احنا بنات انهردة مسلسل جامد

مساء او صباح العسل

اخباركم ايه ../.. يارب بخير

موضوع جامد اوووووووى بجد بجد

وهايعجبكوا

ياريت البنات والاولاد ما يزعلوش كله هزار

يلا خده بقى

////////////////////////

جيبالكو انهارده موضوع جديد شفته فى منتدى وعجبنى وقلت اجيبهولكو
هو عباره عن حلقات بتوصف حال بناتنا يارب تعجبكم هاكتبلكم اول حلقه لو عجبتكم هاكمل

الحلقه الاولى::
المشهد الاول: فتاتان تجلسان في وسيله مواصلات

الفتاه الاولى: اخيرا الواحده هتدخل الكليه وتعيش حياتها .
الفتاه الثانيه: اه اخيرا
الاولى: بصي بقا يا هيام لو احنا ناصحين بجد منسبش الكليه الا واحنا (مشنكلين) ولدين ولاد ناس .
الثانيه: ايه يا بت يا هبه عيب الكلام ده.
الاولى : ايه اللي عيب انا بفكر في الجواز هو انا فكرت اشرب خمره
الثانيه: صح معاكي حق مش عيب نفكر في الجواز
الاولى: ولازم نخطط كويس ومش نكون اقل من بنات مصر والا مفيش حد هيبصلنا.

المشهد الثاني: غرفة بنات

هبه: بقالنا اسبوعين من يوم مدخلنا الكليه ولسه وشي في وشك . احنا لازم نعمل نيولوك
هيام: اه لازم
هبه: شوفي انا اشتريت علبه مكياج وناويه ابقى زي البنات اللي هنا
هيام: بس انا معرفش استعمله
هبه: انا هعلمك المهم بس تلبسي البنطلون الكحلي اللي عندك على البدي اللي اشتريناه امبارح.
هيام: البس البنطلون ده من غير حاجه فوقيه؟ ده انا صوري كانت تبقى على الموبيلات واتفضح
هبه: تكونيش فاكرة نفسك نانسي عجرم ؟ يا عبيطه كل البنات هنا كده ومفيش حد بيصور حد
هيام: طيب هلبسه بس انتي كمان تلبسي زيي

المشهد الثالث : هبه وهيام في(الحرم) الجامعي

هبة: شفتي يا بت هما يومين بعد ما غيرنا اللوك وعرفنا هادي وشادي
هيام: طيب خلي بالك اهم جايين
شادي وهادي: هاي بنات ايه اخباركوا
هبه : كويسين .
هادي : بقلكوا ايه المحاضرات هتخلص 12 تيجوا تعدوا معانا في الكافتيريا؟ احنا قاعدين للساعه 7
هيام (بسرعه): من 12 ل7 ليييه؟ ملناش حد يلمنا
(زغده من هبه) هيام: لا خلاص احنا فعلا ملناش حد يلمنا
(زغده تانيه)هيام: لا مش عارفه لينا ولا ملناش
هبه : طيب يا جماعه هكلم ماما واقلها اني هتاخر عشان مش تقلق.
هيام: هتكلمي (امك ) في البل...........(زغده من هبه)
هبه: ايوة هكلمها يا هيمي
هيام (هامسه): مين هيمي دي؟
هبه : طيب يا جماعه احنا طالعين المحاضرة انتو مش طالعين باي
هادي وشادي : باي مستنينكوا متتاخروش
هبه: انتي يا بت يا هيام فيها ايه لما ادلعك واقلك هيمي انتي هتفضلي عبيطه كده على طول .
هيام : معلش يا هبلونا
هبه : هبلونا؟ خيبتك تقيله يا هيام قوليلي بوبا
هيام : ماشي يا بوبا
(مع الاعتذار لحاملي اسم هبه او هيام او هادي وشادي

هههههههههههههههههههههههههههههههههههههههههه ماشى يا ساندرا تسلمى اديكى

يسلموا لمرورك الرائع

سلمت يداك

انهارده انا جايبالكو الحلقه التانيه من حلقات

"" احنا بنات انهارده ""

بس معلش انا عايزه اقول تعليق صغير انا شايفه ان فى اعضاء كتير بيقرو الموضوع بس مش عارفه ليه ما بتكتبوش ردودكم يا جماعه بجد انا محتاجه اعرف رايكم عشان اعرف ان كان استمرارى فى الحلقات مرغوب فيه او لا انا بس مش عايزه ابقى تقيله عليكماسيبكم بقه تقرو الحلقة
.
.
.

