لا لا لا انا لازم...., والنبي ينفع كده؟؟

شكرا ليك كتير ع الموضوع المهم ده
دلوقتى المفروض كلا من الزوجين يعرف معنى الحياة الزوجية صح ..وكل واحد يعرف حقوقه وواجباته وايه اللى عليه وايه اللى ليه،شىء طبيعى ان هذه الايام ومع ضغوط الحياة المستمرة ان الرجل اللى هو الزوج يكون عصبى لاى سبب ما فى شغله او ضائقة مالية او كثرة المصاريف وغلاء المعيشة والمفروض ان الزوجة هى السكن والمودة والرحمة انها تمتص كل هذا الغضب وتكون مصدر الراحة والسكينة بالنسبة له ولكن المشكلة بصراحة ان البنات والشباب هذه الايام مش فاهمين الحياة الزوجيه صح فتجد الفتاة مدلعة شوية ومعندهاش قوة تحمل ولا تصبر وكل حاجة جرى على بيت ماما وبابا وللأسف الاهل كمان بيزودوا المشكلة اكتر والشاب فاهم برده الحياة الزوجية غلط فاهم انه خلاص تزوج من الفتاة وله الحق فى كل حاجة زعيق ولازم تطيع اوامرة زى سى السيد بالضبط يعنى برده هو كمان يراعى انه بيتعامل مع انسانه لها مشاعر واحاسيس وحتى لو انفعل شوية ممكن بعد كده يراضيها ويقولها انه كان مضايق او تعبان او يحكى لها عما بداخله والمفروض ان الاتنين بيكونوا سر بعض والمشكلة كل ما يتدخل فيها اطراف خارجية بتكبر وتتعقد اكتر ولكن لو بينهم هما الاتنين بيكون افضل وتتحل اسرع
ربنا يهدى الجميع ويوفق الجميع باذن الله

*هل انتوا شايفين ان في اي مبرر يخلي الواحده تسيب بيت جوزها؟؟؟؟؟؟
اذا تعرضت للاهانة او الضرب لازم يكون فى رد فعل واجراء لمنع حدوث مثل هذا التصرف مرة تانية

*بالنسبه للبنات هو انتوا ممكن تفكروا تغضبوا وتسيبوا بيتكوا-لاقدر الله- لاي سبب؟؟؟
انا بصراحة عمرى ما افكر فى حاجة زى كده وان شاء الله ربنا يقدرنى
شكرا ليك هتسبنى بجد على الموضوع الجميل

شكرا على الموضوع حتسبنى
اهل انتوا شايفين ان في اي مبرر يخلي الواحده تسيب بيت جوزها؟؟؟؟؟؟
لا طبعنا انا رئى ان هى مهما هو عمل مش تسيب البيت لان دة غلط جدا وبعدين لازم تستحمله

بالنسبه للبنات هو انتوا ممكن تفكروا تغضبوا وتسيبوا بيتكوا-لاقدر الله- لاي سبب؟؟؟

انا بنسبة ليه لا طبعنا مهما حصل مش هسيب البيت لو هو عاوز يمشى يمش
وبالنسبه للشباب هتعمل ايه لو لقيت اختك-لاقدر الله- جايلكوا غضبانه بشنطه هدومها؟؟

مش عارفة وبرضو هتعمل ايه لو كل شويه مراتك تروح غضبانه وسايبه البيت وتروح عند اهلها؟؟
المفروض هو يفهمها ويقولة ان هو بيكون عصيبى ويحاول يرضيها ويفهمها برحة ويقنعها

يوجد بيت يخلو من المشاكل وليس هناك زوج لايغضب ولايثور لكن المراة الذكية هى التى تعرف كيف تتصرف لتمتص غضب زوجها بهدوء وحب ولا تلح عليه بالسؤال عما به من ضيق الا اذا صرح هو بذلك. ولا
تفكر ان الحب بينهما قد فتر .. فغضب الزوج ليس دليلا على نهاية الحب,,,
والمحافظة على استمرارية هذا الحب يتوقف على مقدار التفاهم والاحترام المتبادل بين الزوجين,,, وعلى مقدار حسن تصرف الزوجة وفطنتها وذكائها..... كيف تتصرفين لحظة غضب زوجك فى بعض المواقف؟؟؟؟؟؟::::
1- عندما ترين زوجك غاضبا او متضايقا حاولى ان تمتصى غضبه ولا تستقبليه بالشكوى من الاطفال وهموم البيت او حتى من قسوة البرد ولو على سبيل المزاح.

الحمد الله احنا بخير ويارب انت كمان تكون بخير
*هل انتوا شايفين ان في اي مبرر يخلي الواحده تسيب بيت جوزها؟؟؟؟؟؟
ماينفعش الزووجة تسيب بيتها لمجرد اى سبب مشكلة او اختلاف بينها وبين جوزها
ممكن تعمل كدة فى حالة واحدة لو كان بيهينها او بيحملها فوووق طاقتها
*وبالنسبه للشباب هتعمل ايه لو لقيت اختك-لاقدر الله- جايلكوا غضبانه بشنطه هدومها؟؟
لو السبب كان اختلاف عادى او مشكلة بسيطة هحاول افهمها انها غلط تعمل كدة عشان تحافظ على جوزها وبيتها ولازم تمتص غضبوو فى وقت نرفزتوو وثورانه واحاول انى اصلح الامووور بينهم بالتفاهم
وبرضو هتعمل ايه لو كل شويه مراتك تروح غضبانه وسايبه البيت وتروح عند اهلها؟؟
لو عملت كدة مرة او اتنين هحاول ارجع اصالحها وافهمها ان اى زوجين معرضين للخلاف فى اى حاجة
ومش اى حاجة تسيب البيت
ولو مافيش فايدة وبردوو اتكررت مش هعمل حاجة هسيبها لغاية ما هى اللى ترجع
اكيد البعد هيكوون ليه نهاية واكيد هتكوون عرفت ان مش الحل انها تسيب البيت وهتراجع نفسها بعد كدة الف مرة قبل ما تعمل كدة
وشكرا على موضوووعك وعلى سؤالك علينا وتقبل مرووورى

مشكووووووووووووووووووووووووووووووورة

شكرا اوى على موضوعك يا ميدو الموضوع بصراحة بيحصل كل يوم وبنشوفة فى التلفزيون انا من راىء الزوجة ملهاش غير بيت جوزها
ممكن تسيبلة البيت وتروح عند اهلها فى حالة واحدة اذا اهنها او مد ايدة عليها او خانها فى الحالة دية ليها الحق انها تسيب البيت
كلامى صح ولا لا يارب يكون راىء عجبكوا وشكراليك ياميدو

هاي
انا شايفة ان المفروض البنت عمرها ما تسيب بيتها مهما كانت الظروف
والمفروض كمان انها تستحمل جوزها علشان هو اكيد عيله ضغوط ومسئولايات كتيرة
وغصب عنه انه يزعق
هي بقا بدرها كزوجة انها تهدي وتسكت علشان الحوار ما يزدش اكتر حدة
ومش لازم تروح عند بيت اهلها وهو لو كويس هيصون ده
وعمره ما هيقول انها مش بنت اصل او انها مثلا مش بتحس انها كل ما هو بيزعق هي تسكت ده كده هيشلها في عينه