معني الحب بنظرك؟الحب شعور جميل لو كان موجود فبيحمل اسمى المعانى وارق المشاعر اللى فى الدنيا
هل في فرق السن في الحب؟الحب مبيعرفشى اى فرق لا سن ولا وضع اجتماعى اى فرق بتنهار قدام الحب
هل ممكن تضحي لاجل حبيبتك والي اي مدي توصل بيك التضحية ؟اللى بيحب صح يضحى باى شئ حتى مهما كان بس تكون اللى بيحبها تستاهل مش يكون بينوا وبنها حب بالكلمه بس
اية اول شئ يجذبك للبنت وتحبها من اول نظرة ؟كيانها قبل اى شئ واخلاقها دول اهم شئ قبل المظهر والوضع الاجتماعى دول ممكن انى اتنازل عنهم لكن كيانها واخلاقها دول شرط اساسى
لو حبيت واحدة واهلها رفضينك رفض نهائي ماشعورك وما هوة رد فعلك؟ اولا انا مؤمن بمبدا بان كل شئ نصيب ومحدش بياخد مرات حد ومش معنى كلامى انى هستسلم بمجرد الرفض من اول مره يعنى هحاول بكل الطرق وبكل السبل مش هستسلم يعنى بس كل شئ فى الاول وفى الاخر نصيب
هل للحب كرامة ؟لو قصدك على الكرامه بين الواحد وبين اللى بيحبها فده بيكون موجود بس ببعض التنازلات يعنى مش بالدرجه اللى بتعامل بيها الناس ولو قصدك على كرامتهم مع الناس فده اكيد بردو موجد والاتنين بيكونوا واحد يعنى الاتنين لازم يحافظوا على منظرهم وكرامتهم قدام الناس مهما كان اللى بينهم لازم قدام الناس يكونوا بمنظر كويس
ماالصفة التي تكراها في حبيبتك؟ الكدب شئ مش جميل ولما بيكون فى اى شخص مش فى حبيبتى بس بيكون شئ مش كويس بالمره ولازم الواحد يعرف ان الكدب عمروا ما هيكون سبيل لحل مشكله الكدب هروب مش اكتر وهروب وقتى يعنى مسيروا يتكشف
ـلو اكتشفت ان حبيبتك خانتك ماذا تفعل وماذا تفعل لو حاولت الاسف ؟ اولا الخاينه مش ممكن نقول عليها حبيبه لان لو حبيبه مش ممكن تخون ومفيش مجال للاسف مهما كان ايه هيكون سببها ايه هيكون علتها ايه هيكون سندها فى الكلام وعن فعلى فاكيد هيكون تصرفى مش ظريف بالمره امر هيكون بصوره نهائيه يحفظ كرامتى ويطهرها من اللى عملتوا
البنت اللي انت تحبها ممكن تقيدها في تحركاتها ملهاش لزمة ؟لا طبعا مش ممكن انى اقيدها وفى نفس الوقت مش اسيبلها الحبل على الغارب يعنى بيكون فيه وسطيه واقناع قبل اى شئ
حصل مرة انك لقيت انت وحبيبتك متلازمين في الحركات والكلام والاكل وكل حاجة زي بعض؟ الحب شعور جميل ومشاعروا عاليه اوى وممكن يكون فيه اتفاق فى بعض من اللى قولتى عليه مش كلوا وده بيكون من مبدا حاجه اسمها تقابل الارواح قبل الخليقه لو سمعتى عنها ودى اتكلم عنها الدكتور زغلول النجار شئ مثبت بادله وبراهين من تعاليم الاسلام
ماذا تفعل اذا حبيتك سابتك لشئ تافهة ولقيت انها كانت بتمثل عليك ؟اولا متقوليش حبيبتى لانها بكده بتكون لعوب مش حبيبه وطبعا هسيبها وعلى راى الاديب شعبان عبد الرحيم انا اللى يبعنى ابيعوا مندمشى فى يوم عليه وهييييييييييييييييييه هههههههههههههههه
اذا انتهت اجمل حب بالنسبالك هل ترغب في الحب مرة اخري؟الارض مش ممكن تقف عند حد معين يعنى هحب بس مش ممكن مهما كان انى انسى حبى الاولانى ولا هحب حد زى محبتها امر اكيد هيكون مستحيل
ممكن الحب يتحول لصداقة ؟الحب شئ والصداقه شئ ولاتنين مش ممكن يتقابلوا او يجتمعوا مهما كان ومش ممكن طبعا الحب يكون صداقه
ما هوة رد فعلك اذا حبيبتك دعتك في ليلة فرحها ؟اولا هيه لو حبتنى بجد مش ممكن انها تفكر فى كده لان بيكون صعب على الانسان انوا يشوف حد مكان حبيبوا وحتى لو هيه قلبها قسى وفانا مش ممكن انى احضر طبعا لان وقتها هكون بلا كرامه ومعنديش احساس موضوع مش سهل يعنى
لو افترقت من حبيبتك بسبب اهلها وغصبوا عليها بالارتباط من شاب اخر ماهوة وطلبت منك ان تراك ماذا تفعل؟الواحد يحترم نفسوا لحد كده وميحاولشى انوا يربط نفسوا بيها ولا هيه كمان عشان الوضع ميزددشى سوء واللى يحي حد ميحبش انوا يضر بل بالعكس يتمنالوا كل سعاده حتى لو مع حد غيروا
هل للحب اهمية في حياتك؟ اكيد طبعا الحب متمثل عندنا فى كل شئ مش حب الحبيب لحبيبتوا وبس حب الله حب الوالدين حب الوطن حب الناس كل شئ فى الوجود لازم يكون فيه حب ولا كلام غلط
ماذا تفعل اذا مرت السنين التي فارقت بيها حبيبتك بسبب اهلها ورايتها مع زوجها ما رد فعلك؟اكيد هحزن كتير وهفتكر كل لحظه قضيتها معاها وهحزن اكتر لو عرفت انها مش مرتاحه معاه شعور مرير اكيد
ماهوة حكم الخائنة بنظرك؟الخيانه فى حد زاتها شعور مرير جدا يعنى مش ممكن ان الواحد يتسامح او يتهاون فيه وده طبعا بعد ما يتاكد منوا كويس جدا لان بعض الظن اثم لازم الواحد يتاكد كويس قبل ما يحكم
ماذا تفعل في البنت التي خادعتك واستغلت حبك اذا رايتها مع حبيبها ؟هقلع بشعرى وادعى عليهم ههههههههههه هعمل ايه يعنى العمل عمل ربنا ربنا وحدوا اللى يقدر يخلصلى حقى لان مش على استعداد انى امثل فيلم دعونى انتقم لا هدعى ربنا يخلصلى حقى منه هيه بس
ماذا تفعل اذا حبيبتك هانتك زيادة عن الحد؟ ديما اللى بيحب بجد يخاف على شعور حبيبوا يعنى مبدا الاهانه وقله الكرامه مش بيكون موجود
وتقبلى فائق احترامى وتقديرى