الحلقه الثانيه

المشهد الاول:مدرج محاضرات
هبة: بس اسكتي يا هيام
. الدكتور داخل

الدكتور: صباح الخير
....... كله يقفل الموبايل لو موبايل رن انتو حرين
هبة:باين عليه عصبي اوي
اقفلي الموبايل
(تمر دقائق ويقطع الشرح صوت رنين موبايل)

الدكتور:آآآآآآآآآآآآآآآآآه موبايل بيرن . اللي موبايله رن

يقوم يقف...(لحظات صمت) يااااااااااااااااااااااااه هتسقطوا كلكوا ووووووووو اللي موبايله رن يوقااااااااااااااااااااف......

هيام: الدكتور هيشد شعره
وشه احمر اوي لحسن يفرقع ههههههههه

الدكتور:انتي يا هبلة يا
اللي هناك..... بتضحكي على ايه؟ قومي اقفي

هيام:هبة باين عليه
يقصدني....هعمل عبيطه يمكن حد غيري يقفالدكتور : لو موقفتيش هجيلك

هيام: نفضيله خليه يكلم نفسه
الدكتور: وبتكلمي اللي
جنبك آآآآآآآآآآآآآآآآآه اقفيييييييييييييييييييييييي

(ينظر الجميع الى هيام ويهمسون قومي اقفي)

هيام: انا؟؟؟؟؟؟ا
لدكتور :ايوة انتي اطلعي
برة براااااااااااااااااااه

المشهد الثاني:غرفة البنات
هبة: كان شكلك وحش اوي
وانتي مطرودة
هيام: بلاش تفكريني ...
هبة: ديانا ورانيا بنات لذيذه اوي بس باين هادي وشادي يعرفوهم من زمان

هيام: هادي بيقول انه متربي مع ديانا جيران ومامة شادي ومامة رانيا صحاب في الشغل وعارفين بعض من زمان بردو

هبة:طيب هتجيبي ايه لرانيا واحنا رايحين عيد ميلادها بكرة؟
هيام : اظن هجبلها شراب
هبة:شراب؟ هههههههه
هيام:ايوة شراب امال انتي هتجيبي ايه.؟
هبة: لسه مقررتش بس اكيد مش شراب ههههههههههه

هيام:ناوية اغنيلهم اغنيه تخلي القعده حلوة
هبة: هيام اعملي معروف انا عارفه اغانيكي اوعي تكوني ناويه تغني (شرب السبرتو )

هيام: لا طبعا ده عيد ميلاد لازم حاجه فرايحي
هبة: طيب احنا هنروحلهم جنينة الاندلس ازاي واحنا منعرفهاش
هيام: نسال مش مشكلة يعني

المشهد الثالث:حديقة
وبلالين

هادي:مش باقي الا هدية هيام اللي تفتحيها يارانيا
رانيا (تفتح الهدية) : شراااااااااااااااب

(يضحك الجميع)

رانيا : مرسي يا هيام بس انا مش بلبس الشرابات دي ستايل قديم شويه انا بلبس دي ( تكشف جزء من ساقها)
هيام(مسرعه): خلاص خلاص شفت نزلي نزلى هادي وشادي واقفين
رانيا: هادي وشادي هههههه دول اخواتي
هبة: شيك اوي الشراب ده بس هو صغير ليه كده؟
ديانا : ده الستايل
شادي : يلا يا هيام غني مش قلتي انك هتغني؟
( هااا ياااام هاااا ياااام ...)

هيام : ماشي هغني هغني اسكتوا بقا ا 2 3 يا تجيبلي شاكاليته يا بلاش يا ولا
(ينفجر الجميع في نوبة من الضحك فتسكت هيام ويحمر وجهها)

دينا ورانيا وهادي وشادي: مش ممكن لذيذه موووووووووووت

[color:ce2f="#800080"]هبة(هامسه) : ضحكتي علينا الناس
هيام(هامسه لهبة): طيب ابقي فكريني نشتري شرابات زي بتاعت ديانا ورانياهبة : اكيد بس احنا في ايه ولا في ايه كسفتينا

( مع الاعتذار لحاملي اسم
ديانا ورانيا)

» بنات مسترجلات وولاد يجعلون نفسهم بنات.....
» شغل جامد قوي سبونا نولع فيها محدش يقول نطفيها عشان ده شغل جامد قوي
» ريمكس جديد من درويش ريمكس نقول ايه عمرو دياب جامد جامد وبطريقة جديدة مووووووت
» هل احنا بنستخدم الانترنت صح ؟
» تحبوا تعرفوا ليه احنا احسن من البنات