عاوز رائيكم يا جماعة ضرورى؟

السلام عليكم

يا جماعة انا عاوز رد بكل صراحة وبكل صدق فى الموضوع دة ومش عاوز اى تريقة لانة موضوع يهمنى بجد

اية رائيكم فى واحد عاش طول حياتة متعرفش على بنت واحدة وكان قلبة زى القصر المهجور وعرشة لم تتربع علية اى ملكة دة من وجهة نظرة وكانت حياتة كلها معا اصحابة واسرتة واقاربة وشغلة

كان لا يعرف معنى الحب او حتى صداقة بين الولد والبنت فى حين ان اصدقائة كلهم بلا استثناء كانو على علاقة ببعض البنات

لدرجة انهم كانوا بيتريقوا عليةاو يستهزؤا بية لانة لحد دلوقتى لسة متعرفش على اى بنت وكأنة ارتكب جريمة او عمل معصية

عاوز رائيكم يا احلى اصحاب فى الموضوع دة

والله يا محمود انا شايف ان الشخص دة متميز الصراحة وبجد يستحق ان نمنحة شهادة تقدير الشباب مفكر انه طالما الانسان ماحبش او اتكلم مع بنت يبقى الراجل دة لسة في عصر الظلمات بالعكس والله يا محمود الصح فعلا هوة اللي بيعمله ممكن نحط سؤال بردة هل لو حد له اخوات بنات هل يرضى انه يشوف اخته مثلا بتكلم ولد وكدة ولا اية ؟ يا جماعة احنا اللي بعدنا عن اصولنا وعادتنا وتقاليدنا واللي من قبلهم كلهم احنا بعدنا عن الدين اللي بيأمرنا اننا لانصاحب بنات ولا البنات تصاحب ولاد والله اعتقد كمان ا الشخص دة يمكن بنات كتير تتمنى ترتبط بشخص مثله على الاقل مش هيكون عرف مليون بنت قبلها ولا له علاقات
على كل
لو فكرنا في الموضوع بعقلانية ونظرنا الية من الناحية الدينية هتلاقي ان الشخص دة بجد متميز
شكرا ليك يا محمود

الاول
شكرا محمود علي الموضوع

بس انا عايزة اقولك ان اللي غلاطانين هما اصدقائة في انهم يتريقوا علية
العلاقة بين الولد والبنت لازم تكون بحدود
ولكن انا مش معاة في حاجة احنا دلوقتي في مجتمع مفتوح والمفروض يكون لية علاقة مع البنات ولكن بحدود وهو دا الصح
ان يكون في قواعد تحدد العلاقة بينهم لكن الانغلاق التام دة مش صح اوي
لانة كدة مش هيعرف يتعامل ازاي مع الجنس الاخر
دا من حيث الصداقة بين الولد والبنت

لكن من حيث الحب
مافيش مشكلة وماهوش غلط انة محبش
المشكلة دلوقتي اننا خلينا الحب شئ اساسي في حياتنا فبقي الشخص اللي ماحبش وماتحبش غريب وكانة من الفضاء
في حين ان الحب دا شئ المفروض لية كيان عالي والمفروض البني ادم يتنظرة مش يجري علية

لذلك انا راي انة بني ادم محترم ومافهوش اي عيب اطلاقا
بس تعليقي علية صغير وهو انة يكون في زمالة بينة وبين البنات لان دا بقي واقع حياة
وطالما العلاقة بحدود وفي اطار محترم يبقي مافيهاش مشكلة

الف شكر محمود علي الموضوع

شكرا محمود على موضوعك الجميل
واقولك انى بحترم الانسان ده جدا جدا وده فعلا انسان نقى وله قلب من دهب
كان لا يعرف معنى الحب او حتى صداقة بين الولد والبنت فى حين ان اصدقائة كلهم بلا استثناء كانو على علاقة ببعض البنات

الحب واكيد هنا المقصود حب العاطفة محدش بيدور عليه هو اكيد حيحس به لوحده لما يحس به فعلا تجاه فتاة تحبه ويحبها وبالنسبة للصداقة فكل حاجة فى حدود الادب والاحترام ومراعاة دينا واخلاقنا وعاداتنا يبقى مفيش مشكلة انه يتكلم مع زميلته فى الجامعة او احد جيرانه او اقاربه وعلى فكرة علاقة الشباب بالبنات والتباهى بهذه العلاقات مش كل البنات بتعجب وتنبهر بهذه الشخصية لانها احيانا بتكون شخصية سطحية ومش سوية وعموما ما علينا انا شايفة ان هذا الشاب ممتاز جدا وربنا يحفظه ويحميه ويوفقه فى حياته وفى عمله ويكرمه ان شاء الله
شكرا ليك محمود وتقبل مرورى

اولا انا بشكرك على الموضوع الجميل دة
بس يا شاعر انا حسه بالانسان دة اوى لانه انا كمان كدة بس يمكن طبيعة الولد مختلفة عن طبيعة البنت
الحقيقة الحب اى انسان بيتمنى انه يحب وفعلا زى ما اخواتنا قالو انه بيدور على حب العاطفة
انا بيتهىء لى انه هو كدة احسن بكتير من انه يكون زى اصحابه لانه ممكن يتجرح ودة يأثر فيه يبقى كدة احسن
كمان بيتهىء لى ان دينا وأخلاقنا ميسمحولناش انه يكون فى علاقة بين اى ولد وبنت (ولا متخذات اخدان) واكيد ربنا هيكافئه بزوجة تعطى له كل الحب والعاطفة اللى هو بيدور عليهم دلوقت ودى حاجة الانسان دة يستاهل مننا كل تقدير واحترام واكيد مكانته عند ربنا اكتر بكتير

