ماذا تفعل عندما ياخذ منك الله اعز الحبايب

السلام عليكم

اولا اهلا ومرحبا بيك معنا فى المنتدى

ثانيا طبعا دة قدر الله وقدر الله وما شاء فعل
انت لازم تعتقد بل وتؤمن اننا ارواح ليس ملكنا فكلنا مملكون لله عز وجل ولما ربنا ياخذ منا اعز ما لنا ليس لنا الا ان نقول انا لله وانا اليه راجعون
ولازم يكون ايمانك بربنا اكبرمن كدة
وطبعا فقدان الاب وهو الوالد والراعى وكل شىء فى حياتنا بنفقد كل احساسنا بالامان

وزى ما بيقولو
الاب امان والام حنان
فلما بنفقد الاب بنفقد الامان واما نفقد الام بنفقد الحنان

لكن يا اخى يجب عليك ان تتماسك وتكون اقوى من كدة

كمان بعد فقدان الاب هتحصل معاك مواقف تحس انه لو والدك كان موجود الموقف دة مكنش هيحصل او هتكون حاسس ان محتاجه له جدا اكتر من ما كان عايش
المفروض عليك انك تحاول تحسس نفسك انه المواقف دى عادى وانها بتحصل مع كل الناس
وكمان حاول تحسس نفسك انه والدك لسه متوفاش
يعنى الحاجات اللى كان بيتضايق منها متعملهاش والحاجات اللى بتبسطه اعملها
واما تغلط روح له واعتذر له زى ما يكون لسه عايش واكتر
وصدقنى هتحس بفرق كبير
يعنى بالبلدى متحسسشى نفسك انه والدك اتوفى
حاول تفكر زيه حاول تفتكر له مواقف واستنبط منها ايه اللى ممكن تعمله فى حياتك
وصدقنى بجد هتلاقى نفسك قادر تتغلب على كل مشاكلك
وهتلاقى والدك هتحس انه جنبك اما تغلط هيعاتبك واما تعمل حاجة تبسطه هتلاقيه جنبك بيشجعك بيطبطب عليك ويقولك يلا كمل استمر
صدقنى هتحس بيه

وربنا يرحم امواتنا جميعا
معى يا اخواتى واخوانى نقرأ الفاتحة على ارواح ابأئنا وارواح المسلمين جميعا
البقاء لله