يا ترى مين الغلطان البنات و لا الولاد ؟!, خش وقول رايك

شكرا ميمو على الموضوع الجميل
وانا من وجهة نظرى ان الغلط على الاتنين
اولا بالنسبة للبنت وارجع اللوم على الرجل المسئول عن هذه البنت ..حيث ان كل بنت تخرج من بيت بهذه الملابس اللى ذكرتها فى الموضوع انا بعتبر ان هذا البيت لا يوجد به رجل بمعنى كلمة رجل مسئول عن اهل بيته "وكل راع مسئول عن رعيته" لازم يكون فى شدة وحزم من اهل البيت سواء كان اب أو اخ أو جد أو عم أو خال أو ام لازم متابعة الفتيات جدا فى ملابسهم ومشيتهم وطريقة كلامهم ..لازم يعرفوا دينهم صح ويعنى ايه كلمة حياء وخجل وعفة وطهارة ولازم يكون فى تربية صح ويعنى ايه كلمة عيب وغلط وميصحش ..يعنى الدين اولا والتربية
ثانيا وبالنسبة للأولاد اللى عملوا تصرف بشع زى ده وليس لهم اى مبرر غير ضعف فى الدين والايمان بالله والجرى الاعمى وراء شهوة حيوانية ..اين غض البصر؟؟ والخوف من الله سبحانه وتعالى ولهذه الدرجة شيطانهم اقوى منهم ...حسبى الله ونعم الوكيل

شكرا ميمو واتمنى الهداية للجميع

بشكرك اولا علي طرح هذا الموضوع

لانه فعلا مشكله مشكله حقيقيه موجوده اوي دلوقتي

انا شايفه ان الغلط يرجع علي الاتنين بس اللوم هيكون علي البنت اكتر

وعلي اهلهم لان اهلهم ازاي يسمحوا ان البنت تنزل من بيتها بالمنظر المستفز ده

علشان كده التربيه ليها دور مهم وبارز في تشكيل شخصيه البنت واختيارها للبسها

البنت اللي تلبس كده بتبقي مش محترمه نفسها ولا بيكون عندها حياء وخجل من منظرها المستفز والملفت ده

علشان كده بتلفت نظر الناس ليها وبتتعرض لمواقف بايخه

بعد كده بيبقي الغلط علي الولد انه ضعف ولغي عقله ومشي وراء هواه

لان ربنا سبحانه وتعالي قال غض البصر

ده معناه ان في حاجات كتير هتبهر عيونا وهتخلينا نرتكب معاصي علشان كده لازم نغض بصرنا

تقبل مروري

بص الغلط على الاتنين بس على البنت اكتر لان مفيش تربية صح فين الام وراها ايه غير تربية ولادها صح وتعرفيهم بالدين كويس جدا وتهتم بيهم فيه عذر لرجل ان هو فى الشغل بيتعب علشان يجيب لهم الفلوس علشان الاكل والمصاريف يبقى اذن
الغلط على الام
الام
الام
الام
الغط على الام فى الاول والاخر
ازاى تسمح ان بنتها تمشى فى الشارع كده
اصلا لما تمشى فى شارعها مكان ما هى سكانه والناس طبعا عارفينها هيقوله شايفين بنت الفلانه كذا لابسه ايه فين بقى التربية اهو الغلط رجع على مين
الام
وبردو لو كان فيه تربية وتدين مكنش حصل ده لكن لو لبسه محترم وكويس هيقوله شايفين بنت فلانه لبسه ازاى يا سلام على احترامها وادابها صح ولا لا
يبقى الغلط على الام
وبالنسبة للشباب فهو سبب قيلة التربية والتدين ايضا والضعف
وبعدين المفروض الشباب او البنات لما يشوفوا كده يقولوا ربنا يهديها وخلاص ده الفروض
ولكم جزيل الشكر وتقبل مرورى

تسلم ايديكي ميمو



و انا كمان رأيي زيكم كلكم إن الحق على الولاد و البنات


يعني في الآخر الحق على التربيه يعني على المجتمع على الأهل إللي بيميزوا بين الولاد و البنات في التربيه


.................... الولاد مسمحلوهم كل حاجة و في نفس الوقت ممنوع عن البنات اي حاجة


