نفسي مصر تكون جميلة

موضوعك جميل قوى طنبولى
وعندك حق فى كلامك وكل كلمة انت قولتها ونتمنى فعلا ان نبدء بانفسنا وباولادنا لان هى دى البداية الصحيحة فالفرد كيان من المجتمع ولكن بالنسبة للتقدم وان فى دول متقدمة عنا كثير مش لانهم افضل من المصريين ولا حاجة ولكن لان نسبة الغش والسرقة كتيرة قوى فى بلادنا مفيش رقابة ولا حد بيحاسب حد واللى عاوز يعمل حاجة بيعملها ومفيش رقيب ،حتى القوانين والعدالة بيتلعب فيها
تلاقى واحد قاتل ولا سارق ولا مغتصب وواخد حكم سنة او براءة او القضية تفضل تتاجل بالسنين وغيره وغيره والرشاوى فى حاجات كتير قوى عاوزة تتغير فى الاخلاقيات
وعموما الواحد متفاؤل برده ولا ننسى قول رسولنا الحبيب " الخير فى وفى امتى ليوم الدين " شكرا طنبولى وتقبل مرورى

ضي القمر
شكرا لمرورك الكريم وفعلا الغش والرسرقة والتحايل كتير اوي وموجودين لدرجة انك دلوقتي ماينفعشي تعملي اي حاجة الا من غير ماتدفعي لدة ولدة وتفضلي تدفعي كدة لغاية ماتخلصي المصلحة اللي انتي عايزاها
على كل لابد من التفاؤل زي مانتي قولتي
شكرا ليكي

بجد مصر جميلة أوووووي والناس اللي فيها طيبين وحبوبين ، بس هي ظروف الحياة خلتهم مش يهتموا ببلدهم كفاية


لو كل واحد فكر بجد انويخلي بلدو جميلة هتبقى روعة مش بس جميلة

ونتمنى مصر تبقى جميلة أووووووي ، والامل موجود

يسلمووووو تانبولي على الموضوع

تحياتي

عاشقة النيل
شكرا لتفاعلك مع الموضوع واكيد ان شعبنا شعب طيب وظروف الحياة ملغبطانا معاها بس لازم نحاول ولازم نفوق
شكرا ليك ي

الف شكر
طنبولي للموضوع الجميل

وفعلا انت عندك حق انا بردة سافرت دول عربية ولاقيت فيها تقدم ورقي جميل جدا
بس احنا نرجع ونقول المجتمع المصري انا بلاحظ انة بيفضل يقعد يحكي عن الماضي والحضارة وخلاص واول اما يجي الكلام عن مصر اللي موجودة دلوقتي تلاقية غير الموضوع وطبعا كل واحد يقولك الحكومة بس انا مش شايفة كدة
العيب فينا احنا فعلا
الناس اللي في المصالح الحكومية اللي مش بيشتغلوا اصلا تدخل تتعامل معاهم تلاقي النظرة القرفانة اللي تعتيلي وشهم ويعاملك كانك زبالة جاية ويقعدوا يتامروا ويرجعوا ويقولوا الحكومة
طب ماهو احسن لنا اننا نصلح نفسنا الاول ولو كل واحد عمل شغلة صح وفي الوقت الصح وكل واحد تعامل علي مايرضي الله سبحانة وتعالي بجد هنقدر علي الاقل نلاقي بلد فيها يمكن فقر ونسبة تلوث لكن علي الاقل اخلاق وممكن من هنا نقدر نبني تاني
وفعلا احنا محتاجين كدة اننا نقدر نقول انا هتغير ومش مشكلة اللي حوليا طالما كدة صح ولو عاملت الناس كويس بس ولو شوية لازم هتتقابل المعاملة ولو مش بالمثل لكن حتي قريبة وبكدة نقدر نخلي مصر بلد محترمة بدل اللي هي فية دة والحال المايل اللي مخلي الشباب كلهم عايز يهج ويسيب البلد دية

وكفاية بقي شعارات عن مصر الفرعونية
ونتكلم شوية ازاي نقدر نخلي مصر دية كويسة

الف شكر طنبولي
تقبل مروري

بينك
شكرا لمرورك الكريم ودة فعلا اللي بتطلبة ان الناس كلها تغي رمن نفسها وكل واحد يغير من نفسة واكيد لو كل واحد غير من نفسة يبقى كل الناس هتتغير والله يا يابينك انا بجد بزعل اوي لما اشوف التعامل في البلد اللي بحكيلك عليها والتعامل اللي بنشوفة في مصر
يارب مصر ترجع تاني زي الاول
شكرا ليكي بينك

مصر بلد جميلة جدااااااااا ومصر بلد الامن والامان وشعبها طيب جدااااااا لكن علشان نصلح البلد لازم نصلح نفسينا نعمل حاجة ليه يعنى لم بيكون فى متش كورة ونكسب بنبقى فرحنين جدا لان رفعنا مصر فوق وكل الدول بتهنينه لازم نغير من نفسيناااا ولكن مصر حتفضل اجمل بلد وكفاية انا تاريخها يشهد له وشكرا على الموضوع

دنيا الاحزان
شكرا لمرورك اكيد مصر بلد جميلة وحلوة وبردة التاريخ يشهد على ذلك ولكن انا عايز اتكلم عن النهاردة وهل بعد كدة التاريخ هيقول مصر بلد جميلة ولا لا نفسنا نخلي مصر حلوة النهاردة عشان بكرة التاريخ يقول مصر بلد جميلة بلاش نعتمد اعتماد كلي وجزئي عن الماضي ونخلينا في النهاردة والللي جاي
شكرا ليكي

جميل موضوعك طنبولىفعلا مصر جميله بناسها الطيبين جميله بينلها الصافى جميله بجوها المعتدل جميله بتاريخها المشرف جميله بحضرتها ولكن يا خساره كلها سرقه ونصب وعداوه وده يرجع للحكام الظلمه لو فى ضمير هتكون مصر اجمل بلاد العالم كفايه انها ذكرت فى القران الكريم فعلا احلا البلاد بلدى وانشاء الله هتنضف من النصب والاغتصاب والبشع الى فيهاااااااا لما الحكام يتغيروا وانت فاهمنى يا طنبولى انا عن نفسى سافرت بلاد عربيه وشوفت النظام الى فيها طبعا غير هنا خالص هنا تدفع تخلص تعرف حد تخلص وبعد كده يقولولك فوت علينا بكره يا سيد ههههههههههههههههه انشاء الله ولادنا هما الى هيخلوها اجمل واجمل تقبلى موضوعى طنبولى وانا احيك على هذا الموضوع وسامحنى والله لسه شايفاهم انهرده تقبل مورورى

شكرا جد ليكي يا كرمالك وشكرا على كلامك الجميل وانتي عندك حق هقول اية اذ كان رب البيت بالدف ضارب فشيمة اهل البيت كلهم الرقص
وزادنى شرف انك مريتي على الموضوع
شكرا ليكي

شكرا ليك يا طنبولى مصر معروفة بنساها الطيبين والفلاحين والغالبة وطيبتهم والحب الزايد للناس
وشكرررررررررررا ليك يا طنبولى