موضوع كثير رائع بس أنا شايف انه هذا الموضوع بيرجع لقناعة الشخص نفسه سواء كان ولد اوبنت
ومن وجهة نظري الشخصية انه يكون علاقة بين الشاب والفتاه
هذا شيء طبيعي جدا ولكن في حدود المعقول ويجب ان تكون مبنية على الاحترام واسس متفق عليها
بطرقة محترمة جدا وهذا الانسان الذي لا يحب العمل على علاقة بينه وبين اي فتاة هذا انسان طبيعي جدا
ويوجد الكثير من هذا الفصيل وبالنهاية تعود لقناعات الانسان نفسة
مشكور عزيزي على الموضوع

مشكوووووووووووووورين يا احلى اصحاب على مروركم وعلى رائيكم الجميل

الف شكر يا اسماعيل على مرورك تسلم ايدك يا غالى kjh

الف شكر يا بينك على مرورك وردك الجميل وربنا يوفئكك فى امتحاناتك بأذن الله bnn

الف شكر يا ضى القمر على مرورك اللى اسعدنى وشرفنى bnn

توتا الف شكر على مرورك وردك الجميل ودة شىء يسعدنى ان الموضوع نال اعجابك bnn

المجد الف شكر يا غالى على مرورك وردك الجميل نورت الموضوع ونورت المنتدى يا غالى bnn

تقبلوا فائق احترامى وتقديرى

,mn

مش شطارة ان الواحد يعرف بنات ويفتكر نفسوو انوو عمل اللى محدش عملوو
فى ناس كتير محترمة ومش بيكون جاتلها فرصة ان يكون ليها علاقة ببنت
ودى مش حاجة وحشة بالعكس دة كدة يبقى انسان محترم لدرجة انوو محاولش يعرف او حاول وفشل ومصممش انو يعرف ودة يدل على انه واحد عنده كبرياء
انا واحد من الناس مش بعرف اعاكس بنات ولا حتى لو وقعت فى موقف مع واحدة انى اطوول فى الكلام معاها ومش بقوول كدة قصدى انى مؤدب او محترم بس مش بحب حد يفتكر انى رامى نفسى او حد يرمى كلمة ملهاش لزمة
وممكن شوية كبرياء ودة غصب عنى وتقريبا عيب فى بعض الولاد وسعات اسمع من ناس ان بيتقال عليا تنك
مع انى مش كدة
ويارب مكونش طوولت عليك ومش تاخد على كلام حد وتقبل مرووورى

مشكوووووووووووووور اوى يا كريم على مرورك الجميل

واحب اقول حاجة مفيش شاب مش بيفكر فى البنات لان دى سنة الحياة بس بيبقى فى فرق يعنى ممكن نقول بيخاف احسن حد يحرجة او مش بيحب ان حد يبصلة على انة انسان مش محترم او بتبقى موضوع خجل بس من البنات وانا من رائى ان اللى فية الصفات دى اكيد الناس كلها بتحترمة واليوم اللى هيفكر يحب فية هيحب بجد

والف شكر على مرورك يا غالى وعلى رائيك الجميل

نورت الموضوع يا غالى

انا كمان انضم لرائيكم وبحترم بجد الانسان ده اوى
مش شطاره ولا بيستافد اى حاجه الشاب الى بيبقى على علاقه ببنات كتير بالعكس ممكن يقابل بنت تخليه يشك فى بنات كتير يقابلها بعد كده وده بيبقى مثلا انه عرف بنات كتير ومش كده وبس لا كمان بيبقى استهلك كل مشاعره وعواطفه وحبه مع بنات ممكن فى الاخر وده الى بيحصل فعلا ميرتبطش بيهم رسمى ولما يجى يحب تانى او يرتبط باانسانه يتجوزها مش بيحس انه فى تغير كبير فى حياته
اما بقى انسان زى ده اكيد مسيره هيلاقى الحب الحقيقى انا مش بقول انه يقفل على نفسه لان المجمتع والظروف هتجبره انه يتعامل مع البنات بس اكيد بكل ادب واحترام لانه مش هيعيش فى المجتمع لوحده
بجد انا رايه ان الانسان ده يبقى دايما فخور بنفسه اوى وانه ادى اهتمامه بشغله لا الشغل هو الى هيوصله لكل الى هو عاوزه للحب وللارتباط فلازم يبقى فخور بنفسه اوى ويستاهل الاحترام والتقدير
مرسيى لييك الشاعر الحزين وتقبل مرورى

مشكوووووووووووووووووورة اوى يا لى لى على مرورك الجميل

اسعدتينى وشرفتينى ونورتى الموضوع

تسلم ايدك

تقبلى فائق احترامى وتقديرى

bnn

شكرررررررررا على اهتمامك يا شاعر

والله ياحودة دى حاجة مش وحشة اوى ياعنى لدرج ان الاصحاب يتريقوا علية
دة يبقى شخص نادر من نوعة وحاجة حلوة مش عند اى حد
وهتبقى حاجة حلوة عندما تاتى بنت الحلال الى قلب يملها وهتبقى هى اول واحدة تفوز بحبة وقلبة وعشان كدة دى حاجة جميلة جدا
وشكرا لمواضيعك الجميلة