بس لأسف دي أكبر غلطة بيغلطها مجتمعنا الشرقي لانها في الآخر بتنقلب عليه


لان الولاد دول بيشوفوا ان كل حاجة مسموحه ليهم و بنات الناس من ضمن الحاجات اللي مسموحه ليهم


مايعرفوش ان غيرهم من الشباب هيفكر بالطريقة اللي هو بيفكر فيها و بكده إخواته بالنسبه لغيره زي مابنات الناس بالنسبه ليه


عشان كده لازم يفكر كتير و يعرف ان كل تصرفاتنا محسوبه علينا و كلها سلف و دين


و بعدين بالنسبه للتحرش ........... ماظنش خالص هدوم البنات هي السبب الرئيسي في التحرش يمكن تكون سبب بس مش رئيسي


التحرش ده سببه الرئيسي مرض نفسي او شخصيه الانسان و تفكيره و تربيته


لان في كتير اطفال بيتعرضوا للتحرش وهم اطفال مش لابسين هدوم لاديقة ولا حاجة


و كمان لو كانت هدوم البنات هي السبب او طريقة لبسهم ................... إزاي اكبر نسب التحرش و الاغتصاب هي في اميركا



و الناس هناك احنا عارفين بيلبسوا ازاي



مش معنى كده اني بدافع عن البنات و اسلوبهم و في لبس الهدوم اللي مش بس يمكن تكون سبب في تعرضهم للتحرش


هي كمان بتحدد نظرة الناس ليهم و الانطباع الوحش اللي هياخدوه هنهم


و حكم الناس عليهم انهم مش كويسين بس لان دي طريقة لبسهم



عشان كده في مسؤليه كبيرة على الاهل يعرفوا ازاي يربوا اولادهم و خصوصا الولاد لازم يهتموا بيهم اكتر من البنات


و لازم تكون في حدود لحريتهم و يكون في مسموحات و ممنوعات مش كل حاجة مسموحة


و أكيد و قبل اي حاجة لازم كل شب و كل بنت يقربوا من ربهم اكتر و يفكروا ان الانسان ده او الانسانه دي اخي او اختي في الانسانيه





تسلم ايديك ميمو على الموضوع المهم جدا

تسلم ايدك يا ميدو موضوعك اكتر من رائع والله

والحقيقة بقى العيب من الاتنين بس من البنات اكتر

انا بصراحة مش عارف اية اللبس بتاعهم دة طب ماشى لما هما لابسين كدة اهلهم فين اخواتهم فين ابوهم فين وازاى يرضى انا هوة يسيب بنتة كدة يا راجل دة الواحد بيشوف حاجات استغفر الله العظيم

طب تسدق بالله يا ميمو انا لما بشوف بنات لابسة كدة يعنى انا والله مش بهمنى منظر البنات ان ببقى كل تفكيرى ونظرى على الراجل اللى معاهم بس وبفرح اوى لما حد بيعاكسهم ببقى عاوز اشوف هوا هيعمل اية ولا احساسة هيكون اية سا عتها

والمشكلة بقى ان هوة بيكون فى منتهى البرود يا اخى وعادى عندة خالص ان هوة ماشى زى زى قلتة

اما بقى بالنسبة للشباب دة زنب عند ربنا كبير لما الواحد يشوف حاجة زى كدة ويبص عليهعا يبقى كدة بيرتكب معصية والواحد مش ناقص معاصى وزنوب كفايا اللى هوة فيها

وربنا يهدينا جميعا ويهدى بنات المسلمين باذن الله والحمد لله يعنى انا اليومين دول على قد ما بشوف بنات مسلمين لابسين ملابس مش كويسة بس الاغلبية بلاقيهم محترمين ولا بسين حاجة كدة اسمها اسدال خمار حاجة زى كدة معرفش اسمة اية بس المهم هوة دة احسن حاجة لان الواحد لما بيشوف بنت مسلمة لا بسة ملابس مش كويسة هوة من جواة بتضايق لان دى تعتبر اختى

