عاوز رايكم ياجماعه ضروري

انا بصراحه ياجماعه من الاخر في الجامعه اول سنه وفي بنت عجباني جدا وعاوز اكلمها بس مش عارف ادخلها من اي سكه
ياريت تقولولي بس محدش يقلي اكلمها في الدراسه لان الحوار ده فاشل ارجو الرد بسرعه وياريت البنات يردوا

نصيحة من اخوك شاعر مصرى او احمد
ركز يا ابن الحلال فى الكليه
عادى
اول سنه جامعة بتكون مشدود
وبتحصل حاجات من دى كتير
وحصلتلى بردو
بس راميت كل دة ورا دهرى
ركز فى الدراسة وانت هتسنى
يمكن تقول قلبى قاسى
بالعكس
بس فكر بعقلك الان
انت موش جاهز
لسه طالب
والامور دى هتشغلك
صدقنى
وشوف بقيه اصحابى هيقولو ايه

مرحبا بيك يا اسامة
انا اتفق تماما في الرأي مع رأي الاخوة شاعر مصري وقطة شقية انا عارف انك هتحس اننا كلنا متحاملين عليك او هتقول اننا مش حاسين بيك بس صدقني احنا اكبر منك مش هقولك اكبر منك بكتير وكدة وبتاع بالعكس يعني انا يدوب لسة مخلص من سنة بردة يعني مش من بعيد اوي
وخليك في دراستك وديما تفكر بواقعية شوية
اتمنى لك التوفيق في حياتك

السلام عليكم
اولا شكرا ليكم ياجماعه على الردود وهي بجد صح وانا احاول انسى الموضوع ده وشيله من دماغي انا فعلا لقيت ان الموضوع ممنهوش فايده وادعولي ياجماعه لان نتيجة الترم الاول قربت تظهر
وشكرا لردودكم الجميله

ربنا معاك ومعانا كلنا

مع احترامي للجميع بفرق السن انا مش مع الكلام ده من ناحية انك لسه بدري عليك انك تحب الحب بيجي في اي وقت ومش عيب انك تراتبط بحد من دلوقتي بس انا معاهم انك تفكك من الحور عشان انا والله لحد دلوقتي بمر بلحور ده بس فرقت عنك لاني خت خطوه ايجبيه ورحت كلامتها ورفضة

يا اسامه مستقبلك اهم من كل شىء شوف دراستك مستعجل على ايه يابنى انت لسه صغير

متخليش الشيطان يسيطر عليك اتقى الله فى نفسك انت فين والجواز فين ربنا يهديك

ياأخى اسامة ان اكبر من بكثير جدا ومش عيب انك تحب بس حب من غير اللتزام غلط ولما تكبر وتحب ترطبط بفتاة مش هتكون ادك فى السن هتكون اصغر ودة اكيد ولو شغلت بالك بالمسائل دى هتعطل عقلك عن الاهم وعطلة من غير طائل وانتا مش هاترضى انك تحب فقط دون ارتباط ودة مش هينفع فى المرحلة الحالية ولا حتى بعد فترة لكن اكيد بعد ما تكون مستقبلك يبقى تركز على الدراسة
وتكون صدقات بريئة تقبلها على اخوتك البنات او اقاربك حتى يرتاح ضميرك فى المستقبل وابتعد عن اصدقاء السؤ ال بيعكوا مع بنات السؤ ال زيهم
وربنا يسترها معاك

انا لية تعقيب على كلام الاخ امير الظلام انت بتقول ترضى وترضى هوة مش قالك انا حروح اصورها بالموبيل هوة بيقول انة معجب بيها ونفسة يكلمها يبقى ننصحة مش نيجى علية يا اخ امير الظلام و ياريت متزعلش الكلام دة ممامنوش فايدة يا اخ امير نفهمة براحة مش قفش يا عمنا بص يا حج اسامة وانت اسمك على اسمى كدة المهم الكلية مرحلة فى حياتك و اعتبرها حياة جديدة انت اكيد حتشوف و تقرب من بنات كتير انما اية اللى شدك فيها شكلها الشكل مش كل حاجة لازم تفكر لما تعجب بواحدة تعرف شخصيتها مش اعجاب والسلام يمكن تطلع بنت مش كويسة اية المشكلة لازم تصارح نفسك و انت دلوقتى راجل وكبير و بتفهم اكيد الحب دة لية معانى كتير ااقلك على حاجة شوف صحابك حتلاقى كل يوم حد يحب و يفشل فى حبة اتعلم منهم وبعدين حب علشان مش تفشل و اتمنى ردى يكون خفيف على قلبك سلام يا اوس

اة نسيت ااقلك مبروك مقدما على جوار النتيجة ومش تنسى الساقع يا حجيجة اوعى تنسى ازعل

والله انا موافق اسامة مغازي في رأيه ومعلش من الكلام اللي انا هقوله اكيد كل واحد رد عليه كان ليه قصة حب وحصلتله نفس القصة بالضبط لما كان في نفس سن اسامة وانا شايف ان اللي اتقال ده مش انصاف لأن الكل جاي عليه ، مش عيب اللي انت تحب وترتبط بالسن ده بس المهم انك مش تخلي قصة الحب تأثر عليك جامد وتكون اهم حاجة في حياتك ،وحتى كمان لأنك لسه صغنطوط واحتمال كبير انها تفشل واكيد الواحد لازم يكون معرض للفشل في اي حاجة ، غير كده قبل ما تحب لازم تعرف ايه هوه الحب ،ياجماعة الحب مش حب القلب بس ده حب العقل كمان ،،،،،،،،،،،،،،،،،

وتقبلوا مني وافر الاحترام والتقدير ،،،،،،،،،،،،
عضو جديد شيتوس