شوية نكت جامدة والله

واحد بيسال صاحبه هو ايه الفرق بين تجارة الحشيش وتجارة عين شمس ؟ قام صاحبه قال تجارة عين شمس 4 سنين انما تجارة الحشيش اقلها 25 سنة.

صعيدى مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه
جماعة محششين قاعدين في خيمة كانوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا شباب ألاقى عندكم كبريت قالوله استريح لسه باعتين واحد أول ما يرجع هانديلك .

واحدة اديت صاحبها بغبغان هدية.. ثاني يوم سألته عن البغبغان؟؟؟ قالها عادي طعمه زى طعم الفراخ.

واحد فقير مر من امام الجزار ونظر للحمة بتمعن ... وقال لها حتروحى النار

محشش شاف لافته مكتوب عليها مزرعة أبقار
سأل راعي المزرعة كيف تزرعون البقر؟؟
قاله الراعي باستعباط: نرش سكر ويطلع بقر
راح المحشش ثاني يوم ورش سكر
رجع ثاني يوم شاف النمل متجمعين
قال : يا حلاوة البقر وهم صغيرين

2- مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!

مدرس بيقول للتلاميذ اكتبوا ورايا ذهب محمد الي مصيف بلطيم يوم الاربعاء فطالب سأله لو سمحت يا استاذ هي الهمزة علي السطر
ولا علي ألف، سكت المدرس شوية وبعدين قاله خلاص يا ابني خليها الخميس
واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

5- واحد في الإمتحان مش عارف يحل والإمتحان كله صح و غلط ، راح مطلع بريزه ولعب ملك وكتابة على اإمتحان خلص الإمتحان في نص ساعة ،طلع البريزة تاني ليييييييييييييييييييييه؟؟؟؟؟؟؟؟؟ علشان يراجع هاهاهاهاها

واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهوة علمنى انت باه الندالة، راح جه مسكوا وقال
حرامىمدرس : بيسأل تلميذ " كان في جيبك خمسة جنيه ووقع منهم ثلاثة يبقي في جيبك ايه؟ " التلميذ : خرم يا أستاذ.

+نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الا ضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت العربية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

مرة واحد صعيدى من قنا بينطق الجيم دال فأعتبروه سبب نكسة 67 , لماذا ؟!
لانه كان كل لما يقابل واحد من الجيش المصرى كان بيقوله ( انت من دشنا ).
فيقوله الجندى لا يا بلدينا.
فيقوله ( يبقا انت من ديش العدو ) فيقتله.

واحد بلدياتنا واقف قدامه خمس شياطين ..... ليه؟؟؟
واحد يوسوسله و أربعه يفهموه.

مذيعة تليفزيون قابلت شاب فى الشارع سألته سؤال جاوب إجابة صحيحة
فطلبت منه يحب يشوف أيه، أجاب الشاب بسرعة: أمى الله يرحمها.
ردت المذيعة مستحيل و اترجته أنه يطلب طلب تاني،
فكر الشاب ثم قال: أحب أشوف الزمالك وهو بياخد الدورى ...
ردت المذيعة بسرعة لأ أجيبلك مامتك أسهل
مره طالبة مشاغبه المدرس اشتكاها للمدير
المدير بعتلها قال لها "عملتى ايه"؟
قالت له: "ولا حاجة رميت وردة من الشباك
قال لها: "بس كده"؟
قالتله "اه"
بعد شويه لقى طالبة مدغدغة ومكسرة
سألها: "ايه الى عمل فيكى كده؟" قالت له " أنا وردة الى اترميت من الشباك
مدرس انجليزى بيسأل تلميذ بيقول له: لو عايز تقول لواحد تعالى هنا تقوله ايه؟
قاله: اقوله come here
قاله : ولو عايز تقوله ارجع هناك تانى ؟
قاله : ألف من الناحية التانية وأقوله come here
ثلاثة أشخاص راحوا محطة القطار فلقوا القطر فاتهم فإتنين منهم فضلوا يجروا ورا القطر لغاية لمّا لحقوه و الثالث فضل يضحك , فلمّا الناس سألوه لماذا بيضحك فقال لهم : أصل أنا إللي كنت مسافر و الإتنين التانيين كانوا جايين يوصّلوني

ههههههههههه يا رب تكون عجبتكم المرة دى
ولا تنسو لى بالدعاء

حلوين اوي

تسلم ايديك