وربنا يهدينا جميعا شباب وبنات

والف شكر لموضوع يا احمد بجد جميل ومفيد اوى

شكرا على الموضوع لكن انا رئى مختلف شوية عنكم

انا رئى ان العيب عند الشباب لان الشاب هو المتحكم بنفسة وبعدين ازاى ياعنى بنت علشا ن لبسها تتعرض لتحرش
طيب اقرب مثل امريكا والدول الاجنبية ليه نسبة التحرش قليه جدا عندهم ليه بقى مش بيقول العيب على البنت علشان لبسها
لاطبعنا انا بختلف الالبس دة حرية شخصية ملهوش دعوة هيه لبسه ايه ومشية ازاى هو ليه دعوة هو انسان ايه ياعنى اى وحدة لبسه لبس ملفت تغتصب ونجيب العيب عليه
لا العيب كله بيقع على الولد لانه لو ولد محترم مش هيمه مش عجبة لبسها مش يبصلها مش يمشى ورها ويتحرش بيها ونقول دة العيب على البنت علشان لبسه كدة
هى حيرة طالما اهلها موفقين على كدة هيه حرة بس لازم يكون فى حرية
انا طبعنا رئى مختلف

انا مش بنفى انا البنت غلطانه بس مش ينفع نقول علشان لبسه كدة نعمل كدة ونرتكب جريمة بشعه جدالا طبعنا
يجماعه لازم نعرف الى بيعمل كدة مش بيكون انسان لا بيكون وحش مفترس عاوز يرضى كل رغباته دون ميفكر فى الانسانه دية
بلاش نعلق سبب على سبب لا
لانه كان ممكن مش يبص عليه وينهى الموضوع مش يتحرش بيها ويقول هيه السبب لا
تقبل مرورى ورئى
وشكرا على الموضوع الجميل دة

مشكوره دنيا الاحزان علي المرور
بس ليه تعليك علي كلامك
انا عايزة افهم ازاي الولاد هو ال عليه كل الغلط
دا الغلط ال علي البنات يعتبر 70%
من الموضوع
يعني مش لو كانت هي لبسه لبس محترم مكنش حصل حاجه
؟
تقبلي تحيتي وفائق احترامي

معلشى ميمو انا بختلف معاك
ان الشاب هو اساس المشكلة مش البنت
واقرب مثل قولت انا الدول الاجنبيه فيها طريقة الابس غيرنا ومع ذلك نسبة التحرش والاغتصاب قليه جدا
وبعدين لو الشاب دة محترم مكنش بص وعلق ومش ورها وتحرش بيه
بص لاكتر جرائم التحرش هل العيب ان البنت علشان لبسها لا انا بختلف معاك برئى الشاب هو المتحكم بنفسه مش ينفع نقول انا عملت كدة علشان هى لبسها وحش واغرتنى البس دة حرة شخصية
وبعدين احنا هنرمى اسباب التحرش على البس يبقى كدة بنعلق سب على سبب
اسفة لو انا معارضة ليكم لكن دة رئى انا السبب الاساسى هو الشاب مش البنت علشان لبسها يبقى نضيع مستقبلها
لا طبعنا انا لو مش عاجبنى لبس البنت مش ابصلها وهيه حرة ليه اسرة وفقت انها تمشى كدة
لكن مش ينفع ان احنا نرتكب جريمة بشعه زى كدة ونقول هيه الغلطانه اسفة

بينك مشكوره التواصل معاي
انا هعلاق علي كلامك
ومع كل احترامي ليك
في بنات كتير محجبات وبتتعاكس
ومش هقولك انهم محجبات وخلاص لا ملتزمين باللبس الشرعي يعني لبس كويس ومش ملفت
لكن المعاكسة اصبحت امر لايقتصر علي اللي مش محجبين بس ولا حتي اللي لبسين لبس ملفت بس
ولو تعرف بنات محجبات ولبسهم كويس ابقي حاول تسال بيتعاكسوا ولالا
وهتشوف الردود
كلامك جميل
بس علي ما اعتقد ان لو البنات لبسه محترم ولبس شرعي طيب انا كا ولد هكعسها ليه
الولاد بيعكس في حاله واحده انها تكون لبسه لبس مش محترم وبذات كمان ممكن
تكون واحده محجبها وتكون لبسه لبس مش محترم
بس ال انا شايفه لو كان الكلام ده بيحصل انا مش هقولك انو لا مش بيحصل خلاص ممكن يحصل بس بنسبه صغير جدا

