مصر التى لا نستحقها ؟؟؟؟!!!!!

هذه المقالة قراتها فى جريدة الاخبار وحبيت انقلها لكم شباب وبنات واعرف رايكم......

كثيرا ما نتكلم عن مصر بفخر واعتزاز فنقول انها ام الدنيا وكنانه الله فى أرضه ..ونتغنى بإسهاماتها الحضارية وفضلها على العالمين وبأنها أول نور فى الدنيا شق ظلام الليل ...ولكننا قليلا ما نتوقف لنسأل هل مصر بلد عظيم فعلا؟؟؟؟وهل الصورة التى نحاول اقناع انفسنا قبل الآخرين بها لها اساس على ارض الواقع فى وقتنا الحاضر ان انها صورة متحفية تنتمى الى الماضى الغابر ؟؟!!!

الحقائق والمعطيات الجغرافية والتاريخية الثابتة والمجردةتقول ..نعم مصر بلد فريد فى مكانه تاريخه..بلد وهبه لنا النيل العظيم الذى انبثق من قلب القارة السمراء وشق طريقه الى الشمال عبر الصحراء ليكون واديه الخصيب الذى شهد قيام أعرق حضارة على وجه الارض..وبين جنبات هذا الوادى نشأت أقدم زراعة وأعظم صناعة وأل ديانة توحيد ثم جاءت المسيحية حيث منحت هذه الارضالبشرية فكرة الرهبنة بعد ان إحتضنت العائلة المقدسة فى دير المحرق فى القوصية بأسيوطحيث بارك السيد المسيح وهو طفل أول كنيسة عرفها العالم ...

وعندما جاء الاسلام حفظ لمصر مكانتها المقدسة فذكر اسمها فى القران الكريم اكثر من مرة وقال ادخلوها بسلام آمنين وإعترف لها نبى الاسلام بأن فيها خير اجناد الأرض ..وكان فتحها عزة وقوة للدين الجديد الذى إنطلق منها الى اواسط اوروبا ومجاهل افريقيا..

ومن تربة مصر استنبت امهر المزارعين منذ فجر التاريخ احلى واجمل ما عرف البشر من الفواكه والخضر والذى اذا تذوقته فى اى مكان من اركان الدنيا الاربعة ستعرف على الفور انه من نبت تربة مصر!!!!

واصدق مثال على ذلك البطيخ والمانج والبرتقال والبلح الزغلول والمشمش والرمان والعنب البناتى..فهذه المنتجات بالذات عندما يتذوقها اى اجنبى يعترف على الفور بانه لم يذق مثلها من قبل..ولدى رصيد غنى من شهادات الاجانب على تفرد مصر فى هذا المجال..ولكنهم دائما ما يختمون هذه الشهادات بسؤال استنكارى كيف تكون لبلادكم كل هذه المميزات الفريدة ولا تحافظون عليها بل تتركونها نهبا للتخلف والتدهور والاهمال ؟؟؟؟واحيانا يستطردون كيف تكون لبلادكم مثلا كل هذه الشواطىء والسواحل والبحيرات الطبيعية والصناعية ولا يكون السمك طبقا شعبيا رخيصا على موائدكم ناهيكم عن تصديره ليدر عليكم ملايين الدولارات من العملة الصعبة؟؟؟!!!!!!

ودائما تعيدنى هذه الاسئلة الحارقة والمحرجة الى واقعنا الاليم فاتساءل بدورى ماذا حدث لمصر والمصريين ..وكيف سمحنا لثالوت التخلف (الفقر والجهل والمرض) بالعودة بهذه القسوة........لماذا سكتنا عن خفافيش الظلام والفساد وهى تخرب القطاع العام وتبور الارض الزراعية وتزرعها بغابات الاسمنت المسلح و...... و......

هل نعيش فى بلد لا نستحقه!!!!!!!!!

انتظر الاجابة وبكل صراحة من الشباب والبنات .. ومن وجهة نظركم نعمل ايه لكى نستحق هذا البلد

اولا
الف شكر علي موضوع اكتر من رائع

شوفي ضي البلد هي الدولة اللي تديك فرصة وتساعدك علي النهوض بنفسك
مش اللي تثبط عزيمتك وتخليك محبط

نتكلم بقي عن مصر
زمان كانت من اعرق الدول كانت الحضارة الفرعونية وماتزال احد المعجزات بناء الاهرامات وفن التحنيط
دية امور اذهلت ولا تزال تذهل العالم

