هموم واسئله محيره للبنات ؟؟

شكرا لىلى الجميلة على موضوعك الجميل

1) هل فكره تأليف كتاب عن هموم البنات فكره ناجحه أم هي فاشله ولا داعي لها؟
فكرة كويسه وياريت المؤلف يكون فاعم وواعى وناضج ويعرف يعبر كويس عن هموم البنات
2) مالذي ينقص الفتاه في مجتمعنا ؟
الوعى الدينى والثقافى
3) ماهو سبب انعدام الحوار بين الاهل والفتاه؟
وجود فجوة بين بعض الاهالى والفتيات وعدم مواكبة العصر فى تطوراته وفقدان لغة الحوار بينهم وبالتالى الفجوة تزيد ويصبح الاهل بيفكروا بطريقة والبنت بتفكر بطريقة وشوية بشوية البنت تبعد عن الحوار تماما مع الاهل وده طبعا مش صح وممكن يؤدى لكارثة كمان
4)الى اين تلجأ الفتاه التى لم تجد من يفهمها ويترجم مشاعرها داخل محيط العائله؟
تلجا احيانا لصديقة لها او صديق وربنا يستر لو كانوا مش كويسين ممكن الفتاة تضيع لقدر الله
5)لماذا اذا احبت البنت شاب تعاقب ام الشاب فلا؟
لان مجتمعنا الشرقى بيفرق فى المعاملة بين الولد والبنت ويتيح للشاب كل شىء ولكن البنت لا كل حاجة يبقى عيب وغلط وسمعتك والناس حتقول والناس حتعيد ،سبحان الله زى ما يكون مسموح للشاب بكافة انواع الاخطاء ويقولوا معلش شاب وبيجرب وبكرة يعقل وربنا يهديه ولكن الفتاة لالالا اى غلطة يبقى رد الفعل عنيف جدا
6)اسباب تعلق الفتاه بمعلمتها او بصديقتها ؟
اعتقد لانها بتلاقى فيها حاجة بتقربها ليها ممكن مثلا لانها بتفهمها وطريقة كلامها حلوة من غير عصبية وممكن لانها بتسمع لها بصبر وطولة بال وممكن تعطيها نصيحة فى الآخر او تغلطها لو عملت غلط بتكون العلاقة هادية شوية من غير عصبية وانفعال
7)ماهوسبب الانحراف الاخلاقي للفتاه؟
البيت اولا والبيت ثانيا والبيت ثالثا
شوفى لىلى الجميلة انا مش حقولك مطلوب من الاهالى تفضل تربى فى بناتها لغاية ما تتجوز ولكن انا اضع اساس صح واروى البذرة صح واتابع نموها الى ان تصل لبر الامان بمعنى اعرف الفتاة دينها واحفظها قرآن واشرح لها قصص الانبياء وافهمها دينها وما معنى العفة والطهارة وايه الصح وايه الغلط واعرفها صلة الرحم وهكذا واتابعها واشوف صديقاتها واتعرف عليهم كمان ولما احس ان الفتاة بدات تتصرف صح من نفسها ابدء شوية بشوية اعطيها حرية معقولة واتابع الى ان اصل بها لبر الامان ولكن على النقيض اكيد البيت مشغول الام تعمل ومش فاضية والاب مشغول وغير متواجد او الاهالى مسافرة والفتاة تقيم مع جدتها او خالتها او الابناء لوحدهم والاهالى مسافريت وبيتابعوا بالتليفون وربنا يستر من اصدقاء السوء وممكن هزة عاطفية تسبب ازمة للفتاة وممكن يكون الصديق او الحبيب نفسه سىء ومش كويس ويسبب ضياع الفتاة
هل تؤيديني بأن الحوار بين الفتاه وامها يكاد يكون مفقودً؟
بصى يا لىلى مش حعمم الكلام على الكل فعلا فى فتيات علاقتهم بالنوم اكل وشرب ونوم وخلاص كده ولكن فى فتيات اخرى قريبة من ماماتها وبتحكى لها وتاخد رايها ولازم تكون الام عاقلة وتفهم كلام ابنتها وتقربها ليها لانها الوحيدة فى العالم ده اللى حتخاف عليها من اى مكروه ممكن يؤذيها وتنصحها وتوعيها
9)ماهو الاسلوب الامثل لتعامل مع الفتاه ؟
بصراحة انا مش فاهمة السؤال ده قوى يعنى الكلام مقصود بين الاهل والفتاة ولا بين الشاب والفتاة
وعلى اى حال التفاهم والهدوء فى المعاملة والنقاش بهدوء اكيد له ايجابيات اكتر
10)ماهوسبب اتجاه الفتاه لي مشاهده التلفاز والجلوس طويلا على النت . هل ياترى هذه الوسائل خففت من حده الفراغ العاطفي
والفراغ ؟
اه طبعا التلفزيون ببرامجه واغانية وافلامة سواء عربى او اجنبى مسلى جدا والنت مسلى اكتر لانك بتتعرف على ناس جديدة وبتكلمهم ويكلموك طبعا بيضيع وقت الفراغ وكمان التلية على النت من قراءة الصحف او الالعاب بتضيع الوقت جامد

11)برأيك لماذا اتجهت الفتاه لمشاهدت الافلام الرمانسيه بشكل لافت ؟
لانها بكل بساطة تفتقد للرومانسية فى الواقع فتبدأ تبحث عنها فى اى مكان آخر او تحلم بيها وتتمناها مع فارس فى الاحلام ايضا
شكرا لكى لىلى العسولة وتقبلى مرورى

موضوع جمسل جدا
ونرجو المزيد

مرسيى يا اسماء على المرور بس ياريت تدخلى تانى وتجاوبى على الاسئله