الشباب دلوقتي اصبحت المعاكسة هواية عند كتير منهم
والعيب مش عند البت
يعني اللي بيعاكس بيعاكس
واللي مش بيعاكس مش بيعاكس

وفي الموقف بتاعك الغلط علي الاتنين زي بعض
في في دماغ الولاد دول عقل
يشوفوا دا صح ولا غلط
كلامك صح فعلان في شباب دلوقتي المعاكسه هوايه
بس برددوه لو واحده لبس محترم مش هيعانا مش متربي
احتمال 1من 10 انو يعانا مش متربي

مشكوره علي المرور والتواصل معاي ومفيش زعلا وله حاجه
يارت انتي متزعليش
تقبلي تحيتي وفائق احترامي

مشكوره علي المرور
[b]sweet angel
بس ليه تعليك من الصعب ان بنات تكون لبسه محترم وتتعكش هيعانا مش متربي ليه وهي لبسه محترم [/b]
تقلبي تحيتي وفائق احترامي

مشكوره دنيا الاحزان علي التوصل معاي
ونتكلم برحه كده ومفيش زعلا وله حاجه كل واحد عنده رائي
معلشى ميمو انا بختلف معاك
ان الشاب هو اساس المشكلة مش البنت
واقرب مثل قولت انا الدول الاجنبيه فيها طريقة الابس غيرنا ومع ذلك نسبة التحرش والاغتصاب قليه جدا
وبعدين لو الشاب دة محترم مكنش بص وعلق ومش ورها وتحرش بيه
بص لاكتر جرائم التحرش هل العيب ان البنت علشان لبسها لا انا بختلف معاك برئى الشاب هو المتحكم بنفسه مش ينفع نقول انا عملت كدة علشان هى لبسها وحش واغرتنى البس دة حرة شخصية
وبعدين احنا هنرمى اسباب التحرش على البس يبقى كدة بنعلق سب على سبب
اسفة لو انا معارضة ليكم لكن دة رئى انا السبب الاساسى هو الشاب مش البنت علشان لبسها يبقى نضيع مستقبلها
لا طبعنا انا لو مش عاجبنى لبس البنت مش ابصلها وهيه حرة ليه اسرة وفقت انها تمشى كدة
لكن مش ينفع ان احنا نرتكب جريمة بشعه زى كدة ونقول هيه الغلطانه اسفة
انتي بتقولي دلوقتي في البلاد الاجنبيه احنا ملنش دعوة بالدول الاجنبيه احنا مجتمع شرقي يعن في قيم ومبداء لزام نمشي عليه كولن
انا مش هختلف معاكي ان في المشكله ديه الغلط علي الاتنين
حاجه تانيه انتي بتقولي اختلف معاك علي ان الشاب هو المتحكم
في نفسه
ويعني البنات اعتبر انها بتلبس لبس غير محترم ديه حريه شخصيه
طب علي اي اساس
تالت حاجه انا مش برمي سبب التحرش علي البنات لا طبعا
بس في مثل بصيت انا بنات محترمه ولبسي محترم ومحجبها
هل من المعقول ام الشاب هيتحرش بيها
بس الشاب ممكن يتحرش وبيحصل كتيير البنات ال لبسه مش محترم


تقبلي تحيتي وفائق احترامي وده رائي يارت متزعليش

شكر خاص

شكرا على ردك وانا بحترمة دة بس كل واحد ليه رئيه الخاص
وانا مش هعلق على الكلام بس انا مقتنعه برئى لان عمر البس مكان سبب جريمة بشكل لدة
اقرب مثل الطفلة الى لسه سنها صغير دية واغتصبت هل دية كان بص للبسها
والدكتور الى اغتصب مريضة علشان اعجب بجسدها
واكتر جرايم الاغتصاب كل دة هنقول علشان البس
لا ياجماعه السبب الرئسى المخدرات
ولو الشاب فى وعيه مكنش عمل كل دة لكن لاسف المخدراتاساس كل جريمة
لكن انا مصممه على رئيى فى الجريمة دية بذات لانه بيضيع مستقبل البنت نهائى وبيقضى على حياته وبجد جريمة بشعه مش ينفع نقول حاجة فيها
لان المخدرات بتحول الشاب لا وحش مفترس كل همة يرضى ذاته
تقبل رئى مع فائق احترامى لك