ولكنا مشكلتنا هنا اننا ماعملناش حاجة نحافظ بيها علي العراقة دية
يعني زمان اة مصر كانت عظيمة ولكن دلوقتي خلاص اصبحت من دول العالم التالت اللي عايشة علي المعونة
كانت سؤالك عملنا اية علشان نستحفها
اجابتي ولا اي حاجة
ومااقدرش احط كل الحمل علي الحكومة ونقول اصلي في ظلم وكوسة في البلد
لان البني ادم المفروض لا يكون امعة ولازم يكون لية راي ويتكلم بدال اما هو نايم واكال شارب كل اللي بيعملة يشتكي من قد اي الدنيا صعبة والدولة فيها فساد كتير ولكن لما تيجي بقي تقولية طيب هتعمل اية ردة يكون لالا انا اخاف ياعم خلينا عايشين جنب الحيط
جزء فعلا خوف من الحكومة
ولكن الاكبر ان جبان وكمان مش عايز يتحمل مسئولية
العيب مش في مصر العيب فينا احنا عايشين نقول الفراعنة والعراقة
في حين ان دلوقتي مصر اصبحت علي الهامش اصبحت مجرد جزء من ماضي كان موجود زمان
اسم لية رنة كانت زمان قوية لكن دلوقتي ولا اي حاجة
اللي بيعمل البلد اهلها وسكانها
واحنا اثبتنا بجدارة اننا مااستحقناش اوي بلدنا
لاننا بوظنا ولوثنها وكمان بخسنا بيها علي معظم المستويات وبنحملها العيب
نقول مصر دية وحشة دا مش حلوة في حين ان الارض ولا ليها دعوة المشكلة في البشر
مصر كارض فيها ثروات كتير
لكن كدولة فهي تعتبر من دول العلم التلت الل بيسود فيها التخلف
ولا ثقافة موجودة ولا تعليم نافع ولا حتي دين موجود بطريقة صح
سواء مسيحي او مسلم كلة بقي بايظ وكلة بيقلد الغرب
احنا بنقلدهم في لبسهم وكلامهم لكن طبعا مش في انهم رفعوا بلدهم اللي تعتبر ثرواتها اقل علشان تبقي سيدة علي العالم
دول ناس استحقوا بلدهم

احنا محتاجين اننا نشتغل ومش نقول التعليم وحش علشان الحكومة وحشة طيب اعمل اللي عليك وذاكر
الوظائف الحكومية وحشة لانها فيها روتين ماهو لو الموظفين يشتغلوا الدنيا تمشي اسرع
احنا بنعلق فشلنا كلة علي شماعة الحكومة اللي انا فعلا شايفة فيها مشاكل كبيرة لكن الفرد يبدا بنفسة
نطالب بتطبيق المبادئ الدينة من عدالة وامانة عمل
سواء الدين المسلم او المسيحي
نحاول نطبقهم عندنا والحياة هتبقي كويسة لو كل واحد بس قرر انة يعمل هنلاقي ان المصالح مشيت بسرعة
المدرسين بقول بيدرسوا عدل
الطلبة بيعلي مستواها
ويبقي عندنا شبابا يعملوا مستقبل افضل لدولة سميت بام الدنيا
علشان يمكن نقدر نرجعها تاني فيها ثقافة وعلم وقوة
ونبقي من الدول المسيطرة مش اللي عايشة علي المعونة

الف شكر ليكي ضي
وانا اسفة علي الاطالة
وتاني موضوع اكتر من رائع ومهم جدا

شكرا بينك الجميلة على ردك الجميل
حضرتك بتقولى
هتعمل اية ردة يكون لالا انا اخاف ياعم خلينا عايشين جنب الحيط
جزء فعلا خوف من الحكومة
ولكن الاكبر ان جبان وكمان مش عايز يتحمل مسئولية
انا لا انكر ان جزء كبير من الشعب سلبى ومن كتر السلبية بقت حاجة فى دمه حتى لا يغضب ولا يثور فى اصعب المواقف هل من كثرة الضغوط اللى بيتعرض لها؟؟ هل الجرى وراء لقمة العيش وغلاء المعيشة ومصاريف المدارس والدروس الخصوصية ؟؟خلت الناس مش لاحقة تفكر ولا تعمل حاجة ؟؟طيب والشباب سلبى ليه ؟؟فين حماس الشباب ويحاول يغير الدنيا وما فيها للأحسن
وانا معاكى فى النقطة دى
مصر كارض فيها ثروات كتير
لكن كدولة فهي تعتبر من دول العلم التلت الل بيسود فيها التخلف
ولا ثقافة موجودة ولا تعليم نافع
عارفة يا بينك اسال نفسى ليه اهملنا البحث العلمى والعلم والتعليم الى هذا الحد المخيف..كيف تركنا الامكانات والقدرات تتسرب من بين اصابعنا..مصر فيها عدد مهول من الابحاث والمخترعات مرميه فى الادراج طيب ليه ؟؟هل مفيش ميزانية خالص لهذه الدرجة ..طبعا لا ..يبقى ايه السبب ومين له مصلحة اننا دايما نفضل فى فقر وجهل وتخلف ؟؟؟؟
معاكى فى كل كلامك انى ابدء بنفسى كانسان وبعد كده كمجموعة افراد وبعد كده كبلد لازم اكون قوية من الداخل علشان ااقدر اهاجم اى عدوان خارجى ..بس متنسيش برده ي بينك ان ايد لوحدها لا تصقف يعنى المدرس يشتغل ويخلص فى عمله ويشرح بكل ضمير وفى الاخر مرتبه ضعيف يقوم يعمل ايه يضطر يعطى دروس خصوصية ويحمل على الاهالى والاهالى مطحونه برده يبقى مصلريف مدارس ودروس خصوصية ونرجع تانى لغلاء المعيشة والضمير يختفى والامانه تضيع طيب الاول نبدء بنفسنا ونخلص ونشوف النتيجة احاول اتفاؤل بان اللى جاى افضل واتمنى كده من كل قلبى ان تظل مصر المحروسة دائما عالية ومحروسة زى ما ربنا حماها من الكوارث الطبيعية اتمنى ان يحفظها من الاشرار

