يا اخت اسماء اول حاجه هنتكلم فيها دراستك وانا عارف انه صعب انك تفصلى دراستك عن المشاكل اللى حواليكى لكن دراستك ملهاش دخل بالموضوع دا ولو لاا قدر الله بعد الشر يعنى موضوع محمود دا متمش ليه تخسرى كل حاجه وانتى فى ايدك انك تنجحى فى حاجه حاولى تركزى فى دراستك شوية وتفصلى ما بين مشاكلك ودراستك وانا عارف انه صعب لكن حاولى على قد ما تقدرى لان دا مستقبلك انتى ومحدش هينفعك فا لازم تاخدى موضوع الدراسه بجديه اكتر من كده شوية انا لما قريت كلامك تانى مره فى حاجه بقا مش عارف هيا ايه ظروفها انت هتقابليه يوم السبت فعلا ولا مش هتقابليه طبعا لو هتقابليه يوم السبت فا مش هينفع نقولك حاجه غير انك هتتكلمى معاه فى كل حاجه فى احساسك اللى حستيه دا واللى انتى خايفه منه ولازم تتاكدى منه هل فعلاه يتقدم بجد ولا لاء وليه والدته رافضه وايه ظروفه وايه وضعه واتكلمى معاه فى كل حاجه ومتخبيش حجه نهائى وبعد ما تعملى كده نبقى نكمل بقا.... اما بقا لو مش هقابليه فا لازم برده تعرفى منه ليه هوه معاملته اتغيرت كده ليه والدته رفضاكى واتكلمى معاه فى احساسك وتخوفاتك سواء على النت او التليفون ولحد ما تعرفى الكلام دا احنا منتظرين انتى هتوصلى لايه معاه وبعدين نبقى نقول كلامنا لاننا فى اول كلامنا اللى وصلنا من كلامك انه جاهز انه يتقدملك اول ما نحل مشكله باباكى وكان كلامنا على هذا الاساس فا و محمود مش جاهز انه يتقدملك بمجرد ان والدك يوافق يبقى انتى كده بتضيعى نفسك وهتخسرى كتير ومتظر ردك القادم عشان نقدر بقا نقول وجهه نظرنا ايه فى المشكلة دى تقبلى مرورى ووافر تقديرى وشكرى واحترامى | |
|
| |
اسماء شخصيه مهمه
عدد الرسائل : 576 العمر : 35 المزاج : قلب مجروح مزاجي : علم الدوله : تاريخ التسجيل : 28/03/2008
| موضوع: رد: *** إفتح قلبك وناقش قضيتك *** السبت مايو 03, 2008 2:40 pm | |
| انا اتكلمت مع محمود على النت وقالى باباكى مش طيقنى وبيكرهنى وكدا وبصراحة انا اتهانت كرامتى جامد اوى بصراحة انامقدرة موقفة ولية حق يقول كدا. واحد زميلى كلمة فى التليفون اما لقانى تعبانة نفسيا ومدرة قال يتصل بية ويفهم فى اية محمود قالة على حاجات انا مكنتش مصدقة انة ممكن يقولها لحد .وكمان فهمنى غلطط خالص. اول حاجة:على موضوع انة ينزل اسكندرية ونشوف بعض قالة انا بهرب منها عشان خايف عليها وكدا طبعا انا مش عوزة اشوف عشان حاجة انا كنت عوزة اشوفة عشان نتكلم انا وهو فى موضوعنا دا مش عشان حاجة والله العظيم وانا مش كدا اصلا ومش بتاعت مشى ولا خروجات انا واحدة فى حالى كمان معنديش اصدقاء قريبين منى بس عمرى ماعملت حاجة وحشة اوحاجة تغضب ربنا. تانى حاجة:مرة كنت بكلمة على النت وبقلة ياحوودا خلاص انا ممكن اجيلك وكدا ونهرب انا والله العظيم كنت بهزر وكمان اخلاقى متجبنيش انى اعمل كدا وانا متربية كويس واهلى عرفو يربونى وعمر ى مااعمل حاجة من غير رضا اهلى ابداااااااااا. ثالث حاجة :اما محموداما جة عندنا انا فى كلمة اول مرة اسمعها من خالد لما كلم محمود قالة اما قولت ل باباها خلاص هجبلها شقة فى اسكندرية وكدا قالة هو انتا جى تشترينا بفلوسك الكلمة دى اول مرة اسمعها انهرضة بس بابا كان قايلة كدا على اساس انة بيشترى راجل مش بياخد واحد عشان فلوسة . رابع حاجة :والدتة بتقولة انا عندى استعداداغيرلك الخط بتاعك انتا واخوك وكمان رقم البيت. وللعلم ماما سئلت اختى وقالتلها محمود بيكلم اسماء عشان اختى متحطنيش فى مشاكل قالتها لاماما قالتها لا بتكلمة ولوبتكلمة خلية يعمل خطوة ايجابيةوانا هقف جمبهم بس يجى تانى ويتقدم تانى وانا هقف جمبهم وهساعدهم انا واخوها. بس فى حاجة انا زعلانة جدا من محمود اوىىىىىى عشان قال ل خالد الكلام دا وكمان اما خالد قالة على موضوع ماما قالة خلاص هفكر وهبقا اتصل بيك عشان عندى مشاكل فى البيت بس متخليهاش تتصل اما خالد قالى قولتلة انا اصلا مش هتصل بية مش عارفة حسة لما حكالة كدا وحسيت ان خالد نظرتة لييا اتغيرت بس فاهمتة كل حاجة غلاوة محمود قلت مش عارفة لية بلرغم انى بحبة جدا بس مش عارفة لية قال كدا بجد انا منمتش طول اليل خالص وكمان كان يوميها عندى امتحان اتسحب منى الورقة وطلعت ومحلتش حاجة بجد الموضوع دا مش عارفالة حلل على الاطلاق وبضحك مع زميلى عشان لازم اضحك واهزر بس جوايا تعب وجرح وبفكر كتير وعلى فكرة انا حاوللت انتحر كذا مرة بس بلاقى اللى بيلحقنى اعمل اية عايشة فى زمن الحب فية عيب وحرامواللى بنت حبت واحد بيحبها عشان يا يحسس اصحابة انة الولد اللى مفيش زية يعنى عم الرميو وفية ولد تانى تحبب الواحدة فيةويجرحها فى الاخر قال اية ظروف وفى بنات بردو وحشة ماالصوابع مش زى بعضها فى الوحش وفى الحلو بس بجد فى الزمن دا محدش بيحب حد خالص | |
|
| |
هتسبنى بجد ؟ العمده
عدد الرسائل : 1180 العمر : 37 مزاجي : تاريخ التسجيل : 03/02/2008
| موضوع: رد: *** إفتح قلبك وناقش قضيتك *** الأحد مايو 04, 2008 11:12 am | |
| ولا يهمك يا اسماء وانا قولتلك قبل كده انك لازم تفصلى بين مشاكلك الشخصيه وبين مستقبلك لان مستقبلك دا محدش هينفعك فيه عالعموم وقبل ما نتكلم ونقول حلول لو معندكيش مانع ياريت تبعتيلى ايميل محمود فى رساله خاصه او حتى هنا وانا هحاول اوصل معا لحل واشوف التغيير دا سببه ايه واللى فيه الخير يقدمه ربنا بس ياريت بسرعه يكون ردك عشان الامتحانات على الابواب ومش هبقى موجود | |
|
| |
| *** إفتح قلبك وناقش قضيتك *** | |
|