شكرا بينك على ردك الجميل
نورتينى

الحقيقة فعلا دة موضوع مهم جدا جدا

بلدنا حلوة وجميلة لكن احنا مش حاسين
انتى عارفى يا ضى اما تكونى موجودة فى بيت ومسئولة عنه والبيت مثلا مكون من عدة اشخاص هم الشعب واشخاص تانين يرؤسون الاشخاص الاولين
وجاء واحد حاربنا فاتحدنا علشان ننقذ بيتنا وجاء بعد كدة الصراع الاكبر وهو صراع النفس
وواحد طماع اخد ونهب من الشعب فالتانى لقاه الله دة محدش حاسبه فعمل زيه وواحد تالت شافهم وقال برده الله دة محدش حاسبهم وعمل زيهم ورابع وخامس لحد ما بقوا قوة
واما جاء حد وشافهم وفكر بس انه يبلغ عنهم نسفوه وبالتالى غيره خاف ومن نقطة لدحديرة ومن حفرة لخندق لقينا فجأة نفسنا محاطين بمصائب محتاجة تغير جزرى علشان نرجع زى زمان

وطلعو مثل

انت يا فقراء لما تشبعوا تتكلمو فى اللى ملكوش فيه والسياسة اللى مش من حقكم علشان كدة لازم تفضلوا جعانين

هقولك على حاجة بسيطة جدا مثلا موضوع السياحة الفنادق فى مصر بتكون للاجانب اقل من ما بتكون للمصرين ولما سألو وزير السياحة ايه دة
قال ان المصرين بيسافرو بس فى الصيف والمناسبات فمبندخلوش دخل كويس وعلشان يأخد منا دخل يناسبه غلى الاسعار
طب والاجانب الاجانب بقى بيجو مصر سياحة لمدة لا تقل عن شهر مثلا فبيدخلو له دخل اكبر
يعنى من الاخر الموضوع موضوع مصلحة كمان مش كل المصريين بيسافرو سياحة
ورد وقال عندهم الفنادق التانية الرخيصة مش لازم الفندق دة
هذا هو مسئول مصر عن السياحة

وطبعا الغلاء والفقر والجوع وقلة التعليم وتسريب الامتحانات اللى فى صف اولاد المسئولين والكوسة والخيار والفاقوس
والواسطة والتلوث فى كل حاجة الاكل والشرب والهواء وكمان ختموها بفرض ضريبة عقارية على المنازل اللى قاعدين فيها والبطالة والفساد والاختلاس والنصب والغش والرشوة
انتى بقى بتفكرى فى ايه علشان تحليه
ايه رأيك فى صرة مصر والشعب المصرى
عاوزة بعد كل دة المواطن يعمل ايه لازم يمشى جمب الحائط
والا هو عارف هو ممكن يروح فين
لكن مهما ان عملو احنا لسه بنحلم ببكرة احسن من انهاردة وهم مش هيعيشو على طول
واحنا بكرة واحنا كويسين وحلوين يبقى اكيد بكرة هيكون احسن من انهاردة
مش هقولك اكتر من اننا لو اتحدنا وحطينا ايدينا فى ايدين بعض هنقدر نعمل كتير جدا وهنتغير لاننا زهقنا من اللى احنا فيه ياريت انا اتمنى نكون احسن

مشكووووووووورة اوى يا ضى موضوع مهم وشيق
انا اسفة طولت عليكى
تقبلى مرورى

مشكورة جدا توتا الدسوقى على ردك الجميل
حضرتك فعلا قولتى حال البلد زى ما هو بالضبط ويمكن نضيف عليه حالات القتل والاغتصاب والجرائم وضياع القانون والاحكام
وزى ما قولتى تعالى نحلم ان بكرة جاى وحيكون احسن من النهاردة
عارفة يحضرنى حديث عن رسولنا الحبيب عليه افضل الصلاة والسلام يقول

ان الله لا يقبض العلم انتزاعا ينتزعه من قلوب العباد ولكن يقبض العلم بقبض العلماء "هذا الحديث يعد من جوامع كلام النبى (ص) ومن احكم وصاياه وتوجيهاته .ان الامم العاقلة الرشيدة هى التى تحافظ على علم السابقين وتنشره وتجدده بأمانه وحكمة وفطنة ويضيف اللاحقون الى علم السابقين ما هو مناسب ومقبول شرعا وعقلا .

ياريت كنا كملنا وحافظنا على تراثنا وحضاراتنا وتاريخنا

نحاول نتفاؤل وربنا رحمته واسعة واكيد الليل حينتهى ويطلع النهار من جديد بشمس التفاؤل والامل

شكرا توتا الدسوقى

نورتينى

وشكرااااااااااااااااا